جۇڭگو ادەبيەت - كوركەمونەرىنىڭ جاڭا بەينەسىن ايگىلەپ، جۇڭحۋا مادەنيەتىنىڭ تىڭ شۇعىلاسىن تۇلعالايىق
− باس شۋجي شي جينپيڭنىڭ جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايىنىڭ، جۇڭگو جازۋشىلار قوعامىنىڭ مەملەكەتتىك 10 - قۇرىلتايىنىڭ اشىلۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
2021.12.17 16:50 كەلۋ قاينارى : حالىق تورابى
زامانىمىزداعى جۇڭگونىڭ تاۋ - سۋى كوركەم، حالقىنىڭ ايبىنى اسقاق، بولاشاعى زور. جۇڭگو ادەبيەت - كوركەمونەرشىلەر بىرلەستىگىنىڭ مەملەكەتتىك 11 - قۇرىلتايىنىڭ، جۇڭگو جازۋشىلار قوعامىنىڭ مەملەكەتتىك 10 - قۇرىلتايىنىڭ اشىلۋ سالتىندا باس شۋجي شي جينپيڭ پارتيا مەن مەملەكەت ىستەرىنىڭ دامۋ جالپى جاعدايىن شىعار ءتۇيىن ەتىپ، قالىڭ ادەبيەت - كوركەمونەر قىزمەتكەرلەرىنە مىناداي 5 ءتۇرلى ءۇمىت ارتتى: ءبىرىنشى، ۇلتتىڭ گۇلدەنۋى سىندى ۇلى ءىستى كوكەيدە ساقتاپ، جاڭا داۋىردەگى جاڭا جورىقتىڭ ايبىندى بەينەسىن قىزۋ ىنتامەن بەينەلەۋ؛ ەكىنشى، حالىق تۇرعىسىندا بەرىك تۇرىپ، ماڭگى وشپەيتىن حالىق ەپوسىن جازۋ؛ ءۇشىنشى، تۋراشىلدىقتان جازباي، جاڭالىق اشۋدا تاباندى بولىپ، داۋىرگە ساي سارا تۋىندىلار جاراتۋ ارقىلى ادەبيەت - كوركەمونەردىڭ تىڭ ءورىسىن اشۋ؛ ءتورتىنشى، جۇڭگو حيكاياسىن سۇيىسپەنشىلىكپەن، كۇش سالا ويداعىداي بايانداپ، دۇنيە جۇزىنە سەنىمدى، سۇيىكتى، قاستەرلى جۇڭگو وبرازىن ايگىلەۋ؛ بەسىنشى، دۇرىس جولدى ساۋلەلەندىرۋدە تاباندى بولىپ، ءمورال مەن ونەردە بىردەي ۇزدىك بولۋعا تالپىنۋ بارىسىندا ءومىر قۇنىن جاراتۋ كەرەك. باس شۋجي شي جينپيڭنىڭ ماڭىزدى ءسوزى جۇرت كوڭىلىن جەلپىندىرىپ، ادامدى العا باسۋعا جەبەيدى، قالىڭ ادەبيەت - كوركەمونەر قىزمەتكەرلەرىنىڭ تاريحي بورىشتى اناعۇرلىم ويداعىداي ارقالاپ، نەگىز قالاۋ، رۋح سومداۋ جاعىندا جاڭا جاۋاپكەرلىك كورسەتىپ، تۋراشىلدىقتان جازباي، جاڭالىق اشۋ جاعىندا تىڭ ىسكەرلىك كورسەتىپ، تاماشا ءمورالدىق جەتىلىم جاعىندا شىت جاڭا بەينە كورسەتىپ، ءوزىن تىنباي الەۋەتتەندىرەتىن، اسقاق مورالمەن ەلەۋلى مىندەت ارقالايتىن مادەنيەت جاسامپازدىعى ارقىلى جۇڭگو ادەبيەت - كوركەمونەرىنىڭ جاڭا بەينەسىن ايگىلەپ، جۇڭحۋا مادەنيەتىنىڭ تىڭ شۇعىلاسىن تۇلعالاپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۋاتتى قۇن جەتەكشى كۇشىن، مادەنيەتتىك ۇيىستىرۋ كۇشىن، رۋحاني دەمەۋ كۇشىن ازىرلەۋىندە كەلەلى جەتەكشىلىك رول اتقارادى، ءسوز جوق، تەرەڭ ىقپال جاسايدى.
