لي جانشۋ ليۋكسەمبۋرگ حالىقتىق پارلامەنتىنىڭ باستىعى ەتجەنمەن كەڭەس وتكىزدى
2021.09.23 16:35 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 22 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9 - ايدىڭ 22 - كۇنى بەيجيڭدەگى حالىق سارايىندا ليۋكسەمبۋرگ حالىقتىق پارلامەنتىنىڭ باستىعى ەتجەنمەن بەينە ەكران ارقىلى كەڭەس وتكىزدى.
لي جانشۋ بىلاي دەدى: ليۋكسەمبۋرگ − جۇڭگونىڭ ەۆروپاداعى دوستىق سەلبەستىك سەرىگى. ەكى ەل ءوزارا قۇرمەت ەتۋدە، تەڭ تۇرعىدا مامىلە جاساۋدا، سەلبەسىپ تەڭ يگىلىككە كەنەلۋدە تاباندى بولىپ، ەكى جاقتى قاتىناستىڭ اقاۋسىز، ورنىقتى دامۋىن ساقتادى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن ليۋكسەمبۋرگ ءبىرىن - ءبىرى قولداپ، تار جول، تايعاق كەشۋلەردەن بىرگە ءوتىپ، ءداستۇرلى دوستىققا تىڭ مازمۇن قوستى. ءتوراعا شي جينپيڭ تاياۋدا جۇڭگو حالىقارالىق قىزمەت وتەۋ ساۋدا جارمەنكەسىنىڭ دۇنيە جۇزىلىك قىزمەت وتەۋ ساۋداسى باسشىلار ماجىلىسىندە مىنالاردى دارىپتەدى: جۇڭگو ەسىك اشۋ دەڭگەيىن جوعارىلاتىپ، بۇكىل ەل كولەمىندە شەكارا اتتاعان قىزمەت وتەۋ ساۋداسىنىڭ شەكتەلگەن سالالار تىزىمدىگىن اتقارۋدى ىلگەرىلەتىپ، مەملەكەتتىڭ قىزمەت وتەۋ ساۋداسىن جاڭالىق اشا دامىتۋدان ۇلگى كورسەتۋ رايونىن قۇرۋ جونىندە ىزدەنىس جاسايدى. بۇل جۇڭگو مەن ليۋكسەمبۋرگتىڭ سەلبەستىگىنە جاڭا وراي اكەلەدى. كەلەر جىلى − ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعى، جۇڭگو ليۋكسەمبۋرگپەن بىرگە قۇلشىنىپ، ءوزارا قۇرمەت ەتۋدە، ساياسي سەنىمدىلىكتى بەكەمدەۋدە تاباندى بولادى؛ اشىق سەلبەستىك جاساپ، ەكونوميكانىڭ قالپىنا كەلۋىن بىرگە جەبەۋدە تاباندى بولادى؛ اۋىس - كۇيىس جاساپ، ءوزارا ءتۇسىنىسۋدى كۇشەيتۋدە تاباندى بولادى؛ كوپ جاقتىلىقتا تاباندى بولىپ، دۇنيە جۇزىلىك سايىستارعا توتەپ بەرىپ، ەكى جاقتى قاتىناستىڭ ۇزدىكسىز تىڭ ساتىعا كوتەرىلۋىن ىلگەرىلەتەدى.
