حالىق تورابىنىڭ قىسقا شولۋى: ءىستىڭ ءمان – جايىن ءتۇسىندىرۋدى سۇراعان اتا – انانى قاماۋعا العانى سازايىن تارتقىزۋ، ءوش الۋ ما، جوق پا؟
چين چۋان
2021.10.25 14:03 كەلۋ قاينارى : حالىق تورابى
مەكتەپ اسحاناسىنان تاماق جەگەننەن كەيىن ءىشى وتكەن بالانىڭ اكەسى ءىستىڭ – ءمان جايىن ءتۇسىندىرۋدى سۇراعانىنا بولا قىلمىستىق ءىس بويىنشا قاماۋعا الىنعان. ۇعىسۋعا قاراعاندا، حىبەي ولكەسى لينجاڭ اۋدانىنداعى ياڭ حانىمنىڭ ايتۋىنشا، ونىڭ كۇيەۋى بالاسىنىڭ جاعدايىنان الاڭداعاندىقتان، باسقا اتا – انالارمەن بىرگە مەكتەپ اسحاناسىنىڭ تازالىق جاعدايىن كوزدەرىمەن كورمەك بولعان، «ويلاماعان جەردەن، ‹پالە شىعاردى› دەگەن اتپەن قاتىستى تاراۋلار قىلمىستىق ىستەر بويىنشا قاماۋعا العان، تۇتقىنداۋدى بەكىتكەن».
جەرگىلىكتى ورىنداعى وقۋ – اعارتۋ تاراۋى مالىمدەمە جاريالاپ، ينتەرنەتتە تاراعان مەكتەپ اسحاناسىنا قاتىستى ينفورماتسياسىنىڭ «ءىس جۇزىندىككە جاناسپايتىنىن، مازمۇنىنىڭ شىندىقتان الشاق ەكەنىن» ايتقانىمەن، بۇل ءىستىڭ تۇسىنىكسىز تۇستارى ءالى كوپ، ينتەرنەتتە ۇزدىكسىز تارالۋدا، كوپتەگەن سۇراقتار شەشۋدى كۇتۋدە، جۇرت ءىستىڭ شىن سىرىن ءبىلۋدى اسىعا كۇتۋدە.
مىسالى، وقۋشىلاردىڭ ءىشىنىڭ ءوتۋى مەكتەپ اسحاناسىنان تاماق جەگەننەن كەيىن بولعان با؟ ءىس تۋىلعاننان كەيىن، بۇل ىسكە قاتىستى مەكتەپكە جونگە سالۋ جونىندە بۇيرىق ءتۇسىرىلىپ، اسحاناسى پەشەتتەلگەن دەگەن اقپارات شىن با، جالعان با؟ باسقا ءتورت اتا – انا تەرگەۋگە دەيىن كەپىلگە بوساتىلعان، نەلىكتەن تەك ياڭ حانىمنىڭ كۇيەۋى قىلمىستىق ءىس بويىنشا قاماۋعا الىنعان؟ ياڭ حانىمنىڭ كۇيەۋىن تۇتقىنداۋدى بەكىتكەندە، قاتىستى تاراۋلاردىڭ قانداي ىسپاتى بار؟
جۇرت ۇنەمى دەلو بىتىرگەندە «فاكتتى نەگىز ەتۋ كەرەك، زاڭدى ولشەم ەتۋ كەرەك» دەيدى. شىندىققا بارىنشا قۇرمەت ەتىپ، دەلونى بۇلجىتپاي زاڭ بويىنشا انىقتاعاندا عانا، ءتارتىپ ادىلدىكپەن اتقارىلعان جانە ىسكە قاتىستى ادامدار ادىلدىكپەن ءبىرجاقتى ەتىلگەن بولادى.
قازىر اڭىس ورتاسىندا مىناداي پىكىردىڭ جاقتاۋشىسى كوپ: اتاپ ايتقاندا، ياڭ حانىمنىڭ كۇيەۋىن تۇتقىنداۋ — جەرگىلىكتى ورىنداعى قاتىستى تاراۋلاردىڭ ونىڭ سازايىن تارتقىزۋ، ودان ءوش الۋ ارەكەتى. شىندىق وسىنداي ما، جوق پا؟ جەرگىلىكتى ورىنداعى قاتىستى تاراۋلاردىڭ ىرىقتىلىقپەن جاۋاپ قايتاراتىن، ەگجەي – تەگجەيلى جاۋاپ بەرەتىن، كۇماندى تۇيىندەردى تۇسىندىرەتىن جاۋاپكەرشىلىگى بار، ونىڭ ۇستىنە، فاكتكە قۇرمەت ەتۋ نەگىزىندە، جۇرتقا تۇسىنىك بەرۋى قاجەت.
سەبەبى وتە قاراپايىم، اتالعان دەلو قازىر ءبىر رەتكى الەۋمەتتىك وقيعاعا اينالدى، ىسكە قاتىستى ادامدار جاۋاپ كۇتۋدەن سىرت، بىلايعى جۇرت تا جاۋاپ كۇتۋدە. ەگەر ويداعىداي ءبىرجاقتى ەتىلمەسە، «ايىقپاس كىنارات» بولۋى مۇمكىن، وتە – موتە، زاڭنان الشاق كەتكەن ماسەلەلەر بار بولسا، جەرگىلىكتى ورىن بۇل ىستە ىڭعايسىز كۇيدە قالادى، جەرگىلىكتى ورىننىڭ وبىرازىنا دا داق سالادى، زاڭنىڭ بەدەلىنە دە زيانى تيەدى.
ياڭ حانىمنىڭ كۇيەۋى شىنىمەن دە ۇشقارى مىنەز كورسەتىپ، زاڭعا قايشى كەلگەن بولسا، ونىڭ زاڭدىق جاۋاپكەرشىلىك ارقالاۋى — زاڭمەن جونگە سالىناتىن داۋىردەگى قاجەتتى ادىلدىك. ەگەر قاتەلىگى جەڭىل بولىپ، كەسىرىن تيگىزبەگەن بولسا، قىلمىستىق جازانى قولدانۋدىڭ قاجەتى جوق، ۇيتپەگەندە، بۇل ىسكە قاتىستى ادامدار مويىنسال بولمايدى، جۇرتتىڭ كوڭىلىندە دە: قالىپتى ۇقىعىن قورعاۋ ارەكەتىنە بولا سازايىن تارتقىزىپ، ءوش الاتىن بولسا، قايدا بارىپ ءجونىن تۇسىندىرەمىز؟ — دەگەن وي تۋىنداۋى مۇمكىن.
«حالىق جۇرتشىلىعىنا ءاربىر ءادىليالىق دەلو بارىسىندا تەڭدىك پەن ادىلدىكتى سەزىندىرۋگە قۇلشىنايىق» دەگەن ءسوزدىڭ ۋاقىتى قاشان دا وتپەيدى، ۇكىمەت تاراۋلارى، وتە – موتە، ءادىليا ورگاندارى، ءسوزسىز، ەستە بەرىك ساقتاۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
