لي كىچياڭ رەسەيدىڭ زۇڭليى ميشۋستينمەن بىرگە جۇڭگو – رەسەي زۇڭليلارىنىڭ 26 – رەتكى مەرزىمدى ديدارلاسۋىن باسقاردى
حان جىڭ قاتىناستى
2021.12.01 16:06 كەلۋ قاينارى : حالىق تورابى
مەملەكەتتىك كەڭەستىڭ زۇڭليى لي كىچياڭ 11 - ايدىڭ 30 - كۇنى تۇستەن كەيىن بەيجيڭدەگى حالىق سارايىندا رەسەيدىڭ زۇڭليى ميشۋستينمەن بىرگە جۇڭگو – رەسەي زۇڭليلارىنىڭ 26 – رەتكى مەرزىمدى ديدارلاسۋىن باسقاردى. ديدارلاسۋ بەينە ەكران ارقىلى وتكىزىلدى.
مەملەكەتتىك كەڭەس زۇڭليىنىڭ ورىنباسارى، جۇڭگو - رەسەي قارجى قوسۋ سەلبەستىك كوميتەتىنىڭ، ەنەرگيا سەلبەستىك كوميتەتىنىڭ ءتوراعاسى حان جىڭ قاتىناستى. سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
«حالىق گازەتى»، 11 - ايدىڭ 30 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 11 - ايدىڭ 30 - كۇنى تۇستەن كەيىن حالىق سارايىندا رەسەيدىڭ زۇڭليى ميشۋستينمەن بىرگە جۇڭگو – رەسەي زۇڭليلارىنىڭ 26 – رەتكى مەرزىمدى ديدارلاسۋىن باسقاردى. ديدارلاسۋ بەينە ەكران تاسىلىمەن وتكىزىلدى.
مەملەكەتتىك كەڭەس زۇڭليىنىڭ ورىنباسارى، جۇڭگو - رەسەي قارجى قوسۋ سەلبەستىك كوميتەتىنىڭ، ەنەرگيا سەلبەستىك كوميتەتىنىڭ ءتوراعاسى حان جىڭ قاتىناستى.
لي كىچياڭ مىنانى ءبىلدىردى: جۇڭگو مەن رەسەي ءبىر – ءبىرىنىڭ ەڭ ۇلكەن كورشىسى، ءبىر – ءبىرىنىڭ دامۋ ورايى، ءبىر – ءبىرىنىڭ دۇنيە جۇزىلىك سەرىگى. جۇڭگو رەسەيمەن قاتىناسىن دامىتۋعا باسا ءمان بەرەدى. بيىل − «جۇڭگو - رەسەي تاتۋ كورشى دوستىق سەلبەستىك شارتىنا» قول قويىلعانىنىڭ 20 جىلدىعى، ءتوراعا شي جينپيڭ مەن پۋتين زۇڭتۇڭ بىرلەسكەن مالىمدەمە جاريالاپ، «شارتتىڭ» ۋاقىتىن ۇزارتۋدى ۇيعارىپ، «شارتقا» تىڭ مازمۇن قوستى. ەكى جاق جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن بەلسەنە جەڭىپ، ەكى جاقتى ساۋدانىڭ قيىن – قىستاۋ جاعدايدا جوعارىلاۋىن ىلگەرىلەتىپ، سەلبەستىكتىڭ عىلىم – تەحنيكالىق ۇلەسىن كورنەكتى جوعارىلاتىپ، كەلەلى سەلبەستىك نىساندارىن قاتار ىلگەرىلەتىپ، ەكى ەلدىڭ ءار سالاداعى سەلبەستىگىندە تىڭ ومىرشەڭدىك كۇش بايقاتتى.
