لي كىچياڭ شاڭحايدا قىزمەت تەكسەرگەندە مىنانى دارىپتەدى
رەفورما جاساۋدى، ەسىك اشۋدى ىلگەرىلەتىپ، ساۋدا ورتاسىن ساپالىلاندىرىپ، بازار تۇلعالارىنىڭ ومىرشەڭدىك كۇشى مەن قوعامدىق جاسامپازدىق قۋاتىن ۇزدىكسىز تاسقىنداتۋ كەرەك
2021.11.24 16:29 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 23 – كۇنى، شاڭحاي. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ 11 - ايدىڭ 22 - كۇنىنەن 23 - كۇنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، شاڭحاي قالالىق پارتكومنىڭ شۋجيى لي چياڭ مەن قالا باستىعى گۇڭ جىڭنىڭ سەرىك بولۋىندا شاڭحايدا قىزمەت تەكسەردى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن دايەكتىلەندىرىپ، تياناقتاندىرىپ، رەفورما جاساۋ، ەسىك اشۋ ارقىلى دامۋدىڭ قوزعاۋشى كۇشىن نىعايتىپ، ءتۇرلى بازار تۇلعالارىنىڭ قارىشتاپ دامۋىنا ءتيىمدى تاماشا ورتا قالىپتاستىرىپ، ەكونوميكانىڭ ورنىقتى اينالىمىن جەبەپ، ساپالى دامۋدى ىلگەرىلەتۋ كەرەك.
لي كىچياڭ شاڭحاي ەركىن ساۋدا سىناق رايونىندا بۇل ارانىڭ رەفورما جاساپ، ەسىك اشۋ ارقىلى قارجى قوسۋ، ساۋدا، فينانس سياقتى جاقتاردا ءبىرقىدىرۋ تۇزىمدىك جاڭالىق اشۋ جەتىستىكتەرىن قالىپتاستىرعانىن تۇراقتاندىردى. ول بىلاي دەدى: سىزدەر مەملەكەت بويىنشا تۇڭعىش ەركىن ساۋدا سىناق رايونى رەتىندە، ۇزدىكسىز الدا ءجۇرىپ، الدىمەن سىناق ەتىپ، جاڭا تاجىريبەلەرگە قول جەتكىزىپ، بۇكىل ەل ءۇشىن ءتىپتى دە جاقسى ۇلگى كورسەتۋلەرىڭىز كەرەك. لي كىچياڭ ۋايگاۋچياۋ حالىقارالىق زەردەلى جاساۋ قىزمەت وتەۋ كاسىپ باقشاسىن كوزدەن كەشىرىپ، جوعارى دەڭگەيلى زەردەلى جابدىقتاردى زەرتتەۋ - اشۋ سياقتى جاعدايلاردى ۇعىسىپ، شەتەل كاپيتالىمەن قۇرىلعان كوپتەگەن كاسىپورىننىڭ جاۋاپتىلارىمەن پىكىر اۋىستىردى. ول بىلاي دەدى: تاياۋ جىلداردان بەرى ءبىز ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز ىلگەرىلەتىپ، ساۋدا ورتاسىن ساپالىلاندىرىپ، قارجى قوسۋدىڭ شەكتەلگەن سالالار ءتىزىمىن بارعان سايىن قىسقارتتىق، سىزدەر تالاي جىلدان بەرى جۇڭگودا دامىدىڭىزدار، مۇنى سەزىنگەن بولۋلارىڭىز كەرەك. جۇڭگونىڭ سىرتقا اشقان ەسىگى بارعان سايىن ايقارا اشىلادى ءارى ءبىلىم مەنشىگى ۇقىعى قاتاڭ قورعالىپ، شەتەل كاپيتالىمەن قۇرىلعان ءتىپتى دە كوپ كاسىپورىننىڭ جۇڭگودا قارجى قوسىپ، شارۋاشىلىقتى گۇلدەندىرۋىنە مۇمكىندىك جاسالادى. لي كىچياڭ بىلاي دەپ دارىپتەدى: جۇڭگو كاسىپورىندارى دۇنيە جۇزىنە بەت الىپ، كوز اياسىن كەڭەيتىپ، ەسىك اشۋ بارىسىندا باسەكەلىك قۋاتىن كۇشەيتۋى كەرەك. كۇشكە يە بولۋ الدىندا تۇرعان RCEP دۇنيە جۇزىندەگى ەڭ ۇلكەن ەركىن ساۋدا رايونىن قالىپتاستىرادى، ساۋداعا قارجى قوسۋدىڭ ەركىن، قولايلى بولۋ ورايىنان اناعۇرلىم زور دارەجەدە ويداعىداي پايدالانىپ، سەلبەسىپ تەڭ يگىلىككە كەنەلۋ كەڭىستىگىن كەڭەيتۋ كەرەك.
