قورعاستىڭ ازىق – تۇلىك ونىمدەرى ورتا ازيادا ءوتىمدى بولدى
2021.09.14 15:59 كەلۋ قاينارى : حالىق تورابى
شينجياڭ گازەتىنىڭ 9 – ايدىڭ 13 – كۇنى قورعاستان بەرگەن حابارى. انار بۇلت \ شينجياڭ گازەتى ءتىلشىسى جازيرا نەسىپبەك قىزى، حى جياڭ حابارلايدى: «ورتاڭعى كۇز مەرەكەسى كەلۋ قارساڭىندا، ءبىز 2 ميلليون ايكۇلشە وندىرەمىز، ونىڭ جارىمى ورتا ازيا ەلدەرىنە ساتىلادى». 9 – ايدىڭ 13 – كۇنى قورعاس نان كاسىبى باقشاسىنداعى قورعاس قالاسى جىبەك جولى تيانماي ازىق – تۇلىك شەكتى سەرىكتەستىگىنىڭ باس ديرەكتورى سۇن چيڭجۇڭ، — كاسىپورنىمىز كۇنىنە 150 مىڭ نان جاۋىپ، 10 مىڭ لەبا بولكاسىن شىعارادى. 8 – ايدا ايكۇلشەگە تاپسىرىس العاننان بەرى، سەحتا لەبا بولكاسىن ءوندىرۋ توقتاتىلدى، شىنىمەن قاربالاس بولىپ قالدىق»، — دەيدى.
2020 – جىلى 6 – ايدا كاسىپ باقشاسى اشىلعاننان بەرى، قورعاس نان كاسىبى باقشاسى ايرىقشا وڭىرلىك ابزالدىلىعى مەن تاماشا تيجارات ورتاسىنان پايدالانىپ، 10 نەشە كاسىپورىندى ورنالاسۋعا باۋرادى. قورعاس قالاسى جىبەك جولى تيانماي ازىق – تۇلىك شەكتى سەرىكتەستىگى بيىل 3 – ايدا اتالعان كاسىپ باقشاسىنا ورنالاسقان، 8 – ايداعى تيجارات كىرىسى ميلليون يۋانعا جەتكەن.
سەحتىڭ ءبىر جاعىندا اسقاباق ءدامدى بۇرشاق ۇنتاعى، قىزىل بۇرشاق ۇنتاعى قاتارلى ءتۇرلى دامدەگى ايكۇلشەلەردىڭ ماتەريالدارى رەتتى تىزىلگەن. مۇنداي دايىنداپ قويعان ماتەريالدار مەن يلەۋلى قامىر ۇلاسپالى ءوندىرىس جەلىسىندە توعىسىپ، سانسىزداعان ايكۇلشە بولىپ شىعادى.
48 جاستاعى جارقىن ورالبەك ۇلى جۇمىرتقا سارىسىن نەگىزگى فورماسى قالىپتاسقان ايكۇلشەلەردىڭ بەتىنە تەزدەتە جاعۋدا. «وسىلاي جاققاندا اناعۇرلىم تەگىس جاعىلادى، ايكۇلشەلەر اناعۇرلىم ءدامدى بولادى»، — دەيدى جارقىن كۇلىمسىرەپ، — «ايكۇلشەگە تاپسىرىس كۇرت ارتقاندىقتان، ءبىز ۇستەمە قىزمەت ىستەگەندە عانا ورىنداپ بولا الامىز».
تۇراقتى تاپسىرىس جارقىن سياقتى اۋىل – قىستاقتاعى ءبىر توپ ارتىق ەڭبەككۇشتەردىڭ زاۆودتا جۇمىسشى بولۋىنا وراي جاراتتى. بۇل كاسىپورىن ىلە وبلىسىنداعى مۇگەدەكتەردى كۋرسقا قاتىناستىرۋ جانە كاسىپتەندىرۋ بازاسى بولىپ، 30 نەشە مۇگەدەكتى كاسىپتەندىرگەن.
«مەنىڭ ءۇيىم كۇنەستە، 5 – ايدا جۇمىسقا شىعۋ الدىنداعى كۋرسقا قاتىناستىم، 6 – ايدىڭ 20 – كۇنى وسى جەرگە جۇمىسقا ورنالاستىم»، — دەيدى جارقىن، — «كىرىسىم ورنىقتى، الدا تۇرمىسىم بارعان سايىن جاقسى بولادى دەپ سەنەمىن».
سۇن چيڭجۇڭ بىلاي دەدى: «تەك لەبا بولكاسىنىڭ وزىنەن بىزدە 19 ءتۇرى وندىرىلەدى، ءبىز ەل ىشىندەگى جەمىس ءدانى دامىندەگى لەبا بولكالارىن ورتا ازياداعى ەلدەرگە ساتىپ، ورتا ازيا ەلدەرىندەگى قارا ءبيداي دامىندەگى لەبا بولكالارىن ەل ىشىنە ساتامىز، كاسىپورىننىڭ تيجارات كىرىسى ارتتى، مەجەمەن كەلەسى جىلى تيجارات كىرىسىمىز 10 ميلليون يۋاننان اساتىن بولادى»، — دەدى.
ەل ءىشى – سىرتىنداعى ەكى بازاردىڭ قاجەتىن ءدال تاپقاندىقتان، قازىر قورعاس نان كاسىبى باقشاسىنداعى كاسىپورىندار وندىرگەن ءتۇرلى نان، بولكا، لەبا بولكالارى، ايكۇلشە قاتارلى ونىمدەردىڭ كۇندىك ءوندىرىس مولشەرى 600 مىڭ داناعا جەتتى، بيىل 100 ميلليون دانادان استام ءونىم ءوندىرىپ، ورتا ازياداعى ەلدەرگە 14 ميلليوندايىن ساتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
