بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى «توراپ وركەنيەت قۇرىلىسىن كۇشەيتۋ جونىندەگى پىكىردى» باسىپ تاراتتى

2021.09.15 14:47     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 14 - كۇنى، بەيجيڭ. ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «توراپ وركەنيەت قۇرىلىسىن كۇشەيتۋ جونىندەگى پىكىردى» باسىپ تاراتتى ءارى ۇقتىرۋ شىعارىپ، وڭىرلەردىڭ، تاراۋلاردىڭ امالياتپەن ۇشتاستىرا وتىرىپ مۇقيات دايەكتى تياناقتاندىرۋىن تالاپ ەتتى.

  «پىكىردە» بىلاي دەپ اتاپ كورسەتىلدى: توراپ وركەنيەتى قۇرىلىسىن كۇشەيتۋ − سوتسياليستىك رۋحاني وركەنيەت قۇرىلىسىن ىلگەرىلەتۋدىڭ، قوعامدىق وركەنيەت دەڭگەيىن جوعارىلاتۋدىڭ قاجەتتى تالابى، قوعامداعى باستى قايشىلىقتىڭ وزگەرىسىنە ۇيلەسىپ، حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدىڭ كوكەي تەستى قاجەتى، توراپتا قۇدىرەتتى ەل قۇرۋدى جەدەلدەتۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى مىندەتى. «پىكىر» جالپىلىق تالاپ، توراپ كەڭىستىگى يدەيالىق جەتەكشىلىگىن كۇشەيتۋ، توراپ كەڭىستىگى مادەنيەتىن جەتىلدىرۋدى كۇشەيتۋ، توراپ كەڭىستىگى ءمورال قۇرىلىسىن كۇشەيتۋ، توراپ كەڭىستىگى ارەكەت ولشەمىن كۇشەيتۋ، توراپ كەڭىستىگى ەكولوگياسىن جونگە سالۋدى كۇشەيتۋ، توراپ كەڭىستىگى وركەنيەتىن قۇرۋدى كۇشەيتۋ، ۇيىمداستىرىپ اتقارۋ سىندى 8 ءبولىمدى قامتيدى.

  «پىكىردە» بىلاي دەپ دارىپتەلدى: توراپ وركەنيەت قۇرىلىسىن كۇشەيتۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ توراپتا قۇدىرەتتى ەل بولۋ جونىندەگى ماڭىزدى يدەياسى مەن رۋحاني وركەنيەت قۇرىلىسى جونىندەگى ماڭىزدى پايىمداۋلارىن دايەكتى تياناقتاندىرىپ، سوتسياليستىك وزەكتى قۇن كوزقاراسىن زور كۇشپەن ساۋلەلەندىرىپ، توراپتى وركەنيەتتى باسقارۋدى، توراپتان وركەنيەتتى پايدالانۋدى، توراپقا وركەنيەتتى شىعۋدى، توراپتى وركەنيەتتى گۇلدەندىرۋدى جاپپاي ىلگەرىلەتىپ، جاڭا داۋىردەگى توراپ وركەنيەتى قۇرىلىسىنىڭ تالابىنا ۇيلەسەتىن يدەيالىق كوزقاراستى، مادەنيەت سالتىن، ءمورالدىق تالپىنىستى، ارەكەت ولشەمىن، زاڭمەن جونگە سالۋ ورتاسىن، وركەنيەتتى ورىن قۇرۋ مەحانيزمىن قالىپتاستىرۋدى ىلگەرىلەتىپ، توراپتاعى، توراپتان تىس وركەنيەت قۇرىلىسىنىڭ ورگانيكالى توعىسۋىن، ءبىرىن - ءبىرى جەبەۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋعا، ەكىنشى 100 جىلدىق كۇرەس نىساناسىن جۇزەگە اسىرۋعا پارمەندى يدەيالىق كەپىلدىك، قۇدىرەتتى رۋحاني قوزعاۋشى كۇش، پارمەندى قوعامدىق پىكىر قولداۋىن، تاماشا مادەنيەت شارت - جاعدايىن ازىرلەۋ كەرەك.