لي كىچياڭ شاڭحاي ۋايگاۋچياۋ 3 – ەلەكتر سەرىكتەستىگىن كوزدەن كەشىردى. ول بىلاي دەدى: ەلەكتر قۋاتى − ەكونوميكالىق اينالىمنىڭ قوزعاۋشى كۇشى، شارالار قولدانىپ، حالىق تۇرمىسى مەن كاسىپورىنداردىڭ قالىپتى ءوندىرىس ەلەكترىن مۇمكىندىكتىڭ بارىنشا قامتاماسىزداندىرۋ كەرەك. ەلەكتر شىعاراتىن كاسىپورىندار قوعامدىق جاۋاپكەرلىگىن اتقارىپ، ءوندىرىس حاۋىپسىزدىگى العى شارتىندا كوبىرەك كۇش شىعارۋلارى، جەتكىلىكتى كۇش شىعارۋلارى كەرەك. ءار دارەجەلى ۇكىمەتتەر قولداۋدى ونان ارى كۇشەيتۋى كەرەك، بۇل مەملەكەتتىڭ كومىر ەلەكتر كاسىپورىندارىنا قاراتىلعان سالىقتى كەشەۋىلدەتۋ سياقتى ساياساتتارىن ويداعىداي تياناقتاندىرىپ، سايكەستى ورنالاستىرۋدى ويداعىداي ىستەپ، ەلەكترمەن، كومىرمەن ورنىقتى قامداۋعا كەپىلدىك ەتىپ، كەيبىر جەرلەردىڭ ەلەكتر قۋاتىنىڭ كەمدىگى ماسەلەسىن شەشىپ، «ەلەكترگە شەكتەۋ قويىپ، ءوندىرىستى توقتاتۋ» قۇبىلىسىنىڭ تاعى دا تۋىلۋىنان ساقتانۋىن قامتيدى. ەلىمىزدىڭ ەنەرگيا بايلىعى كومىردى نەگىز ەتۋ سىندى نەگىزگى مەملەكەت جاعدايىن تياناق ەتىپ، مەملەكەت جاڭادان شىعارعان ارناۋلى قايتالاي قارىز بەرۋ ساياساتىنان ويداعىداي پايدالانىپ، ەنەرگيا ونىمدىلىگىن جوعارىلاتاتىن پىسىپ - جەتىلگەن وزىق تەحنيكالاردى جالپىلاستىرىپ، كومىردى تازا، جوعارى ءونىمدى پايدالانۋدى ىلگەرىلەتىپ، جاسىل، تومەن كومىرتەكتى دامۋدى جەبەۋ كەرەك.
لي كىچياڭ جۇمىستاندىرۋدى جەبەۋ ورتالىعىنا بارىپ، شاڭحاي قالاسىنىڭ جۇمىستاندىرۋدى كەڭەيتۋ جانە يكەمدى جۇمىستاندىرۋدى ىلگەرىلەتۋ جاعدايى جونىندەگى مالىمەتىن تىڭدادى. وزەكتى جاتتىعۋ الاڭىندا لي كىچياڭ ونەرگە باۋلۋ كۋرسىنا قاتىناسقان كۋرسانتتارمەن اڭگىمەلەسىپ، شابىت بەرە بىلاي دەدى: قازىر جوعارى ونەرلى دارىندىلار تاپشى، ورايدى قاستەرلەپ، تەحنيكانى يگەرىپ، جۇمىستانۋ قابىلەتىن كۇشەيتۋلەرىڭدى ءۇمىت ەتەمىن. لي كىچياڭ سول مايدانداعى ورتا، شاعىن، ۇساق كاسىپورىنداردىڭ جاۋاپتىلارىنان قانداي قيىنشىلىق بار ەكەنىن، مەملەكەتتىڭ قايسى جاقتارداعى ساياساتتاردى شىعارۋىن الدىمەن ءۇمىت ەتىپ وتىرعاندارىن سۇرادى. كوپشىلىك كاسىپورىنداردىڭ سالىعىن، اقىسىن ۇزدىكسىز ازايتۋدى جاپپاي ۇسىنىس ەتتى. لي كىچياڭ بىلاي دەدى: ءبىز سىزدەردىڭ قيىنشىلىقتارىڭىزعا نازار اۋدارىپ وتىرمىز، ۇزدىكسىز شارالار قولدانىپ، كومەكتەسىپ شەشەمىز، وسىلاي بولعاندا سىزدەردىڭ دە سەنىمدەرىڭىز ارتا تۇسەدى. بازار تۇلعالارىنىڭ تىلەگىن ارقاۋ ەتە وتىرىپ ساياسات بەلگىلەپ، بازار تۇلعاسى سىندى « جاسىل تاۋدى» ساقتاپ قالساق، جۇمىستاندىرۋ سىندى ەڭ ۇلكەن حالىق تۇرمىسىن دا ساقتاپ قالامىز. جۇڭگونىڭ ادام كۇشى بايلىعى مول، حالقى ەڭبەكشىل، ىسكەر، الەۋمەتتىڭ يگىلىك، جاڭالىق جاراتۋىن ۇزدىكسىز ىلگەرىلەتىپ، ءتىپتى دە كوپ جۇمىستاندىرۋعا جەتەكشىلىك ەتىپ، اناعۇرلىم زور يگىلىك جاراتۋ، جاڭالىق اشۋ ومىرشەڭدىك كۇشىن تاسقىنداتىپ، جۇڭگو ەكونوميكاسىنىڭ پارمەندى توزىمدىلىگىن ساۋلەلەندىرىپ، قۇلدىراۋ قىسىمىنا توتەپ بەرىپ، باياندى، ورنىقتى، اقاۋسىز دامۋدى جۇزەگە اسىرۋ كەرەك.
لي كىچياڭ شاڭحايدىڭ ەكونوميكالىق، قوعامدىق دامۋدا قول جەتكىزگەن تابىستارىن تولىق تۇراقتاندىردى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، رەفورما جاساۋ، ەسىك اشۋ، ءورىس اشا جاڭالىق اشۋ جاعىندا ۇزدىكسىز الدىڭعى لەكتە ءجۇرىپ، مەملەكەتتىڭ دامۋىنا اناعۇرلىم زور ۇلەس قوسۋىن ءۇمىت ەتتى.
شياۋ جيە تەكسەرۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
