شينجياڭ ”ءبىر بەلدەۋ، ءبىر جول“ قۇرىلىسىن جوعارى ساپالى ىلگەرىلەتتى
□ انار بۇلت / شينجياڭ گازەتىنىڭ ءتىلشىسى شى شين
2021.11.22 16:35 كەلۋ قاينارى : شينجياڭ گازەتى
11 - ايدىڭ 15 - كۇنى بەيجيڭدە وتكىزىلگەن ”2021 . جۇڭگو شينجياڭ دامۋ تالقى مىنبەرىندە“ ”’ءبىر بەلدەۋ، ءبىر جول‘ باستاماسىنىڭ دەمەۋىندە، تاياۋ جىلداردان بەرى شينجياڭنىڭ نەگىزدىك قۇرىلعىلار قۇرىلىسى، تۇرعىنداردىڭ تۇرمىس دەڭگەيىن جوعارىلاتۋ سياقتى جاقتاردا قول جەتكىزگەن دامۋ جەتىستىكتەرىنە ءشۇبالانۋعا كەلمەيدى“، - دەدى ارگەنتينانىڭ جۇڭگودا تۇراتىن باس ەلشىسى نيۋ ۋاڭداۋ.
دامۋداعى رەالدىقتار − ەڭ جاقسى دالەل.
تاياۋ جىلداردان بەرى شينجياڭ باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، نازاردى ”ءبىر پورت“، ”ەكى رايون“، ”بەس ۇلكەن ورتالىق“، ”شەكارا وتكەلى ەكونوميكالىق بەلدەۋى“ قىزمەتى نەگىزگى جەلىسىنە شوعىرلاندىرىپ، باتىلدىقپەن ىزدەنىس جاساپ، ىرىقتىلىقپەن ىسكەرلىك كورسەتىپ، جىبەك جولى ەكونوميكالىق بەلدەۋى وزەكتى رايون قۇرىلىسىن جەبەۋدە بەلسەندى ىلگەرىلەۋشىلىككە قول جەتكىزىپ، ”ءبىر بەلدەۋ، ءبىر جولدى“ بىرگە قۇرۋعا شينجياڭ امالياتىن ازىرلەدى.
ءتۇيىندى تۇعىر قۇرىلىسى تەرەڭدەدى، ناقتىلاندى
11 - ايدىڭ 12 - كۇنى الاتاۋ ساعاسى شەكارا وتكەلىندە ءۇي جيھازدارى، ەلەكتروندى ونىمدەرى سياقتى زاتتار تولتىرا تيەلگەن چۇڭچيڭ - شينجياڭ − ەۆروپا، جۇڭگو - ەۆروپا كەزەكشى پويەزى گۋدوك شالىپ جولعا شىقتى، بۇل بيىل وسى شەكارا وتكەلىنەن وتكەن 5000 - رەتكى جۇڭگو - ەۆروپا كەزەكشى پويەزى.
”بيىل جىل باسىنان بەرى الاتاۋ ساعاسى شەكارا وتكەلىندە 23 جۇڭگو - ەۆروپا كەزەكشى پويەزى لەنياسى جاڭادان قوسىلىپ، جۇڭگو - ەۆروپا كەزەكشى پويەزى جۇرەتىن لەنيا جيىنى 60قا جەتتى. قاتىناۋ لەنياسى جەلى ارقىلى تور قالىپتاستىرىپ، جۇڭگو - ەۆروپا كەزەكشى پويەزىنىڭ زات تاسىمال قۋاتىن ونان ارى ساپالىلاندىرىپ، اناعۇرلىم كوپ كاسىپورىندى وسى تاسىمال فورماسىمەن ەكسپورت ەتۋگە باۋرادى“، - دەدى الاتاۋ ساعاسى كەدەن باقىلاۋ - باسقارۋ 2 - ءبولىمىنىڭ ورىنباسار باستىعى شۇي يۋەحىڭ.
جۇڭگو - ەۆروپا كەزەكشى بويەزى ”ءبىر بەلدەۋ، ءبىر جول“ قۇرىلىسىن ىلگەرىلەتەتىن باستاماشى نىسان، جىبەك جولى ەكونوميكالىق بەلدەۋى وزەكتى رايون قۇرىلىسىندا قول جەتكەن بەلسەندى ىلگەرىلەۋشىلىك، ”ءبىر بەلدەۋ، ءبىر جولدى“ بىرگە قۇرۋعا شينجياڭ امالياتىن ازىرلەگەن جاندى مىسال.
بيىل قورعاس، الاتاۋ ساعاسى شەكارا وتكەلى قۋاتىن ارتتىرىپ، ونىمدىلىكتى جوعارىلاتۋ ينجەنەرياسىن كۇش سالا اتقارىپ، بۇكىل ەلدەگى جۇڭگو - ەۆروپا كەزەكشى پويەزىنىڭ قاتىناۋ قۋاتى مەن ونىمدىلىگىن ۇزدىكسىز جوعارىلاتۋدى قامتاماسىز ەتتى.
ءۇرىمجى حالىقارالىق قۇرلىقتىق پورت اۋماعىندا جۇڭگو - ەۆروپا كەزەكشى پويەزى ءۇرىمجى جيناۋ - جونەلتۋ ورتالىعىنىڭ ۇلگى كورسەتۋ ينجەنەرياسى مەن قۇرلىقتىق پورت تيبىندەگى مەملەكەتتىك زات اينالىمى تورابى قۇرىلىسى جەدەل ىلگەرىلەتىلىپ، تەمىر جول شەكارا وتكەلى جەدەل جولداما ورتالىعى، الۋان فورمادا بىرلەسىپ تاسىمالداۋ، زات جيناۋ اۋماعى سىندى ءبىر قىدىرۋ ءتۇيىندى نىساندار باستاپقى قادامدا سۇلبالانا باستادى.
”ءبىز ’زات جيناۋدى، باقشا قۇرۋدى، كاسىپ سالالارىن ۇيىستىرۋدى‘ ارقاۋ ەتە وتىرىپ، تۇعىردىڭ فۋنكتسياسىن كۇش سالا كەمەلدەندىرىپ، بۇكىل ەلدەگى 5 ۇلكەن جۇڭگو - ەۆروپا كەزەكشى پويەزى جيناۋ - جونەلتۋ ورتالىعىن قالىپتاستىرۋدى وراي ەتىپ، بيىل جۇمساق جانە قاتتى بولشەك نەگىزدىك قۇرىلعىلار قۇرىلىسىن جەدەل ىلگەرىلەتتىك، سالىنىپ جاتقان نىسان 27، جىلدىق قارجى قوسۋ جوسپارى 3 ميلليارد يۋاننان اسادى“، - دەدى ءۇرىمجى حالىقارالىق قۇرلىقتىق پورت اۋماعىنىڭ دامۋعا قىزمەت وتەۋ ورتالىعىنىڭ ورىنباسار مەڭگەرۋشىسى جۇڭ حىحۋا.
نەگىزى اناعۇرلىم بەرىك، دامۋى اناعۇرلىم تەز، قىزمەت وتەۋى ءتىپتى دە جاقسى بولدى. تاياۋ جىلداردان بەرى شينجياڭ ءۇرىمجى حالىقارالىق قۇرلىقتىق پورت اۋماعىن باستاماشى ەتىپ، قورعاس، قاشقار ەكونوميكا اشۋ رايونى مەن ءارقايسى كەشەندى باجىسىز اۋماق، شەكارا بويىنداعى وتكەل قۇرىلىسىن دامىتۋدى جەدەل ىلگەرىلەتىپ، سىرتقا ەسىك اشۋ دانەكەرىن ۇزدىكسىز مولايتىپ، وڭىرلىك ەكونوميكالىق ارتۋ ۇيەگىن قۇلشىنا قالىپتاستىردى.
وسىنداي ”ەسىك اشۋ كىلتتەرىنىڭ“ ارقاسىندا شينجياڭنىڭ سىرتقا باعىتتالعان ەكونوميكاسىنىڭ قاقپاسى بارعان سايىن ايقارا اشىلىپ، ەل ءىشى - سىرتىنداعى ساۋداگەرلەر ”قاقپانىڭ ءىشى - سىرتىندا“ قايشالىستى. ”13 - بەسجىلدىق“ كەزىندە بۇكىل رايونىمىزدا شەتەل ساۋداگەرلەرى قارجى قوسقان كاسىپورىننان جيىنى 469ى جاڭادان قۇرىلىپ، ءىس جۇزىندىك پايدالانىلعان شەتەل قارجىسى جيىنى ءبىر ميلليارد 345 ميلليون دوللار، ءىس جۇزىندىك شەتەلگە تىكە قوسقان قارجى جيىنى 4 ميلليارد 630 ميلليون دوللار بولىپ، 50 نەشە مەملەكەت پەن رايوندى قامتىدى.
