نيڭشيانىڭ ەكولوگياسى ءتىپتى دە كورىكتەنىپ، قوزعاۋشى قۋاتى ءتىپتى دە نىعايدى
«حالىق گازەتىنىڭ» تىلشىلەرى لي زىڭحۇي، يۇي ليمين
2021.07.21 08:25 كەلۋ قاينارى : حالىق تورابى
مەملەكەتتىك ءجۇزىم جانە ءجۇزىم شارابى كاسىبىن اشىق ۇستاۋ - كوركەيتۋ جالپىلىق سىناق رايونى 7 - ايدىڭ 10 - كۇنى نيڭشيادا رەسمي قۇرىلدى. بۇل − مەملەكەت بويىنشا تۇڭعىش رەت ەرەكشە كاسىپكە باعىتتالعان اشىق ۇستاۋ - كوركەيتۋ جالپىلىق سىناق رايونى، سونداي - اق مەملەكەتتىك كەڭەس بەكىتىپ قۇرعان باتىس بولەكتەگى تۇڭعىش مەملەكەت دارەجەلى اۋىل شارۋاشىلىعىن اشىق ۇستاۋ - كوركەيتۋ جالپىلىق سىناق رايونى.
بۇل − نيڭشيانىڭ ءجۇزىم جانە ءجۇزىم شارابى كاسىبىنىڭ ۇزاق ۋاقىت قوردالانۋىنىڭ ارقاسى. قازىر حىلان تاۋىنىڭ شىعىس بوكتەرىندەگى ءجۇزىم شارابى وندىرىلەتىن ءوڭىردىڭ وزىندە ماركا قۇنى نەشە ون ميلليارد يۋانعا جەتىپ، جىلىنا شامامەن ءبىر ميلليون ادام - رەت ساياحاتشى باۋرادى.
بۇل − نيڭشيانىڭ تاياۋ جىلداردان بەرى حۋاڭحى وزەنى الابىنىڭ ەكولوگياسىن قورعاۋ مەن ساپالى دامۋعا نازار اۋدارعانىنىڭ ىقشام كورىنىسى. 2020 - جىلى 6 - ايدا باس شۋجي شي جينپيڭ نيڭشيادا قىزمەت تەكسەرگەندە بىلاي دەپ اتاپ كورسەتتى: حۋاڭحىنىڭ باياندى تىنىشتىعىن قامتاماسىزداندىرۋدى ماڭىزدىنىڭ ماڭىزدىسى ەتىپ، وزەن ارناسى مەن قايراڭ وڭىرلەردى جالپىلىق جونگە سالۋ ينجەنەرياسىن اتقارىپ، ەكى جاعالاۋ توسپالارىن، وزەن ارنالارىن تىزگىندەۋدى، قايراڭ وڭىرلەردى جونگە سالۋدى ءبىر تۇتاس جوسپارلاپ ىلگەرىلەتىپ، سۋ بايلىعىنان ۇنەمدى، شوعىرلى پايدالانۋدى ىلگەرىلەتىپ، ەكولوگيانى قورعاۋ، قالپىنا كەلتىرۋ مەن قورشاعان ورتانى جونگە سالۋدى ءبىر تۇتاس جوسپارلاپ ىلگەرىلەتىپ، حۋاڭحى وزەنى الابىنىڭ ەكولوگياسىن قورعاۋدى جانە ساپالى دامۋدى الدىمەن اتقاراتىن رايونداردى قۇلشىنا قۇرۋ كەرەك.
ەكولوگيالىق ورتاسى جاقسارىپ، ءوندىرىسى دامىدى، تۇرمىس باياشات بولدى، نيڭشيا ەكولوگيالىق ورتانى جاقسارتۋدىڭ جان تامىرىن ويداعىداي ساقتاپ، ساپالى دامۋ جولىمەن ءجۇرىپ، «سولتۇستىكتەگى سۋلى القاپ» سىندى كوركەم جاڭا كارتينانى بىرتىندەپ قالىپتاستىرۋدا.