  «پىكىردە» بىلاي دەپ ايقىن بەلگىلەندى: توراپ وركەنيەتى قۇرىلىسىن كۇشەيتۋدىڭ قىزمەت نىساناسى: نازاريامەن قارۋلانۋ بويىنشا جاڭا شەپتى يەلەۋ، ماركسيزمنىڭ توراپ يدەولوگياسى سالاسىنداعى جەتەكشىلىك ورنى ونان ارى بەكەمدەلدى، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاساۋ ورتاق يدەيالىق نەگىزى ونان ارى بەكەمدەلدى؛ مادەنيەتتى جەتىلدىرۋدە تىڭ تابىستارعا قول جەتكىزۋ، سوتسياليستىك وزەكتى قۇن كوزقاراسى جۇرت جۇرەگىنە تەرەڭ ۇيالادى، حالىق بۇقاراسىنىڭ توراپتاعى رۋحاني مادەنيەت تۇرمىسى كۇن سايىن اقاۋسىز بايىدى؛ ءمورال قۇرىلىسىندا تىڭ قادام تاستاۋ، توراپكەرلەردىڭ يدەيا ءمورال ساپاسى كورنەكتى جوعارىلادى، العا ۇمتىلۋ، ىزگىلىككە ۇمتىلۋ، سەنىمدىلىك، ءوزارا كومەكتەسۋ سىندى توراپ سالتى اناعۇرلىم كۇشەيدى؛ وركەنيەت ساپاسىن تىڭنان جوعارىلاتۋ، جاس، ورەن توراپكەرلەردىڭ توراپ ساپاسى ۇزدىكسىز جوعارىلادى، توراپ تۇعىرىنىڭ تۇلعالىق جاۋاپكەرلىگى مەن كاسىپتىك تەجەمدىلىگى ءونىمدى تياناقتاندىرىلدى؛ جونگە سالۋ ونىمدىلىگىن تىڭنان جوعارىلاتۋ، توراپ ەكولوگياسى كۇن سايىن جاقساردى، توراپ كەڭىستىگىن زاڭمەن باسقارۋ ىشكەرىلەي ىلگەرىلەتىلدى، توراپتاعى زاڭعا قايشى قىلمىستىق ارەكەتتەرگە سوققى بەرۋ، ساقتانۋ، جونگە سالۋ قابىلەتى ۇزدىكسىز جوعارىلادى؛ وركەنيەتتى ورىن قۇرۋ قيمىلىندا جاڭا جاعداي جاراتۋ، بۇقارالىق رۋحاني وركەنيەت جاراتۋ قيمىلى توراپتا ءونىمدى كەڭەيدى، توراپ وركەنيەتى ايگىلى ماركا قيمىلى بەكەمدەلدى جانە جوعارىلادى، توراپ كەڭىستىگى ءتىپتى دە تازاردى.

  «پىكىردە» مىنالار اتاپ كورسەتىلدى: توراپ كەڭىستىگى يدەيالىق جەتەكشىلىگىن كۇشەيتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىمەن توراپ مازمۇنى قۇرىلىسىنا ءبىر تۇتاس جەتەكشىلىك ەتۋدە تاباندى بولىپ، پارتيانىڭ جاڭالىق اشۋ نازارياسىنىڭ تەرەڭدەۋىن، ناقتىلانۋىن ىلگەرىلەتۋ كەرەك. ءتۇيىندى نازاريالىق توراپ بەكەتتەرى، الەۋمەتتىك ەسەپ نومىرلەرى، كليەنتتەر قۇرىلىسىن كۇشەيتىپ، جۇڭگوشا سوتسياليزمنىڭ ۇلى امالياتىمەن، اسىرەسە، جاڭا داۋىردەگى پارتيا مەن مەملەكەت ىستەرى دامۋىنىڭ جاڭا وزگەرىستەرىمەن، جاڭا تابىستارىمەن تىعىز ۇشتاستىرىپ، توراپتاعى نازاريالىق ۇگىت قيمىلىن باعىتتامالى تۇردە ورىستەتۋ كەرەك. توراپتاعى كەلەلى تاقىرىپتىق ۇگىتتى دەن قويا جاقسى ىستەپ، توراپتا تاراتۋ ءتاسىلى قۇرىلىسى مەن جاڭالىق اشۋدى كۇشەيتىپ، «قۇبىلىس دارەجەسىندەگى» تارالىم ونىمدەرىن قالىپتاستىرۋ كەرەك. اقپارات قۇرالدارىن توعىستىرا دامىتۋدى ىشكەرىلەي ىلگەرىلەتىپ، جىلجىمالى تاراتۋدى الدىمەن ويلاستىرۋ ستراتەگياسىن اتقارىپ، ورتالىق پەن جەرگىلىكتى ورىندارداعى نەگىزگى اقپارات ورىندارى، ءتۇيىندى اقپارات سايتتارى سياقتى نەگىزگى اقپارات قۇرالدارىنىڭ جىلجىمالى تەرمينال قۇرىلىسىن جالپىلاستىرۋ سەرپىنىن ارتتىرۋ كەرەك.

