”اسپان قالاسى كوشەسىنە“ بارىپ، ”ەل اراسىنداعى اس مازىرىنەن“ اۋىز ءتيدى
انار بۇلت / شينجياڭ گازەتىنىڭ ءتىلشىسى ۋاڭ يۇڭفي
2021.11.30 15:27 كەلۋ قاينارى : شينجياڭ گازەتى
”قۋىرىلعان حىفىننىڭ ءبىر تاقسىسى قانشا تۇرادى؟“.
”سيىر ەتى قوسىلعانى 18 يۋان، جۇمىرتقا قوسىلعانى 12 يۋان، اشتى ءبايساي قوسىلعانى 15 يۋان...“.
”سيىر ەتى قوسىلعانىنان ءبىر تاقسى بەرىڭىز!“.
”جارايدى!“.
11 - ايدىڭ 25 - كۇنى ساعات 18دەن 30 مينۋت، قاس قارايا باستاعان شاق، بيڭتۋان 13 - شىسى شينشيڭ قالاسىنىڭ تيانجيە جاياۋلار كوشەسىندە شىراقتار جارقىراپ، ادامدار قايشالىسادى. كوز جىبەرەر بولساڭىز، چاڭشانىڭ چوۋدوۋفۋسىن ساتىپ تۇرعاندار، شىعىس سولتۇستىكتىڭ قاقتاعان سۋىق كەسپەسىن ساتىپ تۇرعاندار، جۇمىرتقا وراماسىن ساتىپ تۇرعاندار، بيڭتاڭحۋلۋ ساتىپ تۇرعاندار... دەيسىز بە، قۇددى جەر - جەردىڭ جەڭىل تاعامدار جارمەڭكەسى اشىلىپ جاتقانداي كورىنەدى.
ساۋداگەر جىڭ يا - ۋيدىڭ سوزىنەن قويۋ حىنان اكسەنتى اڭعارىلادى، ول قاريدارلارىنا سويلەي ءجۇرىپ، قولىنداعى تەمىر قالاقشامەن كوز ىلەستىرمەي حىفىن قۋىرىپ جاتىر، جايپاق قازاننان كوتەرىلگەن ىستىق بۋ مىناۋ قىسقى كەشتە جىلۋ تاراتىپ جاتقانداي. جىڭ يا - ۋي مەن اكەسى ەكەۋىنىڭ 3 جايماسى بار، بىرەۋىندە قۋىرىلعان حىفىن، ەكەۋىندە چوۋدوۋفۋ ساتادى ەكەن.
”بۇل ارادا وسى ساۋدامەن اينالىسقانىمىزعا 5 جىل بولدى، بۇكىل وتباسىمىزدى وسى 3 جايما ورنى اسىراپ تۇر. ساۋدامىز جامان ەمەس، ساۋدا كۇسەت بولعان كۇندەرى ءبىر كەشتە ءبىر جايمادان 600 − 700 يۋان تابامىز“. ول جىتىرمەلەتە سويلەدى، ارەكەتى دە جىلدام ەكەن، تىلشىمەن سويلەسكەن كەزدە دە ول قولىنداعى جۇمىسىن اقساتپادى.
تيانجيە جاياۋلار كوشەسى جىڭ يا - ۋي سياقتى كوپتەگەن شاعىن ساۋداگەرلەردىڭ ارمانىنا دارمەن بولعان. بۇل كوشە 2017 - جىلى 6 - ايدىڭ 24 - كۇنى رەسمي اشىلعان، جۋىقتا تۇڭعىش توپتاعى مەملەكەت دارەجەلى كەشكى مادەنيەت جانە ساياحات تۇتىنۋ شوعىرلانعان اۋماق بولىپ تاڭدالدى.
