تۇرعان قورعاۋ:
بايۋدىڭ باستاماشىسى، شەكارانىڭ جاقسى قورعاۋشىسى
□ انار بۇلت / شينجياڭ گازەتىنىڭ ءتىلشىسى جاڭ يانفاڭ
2021.09.09 15:08 كەلۋ قاينارى : شينجياڭ گازەتى
پامير ۇستىرتىنە ورنالاسقان شينجياڭ ءوندىرىس - قۇرىلىس بيڭتۋانى 3 - شىسىنىڭ تويۇن مال فەرماسى 2 - ليانىندەگى تۇرعان قورعاۋدىڭ اتى ەلگە ءمالىم.
عىلمي جولمەن مال باعۋ تەحنيكاسىن جالپىلاستىرعان، قيىنشىلىعى بار جۇمىسشى - قىزمەتشىلەرگە اقشالاي، زاتتاي جىلۋ اتاعان، كوپشىلىكتى بىرگە كەدەيلىكتەن ارىلىپ، بايۋعا باستاعان تۇرعان بيڭتۋاندىقتاردىڭ تىڭ يگەرىپ، شەكارانى قورعاۋ بورىشىن باستان - اياق ەستە بەرىك ساقتاپ، ۇستىرتكە تەرەڭ تامىر تارتىپ، رياسىز ۇلەس قوستى، 2 - لياندەگى بايۋدىڭ باستاماشىسى، جۇمىسشى - قىزمەتشى بۇقارانىڭ جان اشىرى بولعان ول بۇرىن ”مەملەكەتتىك 1 - مامىر ەڭبەك مەدالى“ سياقتى كوپتەگەن داڭقتاردى ەنشىلەگەن.
”بيڭتۋاننىڭ جۇمىسشى - قىزمەتشىسى رەتىندە، كوممۋنيستىك پارتيا مۇشەسى رەتىندە، وتاننىڭ شەكاراسىن كۇزەتۋ، شەكارانى قورعاۋ، بۇقارانى كىرىستى ارتتىرىپ بايۋعا باستاۋ − مەنىڭ قىزمەت مىندەتىم مەن بورىشىم“، - دەدى 9 - ايدىڭ 1 - كۇنى 47 جاستاعى تۇرعان تىلشىگە.
تۇرعان تويۇن مال فەرماسىندا تۋىپ، ەرجەتتى، اكەسى زەينەتكە شىعۋدان بۇرىن ليان - دۇيدىڭ حايۋانات ىندەتىنەن ساقتانۋ قىزمەتكەرى ءارى پارتيا مۇشەسى بولاتىن. اكەسى بالالارىن وتاندى قىزۋ سۇيۋگە، ءوز كۇشىنە سۇيەنىپ ءومىر سۇرۋگە، ەڭبەكشىلدىكپەن بايۋعا، قالتقىسىز ءوزىن ارناۋعا تاربيەلەپ كەلدى.
”2 - ليان شەكارا جەلىسىمەن ىرگەلەس، شەكارا شارلاعان كەزدە ات ماڭىزدى قاتىناس قۇرالى سانالادى. مال فەرماسىندا حايۋانات ىندەتىنەن ساقتانۋ قىزمەتكەرى ساناۋلى بولىپ، ءار جولى شەكارا قورعانىس ليانىندەگى اتتار ىندەتكە شالدىقسا، اكەم دەرەۋ سوندا بارىپ اتتاردى ەمدەيتىن، وعان ەجەلدەن اقى المايتىن“، - دەدى تۇرعان.
اكەسىنىڭ سوزىمەن دە، ىسىمەن دە تاربيەلەۋىنىڭ ارقاسىندا، تۇرعان پارتيانىڭ حالىققا ءتيىمدى ساياساتىنا سۇيەنىپ، جاپاعا شىدامدى، جاڭالىق اشاتىن جاسامپازدىق رۋحپەن ۇستىرتتە بايۋدىڭ جولىن سالدى.
