شي جينپيڭ جۇڭگو - افريكا سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناستى ءارى ارقاۋ لەكسيا جاسادى
2021.11.30 23:16 كەلۋ قاينارى : حالىق تورابى
11 - ايدىڭ 29 - كۇنى كەشتە مەملەكەت ءتوراعاسى شي جينپيڭ بەيجيڭدە جۇڭگو - افريكا سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا بەينە ەكران تاسىلىمەن قاتىناستى ءارى «تار جول، تايعاق كەشۋلەردەن بىرگە ءوتىپ، بۇرىنعىعا مۇراگەر بولىپ، كەيىنگىگە جول اشىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ارقاۋ لەكسيا جاسادى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
11 - ايدىڭ 29 - كۇنى كەشتە مەملەكەت ءتوراعاسى شي جينپيڭ بەيجيڭدە جۇڭگو - افريكا سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا بەينە ەكران تاسىلىمەن قاتىناستى ءارى «تار جول، تايعاق كەشۋلەردەن بىرگە ءوتىپ، بۇرىنعىعا مۇراگەر بولىپ، كەيىنگىگە جول اشىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ارقاۋ لەكسيا جاسادى.
سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
■ بيىل − جۇڭگو مەن افريكانىڭ ديپلوماتيالىق قاتىناس ورناتقانىنىڭ 65 جىلدىعى. 65 جىلدان بەرى جۇڭگو مەن افريكا يمپەرياليزمگە، وتارشىلدىققا قارسى تۇرۋ كۇرەسىندە مىزعىماس باۋىرلاس دوستىق ورناتىپ، دامۋ، گۇلدەنۋ ساپارىندا ەرەكشەلىگى ايقىن سەلبەستىك جولىمەن ءجۇرىپ، قىم - قۋىت، كۇردەلى وزگەرىس جاعدايىندا ءوزارا كومەكتەسۋدىڭ تاماشا داستانىن جازىپ، جاڭاشا حالىقارالىق قاتىناس ورناتۋعا شۇعىلالى ۇلگى ورناتتى
■ جۇڭگو - افريكا قاتىناسى نە ءۇشىن جاقسى بولادى؟ جۇڭگو - افريكانىڭ دوستىعى نە ءۇشىن تەرەڭ؟ مۇنداعى شەشۋشى ءتۇيىن ەكى جاق ۇزاق ۋاقىتتان بەرى بەكەمدەلىپ كەلە جاتقان جۇڭگو - افريكا دوستىق سەلبەستىك رۋحىن، اتاپ ايتقاندا، «شىنايى دوستىق، تەڭ مامىلە جاساۋ، ءوزارا پايدا جەتكىزىپ، تەڭ يگىلىككە كەنەلۋ، بىرگە دامۋ، ادىلدىكتى جاقتاپ، تۋراشىلدىقتى قورعاۋ، اۋقىمعا سايكەسىپ، اشىق، سيىسىمدى بولۋ» رۋحىن سومدادى. بۇل − جۇڭگو مەن افريكانىڭ نەشە ون جىلدان بەرى بەينەت پەن زەينەتتى بىرگە وتكەرىپ، تىزە قوسا كۇرەس جۇرگىزۋىنىڭ ناقتى بەينەسى، جۇڭگو - افريكانىڭ دوستىق قاتىناسىنىڭ بۇرىنعىعا مۇراگەر بولىپ، كەيىنگىگە جول اشۋىنىڭ كۇش قاينارى.
■ جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋ جونىندە 4 ءتۇرلى قۋاتتامانى ورتاعا قويامىن. ءبىرىنشى، ىندەتكە ىنتىماقتاسا قارسى تۇرۋدا تاباندى بولۋ. ەكىنشى، ناقتى سەلبەستىكتى تەرەڭدەتۋ. ءۇشىنشى، جاسىل دامۋدى ىلگەرىلەتۋ. ءتورتىنشى، ادىلدىك پەن تۋراشىلدىقتى قورعاۋ
■ «جۇڭگو - افريكا سەلبەستىگىنىڭ 2035 – جىلعا دەيىنگى بولاشاقتىق جوباسىنىڭ» العاشقى 3 جىلدىق جوباسى رەتىندە، جۇڭگو افريكا ەلدەرىمەن تىعىز سايكەسىپ، «9 ءتۇرلى ينجەنەريانى» بىرگە اتقارادى. ءبىرىنشى، دەنساۋلىق ساقتاۋ، سالاماتتىق ينجەنەرياسى. ەكىنشى، كەدەيلەردى ازايتۋ، شارۋالارعا تيىمدىلىك جاساۋ ينجەنەرياسى. ءۇشىنشى، ساۋدانى جەبەۋ ينجەنەرياسى. ءتورتىنشى، قارجى قوسۋ ارقىلى قوزعاۋشىلىق ەتۋ ينجەنەرياسى. بەسىنشى، سيفرلى جاڭالىق اشۋ ينجەنەرياسى. التىنشى، جاسىل دامۋ ينجەنەرياسى. جەتىنشى، قابىلەت قۇرىلىسى ينجەنەرياسى. سەگىزىنشى، گۋمانيتارلىق اۋىس - كۇيىس ينجەنەرياسى. توعىزىنشى، بەيبىتشىلىك، حاۋىپسىزدىك ينجەنەرياسى
«حالىق گازەتى»، 11 - ايدىڭ 29 - كۇنى، بەيجيڭ (ءتىلشى ياڭ شۇن). مەملەكەت ءتوراعاسى شي جينپيڭ 11 - ايدىڭ 29 - كۇنى كەشتە بەيجيڭدە جۇڭگو - افريكا سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا بەينە ەكران تاسىلىمەن قاتىناستى.
حالىق سارايىنىڭ شىعىس زالىندا جۇڭگو مەن 53 افريكا ەلىنىڭ مەملەكەت تۋىنان، سونداي - اق افريكا وداعى تۋىنان قۇرالعان تۋلار شەبى ايبىندى دا دۋماندى بەينە اڭداتىپ، جۇڭگو مەن افريكانىڭ ۋاقىت وتكەن سايىن بەكەمدەلگەن دوستىق سۇيىسپەنشىلىگىن ايگىلەدى.
شي جينپيڭ «تار جول، تايعاق كەشۋلەردەن بىرگە ءوتىپ، بۇرىنعىعا مۇراگەر بولىپ، كەيىنگىگە جول اشىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرايىق» دەگەن تاقىرىپتا ارقاۋ لەكسيا جاسادى (لەكسيانىڭ تولىق مازمۇنىن حالىق گازەتىنى » 2 – بەتىنەن وقي الاسىزدار).
شي جينپيڭ بىلاي دەپ اتاپ كورسەتتى: بيىل − جۇڭگو مەن افريكانىڭ ديپلوماتيالىق قاتىناس ورناتقانىنىڭ 65 جىلدىعى. 65 جىلدان بەرى جۇڭگو مەن افريكا يمپەرياليزمگە، وتارشىلدىققا قارسى تۇرۋ كۇرەسىندە مىزعىماس باۋىرلاس دوستىق ورناتىپ، دامۋ، گۇلدەنۋ ساپارىندا ەرەكشەلىگى ايقىن سەلبەستىك جولىمەن ءجۇرىپ، قىم - قۋىت، كۇردەلى وزگەرىس جاعدايىندا ءوزارا كومەكتەسۋدىڭ تاماشا داستانىن جازىپ، جاڭاشا حالىقارالىق قاتىناس ورناتۋعا شۇعىلالى ۇلگى ورناتتى.
شي جينپيڭ بىلاي دەپ دارىپتەدى: جۇڭگو - افريكا قاتىناسى نە ءۇشىن جاقسى بولادى؟ جۇڭگو - افريكانىڭ دوستىعى نە ءۇشىن تەرەڭ؟ مۇنداعى شەشۋشى ءتۇيىن ەكى جاق ۇزاق ۋاقىتتان بەرى بەكەمدەلىپ كەلە جاتقان جۇڭگو - افريكا دوستىق سەلبەستىك رۋحىن، اتاپ ايتقاندا، «شىنايى دوستىق، تەڭ مامىلە جاساۋ، ءوزارا پايدا جەتكىزىپ، تەڭ يگىلىككە كەنەلۋ، بىرگە دامۋ، ادىلدىكتى جاقتاپ، تۋراشىلدىقتى قورعاۋ، اۋقىمعا سايكەسىپ، اشىق، سيىسىمدى بولۋ» رۋحىن سومدادى. بۇل − جۇڭگو مەن افريكانىڭ نەشە ون جىلدان بەرى بەينەت پەن زەينەتتى بىرگە وتكەرىپ، تىزە قوسا كۇرەس جۇرگىزۋىنىڭ ناقتى بەينەسى، جۇڭگو - افريكانىڭ دوستىق قاتىناسىنىڭ بۇرىنعىعا مۇراگەر بولىپ، كەيىنگىگە جول اشۋىنىڭ كۇش قاينارى.