ەكولوگيالىق ورتانى الدىڭعى ورىنعا قويىپ، تۇنىق سۋ مەن جاسىل تاۋدى ويداعىداي قورعادى
«بۇل جەردىڭ بۇرىن كەن ونىمدەرى قازىلىپ، ونان سوڭ كەرەكسىز ەتىلگەن ءوڭىر ەكەنىن ويلاۋ قيىن، ءبىز بۇل جەردىڭ وراسان زور وزگەرىسىنە كۋا بولدىق» دەدى حىلان تاۋىنىڭ باۋرايىندا جىحۇي - يۋانشى شاراپ دۇكەنىن اشاتىن يۋان اۋلەتىندەگى اعالى - ءىنىلى اسەرلەنە.
وتكەن عاسىردىڭ 80 - جىلدارىنىڭ سوڭىنان وسى عاسىردىڭ باسىنا دەيىن، كومىر، كرەمنيلى تاس سياقتى بايلىعى مول بولۋى سەبەبىنەن كەڭ كولەمدى اشۋ ەكولوگيالىق جاعدايى اۋەلدەن ءماز ەمەس حىلان تاۋىنىڭ ەكولوگياسىن كۇن سايىن ۋشىقتىردى. 2008 – جىلى يۋان اۋلەتىنەن شىققان اعالى - ءىنىلى 2 مىڭ مۋدان استام جەردى كوتەرمەگە الىپ، قۇم - شاعىل قازۋ رايونىنداعى جەر ءتۇزىلىسى مەن تابيعي قۇلاما پارىقتان پايدالانىپ شاراپ قورجاسىن سالدى، تاعى 6 مىڭ مۋ جەردەگى جاراقسىز قۇم الاڭىنا اعاش ەگىپ، جاسىلداندىرۋ، ەكولوگيانى قالپىنا كەلتىرۋ جۇمىسىن جۇرگىزدى.
2014 - جىلى يىنچۋان قالالىق ۇكىمەت 600 ميلليون يۋان قارجى قوسىپ، شاراپ قورجاسىمەن بىرلەسىپ، بۇرىنعى كەرەكسىز قۇم الاڭىندا حىلان تاۋى سپورت سەيىل - سەرۋەن باقشاسىن سالدى. جىحۇي - يۋانشى شاراپ قورجاسىنىڭ باس ديرەكتورى يۋان يۋان تىلشىگە بىلاي دەدى: 2018 - جىلى باقشانى سىرتقا رەسمي اشقاننان كەيىن ساياحاتشىلاردان جيىنى 400 مىڭنان استام ادام (رەت) قابىلدادىق.
كەرەكسىز ەتىلگەن كەن شۇڭقىرىنان جانعا جايلى باقشا بولۋعا دەيىنگى وزگەرىس نيڭشيانىڭ بەلدى بەكەم بۋىپ، ەكولوگيالىق ورتانى زور كۇشپەن جونگە سالۋىنىڭ جاندى كارتيناسى ەدى. نيڭشيا حۇيزۋ اۆتونوميالى رايوندىق جاراتىلىستىق بايلىق مەڭگەرمەسى جەر بايلىعى كەڭىستىگى - ەكولوگيانى قالپىنا كەلتىرۋ باسقارماسىنىڭ باستىعى سۇي چيپىڭ بىلاي دەپ تانىستىردى: 4 جىلدان بەرى نيڭشيا ءار تۇردەن ىلگەرىندى - كەيىندى 10 ميلليارد يۋانعا جۋىق قارجى قوسىپ، جونگە سالۋ، قالپىنا كەلتىرۋ اۋماعىن 200 شارشى كيلومەترگە جەتكىزىپ، حىلان تاۋىنىڭ شىعىس بوكتەرىندەگى قورعاۋ رايونى ىشىندەگى 169 ورىنداعى ادامزاتتىڭ قيمىل ءتۇيىنىن جونگە سالدى، 83 ورىنداعى كەندى تۇگەلدەي جاۋىپ، قورىق رايونىندا ەندىگارى كەن اشپاۋدى، قورىق رايونىنىڭ سىرتىنداعى ءتۇيىندى وڭىرلەردەگى اشىق كەندەردى تۇرپايىلىقپەن اشپاۋدى جۇزەگە اسىرىپ، حىلان تاۋىنىڭ ەكولوگيالىق ورتاسىن بارىنشا جاقسارتتى.
