الدىڭعى 8 ايدا شينجياڭ ورنالاستىرعان توتە تۇسكەن قارجى 100 ميلليارد يۋاننان استى
2021.09.14 14:53 كەلۋ قاينارى : حالىق تورابى
شينجياڭ گازەتىنىڭ 9 - ايدىڭ 12 - كۇنى ۇرىمجىدەن بەرگەن حابارى. ٴتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، الدىڭعى 8 ايدا شينجياڭ جالپى 103 ميلليارد 280 ميلليون يۋان (توتە تۇسكەن قارجى 92 ميلليارد 780 ميلليون يۋان، قوسىمشا توتە تۇسكەن قارجى 10 ميلليارد 500 ميلليون يۋان) توتە تۇسكەن قارجىنى ورنالاستىرىپ، مەجە ەسەپتىڭ ءتۇسىرىلۋ قارقىنى ％100كە جەتىپ، 3470 كاسىپورىندى، 18 ميلليون 54 مىڭ ادامدى يگىلىككە كەنەلدىرگەن.
بيىل جىل باسىنان بەرى شينجياڭ ۇيعۇر اۆتونوميالى رايونى توتە تۇسكەن قارجىنى باقىلاۋ - باسقارۋ قىزمەت مەحانيزمىن قاتاڭ تياناقتاندىرىپ، نەگىزگى ساتىنى قولداۋ سەرپىنىن ارتتىرىپ، نىساننىڭ قارجى ۇسىنىلىمىن مولايتىپ، ەكونوميكانىڭ ورنىقتى دامۋىنا دەم بەردى.
شينجياڭ ۇيعۇر اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: بيىل توتە تۇسكەن قارجىنىڭ ىشىندە 16 ميلليارد 850 ميلليون يۋان «14 - بەسجىلدىق» جوباداعى وسى زامانعى كەشەندى قاتىناس - تاسىمال جۇيەسى قۇرىلىسىن قولداۋعا ورنالاستىرىلدى.
قازىر مەملەكەت تاسجولىنان 27سىنىڭ (چارقىلىقتان نيەگە دەيىنگى، نيەدەن لوپقا دەيىنگى قاتارلىلار قامتىلدى)، جوعارى جىلدامدىقتى تاسجولدان ۇشەۋىنىڭ (باركولدەن موريعا دەيىنگى، ۇرىمجىدەن لوپنۇرعا دەيىنگى، جىڭنان الاتاۋ ساعاسىنا دەيىنگى) قۇرىلىسى جۇرگىزىلۋدە.
توتە تۇسكەن قارجىدان 11 ميلليارد 650 ميلليون يۋان قارجى اۋدان دارەجەلى نەگىزگى قازىنا قۋاتىن قامتاماسىزداندىرۋ مەحانيزمى بويىنشا بەرىلەتىن سيلىق قوسىمشا قاراجاتىنا ورنالاستىرىلىپ، اۋدان، اۋىلدارداعى اكىمشىلىك ءىسورىنداردا قىزمەت ىستەپ جاتقان، دەمالىسقا، زەينەتكە شىققان، ت.ب. ادامداردىڭ ەڭبەكاقىسىنىڭ ۋاعىندا، تولىق تاراتىلۋىنا قولداۋ كورسەتىلدى، نەگىزگى ساتىنىڭ «نەگىزگى حالىق تۇرمىسىن قامتاماسىز ەتۋ، ەڭبەكاقىنى قامتاماسىز ەتۋ، جۇمىس اينالىمىن قامتاماسىز ەتۋ» ساياساتىن تياناقتاندىرۋىنا قولداۋ كورسەتتى.
مۇنان تىس، توتە تۇسكەن قارجىدان 9 ميلليارد 460 ميلليون يۋانى قيىنشىلىعى بار بۇقارانى قۇتقارۋعا - كومەكتەسۋگە ورنالاستىرىلىپ، ەڭ تومەنگى تۇرمىستى قامتاماسىز ەتۋ، ەرەكشە قيىنشىلىعى بارلاردى، ۋاقىتشا قۇتقارۋ - كومەكتەسۋدى قامتاماسىز ەتۋ سەرپىنىن ارتتىرىپ، ءبىر ميلليون 887 مىڭ ادامدى يگىلىككە كەنەلتتى.
شينجياڭ ۇيعۇر اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى مىنالاردى ءبىلدىردى: توتە تۇسكەن قارجى اۋدان، قالا نەگىزگى ساتىلارىنا توتە جەتىپ، كاسىپورىنداردى تىكە يگىلىككە كەنەلتىپ، حالىققا پايدا جەتكىزىپ، قاتىستى كاسىپ سالالارىنىڭ سايكەستى دامۋىن جەبەپ، جۇمىستانۋ جالپى مولشەرىن ارتتىرىپ، «التىنى ورنىقتىرۋ» قىزمەتىن ويداعىداي ىستەۋگە، «التىنى قامتاماسىز ەتۋ» مىندەتىن تياناقتاندىرۋعا بەرىك نەگىز قالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
