«ناقتى ىستەردەگى سەلبەستىكتى تەرەڭدەتىپ، حالىقتى اناعۇرلىم ويداعىداي باقىتقا كەنەلتەيىك»
— قازاقستاننىڭ جۇڭگودا تۇراتىن باس ەلشىسى قويشىبايەۆپەن سۇحبات
حالىق گازەتىنىڭ ءتىلشىسى شيە ياحۇڭ
2021.11.30 14:33 كەلۋ قاينارى : حالىق تورابى
«مەنىڭ كاسىپتىك ءومىرىم جۇڭگومەن تىعىز بايلانىستى. 30 جىلدان بەرى، مەن جۇڭگوداعى كوپتەگەن جەرلەرگە ساپارلاي بارىپ، بۇل جەرلەردە بولعان وراسان زور وزگەرىستەردى كوزىممەن كوردىم. جۇڭگو مەملەكەت قۇرىلىسى مەن حالىق تۇرمىسىن جاقسارتۋ قاتارلى كوپتەگەن جاقتاردا باسقا مەملەكەتتەرگە ۇلگى بولدى»، — دەدى قازاقستاننىڭ جۇڭگودا تۇراتىن باس ەلشىسى قويشىبايەۆ جۋىردا حالىق گازەتىنىڭ ءتىلشىسىنىڭ سۇحباتىن قابىلداعان كەزدە.
جۇڭگوعا دەگەن تەرەڭ اۋەستىك بايلانىسىمەن قويشىبايەۆ داشۋە مەزگىلىندە حانزۋ ءتىلى كاسىبىن تاڭداعان، داشۋەدەن وقۋ تاۋىسقان سوڭ بەيجيڭ، شاڭحاي جانە ءۇرىمجى قاتارلى جەرلەردە جۇڭگودا تۇراتىن ديپلومات مىندەتىن اتقارعان. ەلىنە قايتقان سوڭ، ىلگەرىندى – كەيىندى قازاقستاننىڭ سىرتقى ىستەر مينيسترلىگى جانە زۇڭتۇڭ سارايى قاتارلى تاراۋلاردا مىندەت اتقارعان. قويشىبايەۆ مىنانى ءبىلدىردى: قازاقستان جۇڭگونىڭ دامۋ جەتىستىكتەرى مەن دامۋ تانىمىنا ايرىقشا ءمان بەرەدى. «جۇڭگونىڭ جوعارى قارقىندى تاس جولدارى مەن جۇردەك پويەز جولدارى شار – تاراپتى تۇتاستىرادى، فينانستى سيفرلاندىرۋعا بۇرىلىس جاساۋ جانە ەلەكتروندى ساۋدا ىستەرىنىڭ دامۋى جاعىندا دۇنيە ءجۇزىنىڭ الدىڭعى لەگىندە تۇرادى، جاڭا ەنەرگيالى اۆتوموبيلدىڭ وزەكتى تەحنيكالارى جاعىندا حالىقارالىق وزىق ورەگە جەتكەن»، — دەيدى ول.
2013 – جىلى 9 – ايدا، ءتوراعا شي جينپيڭ قازاقستانداعى نازاربايەۆ داشۋەسىندە ماڭىزدى لەكسيا جاساپ، «جىبەك جولى ەكونوميكالىق بەلدەۋىن» بىرگە كوركەيتۋدى ورتاعا قويعان. قويشىبايەۆ سول كەزدە لەكسيانى ناق مايداندا تىڭداعان. «قازىرگى تاڭدا، ‹ءبىر بەلدەۋ، ءبىر جول› الدەقاشان تانىمنان ارەكەتكە اينالعان. قازاقستان بۇعان بىردەن ءۇن قوستى ءارى قاتىناستى، ءوندىرىس قۋاتى سەلبەستىگى، دامۋ ستراتەگياسىن ۇشتاستىرۋ قاتارلى جاقتاردا جۇڭگو جاقپەن ماڭىزدى ورتاق تانىمدارعا كەلدى. قازاقستان مەن جۇڭگونىڭ ناقتى ىستەردەگى سەلبەستىكتەرى مول ناتيجەلەرگە قول جەتكىزدى».
