جاسىل اۋىل شارۋاشىلىعى قىستاقتى كۇشەيتىپ، حالىقتى بايىتۋ جولىن اشتى
□ انار بۇلت / شينجياڭ گازەتىنىڭ ءتىلشىسى گى يوۋجۇن
2021.09.09 15:09 كەلۋ قاينارى : شينجياڭ گازەتى
9 - ايدىڭ 1 - كۇنى تاڭەرتەڭ ەرتە شونجى اۋدانى بانجيەگوۋ قالاشىعى ياۋجانزى قىستاعىنىڭ تۇرعىنى گاۋ چي ءوزى جاۋاپتى بولعان دۇمبە ءبيداي ەگىلەتىن اتىزعا بارىپ، جەردىڭ تەگىستەلۋ جاعدايىن تاپتەشتەي كوردى. 9 - ايدىڭ ورتا شەنىنە بارعاندا قىستاق ءبىر تۇتاس دۇمبە ءبيداي ەگەدى.
كۇزدە ەگىپ، جازدا ورۋ قاراماققا قايتالانىپ وتىراتىن جۇمىس كورىنگەنىمەن، ءبىراق ياۋجانزى قىستاعىندا جىل سايىن تىڭ وزگەرىستەر تۋىلىپ، جاڭا تابىستار جارىققا شىقتى.
”وزگەرەتىنى جاڭا كاسىپ كۇيى، جاڭا كاسىپ سالاسى، وزگەرمەيتىنى جاسىل دامۋ ۇستانىمى“، - دەدى ياۋجانزى قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى تاڭ پەيكى.گاۋ چيدىڭ قازىر 3 ءتۇرلى سالاۋاتى بار: ياۋجانزى قىستاعىنىڭ تۇرعىنى، ياۋجانزى قىستاعى فىڭيۇي اۋىل شارۋاشىلىعىنا قىزمەت وتەۋ شارۋالار كاسىپتىك سەلبەستىك كووپەراتيۆىنىڭ جارناگەرى جانە سەلبەستىك كووپەراتيۆىنىڭ ءبيداي ەگىمشىلىگىن باسقارۋعا جاۋاپتى ”اۋماق باستىعى“.
ول بىلاي دەدى: وسى 3 ءتۇرلى سالاۋاتىم ياۋجانزى قىستاعىنىڭ وسى بىرنەشە جىلداعى دامۋ وزگەرىسىنىڭ كۋاسى.
10 نەشە جىلدىڭ الدىندا ياۋجانزى قىستاعىندا دا باسقا قىستاقتار سياقتى قىستاق تۇرعىندارى جەرلەرىن ءوز الدىنا ەگەتىن. 2009 - جىلى قىستاقتا فىڭيۇي اۋىل شارۋاشىلىعىنا قىزمەت وتەۋ شارۋالار كاسىپتىك سەلبەستىك كووپەراتيۆى قۇرىلىپ، بۇكىل قىستاقتىڭ جەرىن شارۋالار كاسىپتىك سەلبەستىك كووپەراتيۆىنە ءبىر تۇتاس اينالىمعا بەرىپ، ”ءبىر اتىز“ ەتىپ بىرىكتىرىپ، سەلبەستىك كووپەراتيۆى ءبىر تۇتاس باسقارۋعا الدى. وسىدان كەيىن ياۋجانزى قىستاعىنىڭ تۇرعىندارى جارناگەرگە اينالىپ، ”ءبىر اتىزدى“ بىرگە ەگەدى، قىستاق تۇرعىندارى جەرىن جارناعا قوسسا اينالىم قاراجاتىن الادى، جىل سوڭىندا پايدا بولىسەدى.
