بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن بارىنشا ساۋلەلەندىرۋى كەرەك
− جۇڭگو كوممۋنيستەرىنىڭ رۋحاني شەجىرەسى تۋرالى (24)
«حالىق گازەتىنىڭ» شولۋشىسى
2021.10.19 08:14 كەلۋ قاينارى : حالىق تورابى
ۇلى ءىس ۇلى رۋحتى سومدايدى، ۇلى رۋح ۇلى ىسكە جەتەكشىلىك ەتەدى. « كەدەيلىكتەن ارىلتۋدان قامال الۋ ۇلى كۇرەسى ‹جوعارىدان تومەنگە دەيىن ءبىر نيەتتە بولۋ، ارىنداي شايقاسقا اتتانۋ، دالمە - ءدال، ناقتى بولۋ، ءورىس اشا جاڭالىق اشۋ، قامال الىپ قيىندىقتاردى جەڭۋ، حالىقتىڭ ءۇمىتىن اقتاۋ› سىندى كەدەيلىكتەن ارىلتۋدان قامال الۋ رۋحىن سومدادى، قالىپتاستىردى». باس شۋجي شي جينپيڭ بىلاي دەپ دارىپتەدى: «بۇكىل پارتيا، بۇكىل ەل، بۇكىل قوعام كەدەيلىكتەن ارىلتۋدان قامال الۋ رۋحىن زور كۇشپەن اسقاقتاتىپ، ءبىر نيەتپەن ىنتىماقتاسىپ، ەرلىكپەن كۇرەس جۇرگىزىپ، العا باسۋ جولىنداعى بارلىق قيىنشىلىق پەن حاۋىپ - قاتەردى باتىل جەڭىپ، جۇڭگوشا سوتسياليزمدە تاباندى بولۋ مەن ونى دامىتۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋى كەرەك!»
كەدەيلىك − ادامزات قوعامىنداعى قاسارىسقان كەسىر. كەدەيلىككە قارسى تۇرۋ باستان - اياق ەرتەدەن بۇگىنگە، جۇڭگودان شەتەلگە دەيىن مەملەكەتتى جونگە سالىپ، ەلدى ورنىقتىرۋداعى كەلەلى ءىس بولىپ كەلەدى. جۇڭگو تاريحى − جۇڭحۋا ۇلتىنىڭ كەدەيلىكپەن كۇرەس جۇرگىزۋ تاريحى. جۇڭگو كوممۋنيستىك پارتياسى قۇرىلعان كۇنىنەن باستاپ جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى اۋەلگى ماقسات جانە بورىش ەتىپ، جۇڭگو حالقىن ءوزىنىڭ تاماشا تۇرمىسىن جاراتۋ جولىندا ۇزاق ۋاقىت جاپالى كۇرەس جۇرگىزۋگە ىنتىماقتاستىردى، باستادى. پارتيانىڭ 18 - قۇرىلتايىنان كەيىن شي جينپيڭ جولداستى ۇيىتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋداعى كورنەكتى ورىنعا قويىپ، كەدەيلىكتەن ارىلتۋدان قامال الۋدى جاپپاي دوڭگەلەك داۋلەتتى قوعام قۇرۋدىڭ تومەنگى شەك مىندەتى ەتىپ، ادامزات تاريحىنداعى كولەمى بۇرىن بولىپ كورمەگەن، تەبىنى ەڭ زور، تيىمدىلىك جەتكىزگەن حالىق