”كوشە اۋماعىنا ورنالاسقان دۇكەن 200دەن اسادى، ساۋداگەر شاقىرۋ مولشەرى ％97كە، تيجارات باستاۋ مولشەرى ％100كە جەتتى. مۇنىڭ ىشىندە مادەنيەت جاسامپازدىعى ءتۇرى كاسىپ كۇيىندەگى دۇكەن مولشەرمەن 130 بولىپ، ％50.78تىك سالىستىرمانى يەلەيدى“، - دەدى جاياۋلار كوشەسىنىڭ جۇمىسىن جۇرگىزۋگە جاۋاپتى بولعان شينجياڭ ۋانچۋاڭ ەلەكتروندى ساۋدا شەكتى سەرىكتەستىگى تيانجيە ساۋدا ىستەرىن باسقارۋ ورتالىعىنىڭ ورىنباسار باس ديرەكتورى ياڭ شۋيىڭ.
جاياۋلار كوشەسىندە ايشاڭني ماركاسىنداعى فانپۋ قىش بۇيىمدار دۇكەنى بار، دۇكەندە ءتۇرلى تۇستەگى قىش بۇيىمدارى، شاينەك - شىنى، اشەكەي بۇيىمداردىڭ ءتۇر - ءتۇرى بار بولىپ، ەرەكشە كوز تارتادى. دۇكەن قوجايىنى يۇي پيڭ وسىندا ءبىرىنشى توپتا ورنالاسقان ساۋداگەر، ”جاياۋلار كوشەسىنىڭ اينالاسىندا 40 نەشە شاعىن اۋماق بار، ادامدار ءبىرشاما شوعىرلى ورنالاسقان، ساۋدامىز كۇسەت بولعان كەزدە كۇندىك كىرىسىمىز 10 مىڭ يۋاننان اسادى“، - دەيدى يۇي پيڭ.
الۋان - الۋان دۇكەندەر الۋان ءتۇرلى كاسىپ كۇيىن الا كەلگەن. ”اس - سۋ، ساۋدا سارايلارى، ەرەن بازارلار، كينوحانا، KTV، اياق ۋقالاۋ، قوناقجاي... دەيسىز بە، ءبىزدىڭ جاياۋلار كوشەمىز ’اس - سۋ، جاتىن ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ‘ سياقتى تىزبەكتى قىزمەت وتەۋىمەن قامداي الادى دەپ ايتۋىمىزعا ابدەن بولادى“، - دەيدى ياڭ شۋيىڭ.
الۋان ءتۇرلى كاسىپ كۇيى سول ماڭداعى تۇرعىنداردى جانە توڭىرەكتىڭ ءتورت بۇرىشىنان كەلگەن ساياحاتشىلاردى وزىنە باۋرادى. ”جاياۋلار كوشەسى تاۋلىك بويىنا تيجارات جۇرگىزەدى، جۇرگىنشىلەردىڭ جىلدىق ورتاشا اعىنى ءبىر ميلليون 800 مىڭ ادام - رەتتەن اسسا، جاز ماۋسىمىنداعى قاۋىرت مەزگىلدە كۇندىك كەشكى جۇرگىنشىلەر اعىنى 5000 ادام - رەتتەن اسادى“، - دەيدى ياڭ شۋيىڭ.
كوپتەگەن ساياحاتشى جاياۋلار كوشەسىندە قىدىرعاندا سۋرەتكە ءتۇسىپ، بەينە كەسكىن ءتۇسىرىپ، ۋيچاتتاعى دوستار شەڭبەرىنە نەمەسە دوۋيىنعا شىعارىپ، تيانجيە جاياۋلار كوشەسىنىڭ اتاعىن بارعان سايىن اسپانداتتى. ياڭ شۋيىڭ قول تەلەفونىن الىپ شىعىپ جاز كۇندەرىندەگى جاياۋلار كوشەسىنىڭ سۋرەتتەرى مەن بەينەكەسكىندەرىن كورسەتتى، ءتىلشى جايماشىلاردىڭ، الاڭدا بيلەپ جۇرگەندەردىڭ، قاقتامالاردان ءدام تاتىپ وتىرعانداردىڭ سۋرەتتەرىن كوردى... جاياۋلار كوشەسى قۇددى شاتتىقتىڭ تەڭىزى سياقتى كورىنەدى.
