شي جينپيڭ كيپردىڭ زۇڭتۇڭى اناستاسياديسپەن تەلەفوندا سويلەستى
2021.12.01 16:03 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 30 - كۇنى، بەيجيڭ. جۇڭگو مەن كيپردىڭ ديپلوماتيالىق قاتىناس ورناتقانىنىڭ 50 جىلدىعىن قارسى الۋ قارساڭىندا، مەملەكەت ءتوراعاسى شي جينپيڭ 11 - ايدىڭ 30 - كۇنى كيپردىڭ زۇڭتۇڭى اناستاسياديسپەن تەلەفوندا سويلەستى. ەكى ەل باسشىلارى جۇڭگو مەن كيپر ديپلوماتيالىق قاتىناس ورناتقان 50 جىلدان بەرگى قاتىناستىڭ دامۋىنا جوعارى باعا بەرىپ، جۇڭگو - كيپر قاتىناسىن ستراتەگيالىق سەرىكتەستىك قاتىناسقا كوتەرۋدى ءبىر اۋىزدان ۇيعاردى.
شي جينپيڭ بىلاي دەپ اتاپ كورسەتتى: جۇڭگو مەن كيپر ديپلوماتيالىق قاتىناس ورناتقان 50 جىلدان بەرى ۇلكەندى - كىشىلى ەلدەردىڭ دوستىق قاتىناسىنىڭ ۇلگىسىن ءساتتى سومدادى. ساياسي جاقتا ەكى ەل ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىن باتىل قولدادى، ءبىر - بىرىنە سەنەتىن دوستاردان بولىپ وتىر؛ ەكونوميكالىق جاقتا ەكى ەل ەنەرگيا، تەلەگراف سياقتى سالالارداعى سەلبەستىكتە قوماقتى ناتيجەگە قول جەتكىزىپ، «ءبىر بەلدەۋ، ءبىر جولدى» بىرگە قۇراتىن سەرىكتەردەن بولىپ وتىر؛ ەكى ەلدىڭ گۋمانيتارلىق، وقۋ - اعارتۋ، ساياحات سياقتى سالالارداعى اۋىس - كۇيىسى مەن سەلبەستىگى دە كۇن سايىن جيىلەي ءتۇستى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن ەكى جاق ءبىرىن - ءبىرى قولداپ، تار جول، تايعاق كەشۋلەردەن بىرگە ءوتتى، جۇڭگو - كيپر قاتىناسىنىڭ ستراتەگيالىق سيپاتى كۇن سايىن كورنەكتىلەندى. جۇڭگو مەن كيپر ديپلوماتيالىق قاتىناس ورناتقانىنىڭ 50 جىلدىعى قارساڭىندا ستراتەگيالىق سەرىكتەستىك قاتىناس ورناتقانىن رەسمي جاريالادى، بۇل − ەكى ەلدىڭ ءداۋىردىڭ دامۋ اۋقىمىنا سايكەسىپ جاساعان ساياسي شەشىمى، ەكى جاقتى قاتىناستىڭ بولاشاق دامۋىنا، ءسوز جوق، قۇدىرەتتى قوزعاۋشى كۇش قوسادى.
شي جينپيڭ جاڭا باستامادا تۇرعان جۇڭگو - كيپر قاتىناسىنىڭ دامۋى جونىندە 4 ءتۇرلى ۇسىنىس قويدى. ءبىرىنشى، تەڭ تۇرعىدا مامىلە جاساۋ جولىندا تاباندى بولىپ، ەكى ەل حالىقتارىنىڭ دەربەس تاڭداعان قوعامدىق ءتۇزىمى مەن دامۋ جولىنا، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتۋ كەرەك. ەكىنشى، ءوزارا ءتيىمدى سەلبەستىكتىڭ تەرەڭدەۋىن، ناقتىلانۋىن ىلگەرىلەتىپ، «ءبىر بەلدەۋ، ءبىر جولدى» بىرگە قۇرۋ سەلبەستىگىن تەرەڭدەتۋ كەرەك. جۇڭگو جاق كيپردىڭ اناعۇرلىم كوپ ساپالى اۋىل شارۋاشىلىق ونىمدەرىنىڭ جۇڭگو بازارىنا كىرگەنىنە قۋانىپ وتىر، جۇڭگو كاسىپورىندارىن كيپردىڭ جاسىل ەكونوميكاسىنا، سيفرلاندىرۋعا بۇرىلىس جاساۋىنا، ىندەتتەن كەيىن دامۋدى قالپىنا كەلتىرۋىنە بەلسەنە ات سالىسۋعا ىنتالاندىرادى، كيپر جاقتىڭ دۇنيە جۇزىلىك دامۋ باستاماسىنا بەلسەنە ات سالىسۋىن قارسى الامىز. ءۇشىنشى، جۇڭگو - ەۆروپا قاتىناسىنىڭ دۇرىس دامۋ بەتالىسىن قورعاۋ كەرەك. جۇڭگو مەن ەۆروپا − جان - جاقتى ستراتەگيالىق سەرىكتەر، سەلبەستىكتىڭ ۇلكەن بەتالىسىن بەكەمدەۋ كەرەك. جۇڭگو ەۆروپامەن بۇكپەسىز پىكىرلەسىپ، الاۋىزدىقتاردى ۇيلەسىمدى ءبىر جاقتى ەتۋدى قالايدى. كيپردىڭ ەۆروپا وداعىنىڭ جۇڭگومەن بىرگە جۇڭگو - ەۆروپا قاتىناسىنىڭ دۇرىس ارنامەن اقاۋسىز، ورنىقتى دامۋىنا كەپىلدىك ەتۋىن ىلگەرىلەتۋىن ءۇمىت ەتەمىن. ءتورتىنشى، ءادىل، ۇيلەسىمدى حالىقارالىق ءتارتىپتى دارىپتەۋ كەرەك. دەموكراتيا − بۇكىل ادامزاتتىڭ ورتاق قۇندىلىعى، تەك ءبىر ءتۇرلى كۇي، ءبىر ءتۇرلى ولشەم عانا بولمايدى، ونى ءىشىنارا ەلدەردىڭ مونوپولداپ تۇسىندىرۋىنە جانە باسقالارعا زورلاپ تاڭۋىنا بولمايدى. جۇڭگو كيپردى قامتىعان حالىقارالىق قوعاممەن بىرگە ادىلدىك پەن ادىلەتتىلىكتى قورعاپ، حالىقارالىق قاتىناستىڭ دەموكراتيالانۋىن ىلگەرىلەتىپ، ءار ەل حالىقتارىنىڭ اناعۇرلىم كەڭ، اناعۇرلىم تولىق ۇقىق پەن ەركىندىكتەن شىنايى يگىلىكتەنۋىنە مۇمكىندىك جاساۋدى قالايدى.
اناستاسياديس مىنانى ءبىلدىردى: كيپر مەن جۇڭگو ديپلوماتيالىق قاتىناس ورناتقان 50 جىلدان بەرى ەكى جاق باستان - اياق ءبىرىن - ءبىرى ءتۇسىنىپ، ءبىرىن - ءبىرى قولداپ كەلدى، ساياسي، ەكونوميكا، قوعام سياقتى سالالارداعى سەلبەستىك كۇن سايىن تەرەڭدەپ، بەلسەندى تابىستارعا قول جەتكىزىلدى. جۇڭگو − كيپردىڭ ماڭىزدى سەرىگى جانە دوسى. بۇگىن تەلەفوندا سويلەسكەننەن كەيىن ەكى جاقتىڭ بىرلەسكەن مالىمدەمە جاريالاپ، كيپر مەن جۇڭگونىڭ ستراتەگيالىق سەرىكتەستىك قاتىناسىن ورناتقانىن رەسمي جاريالاماق بولعانىنا توتەنشە قۋانىشتامىن، بۇل ەكى ەل قاتىناسى جونىنەن بەلەستىك مانگە يە. كيپر جاق ءبىر جۇڭگو ساياساتىن باتىل اتقارادى، جۇڭگونىڭ وزەكتى مۇددە ماسەلەسىندەگى تۇرعىسىن باتىل قولدايدى، جۇڭگومەن جوعارى جىكتەگىلەردىڭ بارىس - كەلىسىن كۇشەيتىپ، «ءبىر بەلدەۋ، ءبىر جول» جۇلگەسىندە ساۋدا، قارجى قوسۋ، گۋمانيتارلىق، ساياحات سياقتى سالالارداعى سەلبەستىكتى نىعايتىپ، كيپر - جۇڭگو قاتىناسىنىڭ ءتىپتى دە جاقسى دامۋىن ىلگەرىلەتۋدى قالايدى. كيپر جۇڭگونىڭ حالىقارالىق ىستەردە ءادىل تۇرعىدا تۇرعانىن القايدى، جۇڭگومەن كوپ جاقتى قاتىناستى، سەلبەستىكتى ۇزدىكسىز كۇشەيتۋدى قالايدى. كيپر ەۆروپا وداعىنىڭ جۇڭگومەن پىكىرلەسۋ مەن سەلبەستىكتى كۇشەيتۋىن بەلسەنە جەبەۋدى قالايدى.
ەكى ەل باسشىلارى تەلەفوندا سويلەسكەننەن كەيىن ەكى جاق «جۇڭحۋا حالىق رەسپۋبليكاسى مەن كيپر رەسپۋبليكاسىنىڭ ستراتەگيالىق سەرىكتەستىك قاتىناس ورناتۋ جونىندەگى بىرلەسكەن مالىمدەمەسىن» جاريالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
