شي جينپيڭ رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى، ەكى ەل باسشىلارى «جۇڭگو - رەسەي تاتۋ كورشى دوستىق سەلبەستىك شارتىنىڭ» ۋاقىتى ۇزارتىلعانىن جاريالادى
2021.06.29 16:42
شينحۋا اگەنتتىگى، 6 - ايدىڭ 28 - كۇنى، بەيجيڭ. مەملەكەت ءتوراعاسى شي جينپيڭ 6 - ايدىڭ 28 - كۇنى تۇستەن كەيىن بەيجيڭدە رەسەيدىڭ زۇڭتۇڭى پۋتينمەن بەينە ەكران ارقىلى ديدارلاستى. ەكى ەل باسشىلارى بىرلەسكەن مالىمدەمە جاريالاپ، «جۇڭگو - رەسەي تاتۋ كورشى دوستىق سەلبەستىك شارتىنىڭ» ۋاقىتىن ۇزارتۋدى رەسمي ۇيعاردى. پۋتين جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتادى.
شي جينپيڭ مىنالاردى اتاپ كورسەتتى: ءبىز الدا «جۇڭگو - رەسەي تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعىن قارسى الامىز. «جۇڭگو - رەسەي تاتۋ كورشى دوستىق سەلبەستىك شارتىندا» بەلگىلەنگەن ۇرپاقتان - ۇرپاققا جالعاساتىن دوستىق ۇستانىمى ەكى ەلدىڭ ءتۇبىرلى مۇددەسىنە ۇيلەسەدى، بەيبىتشىلىك پەن دامۋدىڭ داۋىرلىك نەگىزگى تاقىرىبىنا ۇيلەسەدى، بۇل − جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدىڭ ومىرشەڭ امالياتى. بۇگىنگى جۇڭگو - رەسەي قاتىناسى تولىسىپ، ورنىعىپ، بەكەمدەلدى، ءارقانداي حالىقارالىق اۋمالى - توكپەلى جاعدايدىڭ سىنىنان وتە الادى. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى باتىل قولدادى، ستراتەگيالىق سەلبەستىگى ناتيجەلى بولىپ، ەكى ەلدىڭ ورتاق مۇددەسىن پارمەندى قورعادى. ناقتى سەلبەستىكتىڭ تابىسى مول بولدى، ساپاسى مەن كولەمى بىردەي جوعارىلادى. حالىقارالىق ىستەردە تىعىز سايكەسىپ، شىنايى كوپ جاقتىلىقتى جانە حالىقارالىق ادىلدىك پەن ادىلەتتىلىكتى بىرگە قورعاۋ كەرەك. دۇنيە ءجۇزى اۋمالى - توكپەلى وزگەرىس كەزەڭىنە وتكەن، ادامزاتتىڭ دامۋى قات - قابات داعدارىسقا ۇشىراعان جاعدايدا جۇڭگو مەن رەسەي تىعىز سەلبەسىپ، حالىقارالىق قوعامعا وڭ ەنەرگيا ۇستەپ، جاڭاشا حالىقارالىق قاتىناستىڭ ۇلگىسىن ورناتتى. ءبىز جۇڭگو - رەسەي قاتىناسىنىڭ باستان - اياق باعدارىنان اۋىتقىمايتىن، قوزعاۋشى كۇشى السىرەمەيتىن تابىستى تاجىريبەلەرىن جان - جاقتى قورىتىندىلاپ، ءار سالاداعى سەلبەستىكتىڭ جاڭا نىسانالارىن، جاڭا مىندەتتەرىن جوعارى دەڭگەيدە جوبالاپ، «جۇڭگو - رەسەي تاتۋ كورشى دوستىق سەلبەستىك شارتىنا» جاڭا داۋىرلىك ءمان ۇستەۋىمىز كەرەك. «شارت» رۋحىنىڭ جەتەكشىلىگىندە، العا باسۋ جولىندا قانشا بەتكەي، قانشا بۇراڭدىقتان وتسە دە، جۇڭگو مەن رەسەيدىڭ زەيىن - زەردەنى، كۇش - قۋاتتى ۇزدىكسىز شوعىرلاندىرىپ، نىق قاداممەن العا باساتىنىنا سەنەمىن.
پۋتين جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتاپ، مىنانى ءبىلدىردى: رەسەي تاريحتاعى جۇڭگو كوممۋنيستىك پارتياسىمەن بارىس - كەلىس جاساۋ بارىسىن قاستەرلەيدى، جۇڭگو كوممۋنيستىك پارتياسىمەن پارتيالار ارا بارىس - كەلىستى كۇشەيتۋدى قالايدى، جۇڭگو كوممۋنيستىك پارتياسىنىڭ باسشىلىعىندا جۇڭگونىڭ ەكونوميكالىق، قوعامدىق دامۋدا ۇزدىكسىز تىڭ تابىستارعا قول جەتكىزۋىن ءارى حالىقارالىق ىستەردە اناعۇرلىم ماڭىزدى رول اتقارۋىن ءۇمىت ەتەدى.