سانى ەڭ كوپ كەدەيلىكتەن ارىلتۋدان قامال الۋ شايقاسىن ۇيىمداستىرىپ اتقاردى، پارتيا مەن حالىق كەدەرگى - بوگەتتەردى الاستاپ، قايسارلىقپەن تالپىنىپ، شەگە قاعۋ رۋحىن ساۋلەلەندىرىپ، ماشاقاتتى تۇيىندەردى باتىلدىقپەن جەڭىپ، كەدەيلىك ىشىندەگى كەدەيلىكتى، قامال ىشىندەگى قامالدى ءبىر - بىرلەپ تالقاندادى. باس شۋجي شي جينپيڭ ورتالىقتىڭ كەدەيلەردى سۇيەمەلدەۋ قىزمەتى جونىندەگى اڭگىمە ءماجىلىسىن ىلگەرىندى - كەيىندى 7 رەت باسقارىپ اشىپ، كەدەيلەردى سۇيەمەلدەۋ قىزمەتىنە 50 نەشە رەت تەكسەرۋ - زەرتتەۋ جۇرگىزىپ، شوعىرلى تۇتاسقان 14 ەرەكشە كەدەي رايوندى ارالاپ، ناعىز كەدەيلەردى كورۋدەن جازباي، كەدەيلەردى شىن سۇيەمەلدەۋ، ناعىز كەدەيلەردى سۇيەمەلدەۋ، كەدەيلەردى كەدەيلىكتەن شىنايى ارىلتۋ ناقتى جاعدايىن ۇعىسۋدان جازباي، كەدەي بۇقارامەن بەتپە - بەت اڭگىمەلەسىپ، ەگجەي - تەگجەيلى ەسەپ جاساپ، كەدەيلىكتەن ارىلتۋدان قامال الۋ الا كەلگەن وراسان زور وزگەرىستەردى ءوز كوزىمەن كوردى. 2021 - جىلى 2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سالتاناتپەن بىلاي دەپ جاريالادى: «بۇكىل پارتيانىڭ، بۇكىل ەلدەگى ءار ۇلت حالقىنىڭ بىرگە قۇلشىنۋىندا، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى الۋ ماڭىزدى ساتىندە ەلىمىز كەدەيلىكتەن ارىلتۋدان قامال الۋ شايقاسىندا جالپى بەتتىك جەڭىسكە قول جەتكىزدى، قازىرگى ولشەمدەگى 98 ميلليون 990 مىڭ اۋىل - قىستاقتاعى كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلەر قاتارىنان شىعارىلدى، وڭىرلىك جالپىلاي كەدەيلىك شەشىلىپ، مۇلدەم كەدەيلىكتى جويۋدىڭ جاپالى مىندەتى ورىندالىپ، تاريح بەتىندە ايشىقتالعان تاعى ءبىر دۇنيە كەرەمەتى جاراتىلدى! بۇل − جۇڭگو حالقىنىڭ ۇلى داڭقى، جۇڭگو كوممۋنيستىك پارتياسىنىڭ ۇلى داڭقى، جۇڭحۋا ۇلتىنىڭ ۇلى داڭقى».
كەدەيلىكتەن ارىلتۋدان قامال الۋدا كۇللى دۇنيە ءجۇزىن جالت قاراتقان تابىستارعا قول جەتكىزۋدە پارتيانىڭ پارمەندى باسشىلىعىنا سۇيەندىك، جۇڭحۋا ۇلتىنىڭ ءوز كۇشىنە سۇيەنىپ ءومىر ءسۇرۋ، قاجىرلىقپەن كۇرەس جۇرگىزۋ رۋحاني قاسيەتىنە سۇيەندىك، جاڭا جۇڭگو قۇرىلعاننان بەرگى، اسىرەسە، رەفورما جاساعان، ەسىك اشقاننان بەرگى توپتالعان مىعىم زاتتىق نەگىزگە سۇيەندىك، كەزەكتەن - كەزەككە جالعاپ ىستەيتىن مويىماس تاباندىلىققا سۇيەندىك، بۇكىل پارتيانىڭ، بۇكىل ەلدەگى ءار ۇلت حالقىنىڭ ىنتىماقتاسا كۇرەس جۇرگىزۋىنە سۇيەندىك. كەدەيلىكتەن ارىلتۋدان قامال الۋ كۇرەسىندە، ءبىز ەلىمىزدىڭ مەملەكەت جاعدايىن تياناق ەتىپ، كەدەيلىكتى ازايتۋدىڭ زاڭدىلىعىن يگەرىپ، كەدەيلىكتەن ارىلتۋدىڭ جۇڭگوشا جولىمەن ءجۇرىپ، كەدەيلىككە قارسى تۇرۋدىڭ جۇڭگوشا نازارياسىن قالىپتاستىردىق: پارتيانىڭ باسشىلىعىندا تاباندى بولىپ، كەدەيلىكتەن ارىلتۋدان قامال الۋعا پارمەندى ساياسي جانە ۇيىمدىق كەپىلدىك ازىرلەدىك؛ حالىقتى وزەك ەتكەن دامۋ يدەياسىندا تاباندى بولىپ، بىرگە بايۋ جولىمەن بۇلجىماي جۇردىك؛ ەلىمىز سوتسياليستىك ءتۇزىمىنىڭ كۇشتى شوعىرلاندىرىپ، ءىرى ءىس تىندىراتىن ساياسي ابزالدىعىن ساۋلەلەندىرۋدە تاباندى بولىپ، كەدەيلىكتەن ارىلتۋدان قامال الۋدىڭ ورتاق ەرىك - جىگەرىن، ورتاق ارەكەتىن قالىپتاستىردىق؛ كەدەيلىكتەن دالمە - ءدال ارىلتۋ جالپى جوباسىندا تاباندى بولىپ، دامۋ ءادىسى ارقىلى كەدەيلىكتى ءتۇپ توركىنىنەن الاستادىق؛ قالىڭ كەدەي قاۋىمنىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدا تاباندى بولىپ، كەدەيلىكتەن ارىلتۋدىڭ ىشكى قوزعاۋشى كۇشىن قاۋلاتتىق؛ ءبىر نيەتپەن كۇش بىرىكتىرۋ، ىنتىماقتاسىپ ءوزارا كومەكتەسۋ تاماشا ءمورالىن اسقاقتاتۋدا تاباندى بولىپ، تۇتاس قوعامدا قيىنشىلىقتا قالعاندارعا كومەكتەسەتىن قويۋ راي قالىپتاستىردىق؛ شىندىققا جۇگىنىپ، ناقتى ىستەۋدە، شىنداپ كىرىسىپ، قيىندىقتاردى تالقانداۋدا تاباندى بولىپ، كەدەيلەردى شىن سۇيەمەلدەۋدى، ناعىز كەدەيلەردى سۇيەمەلدەۋدى، كەدەيلەردى كەدەيلىكتەن شىنايى ارىلتۋدى ورىندادىق. كەدەيلىكتەن ارىلتۋدان قامال الۋ كۇرەسىندە پارتيانىڭ كوسەمىنەن قالىڭ پارتيالى كادرلارعا دەيىن كەدەي بۇقاراعا سۇيىسپەنشىلىك ورناتىپ، كەدەيلىكتى ازايتۋ ۇلى ءىسىن