ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى كوپتەگەن ورىنمەن بىرگە «پىكىر» باسىپ تاراتتى
پارا الىپ، پارا بەرۋدى بىرگە تەكسەرۋ ىشكەرىلەي ىلگەرىلەتىلەدى
2021.09.09 16:29 كەلۋ قاينارى : حالىق تورابى
«حالىق گازەتى»، 9 - ايدىڭ 8 - كۇنى، بەيجيڭ (ءتىلشى جاڭ ياڭ). ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى توراپ بەكەتى 9 - ايدىڭ 8 - كۇنى جاريالاعان حابارعا قاراعاندا، تاياۋدا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ كوميتەتى ورتالىق ۇيىمداستىرۋ ءبولىمى، ورتالىق بىرلىكساپ ءبولىمى، ورتالىق ساياسي – زاڭ كوميتەتى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى سياقتى ورىندارمەن بىرگە «پارا الىپ، پارا بەرۋدى بىرگە تەكسەرۋدى ىشكەرىلەي ىلگەرىلەتۋ جونىندەگى پىكىردى» باسىپ تاراتىپ، پارا الىپ، پارا بەرۋدى قاتار تەكسەرۋدى ىشكەرىلەي ىلگەرىلەتۋ جونىندە ورنالاستىرۋ جاساعان.
«پىكىردە» بىلاي دەپ اتاپ كورسەتىلدى: پارا الىپ، پارا بەرۋدى بىرگە تەكسەرۋدە تاباندى بولۋ − پارتيانىڭ 19 - قۇرىلتايىندا جاسالعان ماڭىزدى شەشىم - ورنالاستىرۋ، شىرىكتەسۋگە قارسى تۇرۋ كۇرەسىن تاباندىلىقپەن تەرەڭدەتۋدىڭ، شىرىكتەسۋگە باتىلدىق ەتپەۋدىڭ، شىرىكتەسۋگە مۇمكىندىك بولماۋدىڭ، شىرىكتەسۋدى ويىنا الماۋدىڭ قاجەتتى تالابى، «قورشاپ اۋلاۋ» مەن «قورشاپ اۋلاۋ» مۇددە تىزبەگىن ءۇزۋدىڭ، ۇقىق - اقشا ساۋداسى قارىم - قاتىناس تورىن جويۋدىڭ ءونىمدى جولى. پارا بەرۋشىلەردىڭ ءتاسىل تالعاماي پارتيالى كادرلاردى «قورشاپ اۋلاۋى» قازىرگى شىرىكتەسۋ مولشەرىنىڭ ءالى دە كوبەيۋىندەگى ماڭىزدى سەبەپ ەكەنىن سەرگەكتىكپەن تانىپ، پارا بەرۋ ماسەلەسىنىڭ ساياسي زيانىن ىشكەرىلەي يگەرىپ، كوپ ءتۇرلى شارانى قاتار قولدانىپ، پارا بەرۋگە سوققى بەرۋدىڭ دالدىگىن، ونىمدىلىگىن جوعارىلاتىپ، ءىرىپ - ءشىرۋ ماسەلەسىن ۇستىنەن وڭاۋ مەن تۇبىرىنەن وڭاۋدى ىلگەرىلەتۋ كەرەك.
«پىكىردە» بىلاي دەپ اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، 19 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ قىزمەت تالابى بويىنشا، پارتيا ورتالىق كوميتەتىنىڭ شىرىكتەسۋگە قارسى تۇرۋ قىزمەتىنە ورتالىقتانعان ءبىر تۇتاس باسشىلىعىندا تاباندى بولۋ كەرەك؛ ورنىقتىلىق بارىسىندا ىلگەرىلەۋدەن، بەرىك، بايىپتى بولۋدان جازباي، جۇيەلى جونگە سالۋ، ۇستىنەن وڭاۋ مەن تۇبىرىنەن وڭاۋدى ۇشتاستىرۋ كەرەك؛ شىندىقتى ءىس جۇزىنەن ىزدەۋدە، ەرەجە، ءتارتىپ، زاڭ بويىنشا ىستەۋدە تاباندى بولۋ، قىلمىس زاڭ بويىنشا تۇراقتاندىرىلسا، قىلمىستان كۇدىكتەنۋ ءجايتى بولمايدى، ساياسات پەن تاكتيكانى، ءتارتىپ پەن زاڭ - قاعيدالاردى تولىق قولدانۋ كەرەك؛ شەكتەلگەن رايون بولماۋدا، جاپپاي قامتۋدا، استە راقىم ەتپەۋدە تاباندى بولۋ، تەجەۋگە ءمان بەرۋدە، تەگەۋرىندى كۇشەيتۋدە، سەسكەندىرۋدە تاباندى بولۋ، پارا الىپ، پارا بەرۋدى بىرگە تەكسەرۋدە تاباندى بولىپ، ءىرىپ - شىرۋگە باتىلدىق ەتە الماۋدى، ءىرىپ - ءشىرۋدى ويلاماۋدى ءبىر تۇلعالاندىرىپ ىلگەرىلەتۋدە اناعۇرلىم كوپ تۇزىمدىك تابىستارعا جانە اناعۇرلىم زور جونگە سالۋ ونىمدىلىگىنە قول جەتكىزۋ كەرەك.
«پىكىردە» مىنالار تالاپ ەتىلدى: پارا بەرۋ ارەكەتىن باتىل تەكسەرىپ ءبىر جاقتى ەتۋ، كوپ رەت پارا بەرۋ، قىرۋار پارا بەرۋ، سونداي - اق كوپ ادامعا پارا بەرۋ ءجايتىن، اسىرەسە، پارتيانىڭ 18 - قۇرىلتايىنان كەيىن تيىلماعان، قولىن تارتپاعان شىرىكتەسكەن ەلەمەنتتەردى؛ پارا بەرگەن پارتيا مۇشەلەرى مەن مەملەكەت قىزمەتكەرلەرىن؛ مەملەكەتتىڭ ماڭىزدى قىزمەتتەرىندە، ءتۇيىندى ينجەنەريالارىندا، كەلەلى نىساندارىندا پارا بەرگەندەردى؛ كادرلار، ۇيىمداستىرۋ، ءتارتىپتى اتقارۋ، زاڭ اتقارۋ، ءادىليا، ەكولوگيالىق ورتانى قورعاۋ، قازىنا - فينانس، ءوندىرىس حاۋىپسىزدىگى، ازىق - تۇلىك، ءدارى - دارمەك، اپاتتان قۇتقارۋ، زەينەتكەرلىك، قوعامدىق قامتاماسىزداندىرۋ، وقۋ - اعارتۋ، ەمدەۋ سياقتى سالالاردا پارا بەرۋشىلەردى؛ كەلەلى ساۋدا ىستەرىندە پارا بەرۋشىلەردى ءتۇيىندى تۇردە تەكسەرىپ ءبىر جاقتى ەتۋ كەرەك.
«پىكىردە» مىنالار تالاپ ەتىلدى: ءتارتىپ تەكسەرۋ، باقىلاۋ ورگاندارى، سوت ورگاندارى جانە پروكۋراتۋرا ورگاندارى فۋنكتسيالىق مىندەتىنە ساي پارا بەرۋ ارەكەتىن قاتاڭ جازالاۋى كەرەك. ءتارتىپ تەكسەرۋ، باقىلاۋ - تەكسەرۋ ورگاندارى پارا بەرۋدى تەكسەرىپ ءبىر جاقتى ەتۋ سىندى ماڭىزدى قىزمەت جاۋاپكەرلىگىن زاڭ بويىنشا قاتاڭ اتقارىپ، دەلولاردى تەكسەرىپ ءبىر جاقتى ەتۋگە ساياتىن پارا بەرۋشىلەردى زاڭ بويىنشا تەكسەرىپ ءبىر جاقتى ەتۋ تەبىنىن ارتتىرىپ، دەلو تۇرعىزۋعا تيىستىلەرىندە باتىل دەلو تۇرعىزىپ، ءبىر جاقتى ەتۋگە تيىستىلەرىن باتىل ءبىر جاقتى ەتۋى ءارى پارا بەرۋشىلەردى ءبىر جاقتى ەتۋ قىزمەتىنىڭ ىشكى تەجەۋ، باقىلاۋ مەحانيزمىن ورناتۋى كەرەك. پروكۋراتۋرا ورگاندارى مەن سوت ورگاندارى پارا بەرۋ قىلمىسىن كەڭشىلىكپەن تۇراقتاندىرۋ مەن قىلمىستىق ىستەر جازاسىن قولدانۋدى قاتايتىپ، مال - مۇلىك جازاسىن قولدانۋ جانە اتقارۋ تەبىنىن ارتتىرۋى كەرەك. ءتارتىپ تەكسەرۋ، باقىلاۋ ورگاندارى، سوت ورگاندارى جانە پروكۋراتۋرا ورگاندارى ارام ولجانى قايتارىپ الۋ، زياننان ساقتاپ قالۋ مىندەتىن مۇقيات اتقارىپ، زاڭسىز پايدانى مۇمكىندىكتىڭ بارىنشا قايتارىپ الۋى كەرەك. پارا بەرۋ تابىسىنداعى ورىنسىز مال - مۇلىك سيپاتىندىق مۇددەنى زاڭ بويىنشا ءمۇسادىرالاۋ، قۋزاپ قايتارىپ الۋ نەمەسە تولەۋگە بۇيىرۋ كەرەك؛ پارا بەرۋدەن تاپقان ورىنسىز مال - مۇلىككە جاتپايتىن مۇددەلەردى، مىسالى، قىزمەت اتاعى، ساياسي داڭق، تيجارات تولىمدىلىعى، وقۋ تاريحى، ت. ب. قاراتا قاتىستى ورىندار بەلگىلەمە بويىنشا كۇشىنەن قالدىرۋ، وزگەرتۋ سياقتى شارالار ارقىلى تۇزەتۋگە قۋزاۋشىلىق ەتۋى كەرەك.