لي جانشۋ بىلاي دەپ اتاپ كورسەتتى: ەۆروپا وداعى − دۇنيە جۇزىندەگى ماڭىزدى كۇش. ءتوراعا شي جينپيڭ مىنالاردى تالاي رەت دارىپتەدى: ەڭ ءىرى دامۋ ۇستىندەگى ەل جانە ەڭ ءىرى دامىعان ەلدەردىڭ بىرلەسكەن تۇلعاسى رەتىندە، جۇڭگو مەن ەۆروپا دۇنيە ءجۇزىنىڭ بەيبىتشىلىگىن قورعايتىن «ەكى ءىرى كۇش»، بىرگە دامۋدى جەبەيتىن «ەكى ۇلكەن بازار»، ادامزاتتىڭ العا باسۋىن ىلگەرىلەتەتىن «ەكى ۇلكەن وركەنيەت». جۇڭگو ەۆروپا جاقپەن بىرگە ماڭىزدى ساياسي كۇن تارتىپتەرىن اقىلداسىپ ىلگەرىلەتىپ، ناقتى سەلبەستىكتى تەرەڭدەتۋ جونىندە ىزدەنىس جاساپ، حالىقارالىق ىستەردەگى سايكەسۋدى كۇشەيتىپ، دۇنيە ءجۇزىنىڭ بەيبىتشىلىگى مەن گۇلدەنۋىن قورعاۋعا اناعۇرلىم زور ۇلەس قوسادى.
لي جانشۋ مىنالاردى دارىپتەدى: جۇڭگو مەن ليۋكسەمبۋرگتىڭ دوستىعىن دامىتۋ − ەكى ەلدىڭ زاڭ شىعارۋ قۇرىلىمدارىنىڭ ورتاق تانىمى، سونداي - اق ورتاق جاۋاپكەرلىگى. جۇڭگو مەملەكەتتىك حالىق قۇرىلتايى ليۋكسەمبۋرگ حالىقتىق پارلامەنتىمەن اۋىس - كۇيىستى، سەلبەستىكتى كۇشەيتىپ، جوعارى جىكتەگىلەردىڭ بارىس - كەلىسىن ساقتاپ، ارناۋلى كوميتەتتەر اراسىنداعى اۋىس - كۇيىستى ىلگەرىلەتۋدى قالايدى. ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وعان وزگەرىس ەنگىزىپ نەمەسە شىعارىپ، ناقتى سەلبەستىككە تاماشا ساياساتتىق، زاڭدىق ورتا ازىرلەۋ كەرەك. ەل باسقارۋ تاجىريبەلەرىن اۋىستىرۋدى كۇشەيتىپ، مەملەكەتتى زاڭمەن جونگە سالۋ، جاسىل ورتانى قورعاۋ، باياندى دامۋ سياقتى جاقتاردا اۋىس - كۇيىس جاساپ، ءوزارا ۇلگى الىپ، ءار ەل پارلامەنتتەر وداعى سياقتى كوپ جاقتى پارلامەنت ۇيىمدارىنداعى قاتىناستى، سەلبەستىكتى نىعايتۋ كەرەك.
ەتجەن مىنانى ءبىلدىردى: ليۋكسەمبۋرگ پەن جۇڭگو سىرتقا ەسىك اشۋدا تاباندى بولادى، مەملەكەتتىڭ ۇلكەن - كىشىلىگى ۇقساماعانىمەن، بۇل ەكى جاقتىڭ دوستىق - ىستەستىك قاتىناسىن دامىتۋىنا مۇلدە ىقپال جاسامايدى. كەلەر جىلى − ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعى، ەكى جاقتى قاتىناستىڭ دامۋ بارىسى ەكى ەل اراسىنداعى ءوزارا سەنىم ارتاتىن، مىزعىماس ىنتىماققا، قايىرىمدىلىققا كۋا بولدى. ساپالى دامۋ نىساناسىن بەتكە العاندا، ەكى جاقتىڭ ەكونوميكا - ساۋدا، فينانس، جابدىق جاساۋ سياقتى سالالارداعى سەلبەستىگىن كۇشەيتۋدى ءۇمىت ەتەمىن. ليۋكسەمبۋرگ حالىقتىق پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى تەرەڭدەتىپ، ەكى ەل قاتىناسىنىڭ دامۋىن جەبەۋدە بەلسەندى رول اتقارۋدى قالايدى.
مەملەكەتتىك حالىق قۇرىلتايى تۇراقتى كوميتەتىنىڭ باستىعىنىڭ ورىنباسارى ساۋ جيانميڭ كەڭەسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
