جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋعا ارنالعان «ۇلى جورىق» اتىنداعى ادەبيەت - كوركەمونەر كونسەرتى بەيجيڭدە سالتاناتپەن وتكىزىلدى
شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كونسەرتتى تاماشالادى
2021.06.29 16:40 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 28 – كۇنى، بەيجيڭ. قاجىرلىلىقپەن شارۋاشىلىق قۇرىپ، ۇلى ءىس تىندىرىپ، اۋەلگى ماقساتتى ۇمىتپاي، تاعى دا ساپارعا اتتاندى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋعا ارنالعان «ۇلى جورىق» اتىنداعى ادەبيەت - كوركەمونەر كونسەرتى 6 - ايدىڭ 28 - كۇنى كەشتە مەملەكەتتىك دەنەتاربيە الاڭىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلى پارتيا مەن مەملەكەت باسشىلارى 20 مىڭعا جۋىق كورەرمەنمەن بىرگە كونسەرتتى كورىپ، جۇڭگو كوممۋنيستىك پارتياسى قۇرىلعان 100 جىلدان بەرگى قۇلاشىن كەڭ جايعان شۇعىلالى بارىستى بىرگە ەسكە الىپ، ۇلى پارتيانىڭ جۇڭگو حالقىن باستاپ جاڭا ساپارعا قادام تاستاۋىن، جاڭا داۋىردە ەكپىندەي ىلگەرىلەۋىن بىرگە تىلەدى.
كەشكى شاپاقتىڭ ارايىنا شومعان وليمپيادا ورتالىق رايونى ەرەكشە قۇلپىرىپ، كوزدىڭ جاۋىن الادى، شات - شادىمان جۇڭگوشا شىراقتار، كوز تارتقان قۇتتىقتاۋ قيمىلىنىڭ بەلگىسى، الۋان ءتۇستى ايداعار ۇلگىسىندەگى گۇل باعاناسى جۇڭگو كوممۋنيستىك پارتياسىنىڭ عاسىرلىق مەرەي تويىنا دەگەن قۋانىشتى تىلەكتى بەينەلەدى. التىن ساۋلە شاشىلعان «قۇس ۇياسى» مەملەكەتتىك دەنەتاربيە الاڭى قانىق كوك ءتۇستى «سۋ تەكشەسى» مەملەكەتتىك مالتاۋ ورتالىعىمەن الىستان ۇندەسىپ تۇر.
مەملەكەتتىك دەنەتاربيە الاڭىندا شىراقتار سامالاداي جارقىراپ تۇر. ورتالىق ساحنانىڭ الىپ ەكرانىندا التىن ءتۇستى پارتيا گەربى قىزىل ءتۇستى پەردەنىڭ استارىندا جارقىراپ تۇر، ەكى جاعىندا جەكە - جەكە «1921» جانە «2021» دەگەن التىن جازۋ جازىلعان. ساحنانىڭ ەڭ بيىك جەرىندە 100 قۇرمەت قاراۋىلى قاسقايىپ تۇر، ەكى جاعىندا اينالمالى كورىنىستە جاۋىنگەرلەردىڭ توپتىق ءمۇسىنى ەڭسە كوتەرىپ تۇر. جالىندى جاستار قىزىل گۇلدى قولدارىنا ۇستاپ، ساحنانىڭ ورتاسىنا جينالدى.
ساعات 19 دان 57 مينۋت وتكەندە ويناقى مۋزىكا ءۇنى ىشىندە شي جينپيڭ قاتارلى باسشى جولداستار ءتوراعالار مىنبەسىنە شىعىپ، كوپشىلىككە قول بۇلعاپ قۇرمەت ءبىلدىردى، بۇكىل زالدان دۋ قول شاپالاق ءۇنى مەن شاتتىق ءۇنى كوتەرىلدى.
تەرەڭ سۇيىسپەنشىلىككە تولى ءان اۋەنى كوتەرىلىپ، كوزدىڭ جاۋىن الاتىن جالىننان «100» دەگەن ەستەلىك جىل سانى كوتەرىلىپ، مەملەكەتتىك دەنەتاربيە الاڭىنىڭ اسپانىندا بوي كورسەتتى. ساحنادا ۇساق جۇلدىزشا الاۋلاردان پارتيا گەربى ورنەكتەلىپ، كونسەرت شىمىلدىعى اشىلدى.