پۋتين مىنانى ءبىلدىردى: «جۇڭگو - رەسەي تاتۋ كورشى دوستىق سەلبەستىك شارتى» ەكى ەل حالىقتارىنىڭ ۇرپاقتان - ۇرپاققا جالعاسقان دوستىق تىلەگىن ايگىلەدى، «شارتتا» بەلگىلەنگەن قاتىستى پرينسيپتەر مەن رۋحتار رەسەي - جۇڭگو قاتىناسىنىڭ ۇزاق ۋاقىت ءساتتى دامۋىندا ماڭىزدى، وزگەشە رول اتقاردى. رەسەي قازىر رەسەي - جۇڭگو قاتىناسىنىڭ بۇرىن - سوڭدى بولماعان جوعارى دەڭگەيگە جەتكەنىنە جانە ەكى ەل سەلبەستىگىنىڭ جاپپاي، ورنىقتى دامىعانىنا ءدان ريزا. بۇگىن ءبىز بىرلەسكەن مالىمدەمە جاريالاپ، «جۇڭگو - رەسەي تاتۋ كورشى دوستىق سەلبەستىك شارتىنىڭ» ۋاقىتىن ۇزارتۋدى رەسمي ۇيعاردىق، بۇل رەسەي - جۇڭگو قاتىناسىنىڭ ۇزاق بولاشاقتىق دامۋىنا اناعۇرلىم بەرىك نەگىز قالايدى. رەسەي جۇڭگومەن ستراتەگيالىق ءوزارا سەنىمدىلىكتى ۇزدىكسىز تەرەڭدەتىپ، ستراتەگيالىق سەلبەستىكتى جيىلەتىپ، وزدەرىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋ قۇلشىنىسىن ۇزدىكسىز باتىل قولداپ، وزدەرى تاڭداعان تۇزىمدەر مەن دامۋ جولىنا ءوزارا قۇرمەت ەتىپ، ناقتى سەلبەستىك پەن گۋمانيتارلىق اۋىس - كۇيىستى تەرەڭدەتىپ، حالىقارالىق ىستەردەگى سايكەسۋ مەن سەلبەسۋدى كۇشەيتىپ، رەسەي مەن جۇڭگونىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىن اناعۇرلىم جوعارى دەڭگەيگە كوتەرۋدى قالايدى.
شي جينپيڭ پۋتيننىڭ جانە رەسەيدىڭ ءار سالاسىنىڭ ءتۇرلى تاسىلدەر ارقىلى جۇڭگو كوممۋنيستىك پارتياسىنىڭ 100 جىلدىق مەرەي تويىن قۇتتىقتاعانىنا جانە قولداعانىنا العىس ايتتى. شي جينپيڭ مىنالاردى دارىپتەدى: جۇڭگو رەسەيدىڭ مەملەكەتتىڭ باياندى تىنىشتىعىن قورعاۋ ءۇشىن قولدانعان پارمەندى شارالارىن باتىل قولدايدى، رەسەيدىڭ ءوز ءىسىن ويداعىداي ىستەۋىن باتىل قولدايدى.
ەكى جاق مىنالاردى دارىپتەدى: بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى بىرگە باتىل قورعايمىز، دۇنيە ءجۇزىنىڭ ستراتەگيالىق حاۋىپسىزدىگى مەن ورنىقتىلىعىن قورعايمىز، ناعىز كوپ جاقتىلىقتى قولدايمىز جانە امالياتتا ايگىلەيمىز، «دەموكراتيا» مەن «ادامدىق ۇقىقتى» جەلەۋ ەتىپ باسقا ەلدەردىڭ ىشكى ىسىنە كيلىگۋگە، سىڭار جاقتى زورلىقتى جازا قولدانۋعا قارسى تۇرامىز.
ەكى جاق بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىن بىرگە ساۋلەلەندىرىپ، ىنتىماقتى، سەلبەستىكتى كۇشەيتىپ، ورتاق سايىستارعا تىزە قوسا توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ءبىر اۋىزدان ماقۇل بولدى.
ەكى جاق بىلاي دەپ دارىپتەدى: ىندەت پەن ۆيرۋستىڭ تەگىنەن پايدالانىپ جامان اتتى ەتۋگە، ساياسيلاندىرۋعا بىرگە قارسى تۇرامىز.
ەكى جاق جوعارى جىكتەگىلەردىڭ ءجيى بارىس - كەلىسىن ۇزدىكسىز ساقتاپ، ۆاكسينا سەلبەستىگىن كۇشەيتىپ، ەكى جاقتى ساۋدا كولەمىن ۇزدىكسىز كەڭەيتىپ، تومەن كومىرتەكتى ەنەرگيا، سيفرلى ەكونوميكا، اۋىل شارۋاشىلىعى سياقتى سالالارداعى سەلبەستىكتى كەڭەيتىپ، «ءبىر بەلدەۋ، ءبىر جول» باستاماسىنىڭ ەۆروپا - ازيا ەكونوميكالىق وداعىمەن ۇشتاسۋىن ىلگەرىلەتۋگە ماقۇل بولدى. ەكى جاق دەنەتاربيەنى ساياسيلاندىرۋعا بىرگە قارسى تۇرماق، رەسەي بەيجيڭ قىسقى وليمپياداسىن ءساتتى وتكىزۋگە قولداۋ كورسەتپەك.
ەكى جاق بىلاي دەپ قارادى: قازىرگى جاعدايدا شاڭحاي سەلبەستىك ۇيىمى جاڭا وراي مەن سايىسقا ءدوپ كەلىپ وتىر، وسى ۇيىمنىڭ دامۋىن جاپپاي جوسپارلاۋ جانە ىلگەرىلەتۋ كەرەك.
ەكى جاق تاياۋ مەزگىلدە ا ق ش پەن ناتونىڭ اۋعانستاننان اسكەر شەگىندىرۋدى تەزدەتۋىنە، اۋعانستاننىڭ حاۋىپسىزدىك جاعدايىنىڭ ءتىپتى دە كۇردەلى، اۋىر بولۋىنا نازار اۋدارىپ، ءوڭىردىڭ بەيبىتشىلىگىن، حاۋىپسىزدىگىن جانە ورنىقتىلىعىن بىرگە قورعاۋدى دارىپتەدى.
ياڭ جيەچى، ۋاڭ ي قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