شي جينپيڭ بىلاي دەپ اتاپ كورسەتتى: بيىل − جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەنىنىڭ 50 جىلدىعى. مەن كەزىندە جۇڭگونى قولداعان افريكالىق دوستارعا شىن جۇرەكتەن العىس ايتامىن! جۇڭگو افريكا ەلدەرىنىڭ تەرەڭ دوستىعىن ماڭگى ۇمىتپايدى، شىنايى، ادال بولۋ ۇستانىمى مەن دۇرىس ادىلەتتىلىك - مۇددە كوزقاراسىن ۇزدىكسىز ۇستانىپ، افريكاداعى دوستارىمەن بىرگە جۇڭگو - افريكا دوستىق سەلبەستىك رۋحىنىڭ ۇرپاقتان - ۇرپاققا جالعاسۋىنا، ساۋلەلەنۋىنە مۇمكىندىك جاسايدى.
شي جينپيڭ جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋ جونىندە 4 ءتۇرلى قۋاتتامانى ورتاعا قويدى.
ءبىرىنشى، ىندەتكە ىنتىماقتاسا قارسى تۇرۋدا تاباندى بولۋ. حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، عىلمي رۋحتى ساۋلەلەندىرىپ، ۆاكسينا ءبىلىم مەنشىك ۇقىعىنىڭ تەكتەلمەۋىن قولداپ، ۆاكسينانىڭ افريكاداعى جارامدىلىعى مەن قولجەتىمدى بولۋىن شىنايى قامتاماسىز ەتىپ، «يممۋنيتەت جىلعاسىن» جابۋ كەرەك.
ەكىنشى، ناقتى سەلبەستىكتى تەرەڭدەتۋ. ساۋدا جانە قارجى قوسۋ كولەمىن كەڭەيتىپ، كەدەيلەردى ازايتۋ، كەدەيلىكتەن ارىلتۋ تاجىريبەسىنەن بىرگە يگىلىكتەنىپ، سيفرلى ەكونوميكا سەلبەستىگىن كۇشەيتىپ، افريكادا جاستاردىڭ يگىلىك جاراتۋىن جانە ورتا، شاعىن كاسىپورىنداردىڭ دامۋىن جەبەۋ كەرەك. افريكا ەلدەرىنىڭ دۇنيە جۇزىلىك دامۋ باستاماسىنا بەلسەنە قولداۋ كورسەتۋىن قارسى الامىز.
ءۇشىنشى، جاسىل دامۋدى ىلگەرىلەتۋ. جاسىل، تومەن كومىرتەكتى بولۋ ۇستانىمىن دارىپتەپ، كۇن ەنەرگياسى، جەل ەنەرگياسى سياقتى تۋىندامالى ەنەرگيانى بەلسەنە دامىتىپ، كليمات وزگەرىسىنە توتەپ بەرۋ جونىندەگى «پاريج كەلىسىمىنىڭ» ءونىمدى اتقارىلۋىن ىلگەرىلەتىپ، باياندى دامۋ قابىلەتىن ۇزدىكسىز كۇشەيتۋ كەرەك.
ءتورتىنشى، ادىلدىك پەن تۋراشىلدىقتى قورعاۋ. دۇنيە ءجۇزى ناعىز كوپ جاقتىلىققا مۇقتاج. بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك − بۇكىل ادامزاتتىڭ ورتاق قۇندىلىعى، جۇڭگو مەن افريكانىڭ تالىقپاي تالپىناتىن ورتاق نىساناسى. ءبىز ءوزىمىزدىڭ مەملەكەت جاعدايىمىزعا ۇيلەسەتىن دامۋ جولىمەن ءجۇرۋدى قۋاتتايمىز، وركەندەپ كەلە جاتقان ەلدەردىڭ ۇقىق - مۇددەسىن قورعاۋعا كۇش سالامىز، ىشكى ىستەرگە كيلىگۋگە، ناسىلدىك كەمسىتۋشىلىككە، سىڭار جاقتى جازالاۋعا قارسى تۇرامىز. ءبىز وركەندەپ كەلە جاتقان ەلدەردىڭ ادىلەتتى قۋاتتاماسىندا باتىلدىقپەن تاباندى بولىپ، ورتاق ارىز - ارمانىمىز بەن ورتاق مۇددەمىزدى ورتاق ارەكەتكە اينالدىرۋىمىز كەرەك.