  «پىكىردە» مىنالار اتاپ كورسەتىلدى: توراپ كەڭىستىگى مادەنيەتىن جەتىلدىرۋدى كۇشەيتۋ كەرەك. سوتسياليستىك وزەكتى قۇن كوزقاراسى ارقىلى توراپ مادەنيەتى قۇرىلىسىنا جەتەكشىلىك ەتىپ، اقپارات توراپ بەكەتى، ساۋدا تۇعىرى سياقتى تاراتۋ بىرىككەن كۇشىن كەڭىنەن ۇيىستىرىپ، سوتسياليستىك وزەكتى قۇن كوزقاراسىن قالىڭ توراپكەرلەر اراسىنا، قوعامنىڭ ءارقايسى جاقتارىنا جەتكىزۋ كەرەك. توراپتاعى پارتيا تاريحىن ۇيرەنۋ تاربيەسىن ىشكەرىلەي ورىستەتىپ، پارتيامىزدىڭ توڭكەرىستىڭ، قۇرىلىستىڭ، رەفورمانىڭ ءارقايسى تاريحي كەزەڭىندە قول جەتكىزگەن ۇلى تابىستارىن تاراتىپ، پارتيا مەن حالىقتىڭ كۇرەس بارىسىندا قالىپتاستىرعان ۇلى رۋحىن ساۋلەلەندىرىپ، نيگيليزمگە (تاريحي تەرىستەۋشىلىك) تۋدى ايقىن ۇستاي وتىرىپ قارسى تۇرۋ كەرەك. جۇڭحۋانىڭ تاڭداۋلى ءداستۇرلى مادەنيەتىنىڭ ومىرشەڭدىك كۇشىن تاسقىنداتىپ، قالىڭ توراپكەرلەر ۇناتاتىن ەرەكشە ماركا قيمىلى مەن ءتول سارا تۋىندىلاردى جاراتىپ، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن تۇرلەنۋىن، جاسامپازدىقپەن دامۋىن ىلگەرىلەتۋ كەرەك. ساپالى توراپ مادەنيەت ونىمدەرىمەن قامداۋدى بايىتىپ، توراپ بەكەتى، الەۋمەتتىك ەسەپ ءنومىرى، كليەنت سياقتى تۇعىرلاردى جانە قالىڭ توراپكەرلەردى بەلسەندى، اقاۋسىز، العا باسقان، ىزگىلىككە ۇمتىلعان توراپ مادەنيەت ونىمدەرىن جاراتۋعا جەتەكتەپ، الۋان ءتۇرلى توراپ مادەنيەت قيمىلدارىن وتكىزۋ كەرەك. توراپ الەۋمەتتىك مادەنيەت قىزمەت وتەۋى ورەسىن جوعارىلاتىپ، مەملەكەتتىڭ كەلەلى مادەنيەت قۇرىلعىلارى مەن مەملەكەت مەنشىگىندەگى مادەنيەت بايلىعىن سيفرلاندىرىپ توراپتاندىرۋدى ىلگەرىلەتىپ، توراپ الەۋمەتتىك مادەنيەت قىزمەت وتەۋىمەن قامداۋدىڭ جالپىعا ءتيىمدى سيپاتى مەن قولايلىلىعىن جوعارىلاتۋ كەرەك.