«پىكىردە» بىلاي دەپ دارىپتەلدى: ءتارتىپ تەكسەرۋ، باقىلاۋ ورگاندارى، سوت ورگاندارى جانە پروكۋراتۋرا ورگاندارى مىندەتىن وتەۋ بارىسىندا پارا بەرۋدى قاتاڭ جازالاۋمەن بىرگە، دەلوعا قاتىستى ادامدار مەن كاسىپورىنداردىڭ زاڭدى باس اماندىعى مەن مال - مۇلىك ۇقىق - مۇددەسىن دە تولىق قامتاماسىزداندىرىپ، كاسىپورىنداردىڭ زاڭدى تيجارات جۇرگىزۋىن قامتاماسىزداندىرۋى كەرەك. قاتىستى شارالاردىڭ قولدانىلۋىن قاتاڭ يگەرىپ، جەكە باسىندىق ۇقىق پەن مال - مۇلىك ۇقىعىن شەكتەۋ شارالارىن زاڭ بويىنشا ابايلاپ قولدانىپ، الىپ قالۋ، ءتىنتۋ، تەحنيكالىق تەكسەرۋ، شەكارادان شىعۋعا شەك قويۋ، قاماۋعا الۋ، قولعا الۋ سياقتى شارالاردى بەتالدى قولدانۋعا، دەلوعا قاتىستى ادامدار مەن كاسىپورىنداردىڭ مال - مۇلكىن شەكتەن تىس پەشەتتەۋگە، ۇستاپ قالۋعا، مۇزداتۋعا قاتاڭ تيىم سالۋ كەرەك. دەلو ءبىتىرۋ شارالارىن قولدانۋدىڭ زاردابىن تولىق تۇجىرىمداپ، شارا قولدانۋدىڭ كاسىپورىنداردىڭ زاڭدى، قالىپتى ءوندىرىس، تيجاراتىنا جاسايتىن ىقپالىن ەڭ تومەنگى شەككە ءتۇسىرۋ كەرەك.
«پىكىردە» مىنالار دارىپتەلدى: پارا بەرۋ ارەكەتىن جازالاۋدىڭ تۇزىمدىك ولشەمىن اقاۋسىزداندىرىپ جانە كەمەلدەندىرىپ، پارا الىپ، پارا بەرۋدى بىرگە تەكسەرۋدى ارناعا ءتۇسىرۋدى، زاڭمەن جونگە سالۋدى ىلگەرىلەتۋ كەرەك. جەتەكشىلىك سيپاتتى قۇجاتتاردى نەمەسە دەلو مىسالدارىن جاريالاۋ سياقتى تاسىلدەر ارقىلى ءتارتىپ تەكسەرۋ، باقىلاۋ ورگاندارىنىڭ، سوت ورگاندارىنىڭ جانە پروكۋراتۋرا ورگاندارىنىڭ پارا بەرۋ دەلولارىن باسقارۋدا زاڭدى دۇرىس قولدانۋىنا، ساياساتتى يگەرۋىنە جەتەكشىلىك ەتىپ، ۇقساس تۇردەگى دەلولاردىڭ تەپە - تەڭدىگىن ويداعىداي ىستەۋ كەرەك. ءتارتىپ تەكسەرۋ، باقىلاۋ ورگاندارى حالىق قۇرىلتايى ورگاندارىمەن، ساياسي كەڭەس ورگاندارىمەن جانە ۇيىمداستىرۋ، كادرلار تاراۋلارىمەن، بىرلىكساپ تاراۋلارىمەن، زاڭ اتقارۋ ورگاندارىمەن بىرلەسىپ، پارا بەرۋشىلەردى بىرلەسىپ جازالاپ ساقتاندىرۋ مەحانيزمىن ورناتىپ، پارا بەرۋدى جونگە سالۋدىڭ جالپىلىق ونىمدىلىگىن جوعارىلاتۋى كەرەك. پارا بەرۋشىلەردىڭ بازارعا كىرۋىنە رۇقسات ەتۋ، تولىمدىلىعىن شەكتەۋ سياقتى ماسەلەلەر جونىندە زەرتتەۋ جۇرگىزىپ، پارا بەرۋشىلەردىڭ «قارا تىزىمدىگى» ءتۇزىمىن اتقارۋ جونىندە ىزدەنىس جاساۋ كەرەك. پارا بەرۋدى تەكسەرىپ ءبىر جاقتى ەتۋ ۇگىت سەرپىنىن ارتتىرىپ، تيپتىك دەلولاردى حابارلاندىرىپ، جاريالاپ، ساقتاندىرۋ تاربيەسىن ىشكەرىلەي ورىستەتىپ، پارا بەرۋگە استە جول بەرمەۋ بەرىك بەكىمىن ايگىلەپ، تۇتاس قوعامدا پاكتىك، زاڭعا بويسۇنۋ ۇستانىمىن دارىپتەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