كونسەرت كولەمدى تاريحي داستان فورماسىندا جۇلگەلەنىپ، جالپى 4 بولەككە ءبولىنىپ، ءار الۋان اسەمونەر تاسىلدەرىنەن جان – جاقتى پايدالانىپ، جۇڭگو كوممۋنيستىك پارتياسىنىڭ 100 جىلدان بەرى جۇڭگو حالقىن باستاپ توڭكەرىس، قۇرىلىس، رەفورما جۇرگىزگەن ايبىندى كارتيناسىن جاندى بەينەلەپ، پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليزمنىڭ جاڭا داۋىرگە ءوتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا ارشىندى قادام تاستالعانىن ىستىق ىقىلاسپەن جىرلادى.
«بۇل پارتيا، ءسوز جوق، جۇڭگونى نۇرلى بولاشاققا باستاپ، جۇڭگولىقتاردى جاقسى تۇرمىسقا كەنەلتەدى ...» تەاتر مەن ءبي كىرىستىرىلگەن «تاڭ قىلاڭ بەرۋ» دەگەن تۋىندىدا تاياۋ زاماننان كەيىن جۇڭحۋا ۇلتىنىڭ تار جول، تايعاق كەشۋلەردى باستان وتكەرىپ، سانسىز ارداگەرلەردىڭ الدىڭعىلاردىڭ ءىزىن سوڭعىلارى باسىپ، وتاندى، حالىقتى قۇتقارۋ اقيقاتىن ىزدەپ، 1921 - جىلى جۇڭگو كوممۋنيستىك پارتياسى دۇنيەگە كەلگەنگەننەن كەيىن عانا جۇڭگو توڭكەرىسىنىڭ بەت - بەينەسى شىت جاڭا تۇسكە ەنگەنىن قايتالاي بەينەلەدى. «الاۋ تۇتاندىرىپ العا باسۋ» دەپ اتالاتىن ءبىرىنشى بولىمدە «كوتەرىلىس، كوتەرىلىس» اتتى كورىنىس ءبيى، «جەر» اتتى ءبي، «ۇزاق جورىق» اتتى تەاتر جانە ءبي، «گۇرىلدەپ جوڭكىلە بەر، حۋاڭحى وزەنى» اتتى كورىنىس حورى، «العا، العا، العا» اتتى حور جانە ءبي قاتارلى نومىرلەر ارقىلى ۇلى توڭكەرىستىڭ الاۋى تۇتانىپ، قاتەرلى ۇزاق جورىق جولىندا، جاپون شاپقىنشىلارىنا قارسى سوعىستىڭ، ازاتتىق سوعىسىنىڭ مايدانىندا جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ، قان كەشىپ شايقاس جاساپ، قۇرىشتاي شىڭدالعان ۇلى بارىسى جاندى بەينەلەندى.
كونە دۇنيەنى تالقانداعان جۇڭگو كوممۋنيستەرى جاڭا دۇنيەنى قۇرا الا ما؟ «بوران - شاشىننان بوگەلمەۋ» اتتى ەكىنشى بولىمدە «مەملەكەت قۇرۋ سالتاناتى» اتتى ءبي باستاما ەتىلىپ، ايرىقشا دابىرالى سوتسياليستىك توڭكەرىس پەن قۇرىلىس جىلدارى ەسكە الىندى. قۇلاقتى تۇندىراتىن زەڭبىرەك ءۇنى ىشىندە «شايقاس تۋى كوركەم – اق» اتتى كورىنىستىك حور مەن بيدە امەريكا جيھانگەرلەرىنە قارسى تۇرىپ، چاۋشيانعا كومەك بەرۋدىڭ قيان - كەسكى شايقاس مايدانى ايگىلەنىپ، ەرىكتىلەر ارمياسى جاۋىنگەرلەرىنىڭ مەكەندى، وتاندى قورعاۋ ىستىق سۇيىسپەنشىلىگى جىرلاندى. ءان اۋەنى اسقاق كوتەرىلىپ، «اسەرلى جىلدار» دەپ اتالاتىن تەاتر جانە بيدە ۋاڭ جينشي، شى لايحى، لي فىڭ، چيان شۋەسىن، جياۋ يۇيلۋ قاتارلى ءبىر توپ ۇزدىك ۇلگىلەردىڭ كۇرەس جۇرگىزۋ وبرازى جاندى بەينەلەندى.