شي جينپيڭ بىلاي دەپ اتاپ كورسەتتى: «جۇڭگو - افريكا سەلبەستىگىنىڭ 2035 – جىلعا دەيىنگى بولاشاقتىق جوباسىنىڭ» العاشقى 3 جىلدىق جوباسى رەتىندە، جۇڭگو افريكا ەلدەرىمەن تىعىز سايكەسىپ، «9 ءتۇرلى ينجەنەريانى» بىرگە اتقارادى.
ءبىرىنشى، دەنساۋلىق ساقتاۋ، سالاماتتىق ينجەنەرياسى. جۇڭگو افريكا جاقتى تاعى دا ءبىر ميلليارد ۆاكسينامەن قامدايدى، مۇنىڭ ىشىندە 600 ميلليون ۆاكسينانى كومەك رەتىندە اقىسىز بەرەدى، 400 ميلليون ۆاكسينانى جۇڭگو كاسىپورىندارى مەن قاتىستى افريكا ەلدەرىنىڭ بىرلەسىپ ءوندىرۋى سياقتى تاسىلدەرمەن قامدايدى. جۇڭگو تاعى افريكا ەلدەرى ءۇشىن 10 ەمدەۋ، دەنساۋلىق ساقتاۋ نىسانىن كومەك رەتىندە اتقارىپ، افريكاعا ءبىر مىڭ 500 ەمدەۋ قىزمەتكەرى مەن الەۋمەتتىك دەنساۋلىق ساقتاۋ مامانىن جىبەرەدى.
ەكىنشى، كەدەيلەردى ازايتۋ، شارۋالارعا تيىمدىلىك جاساۋ ينجەنەرياسى. جۇڭگو افريكا ءۇشىن كەدەيلەردى ازايتۋ جانە اۋىل شارۋاشىلىعى بويىنشا 10 نىساندى كومەك رەتىندە اتقارىپ، 500 اۋىل شارۋاشىلىق مامانىن جىبەرىپ، جۇڭگودا ءبىر توپ جۇڭگو - افريكا وسى زامانعى اۋىل شارۋاشىلىق تەحنيكا اۋىس - كۇيىسىنەن ۇلگى كورسەتۋ جانە تاربيەلەۋ بىرلەسكەن ورتالىعىن قۇرىپ، جۇڭگو قۇرىلىمدارى مەن كاسىپورىندارىن افريكادا جۇڭگو - افريكا اۋىل شارۋاشىلىعىن دامىتۋدان جانە كەدەيلىكتى ازايتۋدان ۇلگى كورسەتۋ قىستاعىن قۇرۋعا ىنتالاندىرىپ، افريكاداعى جۇڭگو كاسىپورىندارىنىڭ قوعامدىق جاۋاپكەرلىك وداعى ارقىلى «ءجۇز كاسىپورىن مىڭ قىستاققا كومەكتەسۋ» قيمىلىن ورىستەتۋىنە قولداۋ كورسەتەدى.
ءۇشىنشى، ساۋدانى جەبەۋ ينجەنەرياسى. جۇڭگو افريكانىڭ اۋىل شارۋاشىلىق ونىمدەرىن جۇڭگوعا جەتكىزۋ ءۇشىن «جاسىل ارنا» قۇرىپ، الداعى 3 جىلدا افريكادان يمپورت ەتۋ جالپى سوماسىن 300 ميلليارد دوللارعا جەتكىزۋگە كۇش سالادى. جۇڭگو 10 ميلليارد دوللارلىق ساۋداداعى قارجى قۇراۋ سوماسىمەن قامداپ، ونى افريكانىڭ ەكسپورتىنا قولداۋ كورسەتۋگە جۇمسايدى، جۇڭگودا جۇڭگو مەن افريكانىڭ ەكونوميكا – ساۋدا جاعىنداعى تەرەڭ سەلبەستىگىندە الدىمەن اتقارىلاتىن رايون جانە «ءبىر بەلدەۋ، ءبىر جول» جۇڭگو - افريكا سەلبەستىك كاسىپ باقشاسىن قۇرادى. افريكاعا كومەك رەتىندە 10 قۇرىلعىلاردى تۇتاستىرۋ نىسانىن اتقارىپ، جۇڭگو - افريكا ەكونوميكالىق سەلبەستىگى ماماندار گرۋپپاسىن قۇرىپ، افريكا قۇرلىعىنىڭ ەركىن ساۋدا رايونى قۇرىلىسىن ۇزدىكسىز قولدايدى.