ادەبيەت – كوركەمونەردىڭ تاعدىرى مەملەكەت تاعدىرىمەن ۇشتاسادى، ادەبيەت – كوركەمونەر جۇيەسى مەملەكەت جۇيەسىمەن تۇتاسادى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى بۇرۋعا بولمايتىن تاريحي ۇردىسكە قادام تاستادى، تەك ۇلتتىڭ گۇلدەنۋى سىندى ءداۋىر تاقىرىبىن ىشكەرىلەي يگەرىپ، ادەبيەت - كوركەمونەر جاسامپازدىعىن ۇلتتىڭ گۇلدەنۋى تاريحىنا، حالىقتىڭ كۇرەس جورىعىنا جازعاندا عانا، ءداۋىر جۇكتەگەن اۋىر مىندەتتى اناعۇرلىم ويداعىداي ارقالاۋعا بولادى. حالىق − ادەبيەت - كوركەمونەردىڭ اناسى، حالىقتى قاينار ەتۋ، حالىق ءۇشىن بولۋ، حالىققا ءتان بولۋ − سوتسياليستىك ادەبيەت - كوركەمونەردىڭ ءتۇبىرلى تۇرعىسى، سونداي - اق سوتسياليستىك ادەبيەت - كوركەمونەردىڭ گۇلدەنىپ - كوركەيۋىنىڭ، دامۋىنىڭ قوزعاۋشى كۇش تياناعى، تەك حالىقتى وزەك ەتكەن جاسامپازدىق بەتالىسىنان جازباي، ادەبيەت - كوركەمونەردىڭ باۋ - باقشالارىن ماڭگى حالىق ءۇشىن شەشەك اتتىرعاندا عانا، ادەبيەت – كوركەمونەردىڭ بارلىق سالاسىندا سارقىلماس باي قاينار بولادى، ادەبيەت - كوركەمونەر جاسامپازدىعى پارمەندى كۇشكە جانە ايبىندى باۋراۋ قۋاتىنا يە بولادى. ءبىر ءداۋىردىڭ ادەبيەت - كوركەمونەر تابىسىن تارازىلاۋدا ەڭ سوڭىندا تۋىندىعا قاراۋ كەرەك، ادەبيەتشىلەردىڭ، كوركەمونەرشىلەردىڭ ءومىر قۇنىن تارازىلاۋدا دا تۋىندىعا قاراۋ كەرەك، باي مازمۇندى جۇڭحۋا وركەنيەتى − جۇڭحۋا ۇلتىنىڭ وزگەشە رۋحاني بەلگىسى، زامانىمىزداعى جۇڭگو ادەبيەت - كوركەمونەرىنىڭ نەگىزى، سونداي - اق ادەبيەت - كوركەمونەردە جاڭالىق اشۋدىڭ اسىل قازىناسى، دۇرىس جولدان تايماي جاڭالىق اشۋدا تاباندى بولىپ، جالعاستىرۋ مەن جاڭالىق اشۋدىڭ قاتىناسىن يگەرىپ، بۇرىنعىلاردان ۇيرەنگەندە ەسكىلىككە جابىسىپ الماي، قاساڭ قاعيدانى بۇزعاندا زاڭدىلىققا قارسى كەلمەگەندە عانا ءبىزدىڭ وسى ۇلى ۇلتقا، ۇلى داۋىرگە سايما - ساي كەلەتىن تاڭداۋلى تۋىندىلاردى جاراتۋعا بولادى. حالىقارالىق قوعام جۇڭگونىڭ دامۋ جولى مەن تابىسقا جەتۋىنىڭ سىرىن، جۇڭگو حالقىنىڭ تۇرمىس وزگەرىسى مەن جان دۇنيەسىن ءتۇسىنۋدى ءۇمىت ەتەدى، تەك نازارىن دۇنيە جۇزىنە، ادامزاتقا اۋدارىپ، بۇرىنعىلاردىڭ جولىن جالعاستىرىپ، قازىرگى تاڭنىڭ وزگەرىسىنە سايكەسىپ، جۇڭگونىڭ ەستەتيكالىق تۇپكى ويىن ايگىلەيتىن، زامانىمىزداعى جۇڭگونىڭ قۇن كوزقاراسىن تاراتاتىن، بۇكىل ادامزاتتىڭ ورتاق قۇن تالپىنىسىن بەينەلەيتىن اناعۇرلىم كوپ تاڭداۋلى تۋىندىلار جاراتقاندا