  «پىكىردە» مىنالار اتاپ كورسەتىلدى: توراپ كەڭىستىگى ءمورال قۇرىلىسىن كۇشەيتۋ كەرەك. توراپتا ءمورال ۇلگىسى ارقىلى جەتەكشىلىك ەتۋدى كۇشەيتىپ، ەڭبەك وزاتتارى، ءداۋىر ۇلگىلەرى، ءمورال ۇلگىلەرى، ەڭ سۇيىكتى ادامدار، جانىمىزداعى جاقسى ادامدار، تاڭداۋلى ەرىكتىلەر سياقتى تيپتىك مىسالدار مەن ىزگى ىستەردى توراپتا ۇگىتتەۋ قيمىلىن كەڭ كولەمدە ورىستەتىپ، ءمورالدى قاستەرلەپ، ىزگىلىككە تالپىناتىن، جاقسىدان ونەگە الاتىن توراپ وركەنيەتى ورتاسىنىڭ قالىپتاسۋىن ىلگەرىلەتۋ كەرەك. توراپتاعى سەنىمدىلىك قۇرىلىسىن تەرەڭدەتىپ، ءتۇرلى فورماداعى جەلىدەگى، جەلىدەن تىس ايگىلى ماركا قيمىلدارىن وتكىزىپ، سەنىمدىلىك مادەنيەتىن زور كۇشپەن تاراتىپ، ادال، سەنىمدى بولۋ سىندى قۇن ۇستانىمىن دارىپتەپ، توراپ كاسىپورىندارى مەن تۇعىرلارىن ىشكى جاقتاعى سەنىمدىلىك ولشەمى مەن مەحانيزمىن كەمەلدەندىرۋگە شابىتتاندىرىپ جانە قولداپ، توراپتى زاڭ بويىنشا باسقارۋدىڭ، توراپتان ادال پايدالانۋدىڭ تاماشا اۋانىن قالىپتاستىرۋ كەرەك. توراپ الەۋمەتتىك يگىلىك ىستەرىن دامىتىپ، توراپ الەۋمەتتىك يگىلىك ينجەنەرياسىن ىشكەرىلەي اتقارىپ، ءتۇرلى فورماداعى توراپ وركەنيەتى ەرىكتى قىزمەت وتەۋى جانە توراپ الەۋمەتتىك يگىلىك قيمىلدارىن كەڭىنەن ورىستەتىپ، توراپ الەۋمەتتىك يگىلىك ماركاسىن جاراتۋ كەرەك.

  «پىكىردە» مىنالار اتاپ كورسەتىلدى: توراپ كەڭىستىگىنىڭ ارەكەت ولشەمىن كۇشەيتۋ كەرەك. سوتسياليستىك وزەكتى قۇن كوزقاراسىنا ۇيلەسەتىن توراپتىق ەتيكا مەن ارەكەت ەرەجەسىن جەتىلدىرىپ، جەر - جەردى، تاراۋلاردى وركەنيەتتى ورىن قۇرۋ قىزمەتىمەن ۇشتاستىرىپ، ءوز ەرەكشەلىگىنە ۇيلەسەتىن توراپ وركەنيەتى ولشەمىن جاساۋعا شابىتتاندىرىپ، توراپتا ءتىل قولدانۋدى ارناعا ءتۇسىرىپ، توراپ وركەنيەت قۇرىلىسىنىڭ تالاپتارىن كاسىپ سالاسىنىڭ باسقارۋ ولشەمىمەن توعىستىرۋ كەرەك. جاستار مەن ورەندەردىڭ توراپ ساپاسىن كۇش سالا جوعارىلاتىپ، ۇكىمەت، مەكتەپ، وتباسى، قوعام ءوزارا ۇشتاسقان