قۇرىلىستىق قالا رايونىنداعى جان سانىنىڭ تىعىزدىعىن ءار شارشى كيلومەترىنە 6 مىڭنان 10 مىڭ ادام ارالىعىندا تەجەۋ كەرەك
اۋدان قالاشىقتارىندا جاڭادان سالىناتىن تۇرعىن ۇيلەر 6 قاباتتىق ۇيلەردى نەگىز ەتەدى
2021.06.18 14:13 كەلۋ قاينارى : حالىق تورابى
حالىق گازەتىنىڭ ءتىلشىسى ديڭ يتيڭ 6 – ايدىڭ 17 – كۇنى بەيجيڭنەن حابارلايدى. تۇرعىن ءۇي جانە قالا – اۋىل قۇرىلىسى مينيسترلىگى قاتارلى 15 تاراۋ جۋىردا «اۋدان قالاشىعىندا جاسىل، تومەن كومىرتەكتى قۇرىلىس جۇرگىزۋدى كۇشەيتۋ جونىندەگى پىكىردى» باسىپ تاراتىپ، اۋدان قالاشىعىنداعى قۇرىلىستاردىڭ جيىلىگى مەن كۇشەمەلىلىگىن تەجەۋدى ورتاعا قويدى. اۋدان قالاشىعىنداعى قۇرىلىستاردىڭ جيىلىگى ۇيلەسىمدى بولۋى، اركەلكى ءارى رەتتى بولۋى، ۇيلەسىمدى ورنالاستىرىلۋى كەرەك، ءبىر جاعىنان، كوزسىزدىكپەن جوعارى جيىلىكتە، جوعارى كۇشەمەلىكتە كوركەيتۋدەن ساقتانۋ، ەندى ءبىر جاعىنان، رەتسىز جايىلىپ كەتۋدەن ساقتانۋ كەرەك. اۋدان قالاشىعىنداعى قۇرىلىستىق رايونداعى جان سانىنىڭ جيىلىگىن ءار شارشى كيلومەترىنە 6 مىڭ ادامنان 10 مىڭ ادامعا دەيىنگى ارالىقتا تەجەۋ كەرەك.
«پىكىردە» تاعى مىنالار ورتاعا قويىلعان: اۋدان قالاشىعىنداعى حالىقتىق قۇرىلىستاردىڭ بيىكتىگى ءورت ءوشىرۋ – قۇتقارۋ قۋاتىمەن سايكەس كەلۋى قاجەت. اۋدان قالاشىعىندا جاڭادان سالىناتىن تۇرعىن ۇيلەردىڭ بيىكتىگى 6 قاباتتى نەگىز ەتۋى، 6 قاباتتى جانە ودان تومەن قاباتتى تۇرعىن ۇيلەردىڭ قۇرىلىس كولەمىنىڭ ۇستايتىن سالىستىرماسى %70 تەن تومەن بولماۋى كەرەك. جاڭادان سالىناتىن كوپ قاباتتى تۇرعىن ۇيلەرگە ليفت ورناتۋعا دەم بەرىلەدى. اۋدان قالاشىعىندا جاڭادان سالىناتىن تۇرعىن ۇيلەردىڭ ەڭ بيىگى 18 قاباتتان اسىپ كەتپەۋى كەرەك. 18 قاباتتان اساتىن تۇرعىن ءۇي قۇرىلىسىن سالۋ شىنىمەن قاجەتتى بولسا، قاتاڭ ءارى تولىق ساراپتاما جاساۋ، ءورت وشىرۋگە قاتىستى شۇعىل جاعدايلارعا توتەپ بەرۋگە كەپىلدىك ەتۋ، قالا ىستەرىنە قاتىستى سايكەستى قۇرىلعىلار ويداعىداي سالىنۋى كەرەك.
«ەلىمىزدە كوپتەگەن اۋدانداردا ءورت ءوشىرۋ ماشينالارىنىڭ ساتىلارىنىڭ بيىكتىگى 50 مەتر اينالاسىندا (شامامەن 17 قاباتتىق ءۇيدىڭ بيىكتىگىندەي)، ونىڭ ۇستىنە، جەر بەدەرى، ماڭىنداعى قۇرىلعىلار قاتارلىلاردىڭ سەبەبىنەن ءىس جۇزىندە قولدانۋعا بولاتىن بيىكتىگى بۇدان تومەن بولادى، اۋدان قالاشىعىنداعى تۇرعىن ۇيلەردىڭ بيىكتىگىنە شەكتەمە قويۋ — ءورت ءوشىرۋ حاۋىپسىزدىگىنە كەپىلدىك ەتۋدەگى ماڭىزدى شارا»، — دەيدى جۇڭگو قۇرىلىستىق جوبالاۋدى زەرتتەۋ مەكەمەسىنىڭ كەڭەسشى باس قۇرىلىسشىسى ليۋ يانحۇي. مۇنان سىرت، قابات سانى از تۇرعىن ۇيلەرمەن سالىستىرعاندا، قابات سانى كوپ تۇرعىن ۇيلەردىڭ ەكىنشى رەت سۋمەن قامداۋ، ليفت قاتارلى قۇرىلعىلارىن جوندەۋ جاعىنداعى تەحنيكالىق تالاپتارى اناعۇرلىم جوعارى بولادى ءارى سايكەستى وزىندىك قۇنى ارتا تۇسەدى.
الەۋمەتتىك ورتانىڭ ادامدارعا جايلى بولۋىن ويلاستىرۋ جاعىندا، «پىكىردە» مىنالار اتاپ كورسەتىلگەن: اۋدان قالاشىعىنداعى الاڭداردىڭ كولەمىن قاتاڭ تەجەۋ، اكىمشىلىك ورتالىق، ساۋدالىق ورتالىق، مادەنيەت قۇرىلعىلارى، تۇرعىندار رايونى قاتارلى قۇرىلىستاردىڭ تۇرعىنداردىڭ جاقىننان پايدالانۋىنا قولايلى ورتاعا اينالۋىنا دەم بەرۋ؛ «تار جول، ءجيى تور، شاعىن كوشە» فورماسىن جالپىلاستىرىپ، اۋدان قالاشىعىنىڭ جايلى كەڭىستىك ولشەمىن قالىپتاستىرۋ؛ اۋدان قالاشىعىنداعى جولداردىڭ كەڭدىگىنە شەكتەمە قويۋ، اۋدان قالاشىعىنداعى جولداردىڭ قىزىل سىزىعىنىڭ كەڭدىگى 40 مەتردەن اسىپ كەتپەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