عانا جاندى دا ستەرەولدى جۇڭگونى قۇلشىنا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا تىڭ تاراۋ جازا الادى. ادەبيەت - كوركەمونەر ادام تاربيەلەۋ مىندەتىن ارقالاپ وتىر، ونەگە كورسەتىپ، ادام تاربيەلەيتىن ادام، ءسوز جوق، اۋەلى ءوز بويىنان ونەگە كورسەتۋى؛ رۋحتى سومداپ، نەگىزدى جەتىلدىرەتىن ادام، ءسوز جوق، اۋەلى ءوزىن سومداۋى كەرەك، جەكەنىڭ ءمورالدىق جەتىلىمىن، قوعامدىق وبرازدى تۋىندىنىڭ قوعامدىق ونىمدىلىگىمەن بىرلىككە كەلتىرىپ، كوركەمونەر مۇراتىندا تاباندى بولىپ، ءمورال مەن ونەردە بىردەي ۇزدىك بولۋعا تالپىنىپ، وسكەلەڭ مىنەز - قۇلىق جانە ءتىلى مەن مازمۇنى بىردەي كوركەم تۋىندىلار ارقىلى تاريح ءۇشىن دۇرىس سالت قالدىرۋعا، ادامدار ءۇشىن تاماشا ءمورالدى اسقاقتاتۋعا، ءوزى ءۇشىن ات - اتاعىنا داق سالماۋعا قۇلشىنۋ كەرەك.
باس شۋجي شي جينپيڭ بىلاي دەپ اتاپ كورسەتتى: «ءداۋىر ەلىمىز ادەبيەت - كوركەمونەرىنىڭ گۇلدەنىپ - كوركەيۋىنە، دامۋىنا بۇرىن بولىپ كورمەگەن كەڭ ءورىس ازىرلەدى. سوتسياليستىك ادەبيەت - كوركەمونەردىڭ گۇلدەنىپ - كوركەيۋىن، دامۋىن ىلگەرىلەتىپ، سوتسياليستىك مادەنيەتتە قۋاتتى ەل قۇرۋدا قالىڭ ادەبيەت - كوركەمونەر قىزمەتكەرلەرى بۇلتارتپاس بورىش، كەلەلى مىندەت ارقالاپ وتىر، ۇلكەن ىستەر تىندىرا الادى». ۇلى تاريح كوزقاراسىن، ۇلى ءداۋىر كوزقاراسىن ورناتىپ، تاريحي ءۇردىس پەن ءداۋىردىڭ ۇلكەن اۋقىمىن يگەرىپ، جۇڭحۋا ۇلتىنىڭ مىڭ جىلدىق وراسان زور وزگەرىسىن بەينەلەپ، 100 جىلدىق جۇڭگونىڭ دۇرىس ءومىر جولىن اشىپ كورسەتىپ، وتانشىلدىقتى وزەك ەتكەن ۇلتتىق رۋح پەن رەفورما جاساپ، جاڭالىق اشۋدى وزەك ەتكەن ءداۋىر رۋحىن اسقاقتاتىپ، پارتيا قۇرۋ ۇلى رۋحىن ساۋلەلەندىرىپ، ءداۋىر اۋەنىن اسقاقتاتا شىرقاپ، ءداۋىر وزگەرىسىنەن، جۇڭگونىڭ العا باسۋىنان، حالىقتىڭ ۇنىنەن نەگىزگى تاقىرىپ سۇرىپتاپ، ماتەريال ەكشەپ، جاڭا داۋىردەگى رۋحاني بەينەنى جان - جاقتى، تولىق كورىنىسپەن ايگىلەۋ كەرەك. حالىقتى كوڭىلدەگى ەڭ جوعارى ورىنعا قويىپ، ءداۋىر ءۇشىن، حالىق ءۇشىن جىر سەلدەتىپ، يدەياسى تەرەڭ، كىرشىكسىز دە قاراپايىم، سارا دا قۋاتتى تاڭداۋلى تۋىندىلار ارقىلى حالىقتىڭ ەستەتيكالىق كوزقاراسىن، قۇن كوزقاراسىن نارلەندىرىپ، حالىقتىڭ رۋحاني ومىردە اناعۇرلىم تولىسۋىنا مۇمكىندىك جاساۋ كەرەك. كەمەلدىلىككە تالپىنىپ، باتىلدىقپەن جاڭالىق اشىپ، ساپانى جوعارىلاتۋدى ادەبيەت - كوركەمونەر تۋىندىلارىنىڭ جان تامىرى ەتىپ، جۇڭحۋانىڭ تاڭداۋلى ءداستۇرلى مادەنيەتىنىڭ يدەيالىق كوزقاراسىن، گۋمانيتارلىق رۋحىن، ءمورالدىق ولشەمىن اشىپ، جاڭا تەحنيكالاردان، جاڭا تاسىلدەردەن دۇرىس پايدالانىپ، ادەبيەت - كوركەمونەر جاسامپازدىعىندا اناعۇرلىم ماعىنالى، اناعۇرلىم كومەسكى كۇشكە يە جاڭا ءورىس اشۋ كەرەك. سەنىم جانە مۇرات ورناتىپ، جۇڭگونىڭ بايتاق دالاسىن تياناق ەتىپ، جۇڭگو حيكاياسىن ويداعىداي بايانداپ، دۇنيە ءجۇزى تانىعان اناعۇرلىم كوپ جۇڭحۋا مادەنيەتى وبرازىن سومداپ، ۇلتقا بەيىمدەلگەن كوركەمونەردىڭ مازمۇنى مەن فورماسىن دامىتۋعا باسا ءمان بەرىپ، ۇلتتىق، حالىقتىق ادەبيەت - كوركەمونەر داستۇرىنە مۇراگەرلىك ەتىپ جانە ونى ساۋلەلەندىرىپ، ستيلدىك اعىمدى، فورمالىق ۇلگىنى كەڭەيتىپ، دۇنيە ءجۇزى ادەبيەت - كوركەمونەر سالاسىندا جۇڭگو ايبىنىن، جۇڭگو ستيلىن ايقىن ورناتۋ كەرەك. شىعارماشىلىقتا قاجىر - قايرات كەرەك، ونەرگە قۋات كەرەك، وبراز سومداۋدان كەلەدى، ونىمدىلىك ساپادان كەلەدى، اتاق - ابىروي ءمورال مەن ونەردەن كەلەدى، قالىڭ ادەبيەت - كوركەمونەر قىزمەتكەرلەرى وزدەرىنىڭ قوعامدىق ىقپالىن قاستەرلەپ، تۋىندىنىڭ قوعامدىق ونىمدىلىگىن مۇقيات، قاتاڭ ويلاسۋ كەرەك، دەڭگەيدى، اۋەن - ستيلدى، جاۋاپكەرلىكتى دارىپتەپ، سالاۋاتتى، تۋراشىل ادام بولىپ، كىرشىكسىز جۇمىس ىستەپ، شىنشىلدىقتى، ىزگىلىكتى، سۇلۋلىقتى جىرلاپ، جالعاندىقتى، سۇرقيالىقتى، پاسىقتىقتى سىن تەزىنە الىپ، كاسىپتىك سالتتى، كوركەمونەر ءمورالىن ساۋلەلەندىرىپ، ار - نامىسىن ساقتاپ، ءوزىن ايالايتىن، ءوزارا ۇيرەنىپ، ءوزارا ۇلگى الاتىن، تازا، كىرشىكسىز كاسىپتىك سالت قالىپتاستىرۋ كەرەك.
«اتا – بابادان قالعان بايىرعى جۇرت امان بولسا، سوڭعى ۇرپاق اماناتىنا الادى». جاڭا ءداۋىر، جاڭا جورىق − زامانىمىزداعى جۇڭگو ادەبيەت - كوركەمونەرىنىڭ تاريحي ورنى، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قالىڭ ادەبيەت - كوركەمونەر قىزمەتكەرلەرى ۇلتتىڭ گۇلدەنۋى سىندى ۇلى ءىستى كوكەيدە ساقتاپ، حالىق تۇرعىسىندا بەرىك تۇرىپ، دۇرىس جولدان جازباي، جاڭالىق اشۋدا تاباندى بولىپ، جۇڭگو حيكاياسىن سۇيىسپەنشىلىكپەن، كۇش سالا ويداعىداي بايانداپ، دۇرىس جولدى ساۋلەلەندىرۋدە تاباندى بولعاندا عانا، ءسوز جوق، سوتسياليستىك ادەبيەت - كوركەمونەردىڭ گۇلدەنىپ - كوركەيۋىن ىلگەرىلەتۋگە، مادەنيەتتە قۋاتتى سوتسياليستىك ەل قۇرۋعا تىڭ دا اناعۇرلىم زور ۇلەس قوسا الادى!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
