اۆتونوميالى رايون ”اۋىل - قىستاقتى گۇلدەندىرۋ بويىنشا كاسىپتىك تەحنيكالىق شەبەرلىككە باۋلۋ“ جونىندە ارناۋلى اقپار جاريالاۋ ءماجىلىسىن اشتى
بايۋ قابىلەتىن يگەرىپ، تۇرمىستارى بارعان سايىن جاقساردى
2021.11.30 15:28 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي شيڭ 11 - ايدىڭ 28 - كۇنى ۇرىمجىدەن حابارلايدى. 11 - ايدىڭ 28 - كۇنى اۆتونوميالى رايون ”اۋىل - قىستاقتى گۇلدەندىرۋ بويىنشا كاسىپتىك تەحنيكالىق شەبەرلىككە باۋلۋ“ جونىندە ارناۋلى اقپار جاريالاۋ ءماجىلىسىن اشتى. اقپار جاريالاۋ ماجىلىسىندە تەحنيكتەر شۋەيۋانىنان كەلگەن 6 وقىتۋشى، وقۋشى وقىتۋ - ۇيرەنۋ، شارۋاشىلىق قۇرۋ بارىسىندا باستان كەشكەندەرىن بايانداپ، شينجياڭنىڭ كەدەيلىكتەن ارىلتۋدان قامال الۋ جەتىستىكتەرىن اۋىل - قىستاقتى گۇلدەندىرۋمەن ءونىمدى ۇشتاستىرىپ، اۋىل - قىستاقتا جۇمىستاندىرۋ، شارۋاشىلىق قۇرۋ بويىنشا تاربيەلەۋدى كەڭ كولەمدى ىلگەرىلەتىپ، اۋىل - قىستاقتاعى ەڭبەككۇشتەردىڭ شارۋاشىلىق قۇرۋ ارمان - تىلەگىن قاۋلاتقانىن بايىمداپ، امەريكاداعى، باتىستاعى جۇڭگوعا قارسى كۇشتەر ويدان قۇراستىرعان ايتىلمىس ”ادامدىق ۇقىققا سۇعاناقتىق جاسادى“، ”زورلىقپەن ەڭبەككە سالدى“ دەگەن سياقتى وسەك - اياڭعا تويتارىس بەردى.
ءبىر مەزگىل ۋاقىتتان بەرى امەريكاداعى، باتىستاعى جۇڭگوعا قارسى كۇشتەر شينجياڭنىڭ ادامدىق ۇقىقتى قامتاماسىز ەتۋدە جاساعان وراسان زور قۇلشىنىستارىن ەلەپ - ەسكەرمەي، شينجياڭنىڭ ەڭبەكپەن جۇمىستاندىرۋدى قامتاماسىز ەتۋ قىزمەتىنە بەتالدى كۇيە جاقتى. ءىس جۇزىندە، شينجياڭ ەڭبەككۇش بازارىنىڭ سۇرانىسىنا ساي، ەڭبەكشىلەردىڭ جۇمىستانۋ قابىلەتىن جوعارىلاتۋدى، جۇمىستانۋدىڭ ورنىقتىلىعىن كۇشەيتۋدى كوزدەپ، جوعارى دارەجەلى كاسىپتىك تەحنيكالىق شۋەيۋانى، ورتا دارەجەلى كاسىپتىك مەكتەپ، تەحنيك جۇمىسشىلار مەكتەبى، جۇمىستاندىرۋعا باۋلۋ ورتالىعى سياقتى كاسىپتىك تاربيەلەۋ جانە باۋلۋ قۇرىلىمدارىن دامىتۋ ارقىلى نەگىزگى ەڭبەك ساپاسى باۋلۋىن جانە تاپسىرىس، جۇمىس ورنىن تۇراقتاندىرۋ، باعىتتامالى جۇمىستاندىرۋ تەحنيكالىق شەبەرلىگىنە باۋلۋدى بەلسەنە ورىستەتىپ، ءبىرشاما كەمەلدى كاسىپتىك تاربيە مەن باۋلۋ جۇيەسىن ورناتتى. سونىمەن قاتار شينجياڭ باستان - اياق ەڭبەكشىلەردىڭ ءوز كۇشىنە سۇيەنىپ جۇمىستانۋىن، بازاردىڭ رەتتەپ جۇمىستاندىرۋىن، ۇكىمەتتىڭ جۇمىستاندىرۋدى جەبەۋىن جانە شارۋاشىلىق قۇرۋعا شابىتتاندىرۋدى ۇشتاستىرۋعا تاباندى بولىپ، ءار ۇلت بۇقاراسىنىڭ تابىس سەزىمى مەن باقىت سەزىمىن بارىنشا جوعارىلاتتى.