توراپ ساپاسى تاربيەسى مەحانيزمىن ونان ارى كەمەلدەندىرىپ، جاستار مەن ورەندەردىڭ توراپتان دۇرىس پايدالانۋ جانە حاۋىپسىزدىك ساقتىق تانىمى قابىلەتىن جوعارىلاتىپ، جاستار مەن ورەندەر تىڭداعىسى كەلەتىن تاڭداۋلى توراپ مادەنيەت ونىمدەرىن دەن قويا قالىپتاستىرۋ كەرەك. جاستار مەن ورەندەردىڭ توراپقا قۇمارتۋىنان ساقتانۋ قىزمەت مەحانيزمىن اقاۋسىزداندىرىپ، جاستار مەن ورەندەردىڭ توراپتا جابىرلەۋىنە زاڭ بويىنشا باتىل سوققى بەرىپ جانە ونى تەجەپ، جاستار مەن ورەندەردىڭ توراپ كەڭىستىگىندەگى زاڭدى ۇقىق - مۇددەسىن قورعاۋ كەرەك. توراپ تۇعىرىنىڭ جاۋاپكەرلىگىن كۇشەيتىپ، توراپ تۇعىرى الەۋمەتتىك اۋماق ەرەجەسى، تۇتىنۋشىلار كەلىسىمى قۇرىلىسىن كۇشەيتىپ، توراپ تۇعىرىن مەملەكەت حاۋىپسىزدىگى تانىمىن كۇشەيتۋگە جەتەكتەۋ كەرەك. توراپ كاسىبىنىڭ ءوزىن تەجەۋىن كۇشەيتىپ، ەكونوميكالىق ونىمدىلىك پەن قوعامدىق ونىمدىلىككە تەڭ ءمان بەرەتىن قۇن بەتالىسىندا تاباندى بولىپ، توراپ كاسىپورىندارىن قوعامدىق جاۋاپكەرلىكتى بەلسەنە اتقارۋعا قۋزاۋ كەرەك. كاسىپتىك ۇيىمداردىڭ جەتەكشىلىك، قۋزاۋ رولىن ساۋلەلەندىرىپ، كاسىپ سالالارىنىڭ اقاۋسىز، جۇيەلى دامۋىن جەبەپ، ءتۇرلى توراپ قوعامدىق ۇيىمدارىنىڭ توراپ وركەنيەتى قۇرىلىسىنا ات سالىسۋىنا دەم بەرۋ جانە قولداۋ كورسەتۋ كەرەك.

  «پىكىردە» مىنالار اتاپ كورسەتىلدى: توراپ كەڭىستىگى ەكولوگياسىن جونگە سالۋدى كۇشەيتۋ كەرەك. توراپ وركەنيەتىنە جەتەكشىلىك ەتۋدى ىشكەرىلەي ورىستەتىپ، توراپ وركەنيەتى تانىمىن بارىنشا كۇشەيتىپ، ماڭىزدى ءداستۇرلى مەرەكەلەردەن، ماڭىزدى مەرەكەلەردەن جانە ەسكە ءتۇسىرۋ كۇندەرىنەن تولىق پايدالانىپ، توراپ وركەنيەتى تاقىرىپتىق امالياتتىق قيمىلىن ۇيىمداستىرىپ جانە ورىستەتىپ، قالىڭ توراپ قولدانۋشىلارىن بۇرىس ستيل، تەرىس پيعىلداردى سانالى تۇردە تەجەپ، وركەنيەتتى سالتتى ساۋلەلەندىرۋگە تاربيەلەۋ كەرەك. توراپ مازمۇنىن ازىرلەۋ، ينفورماتسيا جاريالاۋ جانە تاراتۋ بارىسىن ونان ارى