جۇڭگو حالقىن باستاپ ەڭسە كوتەرگەن جۇڭگو كوممۋنيستىك پارتياسى حالىقتى بايۋعا باستاي الا ما؟ پارتيا 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسى تابىسپەن اشىلىپ، رەفورما جاساۋعا، ەسىك اشۋعا تاريحي جاۋاپ قايتاردى. «ەرلىكپەن العا باسۋ» اتتى 3 – بولىمدە «كوكتەمگى تاسقىننىڭ تولقىنى» اتتى ءبي ارقىلى ءۇمىت اتىزىندا كوكتەم حيكاياسىنىڭ شەرتىلگەنى، «ەرەكشە رايوننىڭ ارمان سيمفونياسى» اتتى بيدە ەرەكشە رايوننىڭ ەسىك اشۋ ساياساتىن الدىمەن جۇرگىزىپ، الدىمەن سىناق جاساپ، ءداۋىر تىنىسىن اڭعارتقانى، «وتان قۇشىنا ورالۋ ءساتى» اتتى كورىنىس حورى مەن بيدە شياڭگاڭنىڭ، اۋمىننىڭ وتان قۇشاعىنا ورالۋىنىڭ سالتاناتپەن قۇتتىقتالعانى، «قارىشتاۋ» اتتى ولەڭ مەن حوردا باتىستىڭ گازىن شىعىسقا جەتكىزۋ، باتىستىڭ ەلەكترىن شىعىسقا جەتكىزۋ، وڭتۇستىكتىڭ سۋىن سولتۇستىككە جەتكىزۋ، سولتۇستىكتىڭ كومىرىن وڭتۇستىككە جەتكىزۋ سياقتى كەلەلى مەملەكەتتىك ينجەنەريالاردىڭ اتقارىلعانى جىرلاندى. «پارتيا تۋى مەنىڭ جۇرەگىمدە» اتتى كورىنىس بيىندە جۇڭگو كوممۋنيستىك پارتياسىنىڭ باسشىلىعىندا، بۇكىل ەل حالقىنىڭ ءبىر جاعادان باس، ءبىر جەڭنەن قول شىعارىپ، جۇدىرىقتاي جۇمىلىپ، سارس پەن جەر سىلكىنىسىنە قارسى اتتانىپ، اپاتتان قۇتقارۋدىڭ ۇلى جەڭىسىنە قول جەتكىزگەنى بەينەلەندى. «جورىق الاۋى» اتتى حور جانە بيدە بەيجيڭ وليمپيادا سپورت جارىسى، شاڭحاي دۇنيە جۇزىلىك كورمەسى، شىنجوۋ 7 - ءنومىرلى الەم كەمەسىنىڭ ۇشىرىلۋى سياقتى ادامدى تەبىرەنتەتىن تاريحي كورىنىستەر جۇرتشىلىقتىڭ ەسىنە قايتادان ءتۇسىرىلدى.
«كوركەم بولاشاققا بەت الۋ» اتتى 4 – بولىمدە جاڭا ءداۋىردىڭ ايبىندى كورىنىسى كورسەتىلىپ، پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، پارتيا مەن مەملەكەت ىستەرىندە تاريحي جەتىستىكتەرگە قول جەتكىزىپ، تاريحي وزگەرىستەردى جارىققا شىعارعانى ەسكە الىندى. «شىعىس كەرەمەتتەرى» اتتى تەاتر مەن ءان - بيدە ميننيڭ قالاشىعىنىڭ، شىبادۇڭ قىستاعىنىڭ كەدەيلىكتەن ارىلتۋدان قامال الۋ حيكاياسى باياندالىپ، جۇڭگو كوممۋنيستەرىنىڭ جۇڭحۋا ۇلتىن باستاپ، جاپپاي دوڭگەلەك داۋلەتتى قوعام قۇرۋدىڭ ۇلى جەڭىسىنە قول جەتكىزگەنى ايگىلەندى. «حالىقتى بارىنەن جوعارى قويۋ» اتتى كورىنىستى توعىسپالى ءان - بيدە جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن بۇكىل ەل بولىپ جۇمىلىپ، جوعارى مەن تومەن ءبىر نيەت، ءبىر تىلەكتە بولا وتىرىپ ىندەتپەن جالپى حالىقتىق شايقاس جۇرگىزۋ جاعدايى قايتادان كورسەتىلدى. «ارميانى قۇدىرەتتەندىرۋ جىرى» اتتى كورىنىستى ءان - بيدە ارميا كوپتەگەن اسكەر ءتۇرى ءبىر تۇلعالانعان ناقتى سوعىس جاتتىعۋى ارقىلى شي جينپيڭ ارميانى قۇدىرەتتەندىرۋ يدەياسىنىڭ جەتەكشىلىگىندە حالىق ارمياسىنىڭ ارشىندى قاداممەن العا باسقان اسقاق بەينەسى ايگىلەندى. «قۇدىرەتتى ەلدىڭ كۇش – قۋاتى» اتتى ولەڭ جانە