قويشىبايەۆ جۇڭگونىڭ جاپپاي دوڭگەلەك داۋلەتتى قوعام قۇرۋىنا جوعارى باعا بەردى. ول بىلاي دەدى: جۇڭگونىڭ باسشىسى حالىقتىڭ مۇددەسىن بارلىعىنان جوعارى قويۋدى باسا دارىپتەدى، بۇل قازاقستان حالقى اراسىندا دا زور اڭىس قوزعادى. «مەن گۇيجوۋداعى اۋىل – قىستاقتاردا كەدەيلىكتەن ارىلتۋ قىزمەتىن ورىستەتۋ جاعدايىنا كۋا بولدىم. ول جەر بۇرىن جۇڭگوداعى ەڭ كەدەي وڭىرلەردىڭ ءبىرى بولاتىن. بىلتىر جىل سوڭىندا، گۇيجوۋداعى كەدەي اۋداندار تۇگەلدەي كەدەيلىك قالپاعىن الىپ تاستاپ، شارۋالاردىڭ تۇرمىس ورەسى كورنەكتى جوعارىلادى، اۋىل – قىستاق شىت جاڭا بەينەگە ەندى. جۇڭگو ب م ۇ – نىڭ 2030 – جىلعا دەيىنگى باياندى دامۋ كۇن تارتىبىندەگى كەدەيلىكتى ازايتۋ نىساناسىن 10 جىل بۇرىن ورىندادى، بۇل دۇنيە ءجۇزى كولەمىندە تەڭدەسى جوق ءىس».
بيىل 7 ايدا، قازاقستاننىڭ «نۇر وتان» پارتياسىنىڭ ءتوراعاسى، تۇڭعىش زۇڭتۇڭ نازاربايەۆ جۇڭگو كوممۋنيستىك پارتياسى مەن دۇنيە جۇزىندەگى ساياسي پارتيالاردىڭ باسشىلارىنىڭ ماجىلىسىندە بەينە كەسكىن ارقىلى ءسوز سويلەدى. «بۇل قازاقستان جاقتىڭ جۇڭگو كوممۋنيستىك پارتياسىمەن اۋىس – كۇيىستى كۇشەيتۋگە ءمان بەرەتىنىن كورسەتەدى». ناق مايداندا ماجىلىسكە قاتىناسقان قويشىبايەۆ بىلاي دەدى: پارتيالار اراسىنداعى قارىم – قاتىناستىڭ قازاقستان مەن جۇڭگونىڭ ماڭگىلىك جالپى بەتتىك ستراتەگيالىق سەرىكتەستىك قارىم – قاتىناسىنىڭ ماڭىزدى قۇرامداس بولىگى، الدا ۇزدىكسىز دامىتىلادى ءارى ەكى ەل مەن ەكى ەل حالقىنا باقىت جاراتادى.
ىندەتتەن ساقتانۋ – تىزگىندەۋ جاعدايىندا، جۇڭگو مەن قازاقستاننىڭ ەكونوميكا – ساۋدا قارىم – قاتىناسى ءبىرشاما تەز ارتۋ بەتالىسىن ساقتادى. قويشىبايەۆ مىنانى ءبىلدىردى: اۋىل شارۋاشىلىعى سالاسىنداعى سەلبەستىك — قازىرگى تاڭدا، قازاقستان مەن جۇڭگونىڭ ەكونوميكا – ساۋدا سەلبەستىگىنىڭ كورنەكتى ءتۇيىنى. 2020 – جىلى قازاقستان مەن جۇڭگونىڭ اۋىل شارۋاشىلىعى ونىمدەرى سالاسىنداعى ساۋدا سوماسى 600 ميلليون ا ق ش دوللارىنا جەتكەن. قازاقستان جاقتاعى قاتىستى 855 كاسىپورىن جۇڭگو بازارىن اۋىل شارۋاشىلىعى ونىمدەرىنەن قامداۋ رۇقساتىنا يە بولدى. «بولاشاقتا ەكى ەلدىڭ ءتۇرلى سالالارداعى اۋىس – كۇيىسىندە اناعۇرلىم مول ناتيجەلەردى قولعا كەلتىرىپ، ناقتى ىستەردەگى سەلبەستىكتەردى تەرەڭدەتىپ، حالىققا اناعۇرلىم ويداعىداي باقىت جاراتۋدى ءۇمىت ەتەمىز».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
