ەلىمىزدەگى دىندەردىڭ جۇڭگوشالانۋ باعىتىندا تاباندى بولايىق
− باس شۋجي شي جينپيڭنىڭ مەملەكەتتىك ءدىن قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
2021.12.06 16:41 كەلۋ قاينارى : حالىق تورابى
ەلىمىزدەگى دىندەردىڭ جۇڭگوشالانۋ باعىتىندا تاباندى بولۋ − ەلىمىزدەگى دىندەردىڭ دامۋىندا، ءسوز جوق، باسىپ وتەتىن جولى. مەملەكەتتىك ءدىن قىزمەتى ماجىلىسىندە باس شۋجي شي جينپيڭ «ءسوز جوق، ەلىمىزدىڭ ءدىندى جۇڭگوشالاندىرۋ بەتالىسىندا تاباندى بولۋ» كەرەكتىگىن دارىپتەپ، «ەلىمىزدىڭ ءدىندى جۇڭگوشالاندىرۋدى ىشكەرىلەي ىلگەرىلەتۋىندەگى» ايقىن تالابىن العا قويدى، بۇل جاڭا داۋىردەگى پارتيانىڭ ءدىن قىزمەتىن ويداعىداي ىستەۋ، دىنگە سەنەتىن بۇقارانى قالىڭ حالىق بۇقاراسىمەن بىرگە سوتسياليستىك وسىزاماندانعان قۇدىرەتتى ەل قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ىنتىماقتاسا كۇرەس جۇرگىزۋگە اناعۇرلىم ويداعىداي ۇيىمداستىرۋ جانە جەتەكتەۋ جونىنەن توتەنشە ماڭىزدى مانگە يە.
ەلىمىزدەگى دىندەر دامۋ بارىسىندا ەجەلدەن جۇڭگونىڭ تاڭداۋلى ءداستۇرلى مادەنيەتىمەن توعىسۋ، قوعام دامۋىنىڭ رەال قاجەتىمەن سايكەسۋ ەرەكشەلىگىنە يە بولدى. دىندەر ۇزاق ۋاقىتتان بەرى جۇڭگوشالانۋ، جەرگىلىكتى سيپات الۋ داستۇرىنە مۇراگەرلىك ەتىپ جانە ونى ساۋلەلەندىرىپ، قوعامعا ىرىقتىلىقپەن سايكەسىپ، وتاندى، ءدىندى ءسۇيۋ، ىنتىماقتاسا العا باسۋ، قوعامعا قىزمەت وتەۋ، جاراسىمدى، سيىسىمدى بولۋ سىندى تاڭداۋلى ءداستۇردى ساۋلەلەندىرىپ، مەملەكەت مۇددەسىن، قوعامدىق الەۋمەتتىك مۇددەنى جانە الەۋمەتتىك ءتارتىپتى، تاماشا سالت - سانانى سانالى تۇردە قورعاپ، قوعامدىق جاۋاپكەرلىكتى ۇستىنە الدى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانىڭ ءدىن قىزمەتى جونىندەگى نەگىزگى باعىتىندا، ەلىمىزدەگى دىندەردىڭ جۇڭگوشالانۋ بەتالىسىندا تاباندى بولىپ، ءدىندى سوتسياليستىك قوعامعا سايكەسۋگە بەلسەنە جەتەكتەدى، ءدىننىڭ جۇڭگوشالانۋى بىرتىندەپ تەرەڭدەدى. اماليات جۇڭگوشالانۋ بەتالىسىندا تاباندى بولعان ءدىن عانا، جۇڭگوشالانۋدى جۇزەگە اسىرعان ءدىن عانا ەلىمىزدىڭ سوتسياليستىك قوعامىنا اناعۇرلىم ويداعىداي سايكەسىپ، ەلىمىز قوعامىنىڭ دامۋى مەن العا باسۋىندا بەلسەندى رول اتقارا الاتىنىن دالەلدەدى.