نيڭشيا اۋىز سۋ قاينارى، قارا بوتانا، ساسىق سۋ، ونەركاسىپ جاراقسىز سۋى، قالا - قالاشىق لاس سۋى، اۋىل - قىستاق سۋ ىعىستىرۋى سىندى «5 تۇردەگى سۋدى» بىرگە جونگە سالۋدى ءبىر تۇتاس ىلگەرىلەتتى، حۋاڭحى وزەنىنىڭ نەگىزگى اعارىنىڭ نيڭشياداعى بولەگىنىڭ سۋ ساپاسىندا كىرگەن سۋ مەن شىققان سۋدىڭ ساپاسى ءۇرتىس 4 جىل Ⅱ تۇرگە جەتىپ، ناشار Ⅴ تۇردەگى سۋ ساپاسى تولىق الاستالدى، 15 ورىنداعى جەر بەتى سۋىنىڭ قيما بەت باعالاۋى مەملەكەتتىك ولشەمنەن تومەن بولعان جوق، حۋاڭحى وزەنىنە قۇيىلاتىن لاي - قۇم مولشەرى 100 ميلليون توننادان 20 ميلليون تونناعا ازايتىلدى.
ساتىلى اتىز قابات - قابات جاسىل جەلەك جامىلىپ، تۇنىق سۋ، جاسىل تاۋ كوركەم كورىنىس قالىپتاستىردى. شەكارا ءوڭىردىڭ تاۋ - سۋىندا «سارىدان» «جاسىلعا» دەيىنگى زور وزگەرىس جۇزەگە اسىرىلىپ، حالىق ەكولوگيالىق، ەكونوميكالىق، قوعامدىق تيىمدىلىكتەن بىردەي يگىلىكتەندى.
«نيڭشيا حۋاڭحى وزەنىنىڭ وراسان زور يگىلىگىن كورىپ وتىر، حۋاڭحى وزەنىن قورعاۋ − بۇلتارتپاس بورىشىمىز، حۋاڭحى وزەنىن جونگە سالۋدا بۇلتارتپاس جاۋاپكەرلىك ارقالاپ وتىرمىز». نيڭشيا حۇيزۋ اۆتونوميالى رايوندىق پارتكومنىڭ شۋجيى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى چىن رۇن - ىر بىلاي دەدى: حۋاڭحى وزەنى الابىنىڭ ەكولوگياسىن قورعاۋدا جانە ساپالى دامۋدا الدىمەن اتقارىلاتىن رايون قۇرۋ − مەملەكەتتىڭ ەكولوگيالىق حاۋىپسىزدىگىن شىنايى قامتاماسىز ەتۋدەگى تاريحي جاۋاپكەرلىك، سونداي - اق نيڭشيانىڭ دامۋ ساپاسىن جوعارىلاتۋدىڭ تابيعي تالعامى.
جاڭالىق اشۋ ارقىلى دەم بەرىپ، دامۋ قوزعالتقىشىن قايتا سومدادى
وسى زامانعى الاقات مانەرلەۋ سەحىن ەكسكۋرسيالاپ، الاقات تەحنيكاسىن زەرتتەۋ - اشۋ ورتالىعىن ارالاپ، الاقات قويمالجىڭى، الاقات توڭازىتىلعان ۇنتاعى، الاقات ۇرىعى مايى سياقتى جىنتىكتەي مانەرلەنگەن ونىمدەرمەن تانىسادى ... جازعى دەمالىس باستالعاننان بەرى يىنچۋانداعى نيڭشيا الاقات مۇراجايىندا ساياحاتشىلاردىڭ اياعى ۇزىلمەدى.