ارناعا ءتۇسىرىپ، الەۋمەتتىك ەسەپ ءنومىرىن دارەجەگە، تۇرگە ءبولىپ باسقارۋدى ىشكەرىلەي ىلگەرىلەتىپ، جۇڭگو ينتەرنەتتە وسەك - اياڭ تاراتۋعا بىرلەسىپ تويتارىس بەرۋ تۇعىرىن سۇيەنىش ەتكەن بۇكىل ەل بويىنشا توراپتا وسەك - اياڭ تاراتۋعا تويتارىس بەرۋدىڭ ىقپالداستىق مەحانيزمىن ورناتۋ كەرەك. «كىرشىكسىز بولۋ»، «توراپتى تازارتۋ» جەلىلەس ارناۋلى ارەكەتىن ىشكەرىلەي ىلگەرىلەتىپ، توراپتاعى زاڭعا قايشى قىلمىستىق ارەكەتتەرگە سوققى بەرۋدى تەرەڭدەتىپ، الەۋمەتتىك ەسەپ ءنومىرى، تىكە تاراتۋ ارقىلى زات ساتۋ، ءبىلىم سۇراۋ - جاۋابى سياقتى سالالارداعى وركەنيەتسىز ماسەلەلەردى جونگە سالۋدى تەرەڭدەتىپ، توراپ سالاسىنداعى جالعان ينفورماتسيالاردى جونگە سالۋدى ورىستەتۋ كەرەك. توراپتاعى وركەنيەتسىز قۇبىلىستارعا قاراتا ارىز - شاعىم بەرۋ، اشكەرەلەۋ مەحانيزمىن اقاۋسىزداندىرىپ، قالىڭ توراپكەرلەردى باقىلاۋعا بەلسەنە ات سالىسۋعا جۇمىلدىرىپ، توراپ كەڭىستىگىن بىرگە جونگە سالىپ، ورتاق يگىلىكتەنۋدى ىلگەرىلەتۋ كەرەك. توراپ كەڭىستىگىن زاڭ بويىنشا جونگە سالۋدا تاباندى بولىپ، سوتسياليستىك وزەكتى قۇن كوزقاراسىن ساۋلەلەندىرۋدى توراپتىق زاڭ شىعارۋ، زاڭ اتقارۋ، ءادىليا، زاڭ جالپىلاستىرۋ بۋىندارىنا ءسىڭىرىپ، زاڭ - ەرەجەلەردىڭ تاماشا توراپ ءتارتىبىن قورعاۋ، وركەنيەتتى توراپ سالتىن ورناتۋ جاعىنداعى قامتاماسىزداندىرۋ رولىن ساۋلەلەندىرۋ كەرەك. جەكەلەردىڭ ينفورماتسياسىن قورعاۋ زاڭىن، ساندى مالىمەت حاۋىپسىزدىگى زاڭىن دايەكتى اتقارۋدى كۇشەيتىپ، مادەنيەت شارۋاشىلىعىن جەبەۋ زاڭى، راديو - تەلەۆيزيا زاڭى، توراپ قىلمىسىنان ساقتانۋ زاڭى، ازامات جاسىنا تولماعانداردى توراپتا قورعاۋ ەرەجەسى، توراپ ينفورماتسياسىنا قىزمەت وتەۋدى باسقارۋ ءادىسى سياقتى زاڭ - ەرەجەلەردى جاساۋدى جانە اتقارۋدى جەدەلدەتۋ كەرەك. توراپتا زاڭ جالپىلاستىرۋ جەلىلەس قيمىلدارىن جاسامپازدىقپەن ورىستەتىپ، ازاماتتاردىڭ زاڭدىق تانىمى مەن زاڭمەن جونگە سالۋ ساپاسىن كۇشەيتۋ كەرەك.

