شي جينپيڭ مەن رەسەيدىڭ زۇڭتۇڭى پۋتين جۇڭگو - رەسەي عىلىم - تەحنيكالىق جاڭالىق اشۋ جىلىنىڭ جابىلۋ سالتىنا جەكە - جەكە قۇتتىقتاۋ حاتىن جولدادى
2021.11.29 17:21 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 26 - كۇنى، بەيجيڭ. 11 - ايدىڭ 26 - كۇنى مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين جۇڭگو - رەسەي عىلىم - تەحنيكالىق جاڭالىق اشۋ جىلىنىڭ جابىلۋ سالتىنا جەكە - جەكە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: 2020 - جىلى 8 - ايدا جۇڭگو - رەسەي عىلىم - تەحنيكالىق جاڭالىق اشۋ جىلى باستالعان كەزدە پۋتين زۇڭتۇڭ ەكەۋىمىز جەكە - جەكە حات جولداپ قۇتتىقتاپ، ۇلكەن ءۇمىت كۇتكەن بولاتىنبىز. ءبىر جىلدان اسا ۋاقىتتان بەرى جۇڭگو مەن رەسەي ەكى ەل بىرگە قول ۇستاسىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ءتيىمسىز ىقپالىن جەڭىپ، مىڭنان استام عىلىم - تەحنيكالىق جاڭالىق اشۋ سەلبەستىگى، اۋىس - كۇيىسى قيمىلىن جاسامپازدىقپەن اتقارىپ، ەكى ەلدىڭ ىندەتتەن ساقتانۋ - تىزگىندەۋ، اۆياتسيا، عارىش، يادرو ەنەرگياسى، سيفرلى ەكونوميكا سياقتى سالالاردا ءبىر توپ سۇبەلى سەلبەستىك جەتىستىكتەرىنە قول جەتكىزۋىن بەلسەنە ىلگەرىلەتىپ، جۇڭگو مەن رەسەيدىڭ بىرلەسىپ عىلىم - تەحنيكالىق جاڭالىق اشۋ قورىن ءساتتى ىسكە قوسىپ، ستراتەگيالىق ءىرى نىساندار سەلبەستىگىندە ماڭىزدى ىلگەرىلەۋشىلىككە قول جەتكىزدى. اماليات جۇڭگو - رەسەي ەكى ەلدىڭ عىلىم - تەحنيكالىق جاڭالىق اشۋ سەلبەستىگىنىڭ كومەسكى كۇشى زور، بولاشاق ءورىسى كەڭ ەكەنىن دالەلدەدى.
شي جينپيڭ بىلاي دەپ دارىپتەدى: جۇڭگو مەن رەسەي − ەڭ ۇلكەن كورشى ەلدەر، قازىرگى تاڭداعى حالىقارالىق ساياسي، ەكونوميكا مىنبەلەرىندە ماڭىزدى رولدارىن بارعان سايىن بىرگە ساۋلەلەندىرۋدە. ەكى جاق ۇرپاقتار بويى دوس بولۋ، سەلبەسىپ تەڭ يگىلىككە كەنەلۋ ۇستانىمىنان جازباي، ءتۇرلى سالالارداعى اۋىس - كۇيىستى، سەلبەستىكتى ناقتى ىلگەرىلەتىپ، جۇڭگو - رەسەي قاتىناسىنىڭ اناعۇرلىم جوعارى دەڭگەيدە، اناعۇرلىم جوعارى ساپادا، اناعۇرلىم جوعارى ورەدە ارشىنداي العا باسۋىن جەبەپ، جاڭاشا حالىقارالىق قاتىناس ورناتۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ قوزعاۋشى كۇش ۇستەۋى كەرەك.
پۋتين قۇتتىقتاۋ حاتىندا مىنالاردى ءبىلدىردى: ەكى جاقتىڭ بىرگە قۇلشىنۋىندا، رەسەي - جۇڭگو عىلىم - تەحنيكالىق جاڭالىق اشۋ جىلى ءساتتى وتكىزىلدى، بۇل ەكى ەلدىڭ جاڭا داۋىردەگى جالپى بەتتىك ستراتەگيالىق سەلبەستىك، سەرىكتەستىك قاتىناسى جۇلگەسىندە عىلىم - تەحنيكا سەلبەستىگىن ورىستەتۋىنىڭ كەلەلى ءمانىن تولىق ايگىلەدى. 2 جىلدان بەرى رەسەي مەن جۇڭگونىڭ عىلمي زەرتتەۋ قىزمەتكەرلەرى ىندەتتىڭ ىقپالىن جەڭىپ، مىڭنان استام عىلمي زەرتتەۋ قيمىلىن تياناقتاندىردى. جۇڭگو جاقتىڭ اۋىر يوندى اسقىن وتكىزگىش قادامداس ۇدەتكىش (NICA) ۇلكەن عىلىم قوندىرعىسى قۇرىلىسىنا ات سالىسۋى، ەكى جاقتىڭ رەسەي - جۇڭگو ماتەماتيكا ورتالىعىن قۇرۋى سياقتىلار مۇنداعى ەڭ نەگىزگى سەلبەستىك جەتىستىگىنە اينالدى. ەكى جاقتىڭ الداعى جەردە ۇرپاقتار بويى دوس بولۋ، سەلبەسىپ تەڭ يگىلىككە كەنەلۋ ۇستانىمىندا ۇزدىكسىز تاباندى بولىپ، رەسەي مەن جۇڭگونىڭ جان - جاقتى سەلبەستىگىن ىلگەرىلەتۋگە ۇزدىكسىز تەبىندى قوزعاۋشى كۇش قوساتىنىنا سەنەمىن.
جۇڭگو - رەسەي عىلىم - تەحنيكالىق جاڭالىق اشۋ جىلى سول كۇنى اياقتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