ەكونوميكا - ساۋدا ”دوستىق شەڭبەرى“ ۇزدىكسىز كەڭەيدى
بيىل 8 - ايدا ازيا - ەۆروپا ۇلى قۇرلىعى كەڭىستىگىن ەندەي وتكەن سالتاناتتى ساۋدا كەڭەسى ”بۇلتتا“ وتكىزىلدى. جىبەك جولى ەكونوميكالىق بەلدەۋى وزەكتى رايونىندا تۇرعان شينجياڭ سيفىرلانعان تاسىلدەن جاڭالىق اشا پايدالانىپ، ينتەرنەت جەلىسىندەگى جانە ينتەرنەت جەلىسىنەن تىسقارىنى ءوزارا ۇشتاستىرۋ فورماسىن تۇڭعىش رەت قولدانىپ، ينتەرنەت جەلىسىندەگى 2021 ازيا - ەۆروپا تاۋار ساۋدا كورمەسىن باستادى.
”ءبىر بەلدەۋ، ءبىر جول“ جەلىسى بويىنداعى مەملەكەتتەردىڭ، وڭىرلەردىڭ جالپى بەتتىك ەكونوميكالىق سەرىكتەستىك قاتىناس كەلىسىمى (RCEP) مۇشە ەلدەرىنەن، بۇكىل ەلدەگى ءارقايسى ولكەگە، رايونعا، قالاعا، شينجياڭ ءوندىرىس - قۇرىلىس بيڭتۋانىنا جانە شياڭگاڭ، اۋمىن، تايۋان وڭىرىنە دەيىن شەكارا ءىشى - سىرتىنان كورمەگە قاتىسقان 1323 ساۋداگەرمەن، 1865 ساتىپ الۋشى ساۋداگەرمەن ”بۇلتتا كورسەتۋ، بۇلتتا ءماجىلىس وتكىزۋ، بۇلتتا كەڭەسۋ، بۇلتتا توقتامعا قول قويۋ“ سىندى ينتەرنەت جەلىسىنىڭ فۋنكتسياسىنان پايدالانىپ، ىندەت جاعدايىنىڭ ەرەكشە تۇسىندا ءوزارا ساۋدا، قارجى قوسۋ سەلبەستىگىن، ساۋداعا قىزمەت وتەۋ اۋىس - كۇيىسىن تەرەڭدەتىپ، سەلبەستىك ورناتىپ تەڭ يگىلىكتەنۋدىڭ جەمىسىن تاتتى.
”قىسقا مەرزىمنەن قاراعاندا، ىندەت جاعدايى حالىقارالىق ەكونوميكا - ساۋدا سەلبەستىگىنە بەلگىلى قيىنشىلىقتاردى جانە سىن - سايىستاردى الا كەلدى، دەسە دە ۇزاق بولاشاقتان قاراعاندا، ءبىزدىڭ باسىم كوپ سەلبەستىك سەرىكتەرىمىزدىڭ ىندەت جاعدايىنان كەيىن حالىقارالىق سەلبەستىك ورىستەتۋ تىلەگى بارعان سايىن كۇشەيەدى“، - دەدى شينجياڭ حۋاليڭ ونەركاسىپ - ساۋدا (توبى) شەكتى سەرىكتەستىگىنىڭ القا باستىعى مي ىنحۋا.
جۋىق جىلداردان بەرى شينجياڭ «جىبەك جولى ەكونوميكالىق بەلدەۋىن جانە 21 - عاسىر تەڭىز جىبەك جولىن بىرگە قۇرۋ بولاشاق جوباسى مەن ارەكەتىن ىلگەرىلەتۋگە» بەلسەنە ءۇن قوسىپ، ساياساتتىق سايكەستىرۋدى كۇشەيتىپ، ۇشتاستىرۋ مەحانيزمىن كەمەلدەندىرىپ، ساياساتتىق بايلانىستى ۇزدىكسىز تەرەڭدەتىپ، جۇڭگو - قازاقستان، جۇڭگو - تاجىكستان سەلبەستىگى، سونداي - اق جۇڭگو - موڭعۇليا - رەسەي ەكونوميكا ءدالىزى قۇرىلىسىنا قاتىناسۋدىڭ اتقارۋ جوباسىن زەرتتەپ جاساپ، حالىقارادا جيىنى 45 دوس قالامەن جۇپ قۇرادى، ورتا ازيا وڭىرلىك ەكونوميكالىق سەلبەستىك شۋەيۋانىمەن، توڭىرەكتەگى ەلدەردىڭ قاتىستى قۇرىلىمدارىمەن سەلبەستىك كەلىسىمىنەن، ەسكەرتپە حاتتان 11ىنە قول قويىپ، حالىقارالىق اۋىس - كۇيىس، سەلبەستىك كەڭىستىگىن ۇزدىكسىز كەڭەيتىپ، ساۋداعا قارجى قوسۋدى قولايلىلاستىرۋ دەڭگەيىن ۇزدىكسىز جوعارىلاتتى.سونىمەن بىرگە شينجياڭ تاس جول، تەمىر جول، اۋە جولى، حات - حابار، توراپ سىندى ”بەستى ءبىر تۇلعالاندىرۋدى“ ۇلاستىرۋدى، تۇتاستىرۋدى بار كۇشپەن ىلگەرىلەتتى.
