جۇماتاي اۋباكىر:
بار كۇشىن سالىپ تاۋ قويناۋىنداعى مالشىلاردىڭ سالاماتتىعىن قورعادى
□ انار بۇلت / شينجياڭ گازەتىنىڭ ءتىلشىسى جازيرا نەسىپبەك
2021.09.09 15:15 كەلۋ قاينارى : شينجياڭ گازەتى
تەكەس اۋدان قالاشىعىنىڭ وڭتۇستىك جاعىنداعى بوزادىر مال شارۋاشىلىق رايونىندا قاز - قاتار سالىنعان اق ۇيلەر ەكى تاۋدىڭ اراسىندا انادايدان كوزگە شالىعادى. بۇل ارا تەكەس اۋدانى مال شارۋاشىلىعى بوزادىر - كوكسۋ اراسان ەمحاناسى ءارى وسى ەمحانانىڭ پارتيا ياچەيكا شۋجيى جۇماتاي اۋباكىر 28 جىل قىزمەت ىستەگەن، ءالى دە تاپجىلماي قىزمەت ىستەپ وتىرعان جەرى.
”كەتۋىمە بولادى، ءبىراق كەتكىم كەلمەيدى. مال شارۋاشىلىق رايونىنداعى بۇقارا مەنى قاجەت ەتەدى“، - دەدى 9 - ايدىڭ 1 - كۇنى جۇماتاي تىلشىگە. بيىل 57 جاسقا كەلگەن ول جىل بويى تەڭىز دەڭگەيىنەن بيىك وڭىردە تۇرىپ قىزمەت ىستەگەندىكتەن، تەرىسى كۇنگە كۇيىپ توتىعىپ كەتىپتى.
”مەنىڭ اكەم اۋىل - قىستاق شيپاگەرى بولاتىن. ول بۇرىن ماعان اۋىل - قىستاقتا شيپاگەر تاپشى دەپ، مەنىڭ دە اۋىل - قىستاق شيپاگەرى بولۋىمدى ءۇمىت ەتەتىنىن ايتقان ەدى“ ، - دەدى جۇماتاي. 1992 - جىلى جۇماتاي قۇلجا دەنساۋلىق ساقتاۋ مەكتەبىنەن وقۋ تاۋىسقاننان كەيىن، بوزادىر مال شارۋاشىلىق رايونىنا قىزمەتكە بولىنەدى. تىزىمدەلۋگە باراتىن كۇنى اكەسى ونى موتوتسيكلىنە مىنگەستىرىپ، مال شارۋاشىلىق رايونىنا ءوزى اپارىپ سالىپتى.
بوزادىر مال شارۋاشىلىق رايونىندا كوپتەگەن اسۋ بار، تەڭىز دەڭگەيىنەن ورتاشا بيىكتىگى 3000 مەتردەن اسادى، تاۋ جىلعالارى سان سالالى بولىپ، جولى ەرەكشە قاتەرلى، كوپ جەرلەرىنىڭ جول بەتى تەك 70 − 80 سانتيمەتر عانا كەڭدىكتە بولىپ، تەك ءبىر ات نەمەسە ەكى قوي قاتارلاسىپ جۇرە الادى، ونىڭ ۇستىنە مالشىلار بىتىراي ورنالاسقاندىقتان، قىستىگۇنى ارالاپ ەمدەۋگە شىقسا، ءبىر جولدا از دەگەندە اتپەن 20 نەشە كۇن ارالاۋعا تۋرا كەلەدى، ەگەر قالىڭ قار جاۋىپ قالاتىن بولسا، ءبىر ايدان استام جۇرەدى ەكەن.
ول كەزدە مال شارۋاشىلىق رايون ەمحاناسىنىڭ شارت - جاعدايى ناشار، ەكى بولمەلى ەسكى اعاش ءۇيى عانا بار ەدى، سۋ، ەلەكتر جوق، ەمدەۋ جابدىعى مۇلدە بولمايتىن. جۇماتايدىڭ قوبالجىعان بەينەسىنە قاراپ وتىرعان اكەسى وعان: قۇلىنىم ەسەيدىڭ، اكەڭ ەندى دەمالادى، سەن جاقسى ىستە، جارامدى شيپاگەر بول. مىناۋ مەنىڭ ءومىر بويى ۇستاعان ءدارى - دارمەك ساندىعىم، مەنىڭ كوزىم ىسپەتتى، سەنى قاداعالاپ وتىرامىن، - دەيدى.
جۇماتاي وسى كاسىپتى قولىنا الىپ 28 جىل جالعاستىردى، اسىرەسە، الدىڭعى 20 جىلدا ول نەگىزىنەن مالشىلاردىڭ سالاماتتىعىن ساقتاۋدىڭ اۋىر جۇگىن جالعىز ءوزى ارقالادى. ول ءبىر جىل ۋاقىتتا بوزادىر مال شارۋاشىلىق رايونىنىڭ قىرى - سىرىنا قانىعىپ، ءبىر قاريتا سىزىپ شىعىپ، قاريتاعا ءاربىر مالشى وتباسىنىڭ تۇرعان ورنىنا بەلگى قويىپ شىقتى.
”كەيىن اكەم قايتىس بولدى، مەن دە ەندىگارى مال شارۋاشىلىق رايونىنان كەتۋدى ويلامايتىن بولدىم. اكەم ەكەۋىمىزدىڭ ارامىزداعى ۋادە ەندى ءوزىمنىڭ ۋادەمە وزگەردى، مەن مالشىلار ءۇشىن قولىمنان كەلگەن ءىستى كوبىرەك ىستەگىم كەلەدى“، - دەدى جۇماتاي.
