شي جينپيڭ بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن تەلەفوندا سويلەستى
2021.05.08 15:51 كەلۋ قاينارى : شينجياڭ گازەتى
شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 6 - كۇنى كەشتە بىرلەسكەن مەملەكەتتەر ۇيىمىنىڭ باس حاتشىسى گۋتەرەسپەن تەلەفوندا سويلەستى.
شي جينپيڭ بىلاي دەپ اتاپ كورسەتتى: وسى ءبىرقانشا جىلدا بىرلەسكەن مەملەكەتتەر ۇيىمى سيرەك كەزدەسەتىن كۇردەلى جاعدايدى باستان كەشىردى، الايدا كوپ جاقتىلىق تا وسى سەبەپتى ءتىپتى دە كوپ قولداۋعا يە بولدى. كوپ جاقتىلىق بىرلەسكەن مەملەكەتتەر ۇيىمىنان قول ۇزە المايدى، حالىقارالىق زاڭنان قول ۇزە المايدى، ءار ەلدىڭ سەلبەستىگىنەن دە قول ۇزە المايدى. دۇنيە ءجۇزى شىن مانىندەگى كوپ جاقتىلىقتى قاجەت ەتەدى. ءار ەل بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيپتەرى بويىنشا ءىس ىستەۋى كەرەك، سىڭار جاقتىلىق، زورەكەرلىك ىستەۋىنە بولمايدى، كوپ جاقتىلىق اتىن جامىلىپ، شاعىن شەڭبەر قۇرۋىنا، يدەولوگيالىق قارسىلاستىق جاساۋىنا بولمايدى. جۇڭگو جاق بىرلەسكەن مەملەكەتتەر ۇيىمىنىڭ جانە باس حاتشى گۋتەرەستىڭ قىزمەتىن ۇزدىكسىز قولداپ، شىن مانىندەگى كوپ جاقتىلىقتى قورعايدى.
شي جينپيڭ بىلاي دەپ باسا دارىپتەدى: كەزەكتە حالىقارالىق قوعامنىڭ ەڭ ماڭىزدى مىندەتى ءالى دە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ بولىپ وتىر. بۇكىل الەم سەلبەستىكتى كۇشەيتۋى، ساياسي ويىنمەن اينالىسپاۋى كەرەك. ءىرى ەلدەر ۇلگى كورسەتىپ، اناعۇرلىم كوپ الەۋمەتتىك ونىمدەرمەن قامداۋ كەرەك. جۇڭگو ىركەس - تىركەس 80 نەشە وركەندەپ كەلە جاتقان ەلگە ۆاكسينانى كومەككە بەردى، 50 نەشە ەلگە ۆاكسينا ەكسپورت ەتتى. جۇڭگو جاق بىرلەسكەن مەملەكەتتەر ۇيىمىنىڭ بەيبىتشىلىكتى قورعاۋ ارەكەتىن جانە حالىقارالىق وليمپيادا كوميتەتىن ۆاكسينامەن قامداۋدى ۇيعاردى ءارى ”جاڭا تيپتى ايدارشا ۆيرۋس وكپە قابىنۋ ۆاكسيناسىن اتقارۋ جوسپارىن“ ۇزدىكسىز بەلسەنە قولداپ، ”يممۋنيتەت جىلعاسىن“ الاستاۋ ءۇشىن ۇزدىكسىز قۇلشىنادى.
شي جينپيڭ بىلاي دەپ اتاپ كورسەتتى: الەمدىك كليمات وزگەرىسىنە توتەپ بەرۋ ءىرى ءىس. جۇڭگو 2030 - جىلدان بۇرىن كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋدى جۇزەگە اسىرۋعا، 2060 - جىلدان بۇرىن كومىر قىشقىل گازىن بەيتاراپتاندىرۋدى جۇزەگە اسىرۋعا كۇش سالاتىندىعىن جاريالادى، ۋاقىتى دامىعان ەلدەردىڭ جۇمساعان ۋاقىتىنان الدەقايدا قىسقا. بۇل جۇڭگو جاقتىڭ ىرىقسىزدىقتان ىستەگەندىگى ەمەس، قايتا ىرىقتىلىقپەن ىسكەرلىك كورسەتۋى، ايتقانىن ارەكەتىمەن ورىنداعاندىعى بولىپ تابىلادى. جۇڭگو ءىس جۇزىندىك مۇمكىندىكتەرگە ساي كليمات وزگەرىسىنە توتەپ بەرۋ ءۇشىن ەڭ زور قۇلشىنىس جاسايدى جانە ۇلەس قوسادى، پارىقتى تۇردە ورتاق جاۋاپكەرلىك ارقالاۋ پرينسيبىنە ساي ، حالىقارالىق سەلبەستىكتى ۇزدىكسىز بەلسەنە ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو تۇستىك ەلدەر سەلبەستىگىن ءوز مۇمكىندىگىنىڭ جەتىسىنشە ورىستەتىپ، وركەندەپ كەلە جاتقان ەلدەرگە كومەك كورسەتتى، بۇل جۇڭگونىڭ ەجەلدەن بەرگى دايەكتى ارەكەتى ءارى جۇڭگونىڭ ارقالاعان ءمورالدىق - ادىلدىك جاۋاپكەرشىلىگى. جۇڭگو العا قويعان كوپتەگەن دارىپتەمەلەر، اسىرەسە، ”ءبىر بەلدەۋ، ءبىر جولدى“ بىرگە قۇرۋ تۇگەلدەي وسىلاردى نەگىز ەتە ويلاستىرىلعان. جۇڭگولىقتار ايتقانىندا تۇرادى، ايتقانىن، ءسوز جوق، اتقارادى.
شي جينپيڭ بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، جۇڭگو كەدەيلىكتەن ارىلتۋدان قامال الۋدا جالپى بەتتىك جەڭىسكە قول جەتكىزدى، جاپپاي دوڭگەلەك داۋلەتتى قوعام ورناتۋدا كەلەلى ستراتەگيالىق جەتىستىككە قول جەتكىزىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستادى. بيىل جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەندىگىنىڭ 50 جىلدىعى، جۇڭگو الداعى جەردە سالتاناتتى ەسكە ءتۇسىرۋ قيمىلىن وتكىزەدى. جۇڭگو بىرلەسكەن مەملەكەتتەر ۇيىمىمەن سەلبەستىكتى كۇشەيتىپ، 2030 - جىلعا دەيىنگى باياندى دامۋ كەڭەستىك ءتارتىبىن ۇزدىكسىز ىلگەرىلەتۋدى، تياناقتاندىرۋدى قالايدى.
گۋتەرەس جۇڭگو كوممۋنيستىك پارتياسىنىڭ 100 جىلدىق مەرەيتويىن، جاڭا جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنى قالپىنا كەلگەندىگىنىڭ 50 جىلدىعىن قۇتتىقتادى. ول مىنالاردى ءبىلدىردى: بىرلەسكەن مەملەكەتتەر ۇيىمى جۇڭگونىڭ كەدەيلىكتەن ارىلتۋ جاعىندا قول جەتكىزگەن ۇلى تابىسىن ايرىقشا القايدى، جۇڭگونىڭ كوپ جاقتىلىقتى تاباندىلىقپەن قولداعاندىعىن، بىرلەسكەن مەملەكەتتەر ۇيىمىنىڭ قىزمەتىن تاباندىلىقپەن قولداعاندىعىن ايرىقشا القايدى، جۇڭگونىڭ الەمدىك كليمات وزگەرىسىنە توتەپ بەرۋدە جاريالاعان مەملەكەتتىڭ ءوز كۇشىنە سۇيەنىپ ۇلەس قوسۋ نىساناسى مەن كەلەلى شاراسىن القايدى، جۇڭگونىڭ حالىقارانىڭ ىندەتكە قارسى اتتانۋ سەلبەستىگى، اسىرەسە، جاڭا تيپتى ايدارشا ۆيرۋس وكپە قابىنۋ ۆاكسيناسىن وركەندەپ كەلە جاتقان ەلدەردە ءادىل بولىسكە سالۋدى جۇزەگە اسىرۋ جانە دۇنيە ءجۇزى ەكونوميكاسىنىڭ قالپىنا كەلۋىن، ارتۋىن ىلگەرىلەتۋ ءۇشىن قوسقان ماڭىزدى ۇلەسىنە العىس ايتادى. مەن ءار ەلدىڭ بىرلەسكەن مەملەكەتتەر ۇيىمى ۋستاۆى جانە حالىقارالىق زاڭ نەگىزىندە شىن مانىندەگى كوپ جاقتىلىقتى اتقارۋىن بۇكىلدەي قۇپتايمىن. جۇڭگو حالىقارالىق كوپ جاقتىلىق جۇيەسى جونىنەن اسا ماڭىزدى. بىرلەسكەن مەملەكەتتەر ۇيىمى دۇنيە ءجۇزىنىڭ بەيبىتشىلىگى مەن حاۋىپسىزدىگى، ورگانيزمدەردىڭ الۋان تۇرلىلىگىن قورعاۋ، كليمات وزگەرىسىنە توتەپ بەرۋ، وركەندەپ كەلە جاتقان ەلدەردىڭ باياندى دامۋدى جۇزەگە اسىرۋىنا كومەكتەسۋ سياقتى جاقتاردا جۇڭگومەن اناعۇرلىم تىعىز سەلبەستىك ورىستەتىپ، بىرلەسكەن مەملەكەتتەر ۇيىمىنىڭ جۇڭگومەن قارىم - قاتىناسىن جاڭا بەلەسكە كوتەرۋدى كۇتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