  «پىكىردە» مىنالار اتاپ كورسەتىلدى: توراپ كەڭىستىگىندەگى وركەنيەتتى ورىن قۇرۋدى كۇشەيتۋ كەرەك. بۇقارالىق رۋحاني وركەنيەت قۇرۋ قيمىلىنىڭ توراپقا قاراي كەڭەيۋىن ىلگەرىلەتىپ، جاڭا داۋىردەگى وركەنيەت امالياتى ورتالىعىنىڭ جانە اۋدان دارەجەلى توعىسپالى اقپارات قۇرالدارى ورتالىعىنىڭ رولىن تولىق ساۋلەلەندىرىپ، توراپ قولدانۋشىلاردىڭ توراپ وركەنيەت ساپاسى امالياتتىق تاربيە بازاسى قۇرىلىسىن كۇشەيتىپ، نەگىزگى ساتىنىڭ توراپ وركەنيەت قۇرىلىسى قيمىلىن ورىستەتۋىن ىلگەرىلەتۋ كەرەك. ارميا مەن حالىقتىڭ توراپ وركەنيەتىن بىرگە قۇرۋ قيمىلىن ورىستەتىپ، ارميا مەن ۇكىمەتتىڭ، ارميا مەن حالىقتىڭ ىنتىماعىن جەبەۋ كەرەك. جۇڭگو توراپ وركەنيەتى ۇستانىمىن ۇگىتتەۋ - تانىستىرۋ تۇعىرىن، تاجىريبە اۋىستىرۋ تۇعىرىن، جەتىستىكتەردى كورسەتۋ تۇعىرىن جانە حالىقارالىق توراپ وركەنيەتىنەن ءوزارا ۇلگى الۋ تۇعىرىن بەلسەنە قالىپتاستىرۋ كەرەك. جۇڭگونىڭ جاقسى توراپكەرلەرى بولۋعا ۇمتىلۋ ينجەنەرياسىن ىشكەرىلەي اتقارىپ، قالىڭ توراپكەرلەردى ءمورالدى قۇرمەتتەۋگە، زاڭعا بويسۇنۋعا، وركەنيەتتى ىقپالداستىققا، اقىلدىق بەينەلەۋگە جەتەكتەپ، تۇتاس قوعامدى توراپ وركەنيەتى ساپاسىن جوعارىلاتۋعا جەتەكتەپ، توراپ ورتاسىن تازارتۋ كەرەك.

  «پىكىردە» مىنالار تالاپ ەتىلدى: جەر - جەر، تاراۋلار توراپ وركەنيەتى قۇرىلىسىن كۇشەيتۋدىڭ ماڭىزدى ءمانىن جەتە تانىپ، پارتكوم ءبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن، قاتىستى تاراۋلار ءوز جاۋاپكەرلىگىن ارقالايتىن، تۇتاس قوعام بەلسەنە ات سالىساتىن باسشىلىق ءتۇزىلىسى مەن قىزمەت مەحانيزمىن ورناتۋ كەرەك. ءار دارەجەلى توراپ حاۋىپسىزدىگى جانە ينفورماتسيالاندىرۋ كەڭسەسى، وركەنيەت كەڭسەسى باستاماشىلدىقپەن جالپى جاقتان يگەرىپ، توراپ وركەنيەتى قۇرىلىسىنا ۇيىمدىق جاقتان جەتەكشىلىك ەتۋدى جانە سايكەستى قىزمەت وتەۋدى كۇشەيتۋ كەرەك. توراپكەرلەردىڭ تۇلعالىق رولىن ساۋلەلەندىرۋگە باسا ءمان بەرىپ، تۇعىردى كەڭ كولەمدە قۇرىپ، ەرەكشەلىككە يە قيمىلداردى ورىستەتىپ، قالىڭ توراپكەرلەردى، اسىرەسە، جاس، ورەن توراپكەرلەردى توراپ وركەنيەتى قۇرىلىسىنا ىرىقتىلىقپەن ات سالىسۋعا باۋراۋ كەرەك. ساياسات، نىسان سياقتى جاقتارداعى سۇيەمەلدەۋ سەرپىنىن ارتتىرىپ، قوعامدىق كۇشتەردى توراپ وركەنيەتى قۇرىلىسىنا قازىنالىق كۇش، زاتتىق كۇش جاعىنان قولداۋ كورسەتۋگە شابىتتاندىرۋ كەرەك. قىزمەت زاڭدىلىعىن تانۋدى، يگەرۋدى كۇشەيتىپ، مازمۇن، فورما، ءادىس، ءتاسىل، ارنا، دانەكەر سياقتىلاردا جاڭالىق اشۋدى ۇزدىكسىز ىلگەرىلەتىپ، توراپ وركەنيەتى قۇرىلىسىنىڭ باعىتتامالىلىعى مەن ونىمدىلىگىن جانە باۋراۋ، اسەرلەندىرۋ قۋاتىن كۇشەيتۋ كەرەك.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار