سىرتقى ىستەر مينيسترلىگى ليتۆانى قاتەلىگىن دەرەۋ تۇزەتۋگە قۋزادى
2021.11.23 14:54 كەلۋ قاينارى : حالىق تورابى
سىرتقى ىستەر مينيسترلىگىنىڭ مالىمدەمەشىسى جاۋ ليجيان 11 - ايدىڭ 22 - كۇنى كەزەكتى تىلشىلەر جينالىسىندا قاتىستى سۇراۋلارعا جاۋاپ بەرگەندە بىلاي دەدى: ليتۆانىڭ تايۋانعا ساياتىن ماسەلەسىنىڭ دۇرىس - بۇرىستىعى ايقىن.
ول بىلاي دەدى: ليتۆا جۇڭگو ۇكىمەتىنىڭ قاتاڭ مايدانىن ەلەپ - ەسكەرمەي، ەكى جاقتى قاتىناستىڭ جالپى جاعدايىن ەلەپ - ەسكەرمەي، حالىقارالىق قاتىناستىڭ نەگىزگى ولشەمىن ەلەپ - ەسكەرمەي، تايۋان اتىنان ليتۆادا «ۋاكىلدىك باسقارما» قۇرۋعا توڭمويىندىقپەن جول بەردى. ليتۆانىڭ بۇل ارەكەتى حالىقارادا اشىقتان - اشىق «ءبىر جۇڭگو، ءبىر تايۋان» جاساعاندىق، ليتۆانىڭ ەكى ەلدىڭ ديپلوماتيالىق قاتىناس ورناتۋ مازمۇنداماسىندا جاساعان ساياسي ۋادەسىنە قايشىلىق جاساعاندىق، ۋادەدەن تايعاندىق، حالىقارادا ناشار ۇلگى كورسەتتى. ليتۆا ۇكىمەتى وسىدان تۋىلعان بارلىق زارداپتى ارقالاۋعا ءتيىس.
جاۋ ليجيان بىلاي دەدى: جۇڭگو مەن ليتۆانىڭ باس ەلشى دارەجەلى ديپلوماتيالىق قاتىناس ورناتۋداعى ساياسي نەگىزى ليتۆانىڭ بۇلدىرۋىنە ۇشىراعاندىعىن كوزدە ۇستاي وتىرىپ، جۇڭگو ۇكىمەتى ءوزىنىڭ يەلىك ۇقىعى مەن حالىقارالىق قاتىناستىڭ نەگىزگى ولشەمىن قورعاۋ ءۇشىن، جۇڭگو مەن ليتۆا ەكى ەلدىڭ ديپلوماتيالىق قاتىناسىن ۋاكىلدىك دارەجەسىنە تۇسىرۋگە ءماجبۇر بولدى.
ول بىلاي دەدى: ليتۆانىڭ «ۋاكىلدىك باسقارمادا ديپلوماتيالىق مارتەبە بولمايدى» دەپ قاسارىسۋى جاسىرامىن دەپ اشىلىپ قالعاندىق. تايۋان بيلەۋشىلەرى ليتۆادا «تايۋان ۋاكىلدىك باسقارماسىن» قۇرۋ تايۋاننىڭ «ماڭىزدى ديپلوماتيالىق جاڭالىعى»، «ماڭىزدى ديپلوماتيالىق جەتىستىك» دەپ داۋرىقتى. بۇل تايۋان بيلەۋشىلەرى مەن «تايۋاندى دەربەستەندىرۋدى كوزدەيتىن» بولشەكتەۋشى كۇشتەردىڭ وزدىگىنەن مويىنداۋى، ولاردىڭ «تايۋاندى دەربەستەندىرۋدى كوزدەيتىن» بولشەكتەۋشىلىك ارەكەتىمەن شۇعىلدانعاندىعىنىڭ بۇلتارتپاس قىلمىس دالەلى.
«ءبىز ليتۆانى قاتەلىكتى دەرەۋ تۇزەتۋگە قۋزايمىز، جۇڭگو حالقىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋداعى بەرىك ەركىن تومەن مولشەرلەمەۋ كەرەك. ءبىز تايۋان جاققا دا <تايۋاندى دەربەستەندىرۋدى كوزدەيتىن> كۇشتەر شىندىقتى قالاي بۇرمالاسا دا، اق پەن قارانى قالاي شاتاستىرسا دا، ۇلى قۇرلىق پەن تايۋاننىڭ ءبىر جۇڭگوعا ءتان بولۋ تاريحي فاكتىن وزگەرتە المايتىندىعىن قاتاڭ ەسكەرتەمىز. شەتەلگە ارقالانىپ ءوزىن اسپەتتەۋ، ساياسي الاياقتىق ىستەۋ، ەڭ سوڭىندا، ءسوز جوق، تۇيىققا تىرەلەدى.» دەدى جاۋ ليجيان.
جاۋ ليجيان بىلاي دەپ اتاپ كورسەتتى: ليتۆانىڭ بۇگىنگى قادامعا بارۋى كەيبىر ءىرى ەلدەردىڭ جوسپارلاعانى ەكەنى ايقىن، ءبىراق ليتۆانىڭ مۇددەسى قۇربان بولادى. «ءبىز دۇنيە جۇزىندەگى باسقا ەلدەردى ءوزىنىڭ ءتۇبىرلى مۇددەسىن، حالىقارالىق ادىلدىك پەن تۋراشىلدىقتى شىعار ءتۇيىن ەتۋگە ، كەيبىر ءىرى ەلدەردىڭ ماجبۇرلەۋىنە ۇشىراماۋعا، قارسىلاسۋعا ورىنسىز قاتىسپاۋعا ۇندەيمىز» دەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
