مەملەكەتتىك كەڭەس «پىكىر» باسىپ تاراتتى
ساۋدا ورتاسىندا جاڭالىق اشۋدى تۇيىندە سىناق ەتۋ قىزمەتى ورىستەتىلەدى
2021.11.26 16:28 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 25 – كۇنى، بەيجيڭ. مەملەكەتتىك كەڭەس بىرنەشە كۇننىڭ الدىندا «ساۋدا ورتاسىندا جاڭالىق جاراتۋدى تۇيىندە سىناق ەتۋ قىزمەتىن ورىستەتۋ جونىندەگى پىكىردى» (تومەندە قىسقاشا «پىكىر» دەلىنەدى) باسىپ تاراتىپ، بەيجيڭ، شاڭحاي، چۇڭچيڭ، حاڭجوۋ، گۋاڭجوۋ، شىنجىن سىندى 6 قالادا ساۋدا ورتاسىندا جاڭالىق جاراتۋدى تۇيىندە سىناق ەتۋدى ورىستەتىپ، بازار تۇلعالارى نازار اۋدارىپ وتىرعان ماسەلەلەرگە نازار اۋدارىپ، بازارلانعان، زاڭمەن باسقارىلاتىن، حالىقارالانعان ماڭداي الدى ساۋدا ورتاسىن جەدەل قالىپتاستىرىپ، كاسىپورىندارعا ءتىپتى دە زور سەرپىن بەرىپ، حالىققا قولايلىلىق جاراتۋ ىستەرىن جايعاستىردى.
«پىكىردە» بىلاي دەپ اتاپ كورسەتىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا دامۋ ساتىسىن تياناق ەتىپ، جاڭا دامۋ يدەياسىن تولىق، دۇرىس، جالپى بەتتىك دايەكتىلەندىرىپ، جاڭا دامۋ جۇيەسىن قۇرىپ، ساپالى دامۋدى ىلگەرىلەتۋدى نەگىزگى تاقىرىپ ەتىپ، دامۋ مەن حاۋىپسىزدىكتى ءبىر تۇتاس جوسپارلاپ، تۇزىمدە جاڭالىق جاراتۋدى وزەك ەتىپ، شارت - جاعدايى بار جەرلەرگە رەفورما جاساپ، ءوزىن - ءوزى باسقارۋ ۇقىعىن بەرىپ، ۇكىمەت فۋنكتسياسىندا ونان ارى بۇرىلىس جاساپ، ۇكىمەت ورىندارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ءبىر تۇتاس ىلگەرىلەتىپ، تۇتاس تىزبەكتى ساپالىلاندىرۋ، تەكسەرىپ بەكىتۋ، تۇتاس بارىس بويىنشا ءادىل باقىلاۋ - باسقارۋ، جالپى پەريود بويىنشا قىزمەت وتەۋدى جوعارىلاتۋ سياقتىلاردى ىلگەرىلەتىپ، ءونىمدى بازار مەن تىندىرىمدى ۇكىمەتتىڭ اناعۇرلىم ويداعىداي ۇشتاسۋىن ىلگەرىلەتىپ، ساۋدا ورتاسىنىڭ ءتىپتى دە جوعارى ورەگە كوتەرىلۋىن ىلگەرىلەتپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن بارىنشا تاسقىنداتىپ، بازار مەجەسىن اناعۇرلىم ورنىقتىرىپ، ەكونوميكانىڭ ورنىقتى اينالىمىن ساقتاۋ كەرەك.
«پىكىردە» مىنالار ورتاعا قويىلدى: وڭىرلىك ايىرۋ مەن جەرگىلىكتى ورىنداردى قورعاۋ سياقتى ۇيلەسىمسىز شەكتەمەلەردى ونان ارى جويۋ كەرەك. كاسىپورىنداردىڭ ءوڭىر اتتاپ يگىلىك جاراتۋى، كوشۋى بارىسىنداعى ۇيلەسىمسىز شارتتاردى اداقتاپ، مەردىگەر شاقىرۋ، مەردىگەرلىككە مالىمدەلۋ، ۇكىمەتتىك ساتىپ الۋ سياقتى سالالاردا سىرتتىڭ كاسىپورىندارىنا باعىتتالعان كومەسكى شارتتار مەن كەدەرگىلەردى الاستاۋ؛ بازار تۇلعالارىنىڭ بازارعا كىرۋىنە رۇقسات ەتۋدەگى جانە شەگىنىپ شىعۋىنداعى اناعۇرلىم اشىق، جاريالى، جۇيەلى، جوعارى ءونىمدى مەحانيزمدى اقاۋسىزداندىرىپ، بازار تۇلعالارىنىڭ اتىن تىزىمدەۋ، ينفورماتسيانى وزگەرتۋ، بانكەدەن ەسەپ اشۋ، تىزىمنەن ءوشىرۋ سياقتى قاتىستى رەسمياتتەردى وتەۋىنە قولايلىلىق جاراتۋ؛ قارجى قوسۋ جانە قۇرىلىس قولايلىلىعىن ءۇرتىس جوعارىلاتىپ، قوعامدىق قارجىلاندىرۋ وبيەكتىلەرىنىڭ «جەردەن پايدالانۋدى اداقتاۋ ءتۇزىمى» رەفورماسىن ىلگەرىلەتىپ، ساتىعا ءبولىپ بىرىكتىرۋ جوباسى، جەر، ءۇي - جاي، قاتىناس، جاسىلداندىرۋ، حالىقتىق اۋە قورعانىسى سياقتى ولشەۋ - سىزۋ ىستەرىن ىلگەرىلەتۋ؛ بازار تۇلعالارىنىڭ جاڭالىق اشا دامۋىنا اناعۇرلىم ويداعىداي قولداۋ كورسەتىپ، جاڭا كاسىپ كۇيىنىڭ، جاڭا ۇلگىنىڭ دامۋ قاجەتىنە ۇيلەسەتىن بازارعا كىرۋگە رۇقسات ەتۋ، تيجاراتقا رۇقسات ەتۋ ولشەمى جونىندە ىزدەنىس جاساۋ؛ شەكارا اتتاعان ساۋدانىڭ قولايلىلانۋ دەڭگەيىن ۇزدىكسىز جوعارىلاتىپ، ءبىر ءبولىم ماڭىزدى ساۋدا سەرىكتەرىمەن وتكەل ارالىعىنداعى قاتىستى تالونداردى توراپتا تەكسەرۋدى ىلگەرىلەتىپ، «قۇراما پورت»، «ءبىر پورتتان ءوتۋ» سياقتى رەفورمالاردى ورىستەتۋ؛ شەتەل ساۋداگەرلەرىنىڭ قارجى قوسۋى مەن حالىقارالىق دارىندىلارعا قىزمەت وتەۋدى باسقارۋدى ساپالىلاندىرىپ، شەتەلگە ساياتىن ساۋدا ىستەرىنە زاڭدىق قىزمەت وتەۋدى كۇشەيتۋ؛ ءادىل باسەكە ءتارتىبىن قورعاپ، مونوپوليالاۋعا قارسى تۇرۋ مەن جوسىقسىز باسەكەگە قارسى تۇرۋ زاڭىن اتقارۋدى كۇشەيتىپ جانە جاقسارتىپ، الباتى اقى الۋدى، الباتى سالىق سالۋدى تەجەۋدىڭ باياندى مەحانيزمىن اقاۋسىزداندىرۋ؛ ءتۇرلى بازار تۇلعالارىنىڭ مال - مۇلىك ۇقىعى مەن زاڭدى ۇقىق - مۇددەسىن زاڭ بويىنشا قورعاپ، ۇكىمەت ۋادەسىنىڭ زاڭعا سيىمدىلىعىن تەكسەرۋ ءتۇزىمىن جانە ۇكىمەتتىڭ سەنىمسىزدىك تولىقتاماسى، تولەمى جانە قۋزاۋ ءتۇزىمىن ورناتۋ؛ كاسىپورىندارعا ساياتىن ۇنەمىلىك قىزمەت وتەۋدى ساپالىلاندىرىپ، كاسىپورىندارعا ساياتىن ىستەردى «ءبىر كۋالىكپەن ءبىتىرۋدى» جولعا قويىپ، «ءوتىنىش بەرۋدى قىسقارتىپ، دەرەۋ يگىلىكتەندىرۋ»، جەدەل ناقتىلاندىرۋ سياقتى كاسىپورىندارعا تيىمدىلىك جاساۋ ساياساتىن جاپپاي اتقارۋ كەرەك.
«پىكىردە» مىنالار دارىپتەلدى: ۇكىمەت قۇرىلىمدارىن ىقشامداپ، ۇقىقتى تومەنگە بەرۋ مەن باسقارۋدى ۇشتاستىرۋدا، تەڭ ءمان بەرۋدە تاباندى بولىپ، باقىلاۋ - باسقارۋ جاۋاپكەرلىگىن بەكەمدەپ، ىستەن بۇرىنعى، ءىس بارىسىنداعى، ىستەن كەيىنگى جالپى بارىستاعى باقىلاۋ - باسقارۋ مەحانيزمىن اقاۋسىزداندىرىپ، الەۋمەتتىك حاۋىپسىزدىك پەن حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىنە تىكەلەي ساياتىن سالالاردا جازالاۋ سيپاتىندىق تولەم بەرۋ سياقتى تۇزىمدەردى اتقارۋ كەرەك. ينفورماتسياداعى وقشاۋ ارالداردى تالقانداۋدى جەدەلدەتىپ، تاراۋلار مەن جەرگىلىكتى ورىندار اراسىنداعى جۇيەنىڭ ۇلاستىرۋ - تۇتاستىرۋ جانە ساندى مالىمەتتەن ورتاق يگىلىكتەنۋ كولەمىن كەڭەيتىپ، ءتىپتى دە كوپ ساندى مالىمەت بايلىعىنىڭ حاۋىپسىز، جوعارى ءونىمدى تۇتاسۋىن، بىرگە يگىلىكتەنۋدى ىلگەرىلەتۋ كەرەك.
پىكىردە مىنالار تالاپ ەتىلدى: رەفورما ىستەرىن اۋىق - اۋىق جاڭالاۋ مەحانيزمىن ورناتىپ، جاڭالىق اشۋدى تۇيىندە سىناق ەتۋ قىزمەتىن مەرزىم بويىنشا باعالاپ، اماليات ءونىمدى ەكەنىن دالەلدەگەن، بازار تۇلعالارى قارسى الاتىن رەفورما شارالارىن دەر كەزىندە اناعۇرلىم كەڭ كولەمدە جالپىلاستىرۋ كەرەك. ورنىقتى اتقارۋدا تاباندى بولىپ، حاۋىپ - قاتەردى مەڭگەرۋگە بولاتىن العى شارت استىندا جاڭالىق اشۋدى تۇيىندە سىناق ەتۋ قىزمەتىنىڭ تەرەڭدەۋىن، ناقتىلانۋىن تارتىپپەن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