حوردى ايتۋ ارقىلى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، كۇن سايىن كۇشەيگەن جۇڭگونىڭ كۇش - قۋاتى ايگىلەندى. «جاڭا ءورىس» اتتى بارابان ءان - بيىندە ديامەترى 10 مەتر كەلەتىن الىپ بارابان مەن 100 ۇلكەن بارابان كوكتى جاڭعىرتىپ، جۇزدەگەن قول سىرناي تارتىلىپ، ايبىندى دا شىت جاڭا تۇسكە ەنگەن كورىنىس ارقىلى جاڭا داۋىردەگى ۇلتتىڭ گۇلدەنۋىنىڭ ايبىندى كارتيناسى كورسەتىلىپ، بايۋدان قۇدىرەتتەنۋگە دەيىنگى تاريحي زور وزگەرىستەر بەينەلەنىپ، جۇڭحۋا ۇلاندارى وزىنە سەنىم ارتىپ العا باسۋعا ۇندەلدى. «تاعدىرلاستار» اتتى اسپاپتىق مۋزىكا، بالالار حورى جانە بيىندە «ادامزاتتىڭ تاعدىرلاس ورتاق تۇلعاسىن قۇرۋدىڭ» بۇكىل دۇنيە جۇزىندە ۇندەلۋى سىندى كوڭىل كۇيى مەن جۇرەك ءۇنى ايگىلەندى.
«جول باستاۋشى! ۇلى جۇڭگو كوممۋنيستىك پارتياسى!» «جول باستاۋشى» اتتى تاقىرىپتىق مۋزىكانىڭ ىرعاعىنا ىلەسە بيىكتىگى 16 مەترگە جەتەتىن التىن ءتۇستى پارتيا گەربى ايبىندى كوتەرىلىپ، شار تاراپقا ساۋلە شاشتى. ءان اۋەنى، شاپالاق ءۇنى ىشىندە 10 ۇلكەن قىزىل تۋ شىعارىلىپ، جەلمەن جەلبىرەدى. «مەيلى قانشالىق الىس بولسا دا، سەن ءبىزدىڭ جانىمىزداسىڭ، ماڭگىلىك سەنىمىڭ بار، اۋەلگى ماقساتىڭدى ۇمىتپادىڭ. حالىق − بيلىك، سەنىڭ بورىشتى وتەۋىڭدى، جاۋاپكەرلىك ارقالاۋىڭدى جازىپ قالدىرامىز... » شۇعىلالى جالىن تاعى ءبىر رەت تۇنگى اسپاندى جارقىراتىپ، كونسەرت دۋمانىن جوعارى ورلەۋگە كوتەردى.
ادەبيەت - كوركەمونەر كونسەرتى اياقتاعاندا تۇتاس الاڭداعىلار ورىندارىنان تۇرىپ، «كوممۋنيستىك پارتيا بولماسا، جاڭا جۇڭگو بولماق ەمەس» ءانىن بىرگە شىرقادى، دۋ قول شاپالاق ءۇنى ۇزاققا دەيىن تولاستامادى.
كونسەرتتى تاعى ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، ياڭ جيەچى، ياڭ شياۋدۋ، جاڭ يوۋشيا، چىن شي، حۋ چۇنحۋا، گو شىڭكۇن، حۋاڭ كۇنميڭ، ساي چي، لي رۇيحۋان، جيا چيڭلين، جاڭ دىجياڭ، يۇي جىڭشىڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ جانە ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ۋ ي، ساۋ گاڭچۋان، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، حى يۇڭ، دۋ چيڭلين، جاۋ حۇڭجۋ، گۋ شيۋليان، رىدي، ۇينچومىك، چىن جىلي، جوۋ تيەنۇڭ، ۋاڭ شىڭجۇن، چىن چاڭجى، جاڭ پيڭ، شاڭباپيڭسو، چاڭ ۋانچۋان، جيا چۇنۋاڭ، ۋاڭ جۇڭيۇي، جاڭ حۋايشي، لي مىڭ، باي ليچىن، چىن كۇييۋان، ابىلەت ابدىرەشيت، لي جاۋچاۋ، حۋاڭ مىڭفۋ، جاڭ مەييىڭ، جاڭ رۇڭميڭ، چيان يۇنلۋ، سۇن جياجىڭ، لي جينحۋا، جىڭ ۋانتۇڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، جوۋ شياۋچۋان، ۋاڭ جيارۇي، چي شۇيچۇن، ليۋ شياۋفىڭ، ۋاڭ چينمين، سونداي - اق لي زوچىڭ،مياۋ حۋا، جاڭ شىڭمين جانە چىن بيڭدى، لي جيناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە ـ ى، اۋمىن ەرەكشە اكىمشىلىك رايونىنىڭ اكىمى حى ي – چىڭ تاماشالادى.
بەيجيڭدەگى ورتالىقتىڭ پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جاۋاپتى جولداستار، ساقا جولداستاردىڭ ۋاكىلدەرى، بەيجيڭدەگى فينانس قۇرىلىمدارى، كاسىپورىندار، جوعارى مەكتەپتەر، عىلمي زەرتتەۋ قۇرىلىمدارى سياقتى ورىندارداعى نەگىزگى جاۋاپتى جولداستار، بەيجيڭدەگى ورتالىق كوميتەتتىڭ مۇشەلەرى، كانديدات مۇشەلەرى، پارتيا 19 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى مۇھاجىر باۋىرلاستاردىڭ ۋاكىلدەرى، دەموكراتيالىق پارتيا - توپتاردىڭ ورتالىق كوميتەتتەرىنىڭ بەيجيڭدەگى مۇشەلەرى، مەملەكەتتىك ونەركاسىپشىلەر - ساۋدا بىرلەستىگىنىڭ بەيجيڭدەگى اتقارۋ كوميتەتى مەن پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنداعى قاتىستى جاۋاپتى جولداستار، مەملەكەت وردەنىنىڭ جانە مەملەكەت داڭق اتاعىنىڭ يەگەرلەرى، «ەكى بومبى، ءبىر جاساندى سەرىك ەڭبەك وردەنىنىڭ»، «كەدەيلىكتەن ارىلتۋدان قامال الۋدىڭ مەملەكەتتىك ۇلگىسى» داڭقتى اتاعىنىڭ، «مەملەكەتتىك ەڭ جوعارى عىلىم - تەحنيكا سيلىعىنىڭ»، «عارىش قاھارماندارىنىڭ»، «قاھارمان عارىشكەرلەردىڭ» يەگەرلەرى، مەملەكەتتىك وزات ۇلگىلەردىڭ ۋاكىلدەرى، 11 - بانچان ەردەني جۋەجيجيەبۋ، مەملەكەتتىك ءدىني ۇيىمداردىڭ نەگىزگى جاۋاپتىلارى، بەيجيڭدەگى جۇڭگو عىلىم اكادەمياسىنىڭ اكادەميكتەرى مەن جۇڭگو ينجەنەريا اكادەمياسىنىڭ اكادەميكتەرى، شەتەلدە وقىپ ەلگە ورالعان ۇزدىك دارىندىلاردىڭ ۋاكىلدەرى، قايتىس بولعان ءبىر ءبولىم ساقا جولداستاردىڭ تۋىس - تۋعاندارى، قۇرباندار جانە ۇكىمەت ءىسى جولىندا قۇربان بولعانداردىڭ ءۇي ىشىندەگىلەر، «پارتيا قۇشاعىنداعى داڭقتى 50 جىل» ەستەلىك ىزناگىن العانداردىڭ ۋاكىلدەرى، 2021 – جىلى پارتياعا جاڭادان قابىلدانعان پارتيا مۇشەلەرىنىڭ ۋاكىلدەرى، بۇكىل ەلدەگى از ۇلتتاردىڭ ۋاكىلدەرى، مەملەكەت بويىنشا ءتۇيىندى قامقورلىق جاسالاتىن وبيەكتىلەر، استاناداعى ءار سالا بۇقاراسىنىڭ ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى قاتارلىلار كونسەرتتى تاماشالادى.
ماڭىزدى حالىقارالىق دوستار، بەيجيڭدەگى ءار ەلدىڭ جۇڭگودا تۇراتىن ەلشىلەرى مەن حالىقارالىق ۇيىمداردىڭ جۇڭگودا تۇراتىن ۋاكىلدەرى، شەتەلدىك ماماندار دا ۇسىنىس بويىنشا كونسەرتتى تاماشالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
