شاڭحايدا تۋىت دەمالىسى 60 كۇن ۇزارتىلدى، پەرزەنت تاربيەلەۋ دەمالىسى قوسىلدى
2021.11.26 15:58 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى گو جيڭدان 11 – ايدىڭ 25 – كۇنى شاڭحايدان حابارلايدى. شاڭحاي قالالىق 15 – كەزەكتى حالىق قۇرىلتايى تۇراقتى كوميتەتى 37 – كەزەكتى ءماجىلىسى 11 – ايدىڭ 25 – كۇنى «شاڭحاي قالاسىنىڭ جان سانى جانە جوسپارلى تۋىت ەرەجەسىنە» وزگەرىس ەنگىزۋ جونىندەگى قاۋلىنى ماقۇلدادى، زاڭ – ءتۇزىم، بەلگىلەمەلەردەگى تۋىت شارتىنا ساي كەلەتىن ەرلى – زايىپتىلار بالالى بولسا، ايەل جاق مەملەكەت بەلگىلەگەن تۋىت دەمالىسىنان يگىلىكتەنۋدەن سىرت، تاعى دا 60 كۇندىك تۋىت دەمالىسىنان يگىلىكتەنەدى؛ ەرلى – زايىپتىلاردىڭ اربىرەۋى پەرزەنتتەرى 3 جاسقا كەلگەنشە جىلىنا 5 كۇندىك پەرزەنت تاربيەلەۋ دەمالىسىنان يگىلىكتەنەدى. پەرزەنت تاربيەلەۋ دەمالىسىنداعى ەڭبەكاقىسى قالىپتى قىزمەت ىستەگەندەگى ەڭبەكاقى ولشەمى بويىنشا بەرىلەدى.
بۇل بەلگىلەمە شىعارىلعان كۇننەن باستاپ اتقارىلىپ، لايىقتى جاسقا كەلگەندە ۇيلەنۋ مەن بالالى بولۋ، ساپالى بالالى بولۋ، بالانى ساپالى تاربيەلەۋ دارىپتەلەدى، ەرلى – زايىپتىلاردىڭ 3 پەرزەنتتى بولۋىنا بولادى. ادام ىستەتۋشى ورىنداردى نارەستەلەردى باعۋعا ءتيىمدى يكەمدى دەمالىس پەن قىزمەت شارالارىن اتقارۋعا شابىتتاندىرادى، وتباسىلاردىڭ نارەستەلى بولۋىنا، نارەستەنى باعىپ – قاعۋىنا قولداۋ كورسەتەدى. قاۋلىعا نەگىزدەلگەندە، ەرلى – زايىپتىلاردىڭ 3 پەرزەنتتى بولۋىنا بولادى، مۇندا ءبىر پەرزەنتىنىڭ تۇقىم قۋالاماعان مۇگەدەكتىككە شالدىققانىن شاڭحايداعى رايوندىق نەمەسە قالالىق ناۋقاس جانە مۇگەدەك بالالار ەمحاناسىنىڭ ساراپتاما جاساۋ قۇرىلىمى تۇراقتاندىرعان بولسا، ولاردىڭ تاعى ءبىر پەرزەنتتى بولۋدى تالاپ ەتۋىنە بولادى.
مەملەكەتتىڭ قاتىستى بەلگىلەمەرىنە ساي، ايەل جۇمىسشى – قىزمەتكەرلەردىڭ زاڭدا بەلگىلەنگەن تۋىت دەمالىسى 98 كۇن، الداعى جەردە شاڭحايداعى ايەل جۇمىسشى – قىزمەتكەرلەردىڭ تۋىت دەمالىسى مەن ۇزارتىلعان تۋىت دەمالىسى قوسىلعان سوڭ، تۋىت دەمالىسى 158 كۇنگە جەتەدى.
جاڭادان وزگەرىس ەنگىزىلگەن ەرەجە قوعامداعى كۇشتەردى بالا باعۋ قۇرىلىمدارىن قۇرۋعا شابىتتاندىرادى جانە وعان جەتەكشىلىك ەتەدى، بالالار باقشاسىنىڭ جانە ورگانداردىڭ، كاسىپورىنداردىڭ، ءىس ورىندارىنىڭ، الەۋمەتتىك اۋماقتاردىڭ بالا باعۋ قىزمەتىن وتەۋىنە قولداۋ كورسەتەدى؛ شاڭحايداعى ءار دارەجەلى حالىق ۇكىمەتتەرى قالا – اۋىلدارداعى الەۋمەتتىك اۋماقتاردى قۇرۋ، وزگەرتىپ قۇرۋ بارىسىندا، مەملەكەت پەن شاڭحاي قالاسىنىڭ بەلگىلەمەلەرىنە ساي، نارەستەلەر ارەكەتتەنەتىن ورىنداردى جانە سايكەستى قىزمەت وتەۋ قۇرىلعىلارىن سالۋى كەرەك دەپ بەلگىلەنگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
