ەرتكەن ءيتىن بايلاماي، بىرەۋدى مەرتىكتىرگەنى ءارى كەشىرىم سۇراماعانى، تولەم بەرمەگەنى سەبەپتى سوت ونىڭ ۇستىنەن ۇكىم شىعاردى
2021.11.26 16:00 كەلۋ قاينارى : حالىق تورابى
شينحۋا اگەنتتىگىنىڭ تىلشىلەرى لۋ شيانتيڭ، حۋاڭ كاييىڭ 11 – ايدىڭ 25 – كۇنى حابارلايدى. جۋىردا گۋاڭشيدىڭ ناننيڭ قالاسى شيشياڭتاڭ رايوندىق حالىق سوتىنىڭ ارىز – شاعىم بەرۋشىلەرگە قىزمەت وتەۋ ورتالىعى جەدەل كەسىم ايتۋ گرۋپپاسى بىرەۋدىڭ ەرتكەن ءيتىن بايلاماي، باسقا بىرەۋدى مەرتىكتىرسە دە، تولەم بەرۋدەن باس تارتقانى جونىندەگى دەلوعا تورەلىك ايتتى، ايىپكەر يە X تالاپكەر جياڭ حانىمعا ەمدەلۋ قاراجاتى، جۇمىستان قالۋ قاراجاتى قاتارلىلاردىڭ ەسەبىنە جيىنى 39000 يۋان تولەم بەرۋى كەرەك دەگەن ۇكىم شىعاردى.
ۇعىسۋعا قاراعاندا، 2021 – جىلى 3 – ايدىڭ 18 – كۇن ساعات 19 دا، جياڭ حانىم كۇندەگىسىندەي جۇمىستان ءتۇسىپ، ەلەكترلى ۆەلوسيپەتپەن ۇيىنە قايتىپ كەلە جاتقان، شيشياڭتاڭ رايونى جياڭبەي كوشەسىنە كەلگەندە، بىرەۋدىڭ بايلاماي ەرتىپ جۇرگەن ءيتى كەنەتتەن قارسى الدىنداعى جولدان شىعا كەلىپ، جياڭ حانىمنىڭ ەلەكترلى ۆەلوسيپەتىنە كەلىپ سوعىلعان، جياڭ حانىم جىعىلىپ جارالانعان، ەلەكترلى ۆەلوسيپەتى دە بەلگىلى دارەجەدە بۇلىنگەن. وسىدان سوڭ، ساقشى جاق ءيتتىڭ يەسىن تاپقان ءارى «قاتىناس شىرعالاڭىن تۇراقتاندىرۋ حاتىن» كورسەتىپ، ءىس تۋىلعان كەزدە ءيتتىڭ يەسى يە X ءيتىن بايلاماعان، وسىنىڭ سالدارىنان قاتىناس شىرعالاڭى تۋىلعان، جياڭ حانىم ەشقانداي جاۋاپكەرشىلىك ارقالامايدى دەپ قاراعان.
ءىس تۋىلعان سوڭ، جياڭ حانىم ەمحاناعا جەتكىزىلگەن. شيپاگەر تەكسەرۋ ارقىلى جياڭ حانىمنىڭ سول جاق ۇرشىعىنىڭ موينى سىنعان، سول جاق تىزەسىنىڭ بۋىنىنا سۋ جيىلعان دەگەن دياگنوز قويعان. ەمحانادا ءبىر اپتا جاتىپ، وپەراتسيا اقىسى، ەمدەلۋ اقىسى جيىنى 13000 يۋانداي بولعان. وسىدان سوڭ، جياڭ حانىم دەنە سىرتىنان تۇراقتاندىرۋ اسپابىن 8 اپتا پايدالانۋى ءارى 3 اي دەمالۋى قاجەت بولعان. الايدا، ءيتتىڭ يەسى يە X جياڭ حانىمعا ەشقانداي تولەم بەرمەگەن، ونىڭ ۇستىنە جياڭ حانىمنان كەشىرىم سۇراماعان. جياڭ حانىم امالسىز سوتقا ارىزدانىپ، ءيتتىڭ يەسىنەن ەمدەلۋ قاراجاتى، جۇمىستان قالۋ قاراجاتى قاتارلى زياندارىن تولەپ بەرۋدى تالاپ ەتكەن.
شيشياڭتاڭ رايوندىق حالىق سوتى بىلاي دەپ قاراعان: «جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1246 – تارماعىندا: «باسقارۋ بەلگىلەمەلەرىنە قايشى كەلىپ، حايۋاناتتارعا حاۋىپسىزدىك شارالارىن قولدانباي، باسقالاردى زيانعا ۇشىراتقان جاعدايدا، حايۋاناتتى باعۋشى نەمەسە باسقارۋشى ۇقىققا قول سۇعۋ جاۋاپكەرشىلىگىن ارقالاۋى كەرەك». بۇل دەلودا يە X ءيتىن بايلاپ الىپ جۇرمەگەندىكتەن، بوس جۇرگەن ءيتى جياڭ حانىمعا سوعىلىپ، ونى جارالاعان، قاتىناس ساقشىلارى جياڭ حانىم ەشقانداي جاۋاپكەرشىلىك ارقالامايدى، جياڭ حانىمنىڭ شىعىنىن ايىپكەر يە X تۇگەلدەي موينىنا الۋى كەرەك دەپ قاراعان.
سۋديا مىنانى ەسكەرتەدى: ءيت باعۋشىلار ءيت باعۋعا قاتىستى بەلگىلەمەلەرگە بويسۇنۋى كەرەك. ءيتتى سىرتقا الىپ شىققاندا، بايلاپ، جەتەلەپ ءجۇرۋى، ءيتتىڭ جولدا، الەۋمەتتىك ورىندا ارلى – بەرلى الباتى كەزىپ جۇرمەۋىنە كەپىلدىك ەتۋى، كۇتپەگەن جاعدايدىڭ تۋىلۋىنان ساقتانۋى كەرەك. ءيتتى مادەنيەتتى باققانىڭىز — باسقالاردى قورعاعانىڭىز عانا ەمەس، ءيتىڭىزدى دە قورعاعانىڭىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
