سىرتقى ىستەر مينيسترلىگى: ا ق ش، انگليا، اۆستراليا ەلدەرىنىڭ يادرولىق سۇڭگۋىر كەمە جاعىنداعى سەلبەستىگى ءوڭىردىڭ بەيبىتشىلىگى مەن ورنىقتىلىعىنا اۋىر زيان جەتكىزەدى
2021.09.17 14:29 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋ يۋە، سۇن نان 9 – ايدىڭ 16 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى سۇن ليجيان 9 – ايدىڭ 16 – كۇنى كەزەكتى تىلشىلەردى قابىلداۋ ماجىلىسىندە بىلاي دەدى: ا ق ش، انگليا جانە اۆستراليا ەلدەرىنىڭ يادرولىق سۇڭگۋىر كەمە جاعىندا سەلبەستىك جاساۋى وڭىرلىك بەيبىتشىلىك پەن ورنىقتىلىقتى بۇلدىرەدى، اسكەري قارۋ – جاراق باسەكەسىن اسقىندىرىپ، حالىقارالىق قوعامنىڭ يادرولىق قارۋدى ۇلعايتپاۋ جاعىنداعى قۇلشىنىسىنا زيان جەتكىزەدى. جۇڭگو جاق قاتىستى جاعدايدىڭ وزگەرىسىنە ايرىقشا نازار اۋدارادى.
ءتىلشى بىلاي دەپ سۇرادى: ا ق ش، انگليا، اۆستراليا ەلدەرى جۋىردا جاڭا اسكەري سەرىكتەستىك قارىم – قاتىناس ورناتاتىندىعىن ءارى (وسى سەرىكتەستىك اياسىندا) اۆسترالياعا يادرولىق سۇڭگۋىر كەمە بەرەتىنىن جاريالادى. بىرەۋلەر بۇل شارا جۇڭگونىڭ ءۇندى – تىنىق مۇحيت وڭىرىندەگى ىقپالىن تەجەۋ ءۇشىن ىستەلگەن دەپ قاراۋدا. جۇڭگو جاق بۇعان قانداي پىكىر بىلدىرەدى؟
جاۋ ليجيان بىلاي دەدى: ا ق ش، انگليا جانە اۆستراليا ەلدەرىنىڭ يادرولىق سۇڭگۋىر كەمە جاعىندا سەلبەستىك ورناتۋى ءوڭىردىڭ بەيبىتشىلىگى مەن ورنىقتىلىعىن اۋىر دارەجەدە بۇلدىرەدى، اسكەري قارۋ – جاراق باسەكەسىن اسقىندىرىپ، حالىقارالىق قوعامنىڭ يادرولىق قارۋدى ۇلعايتپاۋ جاعىنداعى قۇلشىنىسىنا زيان جەتكىزەدى. «ا ق ش پەن انگليانىڭ اۆسترالياعا يادرولىق سۇڭگۋىر كەمە تەحنيكاسى سىندى ايرىقشا سەزىمتال تەحنيكانى ەكسپورت ەتۋى ولاردىڭ يادرولىق قارۋدى ەكسپورت ەتۋدى گەوساياسي تارتىستىڭ قۇرالى ەتەتىنىن، «ەكى ءتۇرلى ولشەم» قولداناتىنىن قايتالاي ىسپاتتادى، بۇل بارىپ تۇرعان جاۋاپكەرسىزدىك ارەكەت سانالادى.
ول بىلاي دەدى: اۆستراليا «يادرولىق قارۋدى ۇلعايتپاۋ شارتىنداعى» يادرولىق قارۋسىز شارت جاساسۋشى مەملەكەت جانە «وڭتۇستىك تىنىق مۇحيت يادرولىق قارۋسىز ءوڭىرى شارتىنداعى» شارتتاسقان مەملەكەت رەتىندە، ستراتەگيالىق اسكەري قۇنعا يە يادرولىق سۇڭگۋىر كەمەنى ەنگىزبەكشى، توڭىرەگىندەگى ەلدەردى قامتىعان حالىقارالىق قوعامنىڭ اۆستراليا جاقتىڭ يادرولىق قارۋدى ۇلعايتپاۋ جونىندە شىن نيەتپەن ۋادە بەرگەنىنەن كۇمانداناتىن ءجونى بار. جۇڭگو جاق قاتىستى جاعدايدىڭ وزگەرىسىنە ايرىقشا نازار اۋدارادى.
«جۇڭگو جاق ەجەلدەن بەرى ءارقانداي وڭىرلىك مەحانيزم بەيبىت دامۋ سىندى ءداۋىر اعىمىنا ۇيلەسۋى، وڭىردەگى ەلدەردىڭ ءوزارا سەنىمى مەن سەلبەستىگىن ارتتىرۋعا سەپتىگىن تيگىزۋى، ءۇشىنشى جاققا باعىتتالماۋى نەمەسە ءۇشىنشى جاقتىڭ مۇددەسىنە زيان جەتكىزبەۋى كەرەك دەپ قارايدى. توماعا تۇيىقتىققا سالىنۋ، باسقالاردى شەتكە قاعاتىن «شاعىن ۇجىم»، «شاعىن توپ» قۇرۋ ءداۋىر اعىمىنا قايشى كەلگەندىك، وسى وڭىردەگى ەلدەردىڭ قالاۋىنا قايشى ارەكەت ىستەگەندىك، بۇل جەكسۇرىندىق ارەكەت، شىعار جولى دا جوق»، — دەدى جاۋ ليجيان.
ول بىلاي دەدى: قاتىستى مەملەكەتتەر قىرعي قاباقتىق سوعىس مەزگىلىندەگى ۋاقىتى وتكەن «ءبىرى ءولىپ، ءبىرى قالۋ» وي جەلىسى مەن تار ءورىستى گەوساياسي تانىمنان ارىلىپ، وسى وڭىردەگى ەلدەردەگى حالىقتىڭ تىلەگىنە قۇرمەت ەتىپ، ءوڭىردىڭ بەيبىتشىلىگى مەن ورنىقتىلىعىنا، دامۋىنا پايدالى ىستەردى كوبىرەك ىستەۋى كەرەك، ۇيتپەگەندە، ءوزى قازعان ورعا ءوزى تۇسەتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