G7 بەيجيڭ - شينجياڭ جوعارى جىلدامدىقتى تاس جولىنىڭ تۇتاس لەنياسى تۇتاستىرىلىپ، تاس جول قاتىناسى ءتىپتى دە ىركىلىسسىزدەندى؛ كورلا − گولمۋد تەمىر جولىنىڭ تۇتاس لەنياسى تۇتاستىرىلىپ، باتىس بولەك قۇرلىق - تەڭىز جاڭا ارناسىن تۇتاستىرۋ ماڭىزدى ىلگەرىلەۋشىلىككە قول جەتكىزدى؛ كەريا ۋانفاڭ اۋەجايى ىسكە قوسىلىپ، شونجى، بايىنبۇلاق، باركول اۋەجايى نىسانىنىڭ اياق الىسى ءساتتى بولىپ، ”شينجياڭنىڭ ىشىندە تور قالىپتاستىرعان، شىعىس پەن باتسىقا جەلپۋىش ءتارىزدى تارامدالعان“ اۋە لەنياسى ورنالاسىمىن جەدەل ورناتتى... ۇزدىكسىز كەڭەيگەن ”دوستىق شەڭبەرى“ شينجياڭنىڭ جوعارى ساپالى دامۋىنا تىڭ وراي الا كەلىپ، جاڭا قوزعاۋشى قۋات ۇستەدى.
اۋىس - كۇيىس، سەلبەستىك ۇزدىكسىز تەرەڭدەدى
الىپ اق ءتۇستى جەل گەنەراتورلارى جەر تۇزىلىسىنە قاراي قاتار تۇزەپ، ەن دالادان ەندەي وتكەن جەلگە جەلكەن جايىپ، ەلەكتر ەنەرگياسىمەن تىكە قامداۋ ەلەكتر تورىن قالىپتاستىرىپ، سان مىڭداعان وتباسىنىڭ شام ساۋلەسىنە اينالدى. سانشيا پاكيستان جەل ەلەكترى نىسانى ىسكە قوسىلعاننان بەرى بۇل كورىنىس ءار كۇن سايىن قايتالانۋدا.
”ءبىر بەلدەۋ، ءبىر جول“ باستاماسىنا بەلسەنە ءۇن قوسقان شينجياڭ جينفىڭ عىلىم - تەحنيكا جارنا شەكتى سەرىكتەستىگى پاكيستانعا تۇڭعىش كىرگەن 1 - توپتاعى جۇڭگو جەل ەلەكتر ءوندىرۋ ساۋدا كاسىپورنىنا اينالدى. قازىرگە دەيىن جينفىڭ عىلىم - تەحنيكاسى پاكيستاندا 7 جەل ەلەكتر نىسانىن ىسكە قوسىپ، جەرگىلىكتى ورىندى جىلىنا ءبىر ميلليارد 500 ميلليون كيلوۆات - ساعاتتان استام جاسىل ەلەكتر كۇشىمەن قامدادى.
”بولاشاقتا جينفىڭ عىلىم - تەحنيكاسى بىرگە قۇرۋدى، بىرگە يگىلىكتەنۋدى ۇزدىكسىز ىلگەرىلەتىپ، ەلىمىزدىڭ ءبىرشاما وزىق قايتا تۋىندايتىن بايلىق تەحنيكاسىنىڭ جەتىستىگى ارقىلى ”ءبىر بەلدەۋ، ءبىر جول“ لەنياسى بويىنداعى ءتىپتى دە كوپ ەلدەرگە تيىمدىلىك جەتكىزەدى“، - دەدى شينجياڭ جينفىڭ عىلىم - تەحنيكا جارنا شەكتى سەرىكتەستىگىنىڭ ورىنباسار باسالقاسى ۋ كاي.
ەكونوميكا جاھاندانعان بۇگىنگى تاڭدا دۇنيە جۇزىنەن وقشاۋ قالاتىن ارال بولمايدى.
