تۇرپان مەيىزى ءوز ءوڭىن ساقتادى
انار بۇلت / شينجياڭ گازەتىنىڭ ءتىلشىسى جاڭ حايفىڭ
2021.11.29 16:10 كەلۋ قاينارى : شينجياڭ گازەتى
”بيىلعى جاڭا مەيىزىمىز بازارعا سالىندى، ساتىلۋ مولشەرى بىلتىرعىدان اسىپ ءتۇسۋى مۇمكىن“، - دەدى 11 - ايدىڭ 15 - كۇنى ۋاڭ يۇڭشۇي قۋانىشتى تۇردە تىلشىگە. ول تۇرپان سىلۋميڭجۋ اۋىل شارۋاشىلىعى بيولوگيالىق عىلىم - تەحنيكا شەكتى سەرىكتەستىگىنىڭ جاۋاپتىسى، سەرىكتەستىكتىڭ بىلتىر مەيىزىنىڭ ساتىلۋ سوماسى 80 ميلليون يۋانعا جەتكەن.
2011 - جىلى ۋاڭ يۇڭشۇي داشۋە بىتىرگەن سوڭ، تۇرپانداعى ءبىر ۇلكەن كاسىپورىنعا كەلىپ تەحنيك بولادى. اۋىلى گانسۋدىڭ جاڭيەسىنەن بولعان ول تۇرپاننىڭ جەمىس - جيدەگىن ۇناتىپ قالادى، ”بۇل ارانىڭ ءجۇزىمى مەن قۇمىل قاۋىنى مەملەكەت بويىنشا ەڭ جاقسى“.
2016 - جىلى ۋاڭ يۇڭشۇي قىزمەتىنەن شەگىنىپ شارۋاشىلىق قۇرىپ، دوسىمەن بىرگە ساۋدا سەرىكتەستىگىن اشادى، ەلەكتروندى ساۋدا تۇعىرى ارقىلى تۇرپاننىڭ جەمىس - جيدەگىن، جانە مەيىزىن ساتادى، الايدا تابىسى كوڭىلدەگىدەي بولمايدى.
”مەيىزدىڭ ءبارىن مەن بازاردان ساتىپ العانمىن، جىنتىكتەي مانەرلەگەم جوق، سورتى، ساپاسى قۇلدىراپ، جاقسى زاتتى تەك جايما باعاسىندا ساتتىق“. ۋاڭ يۇڭشۇي بىلاي دەدى: العاشقى مەزگىلدە اقشا تاپپاعانىمىزبەن، ءبىراز الارمان جيناپ، بازارعا قانىعىپ، كوڭىلىمىزدە سان بولدى.
2 جىلدان كەيىن ۋاڭ يۇڭشۇي ساۋدانى ناقتى تۇلعاعا اينالدىرۋعا بەكىپ، 2 - رەت شارۋاشىلىق قۇردى.
وسى رەت ونىڭ نىساناسى وتە ايقىن بولدى: تەك مەيىز ساتۋ. ”تۇرپان ءجۇزىمىنىڭ اتى بۇكىل ەلگە ايگىلى، بازاردا تانىمالدىلىق دەڭگەيى وتە جوعارى. تەك مەيىزدىڭ ساپاسىن مەڭگەرۋدى ويداعىداي ىستەسەك، بازارداعى وتىمىندە ماسەلە جوق“، - دەدى ۋاڭ يۇڭشۇي.
ول كەزدە ءداستۇرلى مانەرلەۋ ءتاسىلى مەيىزدىڭ بازار باعاسىن شەكتەيتىن بوگەتكە اينالعان - دى. ءداستۇرلى تەحنولوگيامەن جۋىپ تازالاعاندا، اسىلىندە جاسىل قاس تاسىنداي ۇرىقسىز اق ءجۇزىم قاراۋىتىپ كوگەرىپ، ”وڭىنەن“ دەرەۋ ايرىلىپ قالاتىن؛ ونان قالسا، تەحنولوگيانىڭ جەتەرسىزدىگىنەن مەيىزدىڭ ساپاسى ءتۇسىپ، قانت قۇرامى اعىپ كەتىپ، دامىنە ىقپال تيەتىن.