كوكەيىندە ساقتادى، جەر - جەر، تاراۋلار، ءار سالا، ءار كاسىپ، ءار شەپ جاپپاي ات سالىستى، كوپشىلىك ءبىر نيەت، ءبىر تىلەكتە بولىپ، «جوعارىدان تومەنگە دەيىن ءبىر نيەتتە بولۋ، ارىنداي شايقاسقا اتتانۋ» سىندى ىنتىماقتىڭ ۇلى كۇشىن تولىق ايگىلەدى؛ دالمە - ءدال پارىقتاۋدان، ارحيۆ تۇرعىزىپ، كارتوچكا بەرۋدەن باسشىلىقتى كۇشەيتۋگە، قوسىندى نىعايتۋعا دەيىن، تۇرگە ءبولىپ، شارالاردى نىسانالى اتقارۋدان ولشەمدى قاتايتىپ، تارتىپپەن شەگىنۋگە دەيىن، ونان سوڭ ىزىنە ءتۇسىپ باقىلاپ، قايتا كەدەيلەنۋدەن ساقتانۋعا دەيىن، كىمدى سۇيەمەلدەۋ، كىم سۇيەمەلدەۋ، قالاي سۇيەمەلدەۋ، قالاي شەگىنۋ، قالاي ورنىقتىرۋ سياقتى ماسەلەلەردى توڭىرەكتەي وتىرىپ، ساياساتتىق كەشەندى شارالاردى اتقارىپ، «دالمە - ءدال ناقتى ءىس ىستەۋ، ءورىس اشا جاڭالىق اشۋ» سىندى جونگە سالۋ اقىل - پاراساتىن شوعىرلى ايگىلەدى؛ قالىڭ پارتيا مۇشەلەرى، كادرلار ىستىق قاندارىمەن بورىشتارىن ارقالاپ، ءىس - ارەكەتتەرىمەن ۋادەسىن ورىندادى، قىستاقتا تۇراتىن ءبىرىنشى شۋجيلەر مەن قىزمەت اترەتىنىڭ مۇشەلەرى ءبىرىنشى شەپكە تامىر تارتىپ، جاپاعا شىداپ ىستەدى، نەگىزگى ساتىداعى پارتيالى كادرلار جۇرەك قانىن سارقا جۇمساپ، قاجىرلىلىقپەن ناقتى ىستەدى، قالىڭ ەرىكتىلەر شىنايى سۇيىسپەنشىلىكپەن كىرىسىپ، بار كۇشپەن ۇلەس قوستى، ءبىر مىڭ 800 دەن استام پارتيا مۇشەسى، كادر كەدەيلەردى ازايتۋ ىستەرىنە قاستەرلى ءومىرىن ارنادى، وسىنىڭ ءبارى «قيىندىقتاردى جەڭىپ، حالىقتىڭ ءۇمىتىن اقتاۋ» قۇن تالپىنىسىن تەرەڭ ءتۇسىندىردى. كەدەيلىكتەن ارىلتۋدان قامال الۋ رۋحى − جۇڭگو كوممۋنيستىك پارتياسىنىڭ سيپاتى مەن تۇپكى ماقساتىنىڭ، جۇڭگو حالقىنىڭ ەرىك - جىگەرىنىڭ، جۇڭحۋا ۇلتى رۋحىنىڭ جاندى بەينەسى، وتانشىلدىق، كوللەكتيۆشىلدىك، سوتسياليزم يدەياسىنىڭ شوعىرلى بەينەلەنۋى، جۇڭگو رۋحىنىڭ، جۇڭگو قۇنىنىڭ، جۇڭگو كۇشىنىڭ تولىق ايگىلەنۋى، ۇلى ۇلتتىق رۋح پەن ءداۋىر رۋحى ۇزدىكسىز جالعاستىرىلعان وسى رۋح جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولەگىنە اينالدى.