”ءبىر بەلدەۋ، ءبىر جولدى“ بىرگە قۇرۋ ەكونوميكانىڭ جاھاندانۋىنىڭ تاريحي اۋقىمىنا ۇيلەسۋى، الەمدىك جونگە سالۋ جۇيەسى وزگەرىسىنىڭ ءداۋىر تالابىنا ۇيلەسۋى، ءار ەل حالقىنىڭ جاقسى تۇرمىس كەشىرۋگە دەگەن كۇشتى تىلەگىنە ۇيلەسۋى كەرەك.
ەلەكتر جەتكىزۋ، جول جاساۋ، كوپىر سالۋ، جىلۋ جەتكىزۋ، گازبەن قامداۋ... ”ءبىر بەلدەۋ، ءبىر جولدى“ بىرگە قۇرۋ باستاماسىنىڭ ىلگەرىلەتۋىندە شينجياڭداعى ءبىر توپ كاسىپورىن بەلسەندى تۇردە مەملەكەت قاقپاسىنان شىعىپ، ءوزىن دامىتۋ ءورىسىن كەڭەيتۋمەن بىرگە، ءىس جۇزىندىك ارەكەتى ارقىلى لەنيا بويىنداعى ەلدەر مەن حالىققا باقىت جاراتتى.
قازىرگە دەيىن شينجياڭ كاسىپورىندارى شەكارا سىرتىندا ەكونوميكا - ساۋدا سەلبەستىك رايونىنان تورتەۋىن قۇردى، جۇڭتاي شينسىلۋ تاجىكستان اۋىل شارۋاشىلىعى توقىماشىلىق كاسىپ سالاسى باقشاسى نىسانى جۇڭگو - تاجىكستان ەكونوميكا - ساۋدا سەلبەستىگىنىڭ تابىستى مىسالى بولىپ باعالاندى.
جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ىلگەرىلەۋىنە ىلەسىپ، دامۋ فاكتورلارىن ەسىك اشۋ كۇيىمەن شوعىرلاندىرۋ ارقىلى جۇڭگونىڭ شينجياڭى توڭىرەكتەگى ەلدەرمەن اۋىس - كۇيىستى، سەلبەستىكتى ۇزدىكسىز كەڭەيتتى، دامىتتى.
ەمدەۋ - دەنساۋلىق ساقتاۋ جاعىندا، شينجياڭ حالىقارالىق ەمدەۋ قىزمەت وتەۋىن بەلسەنە كەڭەيتىپ، بۇكىل رايونداعى 27 شيپاحانا توڭىرەكتەگى 3 ەلدەگى 24 ۇلكەن شيپاحانامەن شەكارا اتتاعان الىس ارالىقتى ەمدەۋ قىزمەت وتەۋ تۇعىرىن ورناتتى.
عىلىم - تەحنيكا سەلبەستىگى جاعىندا، شينجياڭ جىبەك جولى ەكونوميكالىق بەلدەۋى جاڭالىق اشۋ ارقىلى دامۋعا دەم بەرۋ سىناق رايونى، ءۇرىمجى - سانجى - شىحىزى مەملەكەتتىك دەربەس جاڭالىق اشۋدا ۇلگى كورسەتۋ رايونى قۇرىلىسىن جەدەل ىلگەرىلەتتى، حالىقارالىق عىلىم - تەحنيكا سەلبەستىگى 45 ەل مەن رايوندى (ۇيىمدى)، 400دەن استام عىلمي زەرتتەۋ قۇرىلىمىن قامتىدى.
فينانستىق قىزمەت وتەۋ جاعىندا، وزەكتى رايوننىڭ فينانستىق قىزمەت وتەۋ دەڭگەيى ۇزدىكسىز جوعارىلادى. ”13 - بەسجىلدىق“ مەزگىلىندە بۇكىل رايونداعى شەكارا اتتاپ ەسەپ جابۋداعى ناقتىلى كىرىس - شىعىس جالپى 155 ميلليارد 70 ميلليون يۋان حالىق اقشاسىنا جەتىپ، 106 ەل مەن رايوندى قامتىدى.
ورايلى ءسات، ءتيىمدى جاعداي، جۇرت تىلەگى توعىستى، ”14 - بەسجىلدىقتىڭ“ باستاپقى جىلىندا، جاڭا جورىق باستالعاندا شينجياڭ ”ءبىر بەلدەۋ، ءبىر جول“ قۇرىلىسىن جوعارى ساپالى ىلگەرىلەتۋدىڭ جاڭا ەمتيحان تاپسىرۋ جولىندا ەرلىكپەن العا باسۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