«ساندى مالىمەتتە كورسەتىلۋىنشە، بىلتىر نيڭشياداعى بايرۇييۋان الاقاتى مەن الاقات ونىمدەرىنىڭ ساتىلۋ مولشەرى سايكەس مەزگىلدەگىدەن %19.4 ارتىپ، تاياۋ بىرنەشە جىلداعى ەڭ جوعارى ارتۋ مولشەرىن كورسەتتى» دەدى بايرۇييۋان الاقات شەكتى جارنا سەرىكتەستىگى باس ديرەكتورىنىڭ ۇنەمىلىك ىستەرگە جاۋاپتى ورىنباسارى ياۋ ۋەيحى.
الاقات شىرىنىن قالىپتى تەمپەراتۋرادا ساقتاۋ ءوندىرىس تەحنولوگياسى، الاقاتتى تولىق ۇنتاقتاپ توڭازىتىپ، قۇرعاتۋ تەحنولوگياسى سياقتى ءبىرقىدىرۋ دەربەس زەرتتەۋ - اشۋ تەحنولوگياسىنىڭ ارقاسىندا نيڭشيا الاقات كاسىبىنىڭ تىزبەگىن ۇزدىكسىز كەڭەيتىپ، قوسىمشا قۇندى ارتتىردى. قازىر نيڭشيادا الاقاتتى جىنتىكتەي مانەرلەۋمەن شۇعىلداناتىن كاسىپورىندار 240 تان اسىپ، الاقاتتىڭ جاس جەمىسىن مانەرلەۋ شاماسى %25 كە جەتتى.
2020 - جىلى 9 - ايدا حۋاڭحى وزەنى الابىنىڭ ەكولوگياسىن قورعاۋدى جانە ساپالى دامۋدى الدىمەن اتقاراتىن رايون قۇرۋدى ىلگەرىلەتۋ 1 - ماجىلىسىندە نيڭشيا ەلەكتروندىق ينفورماتسيا كاسىبى، جاڭا تيپتەگى ماتەريال كاسىبى، جاسىل ازىق - تۇلىك كاسىبى، تازا ەنەرگيا كاسىبى، ءجۇزىم شارابى كاسىبى، الاقات كاسىبى، ءسۇت شارۋاشىلىعى، سويىس سيىر جانە قايراڭ ءوڭىر قوي شارۋاشىلىعى، مادەنيەت، ساياحات كاسىبىن بولاشاق ەكونوميكالىق دامۋدىڭ ءتۇيىنى ەتىپ، ءاربىر كاسىپكە باعىتتاي وتىرىپ «ءبىر القا، ءبىر جوبا، ءبىر ساياسات» قىزمەت مەحانيزمىن ورناتىپ، كاسىپ قۇرىلىمىن جاڭالاۋدى، جاسىل تيپكە وزگەرتۋدى، تەحنيكالىق جاقتان قايتا قۇرۋدى، زەردەلى وزگەرتۋدى ىلگەرىلەتتى.
2021 - جىلى 6 - ايدىڭ 29 - كۇنى مەملەكەتتىك (جۇڭۋەي) جاڭاشا ينتەرنەت اۋىستىرۋ ورتالىعى نيڭشيانىڭ جۇڭۋەي قالاسىنا ىرگە تەپتى، بۇل − حاڭجوۋ مەن شىنجىننان كەيىنگى 3 - رەتكى مەملەكەتتىك جاڭاشا ينتەرنەت اۋىستىرۋ ورتالىعى.
«ەلەكتر بايلىعى مول، گەولوگيالىق قۇرىلىمى تۇراقتى، تۇتاس جىلدا اتموسفەرا ورتاسىنىڭ ساپالى كۇن سانى 280 كۇننەن اسادى، جۇڭۋەيدىڭ بۇلتتىق ەسەپتەۋ جانە ءىرى ساندى مالىمەت كاسىبىنىڭ شارت - جاعدايى ەرەكشە ابزال». جۇڭۋەي قالالىق بۇلتتىق ەسەپتەۋ جانە ءىرى ساندى مالىمەت ىستەرىن دامىتۋ مەكەمەسىنىڭ باستىعى فىڭ شۇي بىلاي دەدى: جۇڭۋەي قالاسىنا ىرگە تەپكەن ساندى مالىمەت كاسىپورىندارىنىڭ ەنەرگيا ونىمدىلىگى كاسىپ سالاسىنىڭ الدىڭعى دەڭگەيىنە جەتەدى. قازىر ءبىز 6 ءىرى تۇرپاتتى بۇلتتىق ەسەپتەۋ ورتالىعىن قۇردىق، ونىڭ تورتەۋى سالىنۋ ۇستىندە.