لي كىچياڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە دۇنيە جۇزىندە قايتالانۋدا، دۇنيە ءجۇزى ەكونوميكاسى بۇراڭ جولمەن قالپىنا كەلۋدە، حالىقارالىق جاعدايداعى ورنىقسىز، تۇراقسىز فاكتورلار كوبەيۋدە. جۇڭگو مەن رەسەيدىڭ ەكەۋى دە − دۇنيە جۇزىندەگى نەگىزگى ەكونوميكالىق تۇلعا جانە بازارى جاڭادان گۇلدەنگەن ەلدەر، ەكى جاق كوپ جاقتىلىقتا تاباندى بولىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاۋ جاعىندا ستراتەگيالىق ورتاق تانىمعا يە. جۇڭگو رەسەيمەن پىكىرلەسۋدى، سايكەسۋدى اناعۇرلىم كۇشەيتىپ، سەلبەستىك كومەسكى كۇشىن قاۋلاتىپ، سەلبەستىك دەڭگەيىن جوعارىلاتۋدى قالايدى. ىندەتكە قول ۇستاسا سوققى بەرىپ، حالىقارالىق كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قورعاپ، باياندى دامۋدى ىلگەرىلەتىپ، دۇنيە ءجۇزى ەكونوميكاسىنىڭ ورنىقتى قالپىنا كەلۋىن جەبەۋدە، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدا اناعۇرلىم زور رول اتقارۋ كەرەك.
لي كىچياڭ مەن ميشۋستين حان جىڭ، مەملەكەتتىك كەڭەس زۇڭليىنىڭ ورىنباسارى، جۇڭگو - رەسەي گۋمانيتارلىق سەلبەستىك كوميتەتىنىڭ ءتوراعاسى سۇن چۇنلان، مەملەكەتتىك كەڭەس زۇڭليىنىڭ ورىنباسارى، جۇڭگونىڭ شىعىس سولتۇستىك رايونى مەن رەسەيدىڭ قيىر شىعىسى جانە بايقال رايوندىق ۇكىمەت ارالىق سەلبەستىك كوميتەتىنىڭ ءتوراعاسى حۋ چۇنحۋا، سونداي - اق قاتىستى مەحانيزمدەردىڭ رەسەي جاقتاعى جاۋاپتىسى، رەسەي زۇڭليىنىڭ ءبىرىنشى ورىنباسارى بەلوۋسوۆ، رەسەي زۇڭليىنىڭ ورىنباسارلارى گولكوۆا، نوۆاك، ترۋتنەۆ، چەرنەشەنكو قاتارلىلاردىڭ قىزمەت مالىمەتىن تىڭدادى.
ەكى ەل زۇڭليلارى ەكى جاقتىڭ كوميتەتتەرىنىڭ ءبىر جىلدان بەرگى جوعارى ءونىمدى، ناقتى قىزمەتتەرىن تولىق تۇراقتاندىردى. لي كىچياڭ مىنانى ءبىلدىردى: ەكى جاق ءبىرىن – ءبىرى تولىقتاۋ ابزالدىعىنان ويداعىداي پايدالانىپ، ەكى ەل اراسىنداعى كاسىپ، تەحنيكا، بايلىق سياقتى اينالىستاردى ىركىلىسسىزدەندىرۋى كەرەك. ۇلاستىرۋ - تۇتاستىرۋ سەلبەستىگىن كۇشەيتىپ، ساۋداعا قارجى قوسۋدىڭ قولايلىلانۋىن جەبەپ، ءوزارا بازارعا كىرۋ رۇقساتىن ونان ارى كەڭەيتىپ، حاۋىپسىز، ورنىقتى كاسىپ تىزبەگى مەن قامداۋ تىزبەگى جۇيەسىن ورناتۋ كەرەك. نەگىزدىك زەرتتەۋ، عىلمي زەرتتەۋ جەتىستىكتەرىن وندىرگىش كۇشكە اينالدىرۋ، دارىندىلاردى بىرلەسىپ تاربيەلەۋ سياقتى باعىتتاعى سەلبەستىكتى تەرەڭدەتىپ، ءىرى ساندى مالىمەت، جاساندى زەردە سياقتى الدىڭعى لەكتىك كاسىپ سالالارىندا سەلبەستىكتى كۇشەيتىپ، ناقتى سەلبەستىكتىڭ ساپالى جانە باياندى دامۋىن ىلگەرىلەتۋ كەرەك. ءداستۇرلى ەنەرگيا سەلبەستىگىنىڭ ساقتالۋ مولشەرىن بەكەمدەپ، جوعارى، ورتا، تومەنگى