جاياۋلار كوشەسىنىڭ ورتالىعى ريم ۇلگىسىندەگى الاڭ، ريمدەگى سايىس مايدانى وسى جوبانىڭ جارىق كورۋىنە شابىت اپەرگەن. ”بۇل ارا جاياۋلار كوشەسىنىڭ ەڭ دۋماندى ورنى، چيپاۋ كوركىن تاماشالاۋ، ورتا مەكتەپ وقۋشىلارىنىڭ وقۋ تاۋىسۋ سالتى، شيحۋ سىراسى سالتاناتى، جاڭا ونىمدەردى جاريالاۋ جيىنى سياقتى قيمىلدار ۇنەمى وتكىزىلەدى“، - دەيدى ياڭ شۋيىڭ.
بازار اۋماعىنا ورنالاسقان ۆيەنا شاڭپين قوناقجايىنا قونالقاعا كەلەتىندەر مولشەرى - اق جاياۋلار كوشەسىنىڭ كوركەيىپ - گۇلدەنگەندىگىن اڭعارتىپ تۇرعانداي. ”قوناقجاي 4 جۇلدىز دارەجەسى ولشەمىندە سالىنعان، بيىل الدىڭعى 11 ايداعى قونالقا مولشەرى ％70تەن استى“. وسى قوناقجايدىڭ مەڭگەرۋشىسى ليۋ حۇيرۇڭ: ”جاز مەزگىلىندە ۇنەمى سىرت جەردەن كەلگەن ساياحاتشىلار بىزدەن ۇقساماعان باعىتتاعى كوپتەگەن بولمەلەردى اشىپ بەرۋىمىزدى تالاپ ەتىپ، تەرەزەدەن قۇمىلدىڭ كورىنىسىن سۋرەتكە تۇسىرەدى“، - دەدى.
قاس قارايدى، ءبىراق جاياۋلار كوشەسىندەگى ادام اياعى سايابىرلاعان جوق. قۇمىل قالاسىنىڭ تۇرعىنى لياڭ مىرزا دوسىمەن بىرگە جول جاعاسىندا چوۋدوۋفۋ جەپ تۇر، قولىنداعى شىنىدان كوتەرىلگەن ىستىق بۋدان كوز اينەگى بۋالدىرلانىپ كەتىپتى. ”جاياۋلار كوشەسى اس - سۋ، كوڭىل اشۋ، زات ساتىپ الۋدى ءبىر تۇلعالاندىرۋدى جۇزەگە اسىرىپ، ءبىزدىڭ قىزمەتتەن تۇسكەننەن كەيىنگى سەيىلدەپ، كوڭىل اشۋىمىزعا تاماشا ورتا ازىرلەدى“، - دەدى لياڭ مىرزا تاماعىن جەي تۇرىپ ءسوز تيەگىن اعىتا.
تيانجيەنىڭ اتى ءتىلشىنىڭ ەسىنە ەرىكسىزدەن گومورونىڭ «اسپان قالاسى كوشەسى» جىرىن سالدى. سۇراي كەتىپ ەدى، تيانجيە جاياۋلار كوشەسىنىڭ اتى، راسىندا، وسى ولەڭنەن كەلگەن بولىپ شىقتى.
”الىستا جانعان تۇنگى قالا شامى، جۇلدىزداي كوكجيەكتەن ارى اسادى. اسپاندا تۋعان جۇلدىز جىمىڭ قاعىپ، جەردەگى جۇلدىز شاممەن تالاسادى“. مىناۋ ءدال تيانجيە جاياۋلار كوشەسى تۇنگى كورىنىسىنىڭ جىر جولدارىنداعى كوركەم كارتيناسى ەمەس پە!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
