” مىعىم تەحنيكا بولعاندا عانا، اۋىلداستاردىڭ ماسەلەسىن شەشە الاسىڭ“
− شينجياڭدى اشۋ، گۇلدەندىرۋ مەدالىنىڭ يەگەرى داي ايمەي تۋرالى
انار بۇلت / شينجياڭ گازەتىنىڭ ءتىلشىسى كاڭ حاۋيان
2021.05.08 16:01 كەلۋ قاينارى : شينجياڭ گازەتى
”1 - مامىر“ دەمالىسىندا بۇراتالا موڭعۇل اۆتونوميالى وبلىسى اۋىل شارۋاشىلىعى تەحنيكالارىن جالپىلاستىرۋ ورتالىعىنىڭ تەحنيگى داي ايمەي بۇراتالا قالاسى شويىڭپان قالاشىعى قارىگەنتوحا قىستاعىنىڭ ەگىنشىلەرىمەن بىرگە بوران جىرتىپ كەتكەن سۋلياۋ جارعاقتاردى شۇعىل جوندەۋمەن قاربالاس بولدى. شىلىڭگىر ىستىقتا ۇزىن جەڭدى جەيدە، ۇزىن بالاق شالبار كيگەن ونىڭ قالپاعىنىڭ استىنداعى وتتى قوس جانارى جايناپ تۇر.
قىزمەتكە قاتىناسقان 25 جىلدا تىشقان اپاتىمەن 20 جىلعا جۋىق ۋاقىت كۇرەسكەن داي ايمەي اۋىل شارۋاشىلىعى عىلىم - تەحنيكا قىزمەتكەرى رەتىندە نەگىزگى ساتىعا تامىر تارتۋدىڭ ەڭبەك جىرىن جازدى. ”سول جىلدارى ەرەكشە اۋىر تىشقان اپاتى تۋىلىپ، بۇقارانىڭ تۇرمىسىنا اۋىر كەدەرگى جاسادى“، - دەيدى 5 - ايدىڭ 3 - كۇنى داي ايمەي وتكەندى ەسكە الىپ، 2002 - جىلى اۋىل شارۋاشىلىعى جانە اۋىل - قىستاق مينيسترلىگى ءارقايسى ولكە - قالالاردان تىشقان اپاتىن باقىلاۋ جانە تەكسەرۋ پۋنكتىن قۇرۋدى ۇيعارادى، سول كەزدە اراسان اۋدانى اۋىل شارۋاشىلىعى تەحنيكالارىن جالپىلاستىرۋ پۋنكتىندە قىزمەت ىستەيتىن ول تىشقان اپاتىن باقىلاۋ جانە تەكسەرۋ كۋرسىنا قاتىسۋعا تاڭدالادى.
ناقتى پراكتيكا كەزەڭىندە قوڭىر تىشقاندى بورشالاۋ كەرەك بولعاندا، بۇكىل كلاستاعى 50 نەشە ادامنان ارەڭ ۇشەۋى عانا ورتاعا شىعادى، سونداعى ۇشەۋدىڭ ىشىندەگى جالعىز قىز داي ايمەي ەدى. ”بورشالاۋعا ءولى تىشقاندى پايدالاندىق، سول كەزدە نار تاۋەكەلمەن ارەڭ ىستەدىم، سوندا مەندە تەك مىندەتتى قالايدا ورىنداۋىم كەرەك دەيتىن جالعىز عانا وي بولدى، مىعىم تەحنيكا بولعاندا عانا اۋىلداستاردىڭ ماسەلەسىن شەشە الاسىڭ“، - دەيدى ول. اراسان اۋدانى شينجياڭداعى تىشقان اپاتىن باقىلاۋ جانە تەكسەرۋ تۇيىندەرىنىڭ ءبىرى بولىپ، سونىمەن داي ايمەيدىڭ ”تىشقاندى سەرىك ەتكەن“ ءومىرى باستالدى.
تىشقان ءۇيىرىنىڭ تىعىزدىعى، كوبەيۋىنىڭ قاۋىرت مەزگىلى سياقتى ينفورماتسيالاردى يەلەۋ ءۇشىن، 20 نەشە جاستاعى داي ايمەي ءار ايدىڭ كەمىندە جارتىسىنا جۋىق ۋاقىتىن تىشقان ۇستاۋعا جۇمسادى. كەشقۇرىم ول 200 تىشقان قاقپانىن اتىزعا ارقالاپ اپارىپ قۇرىپ، ەكىنشى كۇنى تاڭەرتەڭ قايتا بارىپ جيناپ الىپ، قاقپانعا تۇسكەن تىشقانداردىڭ سانى مەن تارالۋ اۋماعىن تەكسەردى ءارى تىشقانداردى الىپ قايتىپ بورشالاپ، ساندى مالىمەتتەردى جوعارىعا جولدادى. الىستاۋ جەرلەردەگى باقىلاۋ اۋماقتارىنا الەۋمەتتىك اۆتوبۋس بارمايتىندىقتان، داي ايمەي تىشقان قاقپاندارىن ءوزى ارقالاپ 10 نەشە كيلومەتر جولدى ۇنەمى جاياۋ باساتىن. باقىلاۋ جانە تەكسەرۋ مىندەتىن اناعۇرلىم ويداعىداي ورىنداۋ ءۇشىن، ول ءوزىنىڭ ءۇيىنىڭ جەر تولەسىنەن تىشقان اپاتىن زەرتتەۋ تاجىريبەحاناسىن قۇرىپ، تىشقان باعىپ، ۇيىندەگى مۇزداتقىش ساندىقتى تىشقان ساقتاۋعا پايدالانىپ، جىلىنا 600دەن استام تىشقان بورشالادى.