”تۇرعان ءبىزدىڭ ليان - دۇيدىڭ باعىمشىلىق جاعىنداعى’جەرگىلىكتى مامان‘، ءوزىنىڭ باعىمشىلىق ىستەرىن شالقىتۋمەن بىرگە، باسقا جۇمىسشى - قىزمەتشىلەرگە كومەكتەسۋدى، سۇيەمەلدەۋدى دە ۇمىتپادى. مال باعىپ جۇرسە دە، ەگىن اراسىندا، اتىز باسىندا جۇرسە دە، ول كەزدەسكەن ورايدىڭ ءبارىن قالت جىبەرمەي، كوپشىلىككە عىلمي باعىمشىلىق تەحنيكاسىن ۇيرەتتى“، - دەدى تويۇن مال فەرماسى 2 - ليانى پارتيا ياچەيكاسىنىڭ شۋجيى حۋ تيڭحۇي.
بۇرىن ليان - دۇيدەگى جۇمىسشى - قىزمەتشىلەر قوي باعىمشىلىعىندا ءداستۇرلى دالا جايىلىسىندا بولەك باعۋ ءتاسىلىن قولداناتىن، جايلىم بايلىعى شەكتى بولعاندىقتان، ”كۇيلى دە كەسەك“ قوي ءوسىرۋ وتە قيىن بولىپ، باعىمشىلىق وتباسىلارىنىڭ كىرىستى ارتتىرۋى قيىنعا سوقتى. تۇرعان ليان - دۇيدە ”دالا جايىلىسى تولىقتاپ جەم بەرۋ“ سىندى جەمدەۋ ۇلگىسىن جالپىلاستىرىپ، كوپشىلىكتى قويدى قوراعا ءبولىپ جەمدەۋگە، قوزىلاردى ليان - دۇيدە شوعىرلى باعۋعا، تاڭەرتەڭ - كەشتە جەم تولىقتاپ بەرىپ، مەرزىمدى ۋاقىتتا ىندەتتەن ساقتانۋعا، قۇرتتاپ تۇرۋعا جىگەرلەندىردى. وسىلايشا، قويلاردىڭ ءوسۋ جىلدامدىعى، كۇيلىلىگى، تۇلعالىق جاعدايى دالادا باعىلعانداعىدان كوپ جاقساردى. حۋ تيڭحۇي: ”قازىر ءبىزدىڭ ليان - دۇيدەگى قويلاردىڭ ءاربىرى 30 − 40 كيلوگرام سالماق باسىپ، ساتىلۋ باعاسى دا نەداۋىر جوعارىلادى“، - دەدى.
جۇمىسشى - قىزمەتشى بۇقارانىڭ كىرىسىن اناعۇرلىم جوعارىلاتۋ ءۇشىن، تاياۋدا تۇرعان حۋ تيڭحۇيمەن ليان - دۇيلەردەگى قويعا ماركا الۋ جونىندە اقىلداستى. ول: ”2 - لياننىڭ قويى تۇگەلدەي كۇيلى، ءشوپ جەۋ ءۇشىن بيىك تاۋعا شىعىپ جايىلادى، سوندىقتان ەت ساپاسى ەرەكشە جاقسى، وسىنداي جاقسى قويلاردى ءتىپتى دە جوعارى باعادا ساتۋ كەرەك“، - دەدى.
تۇرعان تاعى 2 - لياندەگى اتى بار ”مەيىرلى جان“، عىلمي جولمەن مال باعۋ تەحنيكاسىن ۇيرەتۋ، ساتۋ ارناسىن كەڭەيتۋ ارقىلى جۇمىسشى - قىزمەتشى بۇقارانىڭ كىرىستەرىن ارتتىرۋىنا كومەكتەسىپ قانا قالماستان، تاعى قولىنان كەلگەنىنشە كوپشىلىكتىڭ تۇرمىستاعى قيىنشىلىقتارىن شەشىپ بەرەدى.