2020 - جىلى نيڭشيانىڭ جالپىلىق عىلىم - تەحنيكادا جاڭالىق اشۋ دەڭگەيىنىڭ كورسەتكىشى %56.11 كە جەتىپ، دەڭگەيى مەملەكەت بويىنشا الدىڭعى قاتارعا ءوتتى. بيىل 1 - توقساندا نيڭشيانىڭ وڭىرلىك ءوندىرىس جالپى ءونىم قۇنىنىڭ ارتۋ قارقىنى سايكەس مەزگىلدەگىدەن 18.5 پايىز جوعارى بولىپ، جوعارى، جاڭا تەحنيكالى كاسىپتەردىڭ ارتقان قۇنى %76.3 ارتتى، جوعارى، جاڭا تەحنيكالى جاساۋ كاسىبى مەن ونەركاسىپ تەحنيكاسىن وزگەرتۋگە قوسىلعان قارجى جەكە - جەكە %32.5 جانە %23.5 ارتتى.
حالىق تۇرمىسىنا كۇش ۇيىستىرىپ، بۇقارانىڭ ىرىس - قۇتىن جوعارىلاتتى
قىستاققا كىرەتىن كۇرە جول تۇتاستى، دارەتحانانى وزگەرتۋدىڭ اياق الىسى ءساتتى بولدى ... بىلتىر ۋ - جۇڭ قالاسى حۇڭسىباۋ رايونى حۇڭسىباۋ قالاشىعى حۇڭدى قىستاعىندا يگى ىستەر ىركەس - تىركەس جارىققا شىقتى. قىستاق تۇرعىنى ليۋ كىرۇيدىڭ كەلىنى حاي شياۋرۇڭ قىزمەت اۋىستىرىپ، قىستاق پارتيا مۇشەلەرىن تاربيەلەۋ بازاسىنىڭ ءتۇسىندىرۋشىسى بولىپ، توڭىرەكتەن كەلگەن قوناقتارعا «كوشپەندىلەردىڭ باقىتتى تۇرمىسىن» تانىستىردى.
ليۋ كىرۇيدىڭ وتباسى 2012 - جىلى گۋيۋان قالاسى يۋانجوۋ رايونى جاڭ - ي قالاشىعى ماۋتاۋ قىستاعىنان 300 كيلومەتر شالعايداعى حۇڭدى قىستاعىنا كوشىپ باردى. العاش كەلگەندە قىستاقتىڭ كىسى باسىنا تۋرا كەلەتىن يگەرىلمەلى كىرىسى نەبارى مىڭ يۋاننان استام عانا بولىپ، تۇرمىستارى جۇپىنى ەدى. بۇل كۇندە بۇكىل قىستاقتاعى 6 مىڭ 646 مۋ جەر كاسىپورىننىڭ وسى زامانعى اۋىل شارۋاشىلىعىن دامىتۋىنا بەرىلدى، بوس ەڭبەككۇشتەر جاقىن ماڭدا نەمەسە سىرتقا شىعىپ جۇمىس ىستەپ، كىسى باسىنا تۋرا كەلەتىن يگەرىلمەلى كىرىسى 10 مىڭ يۋانعا تايادى.
