لي جانشۋ حالىق قۇرىلتايى تۇراقتى كوميتەتى 29 - رەتكى ءماجىلىسىنىڭ جابىلۋ سالتىن باسقارىپ، ءسوز سويلەگەندە مىنانى باسا دارىپتەدى
جالپى جاعدايدى مىقتاپ ارقاۋ ەتىپ، حالىق قۇرىلتايىنىڭ زاڭ شىعارۋدى باقىلاۋ قىزمەتىن كۇشەيتىپ، مەملەكەت پەن حالىقتىڭ مۇددەسىن قورعاۋ ءۇشىن زاڭمەن جونگە سالۋ تىرەگىن ازىرلەۋ كەرەك
2021.06.11 16:39 كەلۋ قاينارى : حالىق تورابى
«حالىق گازەتى»، 6 - ايدىڭ 10 - كۇنى، بەيجيڭ (ءتىلشى ۋاڭ بيشۋە). مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 6 - ايدىڭ 10 - كۇنى تۇستەن كەيىن 13 – كەزەكتى مەملەكەتتىك حالىق قۇرىلتايى تۇراقتى كوميتەتى 29 – رەتكى ءماجىلىسىنىڭ جابىلۋ سالتىن باسقاردى. ءماجىلىس داۋىسقا سالۋعا قاتىستى ىستەردى ورىنداعاننان كەيىن لي جانشۋ ءسوز سويلەدى.
لي جانشۋ بىلاي دەدى: وسى رەتكى تۇراقتى كوميتەت ماجىلىسىندە 21 ءتۇرلى كۇن ءتارتىبى ورنالاستىرىلدى، 12 زاڭ جانە قاۋلى جوباسى قارالدى، مۇنىڭ سەگىزى ماقۇلداندى، مەملەكەتتىك كەڭەستىڭ 5 بايانداماسى مەن ءبىر زاڭنىڭ اتقارىلۋىن تەكسەرۋ بايانداماسى تىڭدالدى جانە قارالدى، 2020 - جىلعى ورتالىقتىڭ سوڭعى ەسەبى تەكسەرىپ بەكىتىلدى، ءبىر قارار شىعارىلدى، ۋاكىلدەردىڭ تولىمدىلىعىن تەكسەرۋ بايانداماسى مەن كادرلاردى مىندەتكە تاعايىنداۋ، مىندەتىنەن قالدىرۋ جوباسى ماقۇلداندى، ءتۇرلى مىندەتتەر تابىسپەن ورىندالدى.
لي جانشۋ بىلاي دەپ اتاپ كورسەتتى: ءماجىلىس شەتەلدىڭ جازالاۋىنا قارسى تۇرۋ زاڭىن، حاينان ەركىن ساۋدا پورتى زاڭىن، ساندى مالىمەت حاۋىپسىزدىگى زاڭىن، اسكەريلەردىڭ ورنى جانە ۇقىق - مۇددەسىن قامتاماسىزداندىرۋ زاڭىن، ماركا سالىعى زاڭىن قاراپ ماقۇلداپ، ءوندىرىس حاۋىپسىزدىگى زاڭىنا، اسكەري قۇرىلعىلاردى قورعاۋ زاڭىنا وزگەرىس ەنگىزدى، شاڭحاي قالالىق حالىق قۇرىلتايى مەن ونىڭ تۇراقتى كوميتەتىنە پۋدۇڭ جاڭا رايونىنىڭ زاڭ ەرەجەلەرىن جاساۋعا ۇقىق بەرۋ جونىندە قاۋلى شىعاردى. قاتىستى جاقتار ۇگىتتەۋ، ءتۇسىندىرۋ سياقتى قىزمەتتەردى مۇقيات جاقسى ىستەپ، سايكەستى بەلگىلەمەلەردى جەدەل جاساپ جانە كەمەلدەندىرىپ، وسى 8 زاڭ مەن قاۋلىنىڭ ءونىمدى اتقارىلۋىنا كەپىلدىك ەتۋى كەرەك.
لي جانشۋ بىلاي دەپ اتاپ كورسەتتى: قازىنا مەجە ەسەبىنىڭ اتقارىلۋ جاعدايى مەن قازىنالىق باقىلاۋ جاعدايىن باقىلاۋدى كۇشەيتۋ − مەملەكەتتىك حالىق قۇرىلتايى تۇراقتى كوميتەتىنىڭ زاڭدا بەلگىلەنگەن مىندەتى. ساياسيدى دارىپتەۋ سىندى وسى تالاپتى باستان اياق ساباقتاستىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ، حالىق قۇرىلتايىنىڭ مەجە ەسەپتى تەكسەرۋ، باقىلاۋ ءتۇيىنىن كەڭەيتۋ رەفورماسىن ىشكەرىلەي ىلگەرىلەتىپ، ەكونوميكالىق، قوعامدىق دامۋداعى كەلەلى ستراتەگيالارعا، كەلەلى شارالارعا، كەلەلى نىساندارعا قازىنالىق شىعىس پەن قازىنالىق باقىلاۋ تەبىنىن ارتتىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن قازىنا قىزمەتى مەن قازىنالىق باقىلاۋدىڭ تۇتاس بارىسىنا ءسىڭىرىپ، ناقتى شارالارعا اينالدىرۋ كەرەك. پارتيا، ۇكىمەت ورگاندارىنىڭ ۇنەمشىل بولۋ يدەياسىن بوساڭسىتپاۋدا تاباندى بولىپ، «مەملەكەتتىڭ ءىرى ىستەرى» جونىندە كوڭىلدە سان بولۋ، قازىنا - ەكونوميكا ءتارتىبىن قاتايتۋ، قازىنالىق باقىلاۋدى، رەتتەۋ تۇزەتۋدى ويداعىداي يگەرۋ، قايتا قايتا تەكسەرىپ، قايتا قايتا قىلمىس وتكىزۋ ماسەلەسىن شىن مانىندە شەشۋ جانە تيۋ كەرەك.
