بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي كىچياڭ بەيجيڭ شيەحى شيپاحاناسىندا قىزمەت تەكسەرگەندە ءارى مەديتسينا ماماندارىنىڭ اڭگىمە ءماجىلىسىن اشقاندا مىنانى دارىپتەدى

شيپاگەرلەردىڭ مەيىرىمدىلىگىنەن جازباي، عىلمي رۋحتى، كاسىپتىك رۋحتى ساۋلەلەندىرىپ، حالىق بۇقاراسىنىڭ باس اماندىعى مەن دەنساۋلىعىن اناعۇرلىم ويداعىداي قورعاۋ كەرەك

2021.09.15 14:48     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 14 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 9 - ايدىڭ 13 - كۇنى بەيجيڭ شيەحى شيپاحاناسىنا بارىپ قىزمەت تەكسەردى ءارى مەديتسينا ماماندارىنىڭ اڭگىمە ءماجىلىسىن اشىپ، ەمدەۋ، دەنساۋلىق ساقتاۋ ىستەرىنىڭ دامۋى جانە جاڭالىق جاراتۋ جونىندەگى ۇسىنىس – پىكىرلەردى تىڭدادى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، حالىقتىڭ سالاماتتىعىن قامتاماسىز ەتۋدى حالىق تۇرمىسىنىڭ قۇت - ىرىسىن ارتتىرۋدىڭ ماڭىزدى مازمۇنى ەتىپ، مەديتسينا شىڭىنا باتىلدىقپەن شىعىپ، ەمدەۋ، دەنساۋلىق ساقتاۋعا قىزمەت وتەۋ ساپاسى مەن دەڭگەيىن ۇزدىكسىز جوعارىلاتۋ كەرەك.

  لي كىچياڭ الدىمەن شيپاحانانىڭ ساقا ماماندارىنا امانداسا بارىپ، ولاردان حال سۇرادى. لي كىچياڭ بىلاي دەدى: سىزدەر تاماشا مەزگىلدەرىڭىزدى ەمدەۋ ىستەرىنە ارنادىڭىزدار، شيەحى شيپاحاناسى سىزدەر سياقتى ايگىلى شيپاگەر مامانداردىڭ وكشە باسىپ قۇلشىنا ىستەۋىنىڭ ارقاسىندا كاسىپ سالاسىندا بۇگىنگىدەي جوعارى ورىنعا كوتەرىلىپ، ايرىقشا القاۋعا بولەندى، كوپشىلىكتىڭ اۋرۋدى ەمدەپ، ادامدى قۇتقارۋ، دارىندىلاردى تاربيەلەۋ جاعىندا كوبىرەك تاجىريبە ۇيرەتۋىن ءۇمىت ەتەمىن.

  لي كىچياڭ شيپاحانانىڭ عىلمي سارايىندا «عاسىرلىق شيەحى شيپاحاناسىنىڭ اۋرۋ تاريحى كورمەسىن» ەكسكۋرسيالاپ، كورمە تاقتالارى مەن ناقتى زاتتاردىڭ الدىندا ايالداپ، تانىستىرۋدى تىڭدادى. ول بىلاي دەدى: شيەحى شيپاحاناسى ەلىمىزدىڭ وسى زامانعى مەديتسيناسىنىڭ جانە مەديتسينا وقۋ - اعارتۋىنىڭ دامۋىنا جاسامپازدىقپەن ۇلەس قوسىپ، تالاي جىلدان بەرى كوپتەگەن اۋرۋ - سىرقاۋلاردى، اسىرەسە، قيىن، سالماقتى ناۋقاستاردى ءساتتى قۇتقاردى. شيپاحانانىڭ قاي - قاشان دا جاقسى ءداستۇردى ۇزدىكسىز ساۋلەلەندىرىپ، ناۋقاستار مەن ولاردىڭ ءۇي ىشىندەگىلەردىڭ سەنىمىنە بولەنەتىن شيپاحانا بولۋ جولىندا قۇلشىنۋىن ءۇمىت ەتەمىن.

  اڭگىمە ماجىلىسىندە جاڭ شۋياڭ، ۋ پيشين، چيۋ گۇيشيڭ، جۋ لان، ۋ دۇڭ، لاڭ جيڭحى قاتارلى ماماندار ءسوز سويلەدى. لي كىچياڭ بىلاي دەدى: مەديتسينا عىلىمى ادامدارمەن بەتپە - بەت كەلەدى، دەنساۋلىقپەن، تىرشىلىكپەن بايلانىستى، شيپاگەرلىك ءمورال توتەنشە ماڭىزدى. جۇڭگونىڭ ەرتە زامانعى تاڭداۋلى شيپاگەرلەرى ناۋقاستاردى ەمدەۋدە ىزگىلىك جٶلىن ۇستاندى، وسى زامانعى اق حالاتتى پەرىشتەلەر شيپاگەرلەردىڭ مەيىرىمدىلىگىنەن جازباي، بۇقارانىڭ دەنساۋلىعىن قورعاۋ سۇيىسپەنشىلىگىن ايگىلەدى. قازىر بۇقارانىڭ تۇرمىس ورەسىنىڭ جوعارىلاۋىنا بايلانىستى، دەنساۋلىققا بولعان قاجەتى كۇن سايىن ارتىپ كەلەدى، قالىڭ ەمدەۋ قىزمەتكەرلەرى اجالعا اراشاشى بولىپ، جارالىعا مەدەت بەرۋ وسكەلەڭ مىندەتىن ارقالاپ وتىر، ناۋقاستى ماڭداي الدى ورىنعا قويىپ، ومىرگە قۇرمەت ەتىپ، مەيىر باعىشتاۋ ارقىلى شيپاگەرلىكتىڭ بيىك بەلەسىنە كوتەرىلۋ كەرەك.