داي ايمەي حالىقارادا جالپىلاستىرىلۋ تاجىريبەسىنە يە TBS (شارباق تۇزاق ءادىسى) تىشقان ۇستاۋ جۇيەسىن ەنگىزۋدى سىناق ەتىپ، ونى شينجياڭنىڭ قورشاعان ورتا ەرەكشەلىگىنە قاراي وزگەرتىپ، تىشقان قاقپان مەن شارباقتى بىرلەستىرۋ ءتاسىلى ارقىلى ەگىنجايلارداعى تىشقان اپاتىن تىزگىندەدى. نىساننىڭ زەرتتەۋ ناتيجەسى شينجياڭ وڭىرىندەگى اۋىل شارۋاشىلىعى اۋماقتارىنىڭ تىشقان اپاتىن باقىلاۋ - ولشەۋ جانە الدىن الۋ، تىزگىندەۋ تەحنيكاسىن زەرتتەۋ سالاسىنداعى اق تاڭداقتى تولتىرىپ، بۇكىل شينجياڭنىڭ جەر - جەرىندە جالپىلاستىرىلدى. 2008 - جىلى داي ايمەي جەتەكشى بولعان TBS سىناعىنىڭ زەرتتەۋ ناتيجەسى بۇكىل مەملەكەتتىك تىشقان اپاتى جينالىسىندا تيپتىك تاجىريبە رەتىندە تانىستىرىلىپ، بۇكىل ەل كولەمىندە جالپىلاستىرىلا باستادى.
وسى جىلداردا داي ايمەي زەيىن - قۋاتىن بيولوگيالىق جولمەن تىشقان جويۋ، ەكولوگياعا، قورشاعان ورتانى قورعاۋعا ءتيىمدى تىشقان ءدارىسىن ەنگىزۋ، ەگىستىك جەرلەردى جىرتۋ ەرەكشەلىگىمەن بايلانىستىرىپ ”كۇزدە جىرتىپ، قىستا سۋارىپ“ تىشقان ءۇيىرىنىڭ قىستان ءوتۋ اپاندارىن بۇزۋ سياقتى تىشقان اپاتىنان جاسىل جولمەن ساقتانۋ - تىزگىندەۋ تەحنيكاسىنا كوبىرەك ارنادى...
ارالىقتا داي ايمەي 10 نەشە تاقىرىپ پەن نىسانعا جەتەكشى بولىپ، قاتىناسىپ، «شينجياڭ ۇيعۇر اۆتونوميالى رايونىنىڭ اۋىل شارۋاشىلىعى وڭىرلەرىندەگى تىشقان اپاتىن باقىلاۋ - ولشەۋ تەحنيكالىق قاعيداسىن»، «شينجياڭ ۇيعۇر اۆتونوميالى رايونىنىڭ اۋىل شارۋاشىلىعى وڭىرلەرىندەگى تىشقان اپاتىنان جاسىل جولمەن ساقتانۋ - تىزگىندەۋ تەحنيكالىق قاعيداسىن» جاساپ، «اۋىل شارۋاشىلىعى وڭىرلەرىندە تىشقان اپاتىنان جاسىل جولمەن ساقتانۋ - تىزگىندەۋ تەحنيكالىق قولدانباسىن» جازىپ شىقتى. نىساندى اتقارۋ ارقىلى 4 ميلليون 302 مىڭ مۋ كولەمدەگى ەگىنجايلاردا تىشقان اپاتىنان ساقتانۋ جانە ونى جونگە سالۋ جۇمىسىن تىكەلەي ورىنداپ، 58 ميلليون 200 مىڭ مۋ كولەمدەگى ەگىنجايلاردا تىشقان اپاتىنان ساقتانۋ جانە ونى جونگە سالۋ جۇمىسىن ورىنداۋعا جانامالاي جەتەكشىلىك ىستەپ، بۇكىل شينجياڭ ءۇشىن ءبىر ميلليارد 150 ميلليون كيلوگرام استىقتى شىعىننان الىپ قالىپ، 2 ميلليارد 520 ميلليون يۋان ەكونوميكالىق زياننان ساقتاپ، تاماشا ەكونوميكالىق، قوعامدىق جانە ەكولوگيالىق ونىمدىلىككە قول جەتكىزدى.
2010 - جىلى بۇراتالا وبلىسى اۋىل شارۋاشىلىعى تەحنيكالارىن جالپىلاستىرۋ ورتالىعىنا قىزمەتكە اۋىسقان سوڭ، داي ايمەي بۇرىنعىدان ارى قاربالاستىققا ءتۇستى، تىشقان اپاتىن باقىلاۋ - ولشەۋدەن سىرت، جاڭا بىلىمدەردى، جاڭا تەحنيكالاردى ۇزدىكسىز ۇيرەندى، شارۋالاردا تەحنيكالىق جەتەكشىلىك سۇرانىس بولا قالسا، ول قالايدا اتىز باسىنان تابىلا ءبىلدى.
2019 - جىلى داي ايمەي شينجياڭنىڭ ”ەڭ ارداقتى عىلىم - تەحنيكا قىزمەتكەرى“ داڭق اتاعىنا يە بولدى. بۇل جولى 2021 - جىلعى شينجياڭدى اشۋ، گۇلدەندىرۋ مەدالىنىڭ يەگەرى بولۋ ونى ايرىقشا شابىتتاندىردى. ”بۇدان كەيىن مەن ءتىپتى دە قۇلشىنا قىزمەت ىستەيمىن!“، - دەدى ول.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