ۋاڭ يۇڭشۇي ءبىر عىلمي زەرتتەۋ ورنىمەن سەلبەستىك جاساپ، مەيىز جۋىپ تازالاۋ، قۇرعاتۋ قۇرىلعىسىن زەرتتەپ جاسايدى. تۇتاس جۋىپ تازالاۋ، قۇرعاتۋ بارىسى اۆتوماتتى بولىپ، ۋاقىت، كۇش ۇنەمدەلدى. جۋىق جىلداردان بەرى ءجۇزىمنىڭ ءوڭى مەن ساپاسىن جوعارىلاتۋ ءۇشىن، وسى سەرىكتەستىك 4 ءتۇرلى تەحنيكالىق پاتەنتتى زەرتتەپ اشتى.
كەڭ دە تازا زاۆود ۇيىندە ۋاڭ يۇڭشۇي نۇر شاعىپ جارقىراپ تۇرعان ماشينانى نۇسقاپ تۇرىپ بىلاي دەپ تانىستىردى: ”مىنا ماشينا مەيىزدىڭ X ساۋلەلى ماشيناسى سياقتى، مەيىزگە جابىسقان ۇشاق تۇيىرشىكتەردى تۇگەلدەي تازالاي الادى. ءبىر تال مەيىز كەپتىرۋ ۇيىنەن شىعىپ، تىكەلەي جەۋگە بولاتىن ولشەمگە جەتكەنگە دەيىن ءبىزدىڭ بۇل جەردە 20 تارتىپتەن وتەدى“. قازىر ۋاڭ يۇڭشۇيدىڭ سەرىكتەستىگى تۇرپان جاسىل مەيىزىن جۋىپ تازالايتىن، كەپتىرەتىن عىلىم - تەحنيكا جەتىستىگىن كادەگە جاراتىپ پايدالانۋدان ۇلگى كورسەتەتىن بازاعا اينالدى.
ءوڭى مەن ساپاسى جاقسارعان مەيىز بازاردا ءوتىمدى بولدى. كەزەكتە سەرىكتەستىكتىڭ الارماندارىنىڭ كوبى شينجياڭ ءىشى - سىرتىنداعى ماركالى ازىق - تۇلىك كاسىپورىندارى مەن تىزبەكتى ەرەن بازارلارى. ”تۇرپان مەيىزى ساپ جاسىل ساپالى ازىق - تۇلىك، جىنتىكتەي مانەرلەنگەن سوڭ، ۇستەمە قۇنى ارتىپ، باعاسى ％20 ءوستى، ساتۋدان دا الاڭدامايتىن بولدىق“.
ۋاڭ يۇڭشۇي سەرىكتەستىگىن تۇرپان قالاسى گاۋچاڭ رايونى يار قالاشىعى جاڭاءشار شيمىن قىستاعىندا قۇرىپ، قىستاقتاعى جانە ماڭىنداعى 100دەن ارتىق ەگىنشى وتباسىمەن سەلبەستىك جاسادى، ول ەگىنشى وتباسىلارىن اناعۇرلىم تىڭعىلىقتى تاسىلمەن مەيىزدى كەپىتىرۋگە جەتەكتەپ، ءونىمنىڭ ساپاسىنا كەپىلدىك ەتتى.
قازىر سەرىكتەستىكتە 40تان ارتىق قىزمەتكەر بار، باسىم كوبى جاڭاءشار شيمىن قىستاعىنىڭ تۇرعىنى. مەيىز ءوندىرۋدىڭ قاۋىرت مەزگىلى 9 - ايدان كەلەر جىلعى 2 - اي ارالىعىنا شوعىرلانعاندىقتان، نەگىزىنەن ەگىستىڭ وسى سايابىر كەزىندە قىستاق تۇرعىندارى ءۇي ماڭايىندا جۇمىس ىستەپ، ايىنا 4000 يۋان اينالاسىندا اقشا تابا الادى.
”قازىر سەرىكتەستىكتە ون نەشە مەيىز ءونىمى بار، ’سىلۋميڭجۋ‘، ’لياڭفاڭرىنجيا‘ سياقتى ماركالاردى تىزىمگە الدىرتتىق. ماركانىڭ تانىمالدىق دەڭگەيىنىڭ جوعارىلاۋىنا ىلەسە، ساتىلۋ مولشەرىنىڭ ورنىقتى جوعارىلايتىنىنا، اناعۇرلىم كوپ شارۋالاردى كىرىستەرىن ارتتىرىپ، اۋقاتتانۋعا باستايتىنىنا سەنىمىمىز بار“، - دەدى ۋاڭ يۇڭشۇي نىق سەنىممەن.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