ءتورتىنشى، قارجى قوسۋ ارقىلى قوزعاۋشىلىق ەتۋ ينجەنەرياسى. جۇڭگو الداعى 3 جىلدا كاسىپورىنداردىڭ افريكاعا قوسقان جالپى قارجىسىنىڭ 10 ميلليارد دوللاردان كەم بولماۋىن ىلگەرىلەتىپ، «جۇڭگو - افريكا حالىقتىق قارجى قوسۋدى جەبەۋ تۇعىرىن» قۇرىپ، افريكا ءۇشىن 10 ونەركاسىپتەندىرۋ مەن جۇمىستاندىرۋدى جەبەۋ نىسانىن اتقارىپ، افريكا فينانس قۇرىلىمدارىن 10 ميلليارد دوللار سەنىمدىلىك نورماسىمەن قامداپ، جۇڭگو - افريكا شەكارا اتتاعان حالىق اقشاسى ورتالىعىن قۇرادى. جۇڭگو افريكاداعى ەڭ دامىماعان ەلدەردىڭ 2021 - جىلدىڭ سوڭىنا دەيىن ۋاقىتى تولىپ قايتارىلماعان ۇكىمەت ارالىق ءوسىمسىز قارىز اقشا بەرەشەگىن كەشىرىم ەتەدى، حالىقارالىق اقشا قورى ۇيىمى قوسىپ تاراتقان ەرەكشە اقشا الۋ ۇقىعىنان 10 ميلليارد دوللار شىعارىپ، افريكا ەلدەرىنە قارىز اقشا بەرۋدى قالايدى.
بەسىنشى، سيفرلى جاڭالىق اشۋ ينجەنەرياسى. جۇڭگو افريكاعا كومەكتەسىپ 10 سيفرلى ەكونوميكا نىسانىن اتقارىپ، جۇڭگو - افريكا جاساندى سەرىگىنىڭ الىستان اڭعارۋ، قولدانۋ سەلبەستىك ورتالىعىن قۇرىپ، جۇڭگو - افريكا بىرلەسكەن تاجىريبەحاناسىن، ارىپتەستىك زەرتتەۋ ورنىن، عىلىم - تەحنيكادا جاڭالىق اشۋ سەلبەستىك بازاسىن قۇرۋدى قولدايدى. جۇڭگو افريكا ەلدەرىمەن «جىبەك جولى ەلەكتروندىق ساۋداسى» سەلبەستىگىن قول ۇستاسا كەڭەيتىپ، افريكانىڭ جاقسى زات ساتىپ الۋ مەرەكەسى مەن ساياحات ەلەكتروندىق ساۋداسىن جالپىلاستىرۋ قيمىلىن وتكىزىپ، افريكانىڭ «100 دۇكەن مىڭ ءونىمدى تۇعىرعا شىعارۋ» ارەكەتىن اتقارادى.
التىنشى، جاسىل دامۋ ينجەنەرياسى. جۇڭگو افريكا ءۇشىن جاسىل بولۋ، ورتانى قورعاۋ جانە كليمات وزگەرىسىنە توتەپ بەرۋ بويىنشا 10 نىساندى اتقارىپ، «افريكانىڭ جاسىل ۇلى قورعانى» قۇرىلىسىن قولداپ، افريكادا تومەن كومىرتەكتى ۇلگى رايونىن جانە كليمات وزگەرىسىنە ۇيلەسۋدەن ۇلگى كورسەتۋ رايونىن قۇرادى.