كوشپەندىلەردى كوشىرۋ، سۇيەمەلدەۋ ساياساتىن كەمەلدەندىرىپ، كوشىرىلەتىن بۇقارانىڭ كوشىپ شىعۋىنا، تۇراقتاپ تۇرۋىنا، اۋقاتتانۋىنا كەپىلدىك ەتتى. تاياۋ جىلداردان بەرى نيڭشيا باسقا جەرگە كوشىرۋدەن كەيىنگى سۇيەمەلدەۋدى ۇزدىكسىز كۇشەيتىپ، ءجۇز مىڭداعان كوشپەندىلەردى اۋقاتتاندىرۋ، تۇرمىس ساپاسىن جوعارىلاتۋ ارەكەتىن اتقاردى. نيڭشيا ساياساتتىق كوشى - قون مەن ءوز الدىنا قونىس اۋداراتىن تۇرعىندارعا نازار اۋدارىپ، حالىق سانى 800 دەن اساتىن كوشپەندىلەردى ورنالاستىرۋ ءىرى رايونىن ءتۇيىن ەتىپ، 2021 - جىلى كوشىرىلەتىن بۇقارانىڭ جان باسىندىق يگەرىلمەلى كىرىسىنىڭ ارتۋ قارقىنىنىڭ %8 تەن جوعارى بولۋىنا كەپىلدىك ەتتى، «14 – بەسجىلدىق» جوبا مەزگىلىندە كوشىرىلەتىن بۇقارانىڭ جان باسىندىق يگەرىلمەلى كىرىسىنىڭ ارتۋ قارقىنى تۇتاس رايونىمىزداعى اۋىل - قىستاق تۇرعىندارىنىڭ ورتاشا دەڭگەيىنەن باستان - اياق جوعارى بولدى، «14 – بەسجىلدىقتىڭ» سوڭىندا كوشىرىلەتىن بۇقارانىڭ جان باسىندىق يگەرىلمەلى كىرىسى نەگىزىنەن بۇكىل رايونداعى اۋىل - قىستاق تۇرعىندارىنىڭ ورتاشا دەڭگەيىنە جەتتى.
نيڭشيا بۇقارانىڭ باقىت سەزىمىن الدىمەن اتقارىلاتىن رايون قۇرىلىسىنىڭ ماڭىزدى ولشەم كورسەتكىشى ەتىپ، دامۋدىڭ پايداسىن ۇزدىكسىز مولىقتىردى.
قالا - اۋىل تۇرعىندارىنىڭ كىرىسىن، نەگىزدىك وقۋ - اعارتۋدىڭ ساپاسىن، جالپى حالىقتىڭ دەنساۋلىق ورەسىن جوعارىلاتۋ ءۇشىن، نيڭشيا جاپپاي ورنالاستىرۋ جاسادى. «14 – بەسجىلدىقتىڭ» سوڭىنا دەيىن، تۇتاس رايونداعى قالا، اۋىل تۇرعىندارىنىڭ جان باسىندىق يگەرىلمەلى كىرىسىن 35 مىڭ يۋاننان اسىرىپ، جىلىنا ورتا ەسەپپەن %6 شاماسىندا ارتتىرۋ؛ 2025 - جىلعا بارعاندا تۇتاس رايوننىڭ نەگىزدىك وقۋ - اعارتۋىنىڭ دامۋ دەڭگەيىن، جالپىلىق قۋاتىن، جاڭالىق اشۋ قۋاتىن كورنەكتى جوعارىلاتىپ، مەكتەپكە دەيىنگى وقۋ الدىنداعى وقۋشىلاردىڭ ورتاشا الەۋمەتتىك قاراجاتىنا بەرىلەتىن قوسىمشا قاراجات ولشەمىن ءبىر تۇتاس 300 يۋانعا جوعارىلاتۋ؛ 2025 - جىلعا بارعاندا، بۇكىل رايوندا تۇرعىنداردىڭ اقاۋسىز تۇرمىس ءتاسىلىن كەڭ كولەمدە قالىپتاستىرىپ، ادام باسىنا تۋرا كەلەتىن مەجەلى عۇمىردى نەگىزىنەن بۇكىل ەلدىڭ ورتاشا دەڭگەيىنە جەتكىزىپ، ءاربىر ايماق دارەجەلى قالادا ءبىر جالپىلىق شيپاحانانىڭ 3 - دارەجەلى ولشەمگە جەتۋىن نەگىزىنەن جۇزەگە اسىرۋ، ت. ب.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