الميرا احمەت اقسۋ ونەركاسىپ تەحنيكتەر شۋەيۋانىنىڭ وقىتۋشىسى، ول تۇرعان مەكتەپتەگى وقۋشىلار مەكتەپتە ۇيرەنۋ ارقىلى مەكتەپ تاۋىسقاننان كەيىن ايىنا 5000 يۋان اينالاسىندا ەڭبەكاقى العان، شينجياڭنىڭ ءىشى - سىرتىنداعى كوپتەگەن كاسىپورىن ولاردىڭ مەكتەبىنە بارىپ قىزمەتكەر قابىلداعان. ”وقۋشىلاردىڭ باسىم كوبى وڭتۇستىك شينجياڭنىڭ اۋىل - قىستاعىنان كەلگەن، ولار كاسىپتىك تەحنيكالىق شەبەرلىكتى ۇيرەنۋگە وتە ءزارۋ“، - دەدى الميرا، - وقۋشىلار ونەر ۇيرەنگەننەن كەيىن، بايۋ قابىلەتىن يگەرىپ، تۇرمىستارى بارعان سايىن جاقساردى، سوندا بۇل ”ادامدىق ۇقىققا سۇعاناقتىق جاساۋ“، ”زورلىقپەن ەڭبەككە سالۋ“ سانالا ما؟
2017 - جىلى ابدۇسالام ابليكىم لوپ اۋدانىنان كاۋاپ دۇكەنىن اشادى. كاۋاپ پىسىرۋ تەحنيكاسىن ونان ارى جوعارىلاتۋ ءۇشىن، بيىل 5 - ايدا ابدۇسالام اۋدان ۇيىمداستىرعان اسپازدىق كۋرسىنا قاتىناسادى ءارى جۇڭگوشا تاعام پسىرۋدىڭ باستاۋىش دارەجەلى اسپازدىق كۋالىگىن الادى. وقىتۋشىسىنىڭ تانىستىرۋىندا، ول مەملەكەتتىك اۋىل - قىستاقتى گۇلدەندىرۋ كاسىپتىك تەحنيكالىق شەبەرلىك جارىسىنا قاتىناسىپ، جۇڭگوشا تاعام پىسىرۋ اسپازى (قوي ەتىن قاقتاۋ) ءتۇرى بويىنشا وقۋشىلار گرۋپپاسىنىڭ التىن مەدالىن الادى.
”سيلىققا يە بولعاننان كەيىن سەنىمىم ونان ارى بەكەمدەلە ءتۇستى“. ابدۇسالام تيجارات كولەمىن كەڭەيتىپ، كاۋاپ دۇكەنىن حوتان، ءۇرىمجى، بەيجيڭدە اشپاقشى ەكەن.
ابدۇرۇسۇل ساتتار سانجى كاسىپتىك تەحنيكالىق شۋەيۋانىنىڭ اسپازدىق فاكۋلتەتىنەن وقۋ تاۋىسقاننان كەيىن، قاشقار تەحنيكتەر شۋەيۋانىنا جۇمىسقا قابىلدانىپ، اسپازدىق ونەرى فاكۋلتەتىنىڭ وقىتۋشىسى بولدى. وقىتۋشىلىق ىستەپ جاتقان كەزىندە مەكتەپ ونى ىلگەرىندى - كەيىندى قاشقار، گۋاڭجوۋ سياقتى جەرلەرگە امالياتتىق باۋلۋعا جىبەرىپ، اسپازدىق تەحنيكاسىن جاپپاي جوعارىلاتادى. ”ايىنا 5000 يۋاننان استام ەڭبەكاقى الامىن، شۋەيۋان تاعى مەن ءۇشىن ’5 قامسىزداندىرۋ مەن تۇرعىن ءۇي الەۋمەتتىك جيناق قورىن‘ تاپسىرادى“. قىزمەت ىستەگەن بىرنەشە جىلدان بەرى ابدۇرۇسۇل وتباسىنىڭ تام ءۇيى جارىق بەيقۇت ۇيگە اينالىپ، ءۇيى ءار ءتۇرلى ادەمى زەردەلى ءۇي جيھازدارىنا، ەلەكتر جابدىقتارىنا تولىپ، ابدۇرۇسۇل وتباسىنىڭ ماقتانىشى بولدى.
”اۋىلداستار وتباسىمنىڭ وزگەرىسىن كورىپ ەرەكشە ءسۇيىنىپ، ءبىر - ءبىر ونەر يگەرىپ، جۇمىستانىپ، كىرىستەرىن ارتتىرۋدى ويلادى“. ابدۇرۇسۇل اۋىلداستارىن ايماقتىق، اۋداندىق تەحنيكالىق مەكتەپتەرگە بارىپ تەحنيكالىق شەبەرلىك ۇيرەنۋگە تانىستىردى، ۇيرەنگەننەن كەيىن كەيبىرەۋى ءوز كۇشىنە سۇيەنىپ شارۋاشىلىق قۇرىپ قوجايىن بولدى، كەيبىرەۋى اۋىل - قالاشىقتاعى كاسىپورىنداردا كاسىپ تىرەكتىسىنە اينالىپ، وتباسى تۇرمىس شارت - جاعدايىندا زور وزگەرىس بولدى. ول بىلاي دەدى: شىندىققا تالاس جۇرمەيدى، امەريكاداعى، باتىستاعى جۇڭگوعا قارسى كۇشتەر اق پەن قارانى قالاي شاتاستىرسا دا، شينجياڭداعى ءار ۇلت حالقىنىڭ تاماشا تۇرمىسقا تالپىنعان نىق قادامىنا كەدەرگىلىك جاساي المايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
