بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

انحۇي ولكەلىك جوعارى دارەجەلى حالىق سوت مەكەمەسىنىڭ بۇرىنعى باستىعى جاڭ جيان ءبىرىنشى سوتتا 15 جىلدىق مەرزىمدى قاماق جازاسىنا ۇكىم ەتىلدى

2021.09.15 15:06    

  حالىق تورابىنىڭ 9 – ايدىڭ 14 – كۇنى بەيجيڭنەن بەرگەن حابارى (بو چىندي) فۋجيان ولكەسى شيامىن قالالىق ورتا دارەجەلى حالىق سوت مەكەمەسىنىڭ حابارلاۋىنشا، بۇگىن اتالعان سوت مەكەمەسى انحۇي ولكەسى جوعارى دارەجەلى حالىق سوت مەكەمەسىنىڭ بۇرىنعى باستىعى جاڭ جياننىڭ پارا الۋ دەلوسىنا ءبىرىنشى سوتتىڭ ۇكىمىن اشىق جاريالاعان، ايىپكەر جاڭ جيان پارا الۋ قىلمىسى بويىنشا 15 جىلدىق مەرزىمدى قاماق جازاسىنا ۇكىم ەتىلگەن جانە وعان حالىق اقشاسى بويىنشا 5 ميلليون يۋان اقشالاي ايىپ سالىنعان؛ جاڭ جياننىڭ پاراعا العان بارلىق مال – مۇلكى جانە ونىڭ ءوسىمى ءمۇسادىرالانىپ، مەملەكەت قازىناسىنا تاپسىرىلادى. جاڭ جيان سوت ۇستىندە ۇكىمگە مويىنسال بولاتىنىن، جوعارىلاپ ارىزدانبايتىنىن ايتقان.

  تەكسەرىپ - انىقتاپ ،ءبىرجاقتى ەتۋگە قاراعاندا، 1995 – جىلدان 2019 – جىلعا دەيىن، ايىپكەر جاڭ جيان حۋبەي ولكەلىك تۇرمە باسقارۋ مەكەمەسىنىڭ ورىنباسار باستىعى، مەكەمە باستىعى، حۋبەي ولكەلىك ءادىليا مەڭگەرمەسىنىڭ ورىنباسار مەڭگەرمە باستىعى، مەڭگەرمە باستىعى، حۋبەي ولكەلىك جوعارى دارەجەلى حالىق سوتى مەكەمەسىنىڭ ورىنباسار باستىعى، انحۇي ولكەلىك جوعارى دارەجەلى حالىق سوتى مەكەمەسىنىڭ باستىعى قاتارلى مىندەتتەردى وتەگەن كەزدەگى قىزمەتىندەگى قولايلىلىقتان، سونداي – اق قىزمەت ۇقىعى مەن قىزمەت ورنىنان قالىپتاسقان قولايلى شارت – جاعدايدان پايدالانىپ، باسقالارعا ينجەنەريانى كوتەرەگە الۋ، قىزمەت اۋىستىرۋ، دەلونى تەرگەۋ قاتارلى ىستەردە پايدا جەتكىزىپ، ولاردان حالىق اقشاسىنا شاققاندا 71 ميلليون 790 مىڭ يۋاننان استام مال – مۇلىكتى زاڭسىز تۇردە قابىلداعان، مۇندا 24 ميلليون 30 مىڭ يۋان اقشا ءالى قولىنا تيمەگەندىكتەن، بۇل بولىگى ىسكە اسپاعان قىلمىسقا جاتادى.

  شيامىن قالالىق ورتا دارەجەلى حالىق سوت مەكەمەسى بىلاي دەپ قاراعان: ايىپكەر جاڭ جياننىڭ ارەكەتى پارا الۋ قىلمىسىن قالىپتاستىرادى، سوماسى وتە قوماقتى، زاڭ بويىنشا جازالاۋ كەرەك. جاڭ جيان قابىلداعان مال – مۇلىكتىڭ ءبىر ءبولىمى قولىنا تيمەگەندىكتەن، ىسكە اسپاعان قىلمىسقا جاتادى، دەلو تۇرعىزىلعان سوڭ، ول ءوزىنىڭ قىلمىسىن شىنايى بايانداپ، دەلو ءبىتىرۋ قۇرىلىمدارى ءالى بىلمەيتىن پارا الۋ قىلمىس فاكتىلەرىنىڭ باسىم كوبىن ىرىقتىلىقپەن مالىمدەپ، قىلمىسىن مويىنداپ، وكىنەتىنىن ءبىلدىردى، زاڭسىز ولجانى ىرىقتى تۇردە قايتاردى، دەلوعا قاتىستى زاڭسىز قول جەتكىزگەن مال – مۇلكىنىڭ كوپ ءبولىمى قايتارىپ الىندى. زاڭداعى بەلگىلەنگەن، جاعدايعا قاراي جازاسىن جەڭىلدەتۋ شارتتارىنا ۇيلەسەتىندىكتەن، ونىڭ جازاسىن زاڭ بويىنشا جەڭىلدەتۋگە بولادى. سوت مەكەمەسى جوعارىداعىداي ۇكىم شىعاردى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار