لي كىچياڭ شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 20 – ماجىلىسىنە قاتىناستى
2021.11.26 16:30 كەلۋ قاينارى : حالىق تورابى
مەملەكەتتىك كەڭەستىڭ زۇڭليى لي كىچياڭ 11 - ايدىڭ 25 – كۇنى بەيجيڭدەگى حالىق سارايىندا شاڭحاي سەلبەستىك ۇيىمىنا مۇشە ەلدەردىڭ ۇكىمەت باسشىلارى (زۇڭليلەرى) القالار كەڭەسىنىڭ 20 – ماجىلىسىنە قاتىناستى. ءماجىلىس بەينە ەكران تاسىلىمەن وتكىزىلدى. سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
«حالىق گازەتى»، 11 - ايدىڭ 25 – كۇنى، بەيجيڭ (ءتىلشى باي ياڭ). مەملەكەتتىك كەڭەستىڭ زۇڭليى لي كىچياڭ 11 - ايدىڭ 25 – كۇنى كەشتە حالىق سارايىندا شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 20 – ماجىلىسىنە قاتىناستى. ءماجىلىستى قازاقستاننىڭ زۇڭليى اسقار مامين باسقاردى. قىرعىزستاننىڭ زۇڭليى جاپاروۆ، رەسەيدىڭ زۇڭليى ميشۋستين، تاجىكستاننىڭ زۇڭليى راسۋلزودا، وزبەكستاننىڭ زۇڭليى اليبوۆ، پاكيستاننىڭ، ءۇندىستاننىڭ جانە باقىلاۋشى ەلدەردىڭ ۋاكىلدەرى قاتارلىلار ماجىلىسكە قاتىناستى. ءماجىلىس بەينە ەكران تاسىلىمەن وتكىزىلدى.
لي كىچياڭ سوزىندە مىنانى ءبىلدىردى: شاڭحاي سەلبەستىك ۇيىمى قۇرىلعان 20 جىلدان بەرى «شاڭحاي رۋحىن» ۇستانىپ جانە ساۋلەلەندىرىپ، ءوڭىردىڭ حاۋىپسىزدىگى مەن ورنىقتىلىعىن جانە مۇشە ەلدەردىڭ بىرگە دامۋىن ءونىمدى جەبەدى. ءتوراعا شي جينپيڭ شاڭحاي سەلبەستىك ۇيىمىنىڭ اناعۇرلىم تىعىز تاعدىرلاس ورتاق تۇلعاسىن قۇرۋدى العا قويدى. قازىر حالىقارالىق جانە وڭىرلىك جاعدايدا ءۇرتىس كۇردەلى دە تەرەڭ وزگەرىس تۋىلۋدا، جاڭا تيپتى ايدارشا ۆيرۋس وكپە قابىنۋ ىندەتى ءالى دە تولقىمالى بولىكپ، قايتا – قايتا تۋىلۋدا، دۇنيە ءجۇزى ەكونوميكاسى بۇراڭ جولمەن قالپىنا كەلۋدە، ءار ەلدىڭ باياندى دامۋى اۋىر سايىسقا ءدوپ كەلۋدە. جۇڭگو مۇشە ەلدەرمەن ساياسي سەنىمدىلىكتى كۇشەيتىپ، ناقتى سەلبەستىكتى تەرەڭدەتىپ، ءوڭىردىڭ گۇلدەنۋى مەن ورنىقتىلىعىن جەبەۋ جولىندا بىرگە جاۋاپكەرلىك ارقالاپ، ىسكەرلىك كورسەتۋدى قالايدى. لي كىچياڭ مىناداي بەس ءتۇرلى ۇسىنىستى ورتاعا قويدى:
ءبىرىنشى، حاۋىپسىزدىك قالتقىسىن بەكەمدەپ، ءوڭىردىڭ باياندى تىنىشتىعىن قورعاۋ. زاڭ اتقارۋ، حاۋىپسىزدىك سەلبەستىگىنىڭ نەگىزىن بەكەمدەپ، «ءۇش ءتۇرلى كۇشكە» سوققى بەرۋ سەلبەستىك باعدارلاماسى سياقتى زاڭدىق قۇجاتتاردى تياناقتاندىرىپ، لاڭكەستىككە قارسى تۇرۋ، ەسىرتكىگە تيىم سالۋ، ينفورماتسيا حاۋىپسىزدىگى سياقتى سالالارداعى سەلبەستىكتى كۇشەيتۋ كەرەك.
ەكىنشى، ىندەتتەن قول ۇستاسا ساقتانىپ جانە ونى تىزگىندەپ، الەۋمەتتىك دەنساۋلىق ساقتاۋدى جونگە سالۋدى كۇشەيتۋ. وسى ۇيىمنىڭ سالماقتى جۇقپالى اۋرۋ جاعدايىن حابارلاندىرۋ تۇزىمىنەن ويداعىداي پايدالانىپ، ۆاكسينا مەن ءدارى - دارمەكتى زەرتتەۋ - اشۋ سەلبەستىگىن كۇشەيتىپ، الەۋمەتتىك دەنساۋلىق ساقتاۋ داعدارىسىنا توتەپ بەرۋ دەڭگەيىن جوعارىلاتۋ كەرەك.
ءۇشىنشى، ەسىك اشىپ، تەڭ يگىلىككە كەنەلۋدە تاباندى بولىپ، ءار ەل ەكونوميكاسىنىڭ قالپىنا كەلۋىنە دەم بەرۋ. ەسىك اشۋدى جەتەكشى ەتۋدە تاباندى بولىپ، ساۋدا، قارجى قوسۋ ورتاسىن ۇزدىكسىز جاقسارتىپ، ساۋدا كولەمى مەن ساپاسىن جوعارىلاتۋ كەرەك. ەنەرگيا ساياساتىن سايكەستىرۋدى كۇشەيتىپ، وڭىرلىك ەنەرگيامەن حاۋىپسىز، ورنىقتى قامداۋعا كەپىلدىك ەتۋ كەرەك. جۇڭگو شاڭحاي سەلبەستىك ۇيىمىنداعى مەملەكەتتەردەن ساپالى اۋىل شارۋاشىلىق ونىمدەرىن يمپورت ەتۋدى كەڭەيتىپ، ءوزارا ساۋدانىڭ تەپە - تەڭدىگى مەن باياندىلىعىن جەبەۋدى قالايدى.
ءتورتىنشى، ۇلاستىرۋ - تۇتاستىرۋدى ىلگەرىلەتىپ، وڭىرلىك ەكونوميكالىق اينالىمدى ىركىلىسسىزدەندىرۋ. مۇشە ەلدەردىڭ وڭىرلىك ابزالدىعىن ساۋلەلەندىرىپ، قاتىناس، ەنەرگيا، حابارلاسۋ تورابى قۇرىلىسىن ىلگەرىلەتۋ كەرەك. قازىرگى «جىلدام ارنا» مەن «جاسىل ارنانىڭ» رولىن اناعۇرلىم ويداعىداي ساۋلەلەندىرىپ، وڭىرلىك ناقتى سەلبەستىكتىڭ ورنىقتىلىق بارىسىندا جاقسارۋىن ىلگەرىلەتۋ كەرەك.
بەسىنشى، نازاردى حالىق تۇرمىسىنىڭ باقىتىنا شوعىرلاندىرىپ، جاسىل، باياندى دامۋدى جەبەۋ. ىندەت اۋقىمىنا قاراي ادامداردىڭ بارىس - كەلىسىن ورنىقتى، ءتارتىپتى قالپىنا كەلتىرۋ كەرەك. قورشاعان ورتانى قورعاۋ، كليمات وزگەرىسىنە توتەپ بەرۋ، تومەن كومىرتەكتى ەكونوميكا سياقتى سالالارداعى سەلبەستىكتى تەرەڭدەتىپ، گۋمانيتارلىق اۋىس - كۇيىستى كۇشەيتۋ كەرەك. جۇڭگو شاڭحاي سەلبەستىك ۇيىمىنىڭ كوپ جاقتى سەلبەستىككە شۇعىل توتەپ بەرۋ ينفورماتسياسىنان ورتاق يگىلىكتەنۋ جۇيەسىن قۇرىپ، ەرىكتىلىك پرينسيبى بويىنشا مەديتسينا، زاڭ عىلىمى، اۋىل شارۋاشىلىعى داشۋەلەر وداعىن قۇرىپ، باياندى دامۋ سەلبەستىگىنىڭ كەڭدىگى مەن تەرەڭدىگىن ۇزدىكسىز كەڭەيتۋدى دارىپتەيدى.
لي كىچياڭ مىنانى ءبىلدىردى: جۇڭگو كەلەر جىلى شاڭحاي سەلبەستىك ۇيىمىنا مۇشە ەلدەر ۇكىمەت باسشىلارى (زۇڭليلەرى) القالار كەڭەسىنىڭ 21 - رەتكى ءماجىلىسىن وتكىزەدى، ءارقايسى جاقپەن بىرگە ءتىپتى دە كوپ سەلبەستىك ورتاق تانىمىن قوماقتى سەلبەستىك تابىسىنا اينالدىرىپ، وڭىردەگى جانە دۇنيە جۇزىندەگى ءار ەل حالىقتارىنا ءتىپتى دە زور باقىت جاراتۋدى ءۇمىت ەتەدى.
ماجىلىسكە قاتىناسقان ءار جاق شاڭحاي سەلبەستىك ۇيىمى قۇرىلعان 20 جىلدان بەرى حاۋىپسىزدىك، ەكونوميكا - ساۋدا، گۋمانيتارلىق سياقتى سالالاردا قول جەتكىزگەن سەلبەستىك جەتىستىكتەرىنە بەلسەندى باعا بەرىپ، شاڭحاي سەلبەستىك ۇيىمىنىڭ ءار جاقتىڭ وڭىرلىك جانە حالىقارالىق سەلبەستىك ورىستەتۋدەگى ماڭىزدى تۇعىرىنا اينالعانىن ءبىلدىردى. قازىرگى جاعدايدا ءارقايسى جاق ۆاكسينا جانە ءدارى - دارمەك زەرتتەۋ - اشۋ سەلبەستىگىن كۇشەيتىپ، ەكونوميكا - ساۋدا، ءوندىرىس قۋاتى، اۋىل شارۋاشىلىعى، ۇلاستىرۋ - تۇتاستىرۋ، نەگىزدىك قۇرىلعى قۇرىلىسى سياقتى سالالارداعى سەلبەستىك كومەسكى كۇشىن اشىپ، گۋمانيتارلىق اۋىس - كۇيىستى كەڭەيتىپ، مۇشە ەلدەر ەكونوميكاسىنىڭ قالپىنا كەلۋى مەن دامۋىنا پارمەندى قوزعاۋشى كۇش قوسۋ كەرەك. كليمات وزگەرىسىنە بىرگە توتەپ بەرىپ، تۋىندامالى ەنەرگيانى پايدالانۋدى كۇشەيتىپ، مۇشە ەلدەردىڭ جاسىل تيپكە بۇرىلىس جاساۋىن ىلگەرىلەتۋ كەرەك. لاڭكەستىككە قارسى تۇرۋ، ەسىرتكىگە تيىم سالۋ، ينتەرنەت حاۋىپسىزدىگى سياقتى سالالارداعى سەلبەستىكتى كۇشەيتىپ، ءوڭىردىڭ بەيبىتشىلىگى مەن ورنىقتىلىعىن قورعاۋ كەرەك.
لي كىچياڭ ماجىلىسكە قاتىناسقان مۇشە ەلدەردىڭ باسشىلارىمەن بىرگە بىرلەسكەن مازمۇنداماعا قول قويىپ ءارى ونى جاريالاپ، شاڭحاي سەلبەستىك ۇيىمىنىڭ ەكونوميكا - ساۋدا سياقتى سالالارداعى كوپتەگەن سەلبەستىك قۇجاتتارى مەن قاۋلىلارىن بەكىتتى.
شياۋ جيە، حى ليفىڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
