لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2021.11.25 15:47 كەلۋ قاينارى : حالىق تورابى
جەرگىلىكتى ۇكىمەتتەردىڭ ارناۋلى زايوم باسقارۋىن كەمەلدەندىرىپ، قارجىنىڭ جۇمسالۋىن ساپالىلاندىرىپ، قارجىنى باقىلاۋ - باسقارۋدى قاتايتۋ جونىندە ورنالاستىرۋ جاسادى؛ ولكە اتتاپ باسقا جەردە ەمدەلۋ قاراجاتىن تىكەلەي ەسەپتەن كوتەرۋ شارالارىن ىشكەرىلەي ىلگەرىلەتىپ، بۇقارانىڭ جاقىن ماڭدا ەمدەلۋىنە، ءدارى ىستەتۋىنە اناعۇرلىم قولايلىلىق جاراتۋدى تۇراقتاندىردى
شينحۋا اگەنتتىگى، 11 - ايدىڭ 24 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 24 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، جەرگىلىكتى ۇكىمەتتەردىڭ ارناۋلى زايوم باسقارۋىن كەمەلدەندىرىپ، قارجىنىڭ جۇمسالۋىن ساپالىلاندىرىپ، قارجىنى باقىلاۋ - باسقارۋدى قاتايتۋ جونىندە ورنالاستىرۋ جاسادى؛ ولكە اتتاپ باسقا جەردە ەمدەلۋ قاراجاتىن تىكەلەي ەسەپتەن كوتەرۋ شارالارىن ىشكەرىلەي ىلگەرىلەتىپ، بۇقارانىڭ جاقىن ماڭدا ەمدەلۋىنە، ءدارى ىستەتۋىنە اناعۇرلىم قولايلىلىق جاراتۋدى تۇراقتاندىردى.
ءماجىلىس بىلاي دەپ اتاپ كورسەتتى: تاياۋداعى بىرنەشە جىلدا پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارى دايەكتىلەندىرىلىپ، جەرگىلىكتى ورىنداردىڭ قارىزىن باسقارۋدا بەلسەندى ونىمدىلىككە قول جەتكىزىلىپ، كومەسكى قارىز ازايىپ، ۇكىمەتتىڭ جالپى سۇيمەندىك شاماسى ورنىقتىلىق بارىسىندا تومەندەدى. بيىل جىل باسىنان بەرى جەر - جەر مەملەكەتتىك حالىق قۇرىلتايى بەكىتكەن جاڭادان ارتقان سوما بويىنشا، جەرگىلىكتى ۇكىمەتتىڭ ارناۋلى زايومىن ۇيلەسىمدى تاراتىپ جانە پايدالانىپ، ءتۇيىندى نىساندار مەن كەلەلى حالىق تۇرمىسى ينجەنەرياسى قۇرىلىسىنا پارمەندى قولداۋ كورسەتتى. ءماجىلىس مىنالاردى تالاپ ەتتى: ەكونوميكانىڭ جاڭا قۇلدىراۋ قىسىمى الدىندا پەريود اتتاعان رەتتەۋدى كۇشەيتىپ، جەرگىلىكتى ۇكىمەتتەردىڭ قارىزىن باسقارۋدى ۇزدىكسىز ويداعىداي ىستەپ، حاۋىپ - قاتەردەن ساقتانۋ - جويۋمەن بىرگە، بيىل جانە كەلەر جىلى ارناۋلى قارىز باسقارۋ ساياساتىن ۇشتاستىرۋدى ءبىر تۇتاس ويداعىداي ىستەپ، ارناۋلى قارىز قارجىسىنىڭ قوعامدىق قارجىنى جەتەكتەۋ رولىن اناعۇرلىم ويداعىداي ساۋلەلەندىرىپ، ۇتىمدى قارجى قوسۋدى كەڭەيتىپ، ىشكى سۇرانىمدى ۇلعايتۋعا، تۇتىنۋدى جەبەۋگە تيىمدىلىك جاراتۋ كەرەك. ءبىرىنشى، بيىلعى قالدىق سومانى تاراتۋدى جەدەلدەتىپ، قارجى بوساتۋ مەن شىعىستى باسقارۋدى ويداعىداي ىستەپ، كەلەر جىلدىڭ باسىندا اناعۇرلىم كوپ ناقتى قىزمەت مولشەرىن قالىپتاستىرۋعا كۇش سالۋ كەرەك. ەكىنشى، «قارجىنىڭ نىسانعا ىلەسۋى» تالابىنا ساي، كەلەر جىلعى ارناۋلى قارىز نىساندارى مەن قارجى سۇرانىمىن سارالاۋ كەرەك. ولكە دارەجەلى ۇكىمەتتەر ءبىر تۇتاس جوسپارلاۋدى كۇشەيتىپ، ەكونوميكالىق، قوعامدىق دامۋدىڭ قاجەتىنە ۇيلەسەتىن وبيەكتىلەردىڭ الدىڭعى مەرزىمدىك قىزمەتى مەن زاپاسىن كۇشەيتىپ، پىسىپ - جەتىلگەن وبيەكتىلەردىڭ جۇمىس باستاۋىن دەركەزىندە ىلگەرىلەتۋى كەرەك. ءۇشىنشى، جەر - جەردىڭ ءىس جۇزىندىك جاعدايى مەن وڭىرلەردىڭ سايكەستى دامۋىن جەبەۋ تالابىن ءبىر تۇتاس ويلاستىرىپ، كەلەر جىلعى ارناۋلى قارىز سوماسى مەن ءبولىس جوباسىن ۇيلەسىمدى العا قويىپ، ءتۇيىندى سالالارداعى قۇرىلىستى كۇشەيتىپ، «ۇركىتىپ – قورقىتپاي»، زاڭ - ەرەجە، ءتارتىپ بويىنشا ءبىر ءبولىم سومانى الدىن الا ءتۇسىرۋدى اقىلداسۋ كەرەك. ءتورتىنشى، قارجىنى پايدالانۋدا ناقتى ونىمدىلىككە ءمان بەرىپ، قارجى قوسۋ سياقتىلاردى تەكسەرۋ مەن باقىلاۋ - باسقارۋدى كۇشەيتىپ، قارجىنى عيمارات - سارايلارعا، وبراز ينجەنەريالارىنا جانە قاجەتسىز جارىقتاندىرۋ، كورىكتەندىرۋ ينجەنەريالارىنا جۇمساۋعا قاتاڭ تيىم سالۋ كەرەك. قارجىنى يەمدەنىپ الىپ باسقاعا جۇمساۋعا، بەلگىلەمەگە قايشىلىق جاساپ بوساتۋعا، ۇزاق ۋاقىت بوس قويۋعا باتىل تيىم سالۋ كەرەك. ءماجىلىس مىنالاردى دارىپتەدى: ارناۋلى قارىز قارجىسىن قازىنالىق باقىلاۋدى جانە جاپپاي تەكسەرۋدى كۇشەيتىپ، ماسەلە بايقالسا، ءسوز جوق، قاتاڭ رەتتەۋ - تۇزەتۋ، قاتاڭ جاۋاپقا تارتۋ، سونداي - اق بوس قالعان قارجىنى قايتارىپ الۋ، جاڭادان ارتقان سومانى ۇستاپ قالۋ - ازايتۋ، ۇنامسىز تيپتەردى حابارلاندىرۋ سياقتى شارالاردى اتقارىپ، جازالاۋ كەرەك.
ءماجىلىس مىنالاردى اتاپ كورسەتتى: نەگىزدىك ەمدەۋ قامسىزداندىرۋىندا ولكە اتتاپ باسقا جەردە ەمدەلۋ قاراجاتىن تىكەلەي ەسەپتەن كوتەرۋدى ىلگەرىلەتۋ − ەمدەۋ قامسىزداندىرۋى ءتۇزىمىن كەمەلدەندىرىپ، حالىق بۇقاراسى ءجىتى قاداعالاپ وتىرعان كورنەكتى ماسەلەلەردى شەشۋدەگى ماڭىزدى رەفورما شاراسى. اسىرەسە، ىندەتتەن ساقتانۋ - تىزگىندەۋ ۇدايىلانعان جاعدايدا، ولكە اتتاپ باسقا جەردە قىزمەت ىستەيتىندەردىڭ، قونىستانعان بۇقارانىڭ اۋرۋ كورسەتۋى مەن قاراجاتتى ەسەپتەن كوتەرۋىنە قولايلىلىق جاسالدى. بيىل الدىڭعى 10 ايدا بۇكىل ەلدە بالنيتساعا جاتۋ جانە امبالاتوريا قاراجاتىنداعى ولكە اتتاپ تىكەلەي ەسەپ جاپتىرۋ مولشەرى 10 ميلليون ادام - رەتتەن استى. كەلەسى قادامدا حالىققا ءتيىمدى وسى رەفورمانىڭ جەتىستىكتەرىن كەڭەيتىپ، ءىس جۇزىندىكتى شىعار ءتۇيىن ەتىپ، ولكە اتتاپ باسقا جەردە ەمدەلۋ قاراجاتىن تىكەلەي ەسەپتەن كوتەرۋدىڭ اناعۇرلىم قولايلى، اناعۇرلىم ءونىمدى بولۋىن تىڭعىلىقتى ىلگەرىلەتۋ كەرەك. ءبىرىنشى، قاتىستى ساياساتتاردى كەمەلدەندىرىپ، رەسمياتتاردى قاراپايىمداندىرىپ، قامسىزداندىرۋعا قاتىناسۋشىلاردىڭ باسقا جەردە ەستەلىككە الدىرۋىنا قولايلىلىق جاراتىپ، بالنيتساعا جاتۋ قاراجاتىنداعى ولكە اتتاپ تىكەلەي ەسەپ جابۋ مولشەرىن ورنىقتى جوعارىلاتىپ، «14 - بەسجىلدىقتىڭ» سوڭىندا %70 تەن اسىرۋعا كۇش سالۋ كەرەك. ەكىنشى، ادەتتەگى امبالاتوريا قاراجاتىندا ولكە اتتاپ تىكەلەي ەسەپ جابىلاتىن رايونداردىڭ قامتۋ كولەمىن كەڭەيتىپ، كەلەر جىلى بۇكىل ەلدەگى ءاربىر اۋداندا كەمىندە ءبىر توراپتانعان ءتۇيىن ەتىلگەن ەمدەۋ قۇرىلىمىن اشىپ، امبالاتوريا قاراجاتىندا ولكە اتتاپ تىكەلەي ەسەپ جابۋدى ورىستەتۋ كەرەك. ءۇشىنشى، جوعارى قان قىسىمىنا، قانتتى نەسەپ اۋرۋىنا، قاتەرلى وسپە اۋرۋلارىنا دياگنوز قويۋ، حيميالىق ەمدەۋ، نەسەپتەن ۋلانۋ اۋرۋىنا تالداۋ جاساۋ، مۇشە كوشىرۋ وپەراتسياسىنان كەيىن سايكەسپەۋشىلىككە قارسى ەمدەۋ سىندى 5 ءتۇرلى امبالاتوريالىق سوزىلمالى ەرەكشە اۋرۋ قاراجاتىندا ولكە اتتاپ تىكەلەي ەسەپ جابۋ سىناق ءتۇيىنىن تارتىپپەن ورىستەتىپ، كەلەر جىلدىڭ سوڭىنان بۇرىن ءبىر تۇتاس جوسپارلانعان بارلىق رايوندى قامتۋ كەرەك. ءتورتىنشى، بۇكىل ەلدەگى ەمدەۋ قامسىزداندىرۋى ينفورماتسيا تۇعىرى قۇرىلىسىن جەدەلدەتىپ، ولكە اتتاپ تىكەلەي ەسەپ جابۋ ەرەجەسى مەن بارىسىن بىرلىككە كەلتىرىپ، تاراۋلار ارا ساندى مالىمەتتەن ورتاق يگىلىكتەنۋ مەن ءوڭىر اتتاعان كاسىپتەردىڭ سايكەسۋىن كۇشەيتىپ، ەمدەۋ قامسىزداندىرۋىندا ەسەپتەن كوتەرۋدىڭ جەلى ءىشى - سىرتىندا ولكە اتتاپ ءبىتىرىلۋىن بىرتىندەپ جۇزەگە اسىرۋ كەرەك. بەسىنشى، ۇنەمىلىك باقىلاۋ - باسقارۋ مەحانيزمىن كەمەلدەندىرىپ، الداپ - ارباۋ ارەكەتتەرىنە قاتاڭ سوققى بەرىپ، ەمدەۋ قامسىزداندىرۋ قارجىسى سىندى حالىق بۇقاراسىنىڭ «قۇتقارۋ قاراجاتىن» ويداعىداي قورعاۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