جۇماتايدىڭ ايەلى مەن بالالارى تەكەس اۋدانىنىڭ شولاقتەرەك قالاشىعىندا تۇرادى، ال جۇماتاي ءار جىلدىڭ 300 نەشە كۇنىندە مال شارۋاشىلىق رايونىندا ارالاپ ءجۇرىپ ناۋقاس كورەدى. كەي كەزدەرى جولدى قىسقارتىپ، قىمباتتى قۇتقارۋ ۋاقىتىن ۇتۋ ءۇشىن، جۇماتاي تاۋەكەلگە باسىپ، الىس بولسا دا، ءبىرشاما حاۋىپسىز جولمەن جۇرۋدەن باز كەشىپ، تەڭىز دەڭگەيىنەن 4000 مەتر بيىك اسۋدان اساتىن. ءار رەت ارالاپ ءجۇرىپ ناۋقاس كورگەن كەزىندە جۇماتاي 40 نەشە كيلوگرام ءدارى - دارمەك، 10 كيلوگرام كەلەتىن ۇگىت ماتەريالىن ارقالاپ الادى ءارى باستان - اياق مەيلى اقشاسى بولسىن - بولماسىن الدىمەن اۋرۋدى ەمدەيمىن دەگەن پرينسيپتەن اۋىتقىمادى.
جۇماتاي ناۋقاستارعا ءوز وتباسىنىڭ ادامدارىنداي مامىلە جاسادى. جۋىردا 42 جاستاعى مالشى بەكتۇرسىن ايتبايدىڭ رەۆماتيزمى اسقىنادى، جۇماتاي دەرەۋ تەكەس اۋداندىق جۇڭي شيپاحاناسىنا حابارلاسىپ، ونىڭ اۋرۋىن دەر كەزىندە تىزگىندەۋگە كومەكتەستى. ”مەنىڭ ءۇيىم ەمحانادان 30 كيلومەتر شالعايدا، جۇماتاي شيپاگەر مەنىڭ ەمدەلۋىمە قولايلىلىق جاساۋ ءۇشىن، ءبىر جىلدان استام ۋاقىتتان بەرى ۇيىمە كەلىپ ەمدەپ كەلەدى“، - دەدى بەكتۇرسىن.
تاياۋ جىلداردان بەرى ەمحانانىڭ شارت - جاعدايى ۇزدىكسىز جاقسارىپ، سۋ جەتكىزىلدى، كۇن نۇرى ەنەرگياسىمەن توك شىعاراتىن جابدىقتار اكەلىندى، تاعى كوپتەگەن جاڭا ەمدەۋ جابدىقتارى قوسىلدى، قازىر ەمدەۋ - كۇتىمدەۋ قىزمەتكەرلەرى مولايىپ 18گە جەتتى. ”قازىر ەمحانانىڭ 100 نەشە شارشى مەتر كەلەتىن امبولاتوريا ءبولىمى، 100 نەشە شارشى مەتر كەلەتىن جۇڭگوشا ەمدەۋ ءبولىمى، 10 نەشە بالنيتسا بولمەسى بار، مالشىلاردى ەمدەۋ اناعۇرلىم قولايلى بولا ءتۇستى“، - دەدى جۇماتاي.
ەمحانانىڭ اتى تاياۋ ماڭداعى كوكسۋ دەلىنەتىن اراساننىڭ اتىنان كەلگەن، قازىر بۇل ارادا بالنيتسا سالىنعالى جاتىر. جۇماتاي بىلاي دەدى: ”اراسان سۋىنىڭ تەمپەراتۋراسى 38 − 42 سەلتسي گرادۋس اينالاسىندا، بۇل كەي اۋرۋلاردى ەمدەۋگە كومەگى زور، بالنيتسا ءبولىمى سالىنىپ بولعاننان كەيىن ءبىز ۋقالاۋ، تاراپ ەمدەۋ، لوڭقا توڭكەرۋ، ايجيۋ سياقتى جۇڭگوشا ەمدەۋ تەحنيكالارمەن مالشىلاردى اناعۇرلىم جاقسى ەمدەۋ قىزمەت وتەۋىمەن قامدايمىز“.
جۇماتايدىڭ ءبىر ارمانى بار، ول بولسا زەينەتكە شىعۋدان بۇرىن ءوزىنىڭ ورنىندا وسىناۋ تاۋ قويناۋىنداعى مالشىلاردىڭ سالاماتتىعىن قورعايتىن تاپجىلمايتىن ەمدەۋ قوسىنىن جەتىلدىرىپ شىعۋ. ”جۇماتاي اعا ءار جىلى سىرتقا بارىپ جۇڭگوشا ەمدەۋ تەحنيكاسىن ۇيرەنىپ قايتادى، قايتىپ كەلگەننەن كەيىن ۇيرەنگەندەرىن ەمحاناداعى شيپاگەرلەرگە ۇيرەتىپ، كوپشىلىكتى بىرگە العا باسىپ، مالشىلارعا قىزمەت وتەۋ قابىلەتىن جوعارىلاتۋعا مۇمكىندىك جاسايدى“، - دەدى تەكەس اۋدانى مال شارۋاشىلىق بوزادىر − كوكسۋ اراسان ەمحاناسىنىڭ باستىعى ەلشات البانباي.
”قازىر جاسىم ۇلعايىپ قالسا دا، مالشىلارعا شامامنىڭ كەلىسىنشە قىزمەت وتەيمىن“، - دەدى جۇماتاي.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