2 - لياننىڭ قىزمەتشىسى ۇرايىن يزاقتىڭ كىشكەنتاي كەزىندە اكە - شەشەسى ناۋقاستان قايتىس بولعاندىقتان، تۇرمىسىندا قيىنشىلىعى بار ەدى. تۇرعان ونى تۋعان ىنىسىندەي كورىپ قارايلاسىپ، وعان 20 قوي بەرىپ، ونىڭ باعىمشىلىقتى دامىتۋىنا كومەكتەسىپ، ونى كۇرەسكەرلىكپەن تاماشا تۇرمىسقا جەتۋگە جەتەكتەيدى. بۇگىنگى كۇندە ۇرايىن 200 تۇياقتىڭ ۇستىندە قوي باعىپ وتىر، تۇرمىسى كوڭىلدى ءوتىپ جاتىر. ول العىسىن جاۋدىرا: ”تۇرعان مەنىڭ جاقسى اعام، مەن دە بۇدان كەيىن ول سياقتى قيىنشىلىعى بار ادامدارعا قولىمنان كەلگەنىنشە كومەكتەسەمىن“، - دەدى.
ءوز ءۇيىنىڭ جۇك اۆتوموبيلىن ليان - دۇيدەگى جۇمىسشى - قىزمەتشىلەردىڭ كوشى - قون تاسىمالىنا جانە جەم - ءشوپ تاسۋىنا تەگىن بەرىپ كومەكتەستى؛ جالعىزىلىك قارتتارعا، قيىنشىلىعى بار جۇمىسشى - قىزمەتشىلەرگە اقشالاي، زاتتاي جىلۋ اتاپ، ولاردىڭ تۇرمىستاعى قيىن ماسەلەلەردى شەشۋىنە كومەكتەستى؛ وتباسىندا قيىنشىلىعى بار 10 نەشە وقۋشىنى ”داشۋەدە وقۋ ارمانىنا“ جەتكىزدى... 20 نەشە جىلدان بەرى تۇرعان ىستەگەن ىزگى ىستەر ساناپ تاۋىسقىسىز بولدى.
ءاربىر مالشى كۇزەتشى اسكەر، ءاربىر كيىز ءۇي ءبىر قاراۋىلحانا بولدى. تۇرعان تاۋعا شىعىپ مال باققان كەزدە ۇنەمى شەكارا جەلىسىن ءبىر اينالىپ شىقسا، كوڭىلى ورنىعىپ قالاتىن. تەمىر تورلاردىڭ ءۇزىلىپ قالعان سىمىن جالعاۋ ونىڭ شەكارا شارلاۋ جولىندا ۇنەمى ىستەيتىن ءىسى. ول اتپەن شەكارا شارلاۋعا بارىپ - قايتقاندا، ءبىر رەتتە 40 نەشە كيلومەتر جول باسادى، اپتاسىنا از دەگەندە 3 رەت شارلاۋعا شىعادى، 20 نەشە جىلدان بەرى مەيلى كۇن اشىق نە بۇلتتى بولسىن، جاڭبىر جاۋىپ نە قار جاۋىپ تۇرسىن، مۇلدە توقتاتقان ەمەس.
”مەن وتانىمدى سۇيەمىن، كورىكتى مەكەنىمدى سۇيەمىن. شەكارانىڭ تىنىشتىعى ءۇشىن، اۋىلداستاردىڭ تۇرمىسىن ءتىپتى دە باقىتتى ەتۋ ءۇشىن، بۇدان دا كوپ ەڭبەك سىڭىرۋگە رازىمىن“. تۇرعان: ”مەن ۇزدىكسىز مۇقياتتىلىقپەن شەكارانى شارلايمىن، شەكارانى قورعايمىن، ليان - دۇيلەردەگى جۇمىسشى - قىزمەتشىلەرمەن بىرگە وتانىمىزدىڭ ءاربىر سۇيەم جەرىن ويداعىداي قورعايمىن“، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