لي جانشۋ مىنالاردى اتاپ كورسەتتى: مەملەكەتتىك حالىق قۇرىلتايى تۇراقتى كوميتەتى باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، حاينان ەركىن ساۋدا پورتى زاڭىن جاساپ، حايناننىڭ ەركىن ساۋدا پورتى قۇرىلىسىن دامىتۋدى مەملەكەتتىڭ زاڭ شىعارۋ تۇرعىسىنان ماڭىزدى زاڭدىق كەپىلمەن قامدادى. قاتىستى جاقتار بۇل زاڭدى جاپپاي ويداعىداي اتقارىپ، ەركىن ساۋدا پورتى ساياساتى مەن ءتۇزىم جۇيەسىن قادامعا، كەزەڭگە ءبولىپ ورناتىپ، جوعارى دەڭگەيدەگى جۇڭگوشا حاينان ەركىن ساۋدا پورتىن قۇلشىنا قۇرىپ، رەفورما جاساپ، ەسىك اشۋدىڭ اناعۇرلىم جوعارى دەڭگەيدەگى جاڭا جاعدايىنىڭ قالىپتاسۋىن ىلگەرىلەتۋى كەرەك.
لي جانشۋ مىنالاردى دارىپتەدى: شەتەلدىڭ جازالاۋىنا قارسى تۇرۋ زاڭىنىڭ جاسالۋى، جاريالانۋى − مەملەكەتتىك حالىق قۇرىلتايى تۇراقتى كوميتەتىنىڭ شي جينپيڭ زاڭمەن جونگە سالۋ يدەياسى مەن شي جينپيڭ ديپلوماتيا يدەياسىن دايەكتىلەندىرۋدەگى، شەتەلگە ساياتىن زاڭ شىعارۋدى جەدەلدەتۋدەگى ماڭىزدى شاراسى. جۇڭگو دەربەس، ءوز - وزىنە قوجا بولۋ سىندى بەيبىت ديپلوماتيالىق ساياساتتا باستان - اياق تاباندى بولىپ، ءار ەلمەن ءوزارا پايدا جەتكىزىپ، تەڭ يگىلىككە كەنەلۋگە، بىرگە دامۋعا كۇش سالادى، ءبىراق ءبىز ءوزىمىزدىڭ ورىندى ۇقىق - مۇددەمىزدى استە قايىرىپ قويمايمىز، ءارقانداي ادام جۇڭگونىڭ مۇددەسىن زيانداپ، ءوزى پايداعا كەنەلۋ قيالىنا سالىنباۋى كەرەك. ءتۇرلى جازالاۋ مەن كيلىگۋگە جۇڭگو ۇكىمەتى مەن حالقى باتىل قارسى تۇرادى. مەملەكەتتىك حالىق قۇرىلتايى تۇراقتى كوميتەتى حالىقارالىق داعدى بويىنشا، شەتەلدىڭ قاتىستى ادىستەرىنەن ۇلگى الىپ، شەتەلدىڭ جازالاۋىنا قارسى تۇرۋ زاڭىن قاراپ ماقۇلداپ، زورەكەرلىككە جانە وكتەم ساياسيعا قايتارما سوققى بەرۋگە، مەملەكەت پەن حالىقتىڭ مۇددەسىن قورعاۋعا زاڭمەن جونگە سالۋ تىرەگىن ازىرلەدى. زاڭدىق بەلگىلەمەلەردى جان جاقتى، دۇرىس ءتۇسىنىپ، جازالاۋعا قارسى تۇرۋ كۇرەسىن دەر كەزىندە زاڭ ارقىلى پارمەندى جۇرگىزۋ كەرەك. شەتەلگە ساياتىن زاڭ شىعارۋدى جەدەل ىلگەرىلەتىپ، سىن سايىسقا توتەپ بەرەتىن، حاۋىپ قاتەردەن ساقتاناتىن زاڭ «قۇرال سايمان ساندىعىن» تولىقتاپ، زاڭ قارۋىنان اناعۇرلىم ويداعىداي پايدالانىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، ەلىمىز ازاماتتارىنىڭ، ۇيىمدارىنىڭ زاڭدى ۇقىق مۇددەسىن قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