جەتىنشى، قابىلەت قۇرىلىسى ينجەنەرياسى. جۇڭگو افريكاعا كومەكتەسىپ 10 مەكتەپتى جاڭادان سالادى نەمەسە دارەجەسىن جوعارىلاتادى، افريكاداعى جوعارى دەڭگەيدەگى 10 مىڭ دارىندىنى زەرتتەۋ - تالقىلاۋ قيمىلىنا قاتىناسۋعا ۇسىنىس ەتەدى. «كەلەشەكتەگى افريكا − جۇڭگو - افريكا كاسىپتىك وقۋ - اعارتۋ سەلبەستىگى جوسپارىن» اتقارىپ، «افريكادا وقىپ جاتقان وقۋشىلاردىڭ جۇمىستانۋىنا جان – جاقتى كومەكتەسۋ» قيمىلىن ورىستەتەدى. افريكا ەلدەرىمەن ۇزدىكسىز سەلبەسىپ «لۋبان شەبەرحاناسىن» قۇرىپ، افريكاداعى جۇڭگو كاسىپورىندارىن جەرگىلىكتى ورىنعا 800 مىڭنان كەم بولمايتىن جۇمىس ورنىن ازىرلەۋگە شابىتتاندىرادى.
سەگىزىنشى، گۋمانيتارلىق اۋىس - كۇيىس ينجەنەرياسى. جۇڭگو افريكاداعى ديپلوماتيالىق قاتىناس ورناتقان بارلىق ەلدىڭ جۇڭگو ازاماتتارىنىڭ ۇيىرمە ۇيىمداستىرىپ شەتەلگە ساياحاتتاۋىنداعى نىسانالى ەلگە اينالۋىن قولدايدى. جۇڭگودا افريكا كينو مەرەكەسىن، افريكادا جۇڭگو كينو مەرەكەسىن وتكىزەدى. جۇڭگو - افريكا جاستارىنا قىزمەت وتەۋ تالقى مىنبەرى مەن جۇڭگو - افريكا ايەلدەر تالقى مىنبەرىن وتكىزەدى.
توعىزىنشى، بەيبىتشىلىك، حاۋىپسىزدىك ينجەنەرياسى. جۇڭگو افريكاعا كومەك ءۇشىن بەيبىتشىلىك، حاۋىپسىزدىك سالاسى بويىنشا 10 نىساندى اتقارىپ، افريكا وداعىنا اسكەري كومەك بەرۋدى ۇزدىكسىز تياناقتاندىرىپ، افريكا ەلدەرىنىڭ وڭىرلىك حاۋىپسىزدىكتى دەربەس قورعاۋ جانە لاڭكەستىككە قارسى تۇرۋ قۇلشىنىسىن قولداپ، جۇڭگو - افريكا بەيبىتشىلىكتى قورعاۋ قوسىندارىنىڭ بىرلەسىپ جاتتىعۋ، ناق مايداندا تاربيەلەۋ، جەڭىل قارۋ - جاراقتى باسقارۋ - مەڭگەرۋ سەلبەستىگىن ورىستەتەدى.
شي جينپيڭ سوڭىندا بىلاي دەپ دارىپتەدى: مەن جۇڭگو، افريكا ەكى جاقتىڭ بىرگە قۇلشىنۋىندا، وسى رەتكى جۇڭگو - افريكا سەلبەستىك تالقى مىنبەرى ءماجىلىسىنىڭ، ءسوز جوق، تولىق تابىسقا جەتىپ، جۇڭگو مەن افريكاعى 2 ميلليارد 700 ميلليون حالىقتىڭ قۇدىرەتتى كۇشىن ۇيىستىرىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋدى ىلگەرىلەتەتىنىنە سەنەمىن.
جۇڭگو - افريكا سەلبەستىك تالقى مىنبەرىنىڭ افريكا جاقتاعى ورتاق ءتوراعا ەلى سەنەگالدىڭ زۇڭتۇڭى سال ۇستىندە قاتىناستى ءارى اشىلۋ سالتىن باسقاردى. كونگو دەموكراتيالىق رەسپۋبليكاسىنىڭ زۇڭتۇڭى چيسەكەدي، ەگيپەتتىڭ زۇڭتۇڭى سيسي، كومورونىڭ زۇڭتۇڭى ازالي، وڭتۇستىك افريكانىڭ زۇڭتۇڭى راماپوسا، افريكا وداعى كوميتەتىنىڭ ءتوراعاسى فاكي جانە بىرلەسكەن مەملەكەتتەر ۇيىمىنىڭ باس حاتشىسى گۋتتەرەس بەينە ەكران تاسىلىمەن ماجىلىسكە قاتىناستى. 53 افريكا ەلىنىڭ سىرتقى ىستەر مينيسترلەرى جانە سىرتقى ەكونوميكالىق سەلبەستىك ىستەرىنە جاۋاپتى مينيسترلەرى نەمەسە ۋاكىلدەرى، سونداي - اق ءبىر ءبولىم حالىقارالىق ۇيىمدار مەن وڭىرلىك ۇيىمداردىڭ ۋاكىلدەرى ماجىلىسكە قاتىناستى.