ءدىننىڭ ءوزى ءومىر سۇرگەن قوعامعا سايكەسۋى − دۇنيە جۇزىندەگى دىندەردىڭ ءومىر ءسۇرۋىنىڭ، دامۋىنىڭ وبيەكتيۆ زاڭدىلىعى ءارى ەلىمىزدەگى دىندەردىڭ اقاۋسىز جالعاسۋىنىڭ تابيعي تالابى. مەيلى جەرگىلىكتى ءدىن بولسىن، الدە سىرتتان كەلگەن ءدىن بولسىن، ەلىمىزدىڭ قوعامدىق دامۋىنا ۇزدىكسىز ۇيلەسىپ، ءداۋىردىڭ مازمۇنىن تولىقتاۋى كەرەك. ءسوز جوق، مىنانى جەتە تانۋ كەرەك: وزەكتى قۇن كوزقاراسى − ءبىر ۇلتتىڭ ارقا سۇيەيتىن رۋحاني دانەكەرى، ءبىر مەملەكەتتىڭ ورتاق يدەيالىق، ءمورالدىق نەگىزى، مادەنيەت جاعىنداعى شىنايى مويىنداۋ − ەڭ تەرەڭ ساتىداعى شىنايى مويىنداۋ، ەلىمىزدە ءدىندى جۇڭگوشالاندىرۋ باعىتىندا تاباندى بولۋدا سوتسياليستىك وزەكتى قۇن كوزقاراسى ارقىلى جەتەكشىلىك ەتىپ، جۇڭحۋا مادەنيەتى ارقىلى ەلىمىزدەگى دىندەردى نارلەندىرىپ، ءارقايسى ءدىننىڭ ءدىني تاعىلىم، ءدىني قاعيدالارداعى قوعامنىڭ جاراسىمدىلىعىنا، ءداۋىردىڭ العا باسۋىنا، اقاۋسىز وركەنيەتكە ءتيىمدى مازمۇنداردى ىشكەرىلەي اشۋىنا قولداۋ كورسەتىپ، قازىرگى زامانعى جۇڭگونىڭ دامۋ، العا باسۋ تالابىنا، جۇڭحۋانىڭ تاڭداۋلى ءداستۇرلى مادەنيەتىنە ۇيلەسەتىن تۇسىنىك جاساپ، ەلىمىزدەگى دىندەردىڭ جۇڭگو ەرەكشەلىگىنە، جۇڭگو ستيلىنە، جۇڭگو ايبىنىنا يە بولۋىنا مۇمكىندىك جاساۋ كەرەك. ءدىن قىزمەتى پارتيا مەن مەملەكەت قىزمەتىنىڭ جالپى جاعدايىندا ەرەكشە ماڭىزعا يە، جۇڭگوشا سوتسياليزم ىستەرىنىڭ دامۋىنا، پارتيانىڭ حالىق بۇقاراسىمەن ەتەنە بايلانىسىنا، قوعامنىڭ جاراسىمدىلىعىنا، ۇلتتاردىڭ ىنتىماعىنا، مەملەكەتتىڭ حاۋىپسىزدىگى مەن وتاننىڭ تۇتاستىعىنا سايادى، ەلىمىزدەگى دىندەردىڭ جۇڭگوشالانۋ بەتالىسىندا تاباندى بولۋدا دەربەس، ءوز - وزىنە قوجا بولۋ، ءوزىن - ءوزى باسقارۋ پرينسيبىندە تاباندى بولىپ، ءدىن ىستەرىن زاڭ بويىنشا باسقارىپ، ءدىننىڭ ۇيلەسىمدىلىگىن، قوعامنىڭ جاراسىمدىلىعىن، ۇلتتاردىڭ تاتۋلىعىن جەبەۋ كەرەك.
جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ۇدەرە العا تارتىپ، ءدىن قىزمەتىنىڭ جاڭا جاعدايىن قۇلشىنا اشۋدا يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن سانالى تۇردە بىرلىككە كەلتىرىپ، ءىس جۇزىندىك جاعدايمەن ۇشتاستىرىپ، تياناقتاندىرۋدى ويداعىداي يگەرۋ كەرەك. ەلىمىزدەگى دىندەردىڭ جۇڭگوشالانۋىن ىشكەرىلەي ىلگەرىلەتىپ، ەلىمىزدەگى دىندەردىڭ سوتسياليستىك وزەكتى قۇن كوزقاراسىن جەتەكشى ەتۋىنە جەتەكشىلىك ەتىپ جانە قولداۋ كورسەتىپ، ءدىن سالاسىنداعى قايراتكەرلەر مەن دىنگە سەنەتىن بۇقارانىڭ ۇلى وتان، جۇڭحۋا ۇلتى، جۇڭحۋا مادەنيەتى، جۇڭگو كوممۋنيستىك پارتياسى، جۇڭگوشا سوتسياليزم جونىندەگى شىنايى مويىنداۋىن كۇشەيتۋ كەرەك. ءدىن سالاسىندا وتانشىلدىق، كوللەكتيۆشىلدىك، سوتسياليزم تاربيەسىن ورىستەتىپ، پارتيا تاريحى، جاڭا جۇڭگو تاريحى، رەفورما جاساپ، ەسىك اشۋ تاريحى، سوتسياليزمنىڭ دامۋ تاريحى تاربيەسىن باعىتتامالى تۇردە كۇشەيتىپ، ءدىن سالاسىنداعى قايراتكەرلەر مەن دىنگە سەنەتىن بۇقارانى سوتسياليستىك وزەكتى قۇن كوزقاراسىن جەتىلدىرۋگە جانە امالياتتا ايگىلەۋگە جەتەكتەپ، جۇڭحۋا مادەنيەتىن ساۋلەلەندىرۋ كەرەك. جالپى تۇلعالىق مەملەكەت حاۋىپسىزدىگى كوزقاراسىندا، دەربەس، ءوز - وزىنە قوجا بولۋ، ءوزىن - ءوزى باسقارۋ پرينسيبىندە تاباندى بولىپ، قاتىستى قىزمەتتەردى ءبىر تۇتاس جوسپارلاپ ىلگەرىلەتۋ كەرەك. ينتەرنەتتەگى ءدىن ىستەرىن باسقارۋدى كۇشەيتۋ كەرەك. ەلىمىزدەگى دىندەردىڭ اقاۋسىز جالعاسۋىنا ىقپال جاسايتىن كورنەكتى ماسەلەلەردى شىن مانىندە شەشۋ كەرەك.
ىنتىماق − كۇش. ءدىني سەنىم ەركىندىگى ساياساتىن اتقارۋدىڭ شىعار ءتۇيىنى مەن تابان تىرەر تياناعى − دىنگە سەنەتىن جانە دىنگە سەنبەيتىن بۇقارانى مۇمكىندىكتىڭ بارىنشا ىنتىماقتاستىرۋ. دىنگە سەنەتىن بۇقارا مەن دىنگە سەنبەيتىن بۇقارانىڭ ساياسي، ەكونوميكالىق جاقتاعى ءتۇبىرلى مۇددەسى بىردەي، ءبارى دە پارتيانىڭ بيلىك جۇرگىزۋىنىڭ بۇقارالىق نەگىزى. جاڭا جورىقتا پارتيانىڭ ءدىن قىزمەتى جونىندەگى نەگىزگى باعىتىندا، ەلىمىزدىڭ ءدىندى جۇڭگوشالاندىرۋ بەتالىسىندا تاباندى بولىپ، ءدىندى سوتسياليستىك قوعامعا سايكەسۋگە بەلسەنە جەتەكتەپ، پارتيانىڭ ءدىني سەنىم ەركىندىگى ساياساتىن تولىق، دۇرىس، جاپپاي دايەكتىلەندىرىپ، ءدىننىڭ قوعامعا اناعۇرلىم ويداعىداي ۇيلەسۋىن، قوعامعا قىزمەت وتەۋىن، قوعامدىق جاۋاپكەرلىگىن اتقارۋىن جەبەگەندە عانا، ءبىز، ءسوز جوق، بىرگە كۇرەس جاسايتىن كۇشتى بارىنشا ۇيىستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا باسا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