اعارداعى تۇتاس كاسىپ تىزبەگى سەلبەستىگىن ىلگەرىلەتىپ، مۇناي، تابيعي گاز، ەلەكتر سياقتىلارمەن ۇزاق ۋاقىت ورنىقتى قامداۋدى قامتاماسىزداندىرىپ، ەنەرگيا حاۋىپسىزدىگى مەن تومەن كومىرتەكتى تيپكە بۇرىلىس جاساۋعا تەڭ ءمان بەرىپ، تۋىندامالى ەنەرگيا سەلبەستىگىنىڭ جاڭا بەتالىسىن كەڭەيتۋ جونىندە ىزدەنىس جاساپ، اناعۇرلىم تىعىز ەنەرگيا سەرىكتەستىك قاتىناسىن قالىپتاستىرۋ كەرەك. كەلەر جىلى، ونىڭ ارعى جىلى جۇڭگو مەن رەسەيدىڭ دەنەتاربيە اۋىس - كۇيىس جىلىن وتكىزۋدى وراي ەتىپ، وقۋ - اعارتۋ، مادەنيەت، جاستار، دەنساۋلىق ساقتاۋ، دەنەتاربيە سياقتى سالالارداعى سەلبەستىكتى تەرەڭدەتىپ، ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا جەلى ءىشى - سىرتىن ۇشتاستىرۋ سياقتى جاڭالىق اشۋ تاسىلدەرىمەن اۋىس - كۇيىس، سەلبەستىك ورىستەتىپ، ەكى ەل دوستىعىنىڭ حالىق رايى نەگىزىن بەكەمدەۋ كەرەك. ەكى جاقتىڭ سەلبەستىكتى كۇشەيتىپ، سىن - سايىستى جەڭىپ، تىعىز قاتىناستى ساقتاۋى ارقىلى جۇڭگو مەن رەسەيدىڭ ناقتى سەلبەستىگىندە، ءسوز جوق، اناعۇرلىم مول تابىستارعا قول جەتكىزىلەتىنىنە سەنەمىن.
ميشۋستين مىنانى ءبىلدىردى: رەسەي مەن جۇڭگونىڭ جالپى بەتتىك ستراتەگيالىق سەلبەستىك سەرىكتەستىك قاتىناسى تاريحتاعى ەڭ جوعارى دەڭگەيدە تۇر ءارى ۇزدىكسىز جەدەل دامۋدا. ەكى جاقتىڭ سەلبەستىك كوميتەتتەرىنىڭ پارمەندى جەبەۋىندە رەسەي مەن جۇڭگونىڭ ءار سالاداعى ناقتى سەلبەستىگى ۇزدىكسىز كەڭەيدى. رەسەي جۇڭگومەن بىرگە ەكى ەل باسشىلارىنىڭ ورتاق تانىمىن تياناقتاندىرىپ، ەكى جاقتىڭ ىندەتكە قارسى اتتانۋ، سونداي - اق ساۋدا، قارجى قوسۋ، فينانس، ەنەرگيا، اۋىل شارۋاشىلىعى، عىلىم - تەحنيكا، اۆياتسيا، عارىش، گۋمانيتارلىق، جەرگىلىكتى ورىندار سياقتى سالالارداعى سەلبەستىگىن تەرەڭدەتىپ، ەۆروپا - ازيا ەكونوميكالىق وداعىنىڭ «ءبىر بەلدەۋ، ءبىر جولمەن» ۇشتاسۋىن كۇشەيتىپ، ەكى ەلدىڭ ءداستۇرلى دوستىعىن بەكەمدەپ، رەسەي مەن جۇڭگونىڭ جان - جاقتى سەلبەستىگىنە ۇزدىكسىز تىڭ قوزعاۋشى كۇش قوسۋدى قالايدى. ەكى جاق ءوزارا قۇرمەت ەتۋ، ءوزارا سەنۋ، تەڭدىك، ءوزارا تيىمدىلىك نەگىزىندە سىرتقى قىسىم مەن سىن - سايىسقا بىرگە توتەپ بەرىپ، بىرگە دامۋدى قول ۇستاسا جۇزەگە اسىرۋى كەرەك. رەسەي جۇڭگونىڭ بەيجيڭ قىسقى وليمپيادا سپورت جارىسىن وتكىزۋىن قولدايدى.
ەكى ەل زۇڭليلارى «جۇڭگو - رەسەي زۇڭليلەرىنىڭ 26 - رەتكى مەرزىمدى ديدارلاسۋىنىڭ بىرلەسكەن مازمۇنداماسىن» جانە ەكى جاقتىڭ وڭىرلىك ەكونوميكالىق سەلبەستىك، سيفرلى ەكونوميكا، كەدەن سياقتى سالالارداعى سەلبەستىك قۇجاتتارىن ماقۇلداعانىن جاريالادى.
مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