بارلىق ۇلى تابىستار − ۇزدىكسىز كۇرەس جۇرگىزۋدىڭ ناتيجەسى، بارلىق ۇلى ىستەر بۇرىنعىعا مۇراگەر بولىپ، كەيىنگىگە جول اشۋ بارىسىندا ىلگەرىلەتۋدى قاجەت ەتەدى. ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام قۇرىپ شىعىپ، مۇلدەم كەدەيلىك ماسەلەسىن تاريحي سيپاتتى شەشتىك، ەندى جاپپاي سوتسياليستىك وسىزاماندانعان قۇدىرەتتى ەل قۇرۋ جولىندا ۇزدىكسىز كۇرەس جۇرگىزىپ، بۇقارانىڭ تۇرمىسىن ءتىپتى دە بايىتۋىمىز، ءتىپتى دە باقىتتى ەتۋىمىز كەرەك. بۇكىل پارتيانىڭ، بۇكىل ەلدەگى ءار ۇلت حالقىنىڭ الدىنداعى بورىش اناعۇرلىم داڭقتى، مىندەت اناعۇرلىم جاپالى، سىن - سايىس اناعۇرلىم اۋىر، قىزمەت اناعۇرلىم ۇلى، دامۋدىڭ بىركەلكى، تولىق بولماۋى ماسەلەسىن شەشۋدىڭ، قالا مەن اۋىلدىڭ وڭىرلىك دامۋ پارقىن ازايتۋدىڭ، ادامنىڭ جان - جاقتى دامۋى مەن جالپى حالىقتىڭ بىرگە اۋقاتتانۋىن جۇزەگە اسىرۋدىڭ مىندەتى ءالى دە اۋىر، جولى ۇزاق. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءبىز كەدەيلىكتەن ارىلتۋدان قامال الۋ رۋحىن بارىنشا ساۋلەلەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، كەڭەيتۋ مەن اۋىل - قىستاقتى گۇلدەندىرۋدى ءونىمدى ۇشتاستىرۋ قىزمەتتەرىن شىنايى جاقسى ىستەپ، كەدەيلىكتەن ارىلتۋدىڭ نەگىزىن ونان ارى بەكەمدەۋىمىز، ونىمدىلىگىن ونان ارى جالعاستىرۋىمىز؛ جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتۋ الا كەلگەن جاڭا جاعدايدى، العا قويىلعان جاڭا تالاپتاردى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولۋىمىز؛ جالپى حالىقتىڭ بىرگە اۋقاتتانۋىن جەبەۋدى اناعۇرلىم ماڭىزدى ورىنعا قويىپ، تاباندىلىقپەن، ۇزاق ۋاقىت ۇلەس قوسىپ، وسى نىساناعا قاراي اناعۇرلىم بەلسەندى، ناتيجەلى قۇلشىنىس جاساپ، ادامنىڭ جان - جاقتى دامۋى مەن قوعامنىڭ جاپپاي العا باسۋىن جەبەپ، قالىڭ حالىق بۇقاراسىنىڭ تابىس، باقىت، حاۋىپسىزدىك سەزىمىن اناعۇرلىم نىعايتۋىمىز، اناعۇرلىم قامتاماسىز ەتۋىمىز، اناعۇرلىم باياندى ەتۋىمىز كەرەك.
جۇڭگوشا سوتسياليزم ەڭبەكپەن كەلەدى، جاڭا ءداۋىر كۇرەسپەن كەلەدى. وتكەنگە قايىرىلا قاراساق، ءبىز جۇڭحۋا ۇلتىن نەشە مىڭ جىل مازالاعان مۇلدەم كەدەيلىك ماسەلەسىن شەشۋدە ۇلى تاريحي تابىسقا قول جەتكىزىپ، ادامزاتتىڭ كەدەيلىكتى ازايتۋ تاريحىنداعى كەرەمەتتى جاراتتىق. جاڭا باستامادا، ءبىز جاپپاي سوتسياليستىك وسىزاماندانعان مەملەكەت قۇرۋ تاريحي ۇلى ارمانى ءۇشىن كۇرەسۋدەمىز. ساپار الىس، ماقساتقا كۇرەسپەن عانا جەتەمىز. قانەكي، شي جينپيڭ جولداستى ۇيىتقى ەتكەن ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەنىمدى، بەكىمدى نىعايتىپ، ماڭگى قاجىمايتىن رۋحاني كۇيمەن جانە العان بەتىنەن قايتپايتىن كۇرەس جۇرگىزۋ بەينەسىمەن شىنايى يگەرىپ، ناقتى ىستەپ، بەرىلە شوگەلدىكپەن ىستەپ، ەكىنشى 100 جىلدىق كۇرەس نىساناسىن جۇزەگە اسىرۋعا قاراي ەرلىكپەن العا تارتايىق!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