ءدال وسىنداي جاعدايدا گاۋ چي ءوز ءۇيىنىڭ جەرىن سەلبەستىك كووپەراتيۆىنە اينالىمعا بەرەدى، كەيىن ەگىن ەگۋ شەبەرى رەتىندە، ول سەلبەستىك كووپەراتيۆىندە ءبيداي ەگىمشىلىك اۋماعىنىڭ ”اۋماق باستىعى“ مىندەتىن ۇستىنە الادى. وسى بىرنەشە جىلدا ول ءبىر ءوزى 2000 مۋ جەردەگى ءبيدايدى ەگۋگە، باپتاۋعا جاۋاپتى بولادى. قىستاقتا ول سياقتى 80 نەشە ”اۋماق باستىعى“ سەلبەستىك كووپەراتيۆىنىڭ 180 مىڭ مۋ جەرىن بىرگە باسقارادى.
”بىلتىر مەن باپتاعان ءبيدايدىڭ ءتۇسىمى مەن ساپاسى ءبىرشاما جاقسى بولعاندىقتان، سەلبەستىك كووپەراتيۆىنىڭ 120 مىڭ يۋان جىلدىق ەڭبەكاقىسىنا يە بولدىم، كوتەرمەگە بەرگەن 95 مۋ جەرىمنىڭ 40 مىڭ يۋانعا جۋىق اينالىم قاراجاتىن، سونداي - اق سەلبەستىك كووپەراتيۆىنە جارنا قوسۋدان العان 35 مىڭ يۋان پايدانى قوسقاندا، جالپى كىرىسىم 200 مىڭ يۋانعا تايادى“، − دەدى گاۋ چي جۇزىنەن قۋانىش لەبى ەسىپ. تاڭ پەيكى بىلاي دەپ تانىستىردى: ”جالپى ءوڭىر جاسىل بولۋ، ءىشىنارا ءوڭىر ورگانيكالى بولۋ“ سىندى دامۋ ۇستانىمىنا ساي، قىستاق وسى بىرنەشە جىلدا جاسىل، ورگانيكالى ەگىس داقىلدارىن، اسىرەسە، جاسىل، ورگانيكالى ءبيدايدى جاپپاي ەكتى.
ساپالى ءبيداي وسكەننەن كەيىن ونىڭ قوسىمشا قۇنىن قالاي جوعارىلاتۋ كەرەك؟ تاڭ پەيكى بىلاي دەدى: ياۋجانزى قىستاعىندا ءبىر ءتۇيىر جاسىل، ورگانيكالى ءبيداي جاسىل جىنتىكتەي وڭدەۋدەن ءوتىپ، اتىزدان داستارقان باسىنا دەيىن جاسىل كاسىپ سالاسى تىزبەگى قالىپتاستى.
جازدا ورىلعان ءبيداي زاماناۋي استىق قامبالارىنا قۇيىلادى، ودان سوڭ كونۆيەر ارقىلى قىستاق قۇرعان ۇن تارتۋ سەحىنا جەتكىزىلەدى. مۇندا ۇننىڭ ءبىر بولىمىنەن قولمەن ورگانيكالى كەسپە جاسالىپ، رايوننىڭ ءىشى - سىرتىنا ساتىلادى.
بازاردا ادەتتەگى ۇننىڭ ءبىر كيلوگرامىنىڭ باعاسى 3 يۋاننان اسادى، ال ياۋجانزى قىستاعى وندىرگەن ورگانيكالى ءبيدايدان وندىرىلگەن ورگانيكالى ۇننىڭ ءار كيلوگرامى 20 يۋانعا ساتىلادى. تاڭ پەيكى بىلاي دەپ تانىستىردى: شونجى − مەملەكەتتىك ساپالى ءبيداي ءوندىرۋ بازاسى، ال ياۋجانزى قىستاعىنىڭ ءبيدايى جوعارى ءتۇسىم، وزىق ساپا ارقىلى اتى الىس - جۋىققا ايگىلى. ساپالى ءبيدايدى شيكىزات ەتە وتىرىپ ”ياۋجانزى“ ماركاسىنداعى جاسىل، ورگانيكالى ۇن جانە قولمەن جاسالعان ورگانيكالى كەسپە قازىر ”ايگىلى تاۋارعا“ اينالدى.
بىلتىر ياۋجانزى قىستاعى 50 ميلليون يۋان قارجى قوسىپ، ۇن تارتۋ زاۆودىن كەڭەيتىپ سالدى. بيىل 11 - ايدا ىسكە قوسىلعاننان كەيىن، جىلدىق ۇن تارتۋ قابىلەتى وتكەندەگى 10 مىڭ توننادان 60 مىڭ تونناعا ارتىپ، ءبيداي شيكىزاتىن ءوز جەرىندە وڭدەپ، قۇنىن ارتتىرۋدى جۇزەگە اسىرىپ، جىلدىق ءونىم قۇنى 170 ميلليون يۋانعا جەتەدى.
8 - ايدىڭ 20 - كۇنى قىستاق سەلبەستىك كووپەراتيۆى قۇرعان قولمەن جاسالعان ورگانيكالى كەسپە زاۆودىن كەڭەيتىپ سالۋ نىسانى رەسمي وندىرىسكە قوسىلدى، جىلىنا بازاردى 1200 توننا قولمەن جاسالعان ورگانيكالى كەسپەمەن قامدايدى، جىلدىق ءونىم قۇنى 30 ميلليون يۋانعا جەتەدى.
تاڭ پەيكى بىلاي دەدى: بيىل 1 - ايدىڭ 26 - كۇنى قىستاقتا شينجياڭ ياۋجانزى شارۋاشىلىق توبى شەكتى سەرىكتەستىگى قۇرىلدى، بۇل ءارى سانجى حۇيزۋ اۆتونوميالى وبلىسىنداعى تۇڭعىش قىستاق سەلبەستىك كووپەراتيۆىنەن باستاۋ الىپ قۇرىلعان توپ سەرىكتەستىگى. سەرىكتەستىك جاڭا ۇيىمدىق فورما ارقىلى ءتۇرلى جاسىل بايلىقتاردى بىرىكتىرىپ، بۇكىل قىستاقتىڭ 1 -، 2 -، 3 - كاسىپتەردى توعىستىرا دامىتۋىن ىلگەرىلەتىپ، جاسىل كاسىپ سالاسى تىزبەگى مەن ەگىنشىلەردىڭ كىرىسىن ارتتىرۋ تىزبەگىن ورگانيكالى تۇردە تۇتاستىردى.
”قىستاعىمىز تەك جاسىل، ورگانيكالى اۋىل شارۋاشىلىق داقىلدارىن ەگۋ جانە جىنتىكتەي وڭدەۋ جاعىندا ءساتتى جول اشىپ عانا قويماستان، قازىر اۋىل شارۋاشىلىعى مەن ساياحاتتى توعىستىرا دامىتۋ جاعىندا دا جاڭا جول سالدى“، - دەدى 8 - ايدىڭ 26 - كۇنى تۇستە ياۋجانزى قىستاعى ساياحاتشىلاردى قابىلداۋ ورتالىعىنىڭ اسحاناسىندا اسحانا ءبولىمىنىڭ ديرەكتورى حان لى ىستىق ىقىلاسپەن تانىستىرىپ.
2018 - جىلى حان لى شينجياڭ داشۋەسىنەن وقۋ تاۋىسقاننان كەيىن، تۋعان اۋىلى ياۋجانزى قىستاعىنا قايتىپ بارىپ، ساياحات كاسىبىنە ارالاسادى.