  لي كىچياڭ بىلاي دەپ اتاپ كورسەتتى: جەتىلگەن شيپاگەرلىك ونەر عىلمي رۋح پەن كاسىپتىك رۋحتان ايرىلا المايدى. قالىڭ ەمدەۋ قىزمەتكەرلەرى قاتاڭ دا ناقتى بولىپ، كەمەلدەندىرۋگە ۇمتىلۋ نەگىزىندە مەديتسينا ىستەرىنە ات سالىسىپ، ءاربىر ناۋقاستى ەمدەۋ بارىسىندا كاسىپتىك جاقتان توسەلۋگە ءمان بەرىپ، نەگىزگى ونەردى بەكەمدەپ، ەمدەۋ ونەرىن قۇلشىنا زەرتتەپ، قيىن، سالماقتى ناۋقاستاردى كوزدە ۇستاي وتىرىپ، ەڭ تاماشا ەمدەۋ جوباسىن بەلسەنە قاراستىرۋى كەرەك. حالىقارالىق اۋىس - كۇيىس پەن سەلبەستىكتى كۇشەيتىپ، كلينيكالىق ەمدەۋدىڭ جاڭا تەحنيكاسىن، جاڭا دارىلەرىن، جاڭا ادىستەرىن ۇزدىكسىز قاراستىرۋ، جاڭالاۋ كەرەك. مەملەكەت جوعارى مەكتەپتەردىڭ، عىلمي زەرتتەۋ ورىندارىنىڭ جاڭالىق جاراتۋىن قولداۋمەن بىردەي ساياسات قولدانىپ، ءبىر توپ جوعارى دەڭگەيدەگى شيپاحانالاردىڭ حالىقارالىق ماڭداي الدى ورىندى كوزدەپ، نازاردى اۋرۋدى ەمدەۋ قاجەتىنە شوعىرلاندىرىپ، كلينيكالىق مەديتسينالىق زەرتتەۋ مەن جەتىستىكتەردى وندىرگىش كۇشكە اينالدىرۋ جاعىندا الدىڭعى لەكتە ءجۇرىپ، ەمدەۋ دەڭگەيىن جوعارىلاتۋىنا قولداۋ كورسەتەدى. قازىرگى جاڭا تيپتى ايدارشا ۆيرۋستىڭ قۇبىلۋى تەز بولۋ سياقتى جاعدايلارعا قاراتا، تاجىريبەلەردى ۇزدىكسىز قورىتىندىلاپ، ەمدەۋ جوباسىن ساپالىلاندىرىپ، ۆاكسينانى ۇزدىكسىز كەمەلدەندىرۋ، اسىرەسە، ءونىمدى ءدارى - دارمەكتەردى زەرتتەۋ - اشۋ تەبىنىن ارتتىرىپ، ەمدەۋ ونىمدىلىگىن اناعۇرلىم جوعارىلاتۋ كەرەك.

  لي كىچياڭ بىلاي دەدى: ساپالى ەمدەۋ قىزمەت وتەۋىنىڭ بۇقارانى اناعۇرلىم ويداعىداي يگىلىككە كەنەلتۋىن ىلگەرىلەتۋ كەرەك. جوعارى دەڭگەيدەگى شيپاحانالار وڭىرلىك ەمدەۋ ورتالىعىن، ەمدەۋ بىرىككەن تۇلعاسىن قۇرۋدا باستاماشىلدىق رولىن ساۋلەلەندىرىپ، ورتا، باتىس بولەكتەگى رايوندار مەن نەگىزگى ساتى، الەۋمەتتىك اۋماق ەمدەۋ قۇرىلىمدارىنىڭ دەڭگەيىن جوعارىلاتۋعا جەتەكشىلىك ەتىپ، «توراپ + ەمدەۋدى» دامىتىپ، نەگىزگى ساتىداعى، اسىرەسە، شەت - شالعاي وڭىرلەردەگى ناۋقاستاردىڭ ساپالى ەمدەۋ قىزمەت وتەۋىنەن يگىلىكتەنۋىنە مۇمكىندىك جاساۋى كەرەك. ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، وسى زامانعى شيپاحانا باسقارۋ ءتۇزىمىن ورناتۋ سياقتى رەفورما مىندەتتەرىن جوعارى ولشەممەن ويداعىداي تياناقتاندىرىپ، ەمدەلۋ قيىن بولۋ، ەمدەلۋ قىمبات بولۋ ماسەلەسىن اناعۇرلىم باسەڭدەتۋ كەرەك.

  لي كىچياڭ بىلاي دەپ دارىپتەدى: جەر - جەر، قاتىستى تاراۋلار شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەمدەۋ، دەنساۋلىق ساقتاۋ ىستەرىنىڭ دامۋىن بار كۇشپەن ىلگەرىلەتىپ، شيپاگەرلەردى قۇرمەتتەيتىن، دەنساۋلىق ساقتاۋعا ءمان بەرەتىن تاماشا قوعامدىق اۋقىم قالىپتاستىرىپ، سالاماتتى جۇڭگو قۇرۋدى جەدەلدەتىپ، حالىق بۇقاراسىنىڭ باس اماندىعى مەن دەنساۋلىعىن اناعۇرلىم ويداعىداي قورعاۋى كەرەك.

  سۇن چۇنلان، شياۋ جيە جوعارىداعى قيمىلدارعا قاتىناستى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار