لي كىچياڭ 13 – كەزەكتى ازيا – ەۆروپا باسشىلار ماجىلىسىنە قاتىناستى
2021.11.26 16:27
مەملەكەتتىك كەڭەستىڭ زۇڭليى لي كىچياڭ 11 - ايدىڭ 25 – كۇنى بەيجيڭدەگى حالىق سارايىندا ازيا – ەۆروپا باسشىلارىنىڭ 13 – كەزەكتى ماجىلىسىنە قاتىناستى ءارى جەتەكشىلىك سيپاتتى ءسوز سويلەدى. ءماجىلىس بەينە ەكران تاسىلىمەن وتكىزىلدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
«حالىق گازەتى»، 11 - ايدىڭ 25 – كۇنى، بەيجيڭ (ءتىلشى باي ياڭ). مەملەكەتتىك كەڭەستىڭ زۇڭليى لي كىچياڭ 11 - ايدىڭ 25 – كۇنى تۇستەن كەيىن حالىق سارايىندا 13 – كەزەكتى ازيا – ەۆروپا باسشىلار ماجىلىسىنە قاتىناستى ءارى جەتەكشىلىك سيپاتتى ءسوز سويلەدى (ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار). كامبودجانىڭ باس ءۋازىرى حۇڭسىن ءماجىلىستى باسقاردى. 53 مۇشەنىڭ باسشىلارى مەن حالىقارالىق ۇيىمداردىڭ جاۋاپتىلارى ماجىلىسكە قاتىناستى. ءماجىلىس بەينە ەكران تاسىلىمەن وتكىزىلدى.
لي كىچياڭ مىنانى ءبىلدىردى: بيىل − ازيا – ەۆروپا كەڭەسى قۇرىلعانىنىڭ 25 جىلدىعى. 25 جىلدان بەرى ازيا - ەۆروپا كەڭەسى مۇشەلەرىنىڭ ساياسي سەنىمدىلىگى ۇزدىكسىز جوعارىلاپ، اۋىس - كۇيىسى، سەلبەستىگى ۇزدىكسىز تەرەڭدەدى. ءتوراعا شي جينپيڭ ءار ەل ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋى كەرەك دەگەندى العا قويدى. قازىر حالىقارالىق جاعدايدا تەرەڭ وزگەرىستەر تۋىلۋدا، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى تەرەڭ بولۋدا، دۇنيە ءجۇزى ەكونوميكاسىنىڭ قالپىنا كەلۋى بۇراڭدىقتاردى باستان كەشۋدە، قولامتالى ماسەلەلەر تولاسسىز تۋىلۋدا. وسى رەتكى ءماجىلىس «كوپ جاقتىلىقتى كۇشەيتىپ، بىرگە ارتۋدى جەبەۋدى» نەگىزگى تاقىرىپ ەتتى، تەرەڭ رەال مانگە يە.
لي كىچياڭ بىلاي دەپ اتاپ كورسەتتى: كوپ جاقتىلىقتا تاباندى بولۋ − دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدىڭ دۇرىس تالعامى. ءار ەل بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى قورعاپ، اناعۇرلىم كەڭ دۇنيە جۇزىلىك كوز ايامەن، اناعۇرلىم ۇزاق بولاشاقتىق تاريحي جاۋاپكەرلىكپەن، اناعۇرلىم سانالى حالىقارالىق جاۋاپكەرلىكپەن دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋى كەرەك.
لي كىچياڭ مىنانى ءبىلدىردى: ىندەتكە قاراتا ۆاكسينا جانە ءدارى – دارمەكتى زەرتتەپ – اشۋ سياقتى سەلبەستىكتەردى كۇشەيتىپ، دۇنيە ءجۇزىنىڭ الەۋمەتتىك دەنساۋلىق ساقتاۋدى جونگە سالۋ جۇيەسىن بىرگە كەمەلدەندىرۋ كەرەك. ءار ەل ىندەتتەن كەيىنگى قالپىنا كەلتىرۋدە دامۋدى كوزدەۋ مەن بۇرىلىس جاساۋدى ىلگەرىلەتۋدىڭ ءبىرىن - ءبىرى جەبەۋىن قۇلشىنا جۇزەگە اسىرۋى كەرەك. دۇنيە جۇزىندەگى ەڭ ءىرى دامۋ ۇستىندەگى ەل رەتىندە جۇڭگو وسىزاماندانۋ بارىسىندا تومەن كومىرتەكتى دامۋدى، جاسىل تيپكە بۇرىلىس جاساۋدى جۇزەگە اسىرۋ ءۇشىن اسا ماشاقاتتى قۇلشىنىستار جاساۋعا ءتيىس بولادى. اشىق، سيىسىمدى بولۋ، سەلبەسىپ تەڭ يگىلىككە كەنەلۋ رۋحىن ۇستانىپ، توعىسپالى، ىقپالداس دامۋدان جازباي، ادامدار بارىس - كەلىسىنىڭ «تەز ارناسى» مەن زات اينالىمىنىڭ «جاسىل ارناسى» تورىن جەدەل قۇرىپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ ورنىقتى، ىركىلىسسىز بولۋىن قورعاۋ كەرەك.
لي كىچياڭ مىنالاردى اتاپ كورسەتتى: اۋىس - كۇيىس جاساۋدا، ءوزارا ۇلگى الۋدا تاباندى بولۋ − ازيا - ەۆروپا حالىقتارىنىڭ ءوزارا ءتۇسىنىسۋىن، تىلەك توعىستىرۋىن جەبەۋدىڭ ماڭىزدى جولى. وقۋ - اعارتۋ، مادەنيەت، ساياحات، دەنەتاربيە، اقىل - پاراسات قويماسى، اقپارات قۇرالدارى سياقتى سالالارداعى اۋىس - كۇيىستى، ءتۇسىنىسۋدى كۇشەيتىپ، پارىقتاردى ساقتاپ، ورتاقتىققا ۇمتىلىپ، ارتىقشىلىقتى قابىلداپ، ولقىلىقتى تولىقتاپ، بىرگە العا باسۋ كەرەك. جۇڭگو ازيا - ەۆروپا قورىن ۇزدىكسىز قولدايدى، ازيا - ەۆروپا جاستار باسشىلارىنىڭ اۋىس - كۇيىس لاگەرىن اشۋدى قالايدى، ازيا - ەۆروپا ەلدەرىنىڭ بەلسەنە ات سالىسۋىن قارسى الادى.
لي كىچياڭ بىلاي دەپ دارىپتەدى: قيىنشىلىق پەن سىن - سايىس الدىندا ازيا - ەۆروپا ەلدەرى ءوزارا قۇرمەت ەتۋ، تەڭ تۇرعىدا مامىلە جاساۋ، سەلبەسىپ تەڭ يگىلىككە كەنەلۋ رۋحىن ۇزدىكسىز ۇستانىپ، بىرگە دامۋدىڭ، بىرگە گۇلدەنۋدىڭ قۋاتتى قوزعالتقىشىن قول ۇستاسا قالىپتاستىرسا بولعانى، ءسوز جوق، ازيا - ەۆروپا سەلبەستىگىنىڭ جاڭا جاعدايىن بىرگە جاراتىپ، ازيا - ەۆروپا ەلدەرىنىڭ جاڭا بولاشاعىن بىرگە قارسى الا الاتىن بولامىز.
ماجىلىسكە قاتىناسقان ءار جاقتىڭ ۋاكىلدەرى مىنانى ءبىلدىردى: ازيا - ەۆروپا ءماجىلىسى ماڭىزدى كوپ جاقتى تۇعىر رەتىندە ازيا - ەۆروپا ەلدەرىنىڭ سەلبەستىگىن تەرەڭدەتۋدە، ازيا - ەۆروپا سەرىكتەستىك قاتىناسىن كۇشەيتۋدە، كوپ جاقتىلىقتى جانە حالىقارالىق ءتارتىپتى قورعاۋدا ماڭىزدى رول اتقاردى. جاڭا تيپتى ايدارشا ۆيرۋس وكپە قابىنۋ ىندەتى جاعدايىندا ءارقايسى جاق ءوزارا قۇرمەت ەتۋ، كەڭەسىپ بىرلىككە كەلۋ، ءوزارا پايدا جەتكىزىپ، تەڭ يگىلىككە كەنەلۋ رۋحى بويىنشا، ازيا - ەۆروپا سەرىكتەستىك قاتىناس قۇرىلىسىن اناعۇرلىم تەرەڭدەتىپ، حالىقارالىق جانە وڭىرلىك سايىستارعا بىرگە توتەپ بەرىپ، دۇنيە ءجۇزىنىڭ بەيبىتشىلىگىن قورعاپ، بىرگە دامۋدى جەبەۋى كەرەك. ىندەتكە قول ۇستاسا سوققى بەرىپ، كوپ جاقتىلىقتى كۇشەيتىپ، دۇنيە جۇزىلىك ساۋدا ۇيىمىن ۇيىتقى ەتكەن كوپ جاقتى ساۋدا ءتۇزىلىسىن قورعاپ، دۇنيە جۇزىلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتۋ كەرەك. 4 - رەتكى كاسىپ توڭكەرىسى ورايىن مىقتى يگەرىپ، جاڭالىق اشۋ، سيفرلى ەكونوميكا، ۇلاستىرۋ - تۇتاستىرۋ سياقتى سالالارداعى سەلبەستىكتى كەڭەيتىپ، كەدەيلىكتى ازايتۋ، الەۋمەتتىك دەنساۋلىق ساقتاۋ، كليمات وزگەرىسى سياقتى دۇنيە جۇزىلىك سايىستارعا بىرگە توتەپ بەرىپ، دۇنيە ءجۇزى ەكونوميكاسىنىڭ قالپىنا كەلۋى مەن باياندى، قامتىمدى ارتۋىن ىلگەرىلەتىپ، وڭىردەگى ءار ەل حالىقتارىنا ءتىپتى دە زور باقىت جاراتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