ماجىلىسكە قاتىناسقان افريكا جاقتىڭ باسشىلارى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنان بەرگى جۇڭگو مەن افريكانىڭ قاتىستى سالالارداعى سەلبەستىگىندە قول جەتكەن تابىستاردى تولىق تۇراقتاندىرىپ، جۇڭگونىڭ افريكا ەلدەرىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىندا ۆاكسينا سياقتى جاقتاردان قاستەرلى كومەك كورسەتكەنىن ايرىقشا القادى. ولار مىنانى ءبىلدىردى: افريكا مەن جۇڭگو ديپلوماتيالىق قاتىناس ورناتقان 65 جىلدان بەرى ەكى جاق باستان - اياق شىنايى دوس بولىپ، ىنتىماقتاسىپ، قارايلاسىپ، ءوزارا سەنىم ارتىپ، ءوزارا قۇرمەت ەتتى، افريكا مەن جۇڭگونىڭ ءداستۇرلى دوستىعى ءتۇرلى سىناقتارعا توتەپ بەرىپ، افريكا مەن جۇڭگونىڭ سەلبەستىگىندە ەرەكشە تاريحي جەتىستىكتەرگە قول جەتكىزىلدى، افريكا جاق مۇنى ماقتانىش ەتەدى. ءتوراعا شي جينپيڭ افريكا - جۇڭگو قاتىناسىنىڭ دامۋىن ىلگەرىلەتۋ جونىندەگى 4 ءتۇرلى قۋاتتامانى جانە افريكا مەن جۇڭگونىڭ ناقتى سەلبەستىگىن كۇشەيتۋ جونىندەگى «9 ءتۇرلى ينجەنەريانى» العا قويىپ، جۇڭگونىڭ افريكانىڭ ىندەتكە قارسى اتتانۋىنا جانە جاسىل، باياندى دامۋدى جۇزەگە اسىرۋىنا كومەكتەسۋ جونىندەگى شىنايى تىلەگى مەن باتىل قولداۋىن تاعى ءبىر رەت ايگىلەدى. افريكا جاق جۇڭگو جاقپەن ىنتىماقتى، دوستىقتى بەكەمدەپ، ءوزارا ءتيىمدى سەلبەستىكتى تەرەڭدەتىپ، «ءبىر بەلدەۋ، ءبىر جولدى» بەلسەنە بىرگە قۇرىپ، افريكا - جۇڭگو قاتىناسىنىڭ جاڭا ءداۋىرىن اشىپ، جاڭا داۋىردەگى افريكا - جۇڭگو تاعدىرلاس ورتاق تۇلعاسىن قۇرۋدى قالايدى. افريكا جاق جۇڭگونىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرگەنىنىڭ 50 جىلدىعىن قىزۋ قۇتتىقتايدى، ءبىر جۇڭگو ساياساتىن ۇزدىكسىز تاباندىلىقپەن اتقارىپ، جۇڭگونىڭ بىرلىككە كەلۋ ۇلى ءىسىن قولدايدى. افريكا جاق جۇڭگو جاق العا قويعان دۇنيە جۇزىلىك دامۋ قۋاتتاماسىن قولدايدى، جۇڭگونىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن ءساتتى وتكىزۋىن قولدايدى. افريكا جاق جۇڭگو جاقپەن قول ۇستاسا وتىرىپ كوپ جاقتىلىقتى قورعاۋدى، حالىقارالىق سايكەسۋدى، سەلبەسۋدى كۇشەيتۋدى، وركەندەپ كەلە جاتقان ەلدەردىڭ ورتاق مۇددەسىن قورعاۋدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى. افريكا - جۇڭگو دوستىعى جاساسىن! افريكا - جۇڭگو سەلبەستىگى جاساسىن!
ديڭ شۋەشياڭ، ياڭ جيەچى، حى ليفىڭ قاتارلىلار اشىلۋ سالتىنا قاتىناستى.
ۋاڭ ي سەنەگالدىڭ استاناسى داكاردا ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
