ۋاڭ ي قازاقستاننىڭ ورىنباسار زۇڭليى، قوسىمشا سىرتقى ىستەر مينيسترى مۇحتار تىلەۋبەردىمەن كەزدەستى
2021.09.17 10:59 كەلۋ قاينارى : حالىق تورابى
شينحۋا اگەنتتىگىنىڭ 9 ـ ايدىڭ 16 ـ كۇنى دۋشانبەدەن بەرگەن حابارى. جەرگىلىكتى ۋاقىت 9 ـ ايدىڭ 16 ـ كۇنى مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي دۋشانبەدە قازاقستاننىڭ ورىنباسار زۇڭليى، قوسىمشا سىرتقى ىستەر مينيسترى مۇحتار تىلەۋبەردىمەن كەزدەستى.
ۋاڭ ي بىلاي دەدى: جۇڭگو مەن قازاقستان ىندەتكە بىرگە قارسى تۇرۋ بارىسىندا ءوزارا كومەك قولىن سوزىپ، ەكى ەلدىڭ دوستىعى ونان ارى تەرەڭدەدى. جۇڭگو قازاقستانمەن بىرگە ەكى ەل باسشىلارى كەلىسكەن ماڭىزدى ورتاق تانىمدى جاپپاي تياناقتاندىرىپ، كەلەر جىلى ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 30 جىلدىعىن وراي ەتىپ، ىندەتكە قارسى تۇرۋدى جانە ءار سالاداعى ءوزارا ءتيىمدى سەلبەستىكتى كۇشەيتىپ، جۇڭگو مەن قازاقستاننىڭ ماڭگىلىك جان ـ جاقتى ستراتەگيالىق سەرىكتەستىك قارىم ـ قاتىناسىنىڭ تاعى دا تىڭ بەلەسكە كوتەرىلۋىن ىلگەرىلەتۋدى قالايدى. ەكى جاق دامۋ ستراتەگياسىن ۇشتاستىرۋدى كۇشەيتىپ، ۇكىمەت ارا ەكونوميكا ـ ساۋدا سەلبەستىك جوباسى مەن جاڭا ۇلگىدەگى قارجى قوسۋدى قورعاۋ كەلىسىمىنە اقىلداسىپ قول قويۋدى جەدەلدەتىپ، ەكى جاق كەلىسكەن ءوندىرىس قۋاتى سەلبەستىك نىساندارىن ويداعىداي تياناقتاندىرىپ، جۇڭگو ـ ەۆروپا كەزەكشى پويەزىنىڭ قاتىناۋ مولشەرى مەن اينالىم ساپاسىن جوعارىلاتىپ، جاساندى زەردە، سيفرلى فينانس، شەكارا اتتاعان ەلەكتروندىق ساۋدا، جاسىل ەنەرگيا سياقتى سالالارداعى سەلبەستىكتى ىلگەرىلەتۋى كەرەك. قازاقستاننىڭ بەيجيڭ قىسقى وليمپياداسىنا بەلسەنە قاتىناسۋىن قارسى الامىز. جۇڭگو قازاقستاننىڭ ازيا ءوزارا ىقپالداستىق جانە سەنىم شارالارى ءماجىلىسىنىڭ سىرتقى ىستەر مينيسترلەرى ءماجىلىسىن ويداعىداي وتكىزۋىن قولدايدى، قازاقستانمەن بىرگە اۋعانستان جاعدايىنىڭ وتپەلى كەزەڭنەن ورنىقتى ءوتۋىن ىلگەرىلەتىپ، ءوڭىردىڭ حاۋىپسىزدىگىن، ورنىقتىلىعىن جانە دامۋىن جەبەۋدى قالايدى. ەكى جاق كوپ جاقتى سالالارداعى سايكەسۋدى، سەلبەسۋدى كۇشەيتىپ، دامۋ جولىنداعى ەلدەردىڭ ورتاق مۇددەسىن قورعاۋى، حالىقارالىق ادىلدىكتى، تۋراشىلدىقتى قورعاۋى، حالىقارالىق قارىم ـ قاتىناستىڭ نەگىزگى ولشەمىن قورعاۋى كەرەك.
تىلەۋبەردى بىلاي دەدى: قازاقستان قازاقستان ـ جۇڭگو قاتىناسىن دامىتۋعا ايرىقشا ءمان بەرەدى، جۇڭگومەن جوعارى جىكتەگىلەردىڭ مەرزىمدى بارىس ـ كەلىسىن ساقتاپ، ءار دەڭگەيدەگى ساياسي تىلدەسۋدى ىلگەرىلەتۋدى قالايدى. جۇڭگونىڭ قازاقستاندى ۋاكسينامەن قامداعانىنا العىس ايتامىز، ەكى ەلدىڭ ىندەتكە قارسى اتتانۋ سەلبەستىگىن ۇزدىكسىز ىلگەرىلەتۋدى ءۇمىت ەتەمىز. قازاقستان جۇڭگومەن بىرگە «نۇرلى جول» مەن «ءبىر بەلدەۋ، ءبىر جولدى» ۇشتاستىرۋدى كۇشەيتىپ، «جاسىل ارنا» جانە «بولات ـ تەمىر كەرۋەنى» سەلبەستىگىن تەرەڭدەتۋدى قالايدى. قازاقستان ۆيرۋستىڭ كەلۋ قاينارىن تەكسەرۋدەگى «قاسكۇنەمدىك ايتىلىمىنا» قارسى تۇرادى، جۇڭگونىڭ بەيجيڭ قىسقى وليمپياداسىن وتكىزۋىن قولدايدى، بەيجيڭ قىسقى وليمپياداسىنىڭ تابىستى بولاتىندىعىنا سەنەمىز. جۇڭگونىڭ تايۋانعا، ادامدىق ۇقىققا ساياتىن ماسەلەلەردەگى تۇرعىسىن قولدايدى، جۇڭگومەن اۋعانستان ماسەلەسى جونىندە پىكىرلەسۋدى، سايكەسۋدى كۇشەيتىپ، شاڭحاي سەلبەستىك ۇيىمى سياقتى كوپ جاقتى جۇلگەدە سەلبەستىكتى تەرەڭدەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