ياۋجانزى قىستاعى سولتۇستىكتە شونجى اۋدان قالاشىعىنان قاشىقتىعى 29 كيلومەتر، وڭتۇستىكتە جانبۇلاق كورىنىس وڭىرىنەن قاشىقتىعى 19 كيلومەتر، اۋدان قالاشىعىنان كورىنىس وڭىرىنە باراردا، ءسوزسىز، باسىپ وتۋگە ءتيىستى جەر. وسى بىرنەشە جىلدا قىستاق 10 ميلليون يۋاننان استام قارجى قوسىپ، قىستاق تاريحى سارايى، ساياحاتشىلاردى قابىلداۋ ورتالىعى، اس ءمازىرى الاڭى، ەرەكشەلىككە يە حالىقتىق تۇسەلحانا، ءبيداي اتىزى باقشاسى، ورگانيكالى اۋىل شارۋاشىلىق ونىمدەرىن تاماشالاۋ زاۆودى جانە اۋىل - قىستاقتى گۇلدەندىرۋگە باۋلۋ بازاسى سياقتىلاردى قۇرىپ، قىرۋار ساياحاتشىلاردى باۋراپ، ينتەرنەتتە تانىمالى ”ءسوزسىز بارىپ كورەتىن جەرگە“ اينالدىردى.
2020 - جىلى ياۋجانزى قىستاعى تۇرعىندارىنىڭ ورتاشا تازا كىرىسى 24 مىڭ180يۋانعا جەتسە، بيىل جان باسىندىق ورتاشا كىرىستى 1000 يۋاننىڭ ۇستىندە اسىرۋ مەجەلەنىپ وتىر.
جاسىل ءونىمدى نەگىز ەتىپ، كىرىستى ارتتىرۋدىڭ ءادىسىن تاپتى
□ تاڭ پەيكى
جاسىل، ورگانيكالىق اۋىل شارۋاشىلىق ونىمدەرىن ەگۋدەن، وڭدەۋدەن، ساتۋدان اۋىل - قىستاق ساياحاتىن دامىتۋعا دەيىن وسىناۋ جىلدارى ياۋجانزى قىستاعىنىڭ اۋىل شارۋاشىلىعى جاسىل كاسىپ سالاسى تىزبەگى ۇزدىكسىز ۇزاردى ءارى ”قىستاق پارتيا باس ياچەيكاسى + سەلبەستىك كووپەراتيۆى + قىستاق تۇرعىندارى“ سىندى ءۇشتى ءبىر تۇلعالاندىرعان شوعىرلى شارۋاشىلىق جۇرگىزۋ ۇلگىسىن قاراستىرىپ، جاسىل ءتۇستى نەگىز ەتكەن، 3 كاسىپتى توعىستىرا دامىتۋدىڭ جوعارى ساپالى دامۋ جولىنا ءتۇسىپ، قىستاق كوللەكتيۆ ەكونوميكاسىن ۇزدىكسىز ۇلعايتۋدى جانە قىستاق تۇرعىندارىنىڭ كىرىستى ۇزدىكسىز ارتتىرۋىن ىلگەرىلەتتى.
اۋىل - قىستاقتى گۇلدەندىرۋدە كاسىپ سالاسى نەگىز ەتىلەدى. ياۋجانزى قىستاعىنىڭ امالياتى مىنانى دالەلدەدى: تەك جاسىل دامۋدى مىقتى يگەرىپ، جاسىل كاسىپ سالاسى تىزبەگىن ۇزدىكسىز ۇزارتقاندا عانا، اۋىل شارۋاشىلىعىنىڭ قۇن تىزبەگىنىڭ دەڭگەيىن جوعارىلاتۋعا بولادى؛ تەك كاسىپ سالاسى دامىعاندا عانا، اۋىل - قىستاقتىڭ گۇلدەنۋىن ىلگەرىلەتۋگە، اۋىل شارۋاشىلىعىنىڭ الۋەتتەنۋىن، اۋىل - قىستاقتاردىڭ كورىكتەنۋىن، شارۋالاردىڭ بايۋىن جۇزەگە اسىرۋعا بولادى.
(”لەپتى لەبىزگە“ ماقالا جىبەرۋ پوچتا حات ساندىعى: xjrbplb@126.com)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
