شي جينپيڭ گەرمانيانىڭ زۇڭليى شولتسپەن تەلەفوندا سويلەستى
2021.12.22 16:32 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 21 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 21 - كۇنى كەشتە گەرمانيانىڭ زۇڭليى شولتسپەن تەلەفوندا سويلەستى.
شي جينپيڭ شولتستىڭ گەرمانيانىڭ زۇڭليى بولىپ سايلانعانىن تاعى ءبىر رەت قۇتتىقتادى.
شي جينپيڭ بىلاي دەپ دارىپتەدى: جۇڭگو جۇڭگو - گەرمانيا قاتىناسىنا ايرىقشا ءمان بەرەدى. تاياۋ جىلداردان بەرى جۇڭگو - گەرمانيا سەلبەستىگى باستان - اياق جۇڭگو - ەۆروپا سەلبەستىگىنىڭ «سەركەسى» بولىپ كەلدى، بۇل − ەكى ەلدىڭ ءداۋىردىڭ دامۋ اعىمىنا سايكەسىپ جاساعان دۇرىس تالعامى. كەلەر جىلى جۇڭگو مەن گەرمانيانىڭ ديپلوماتيالىق قاتىناس ورناتقانىنىڭ 50 جىلدىعىن قارسى الامىز. جارتى عاسىرعا قايىرىلا قاراساق، جۇڭگو - گەرمانيا قاتىناسى جەتكىلىكتى ومىرشەڭدىك كۇشىن، توزىمدىلىگىن، سەرپىمدىلىگىن، كومەسكى كۇشىن ايگىلەدى؛ الداعى 50 جىلعا نازار سالساق، ەكى ەل بۇكىل دۇنيە جۇزىنە نازار اۋدارىپ، ۇزاق بولاشاقتى كوزدە ۇستاپ، ءورىس اشا ىلگەرىلەپ، جۇڭگو - گەرمانيا قاتىناسىنىڭ جاڭا دامۋىن قۇلشىنا جۇزەگە اسىرۋى كەرەك.
ءبىرىنشى، ەكى ەل قاتىناسىنىڭ جالپى بەتالىسىن ستراتەگيالىق تۇرعىدان يگەرۋدە تاباندى بولۋ كەرەك. جۇڭگو مەن گەرمانيا − ماڭىزدى ىقپالعا يە ءىرى ەلدەر، ەكى ەل قاتىناسىنىڭ دامۋى ەكى ەلدىڭ جانە ەكى ەل حالىقتارىنىڭ ءتۇبىرلى مۇددەسىنە ۇيلەسىپ قانا قالماستان، دۇنيە ءجۇزىنىڭ بەيبىتشىلىگى مەن ورنىقتىلىعىنا دا ءتيىمدى. ەكى جاق قارسى جاقتىڭ دامۋىن وراي دەپ بىلۋدەن جازباي، جوعارى جىكتەگىلەردىڭ جەتەكشىلىك ەتۋ تاڭداۋلى ءداستۇرىن جالعاستىرىپ، جۇڭگو - گەرمانيا قاتىناسىنىڭ دامۋىنا باعدار سىلتەۋى كەرەك. ەكى جاقتى تىلدەسۋ، سەلبەسۋ مەحانيزمىنىڭ رولىن ساۋلەلەندىرۋ، اسىرەسە، جۇڭگو - گەرمانيا ۇكىمەتتەرىنىڭ كەڭەسۋ مەحانيزمىنەن ويداعىداي پايدالانىپ، ءار سالاداعى سەلبەستىكتىڭ دامۋىن ىلگەرىلەتۋ كەرەك. ەكى جاق قارىم - قاتىناستى، سايكەسۋدى كۇشەيتىپ، كەلەر جىلعى ديپلوماتيالىق قارىم - قاتىناس ورناتىلعانىنىڭ 50 جىلدىعىن قۇتتىقتاۋ قيمىلىنىڭ جوباسىن بىرگە جاقسى ىستەۋى كەرەك.
ەكىنشى، ناقتى ىستەۋ پوزيتسياسىمەن ەكى ەلدىڭ ءوزارا ءتيىمدى سەلبەستىگىن بەلسەنە ىلگەرىلەتۋدە تاباندى بولۋ كەرەك. جۇڭگو مەن گەرمانيانىڭ ەكونوميكاسى قارسى جاقتىڭ دامۋىنان كوپ پايداعا كەنەلدى. جۇڭگو ءۇرتىس 5 جىل گەرمانيانىڭ ەڭ ۇلكەن ساۋدا سەرىگىنە اينالدى، ەكى جاقتى ەكونوميكا - ساۋدا سەلبەستىگى جاڭا تيپتى ايدارشا ۆيرۋس وكپە قابىنۋ ىندەتىنىڭ قىسىمىنا توتەپ بەرىپ، قيىن – قىستاۋ جاعدايداعى ارتۋدى جۇزەگە اسىردى. ەكى جاق جاڭا ەنەرگيا، جاسىل جانە سيفرلى ەكونوميكا سياقتى جاڭا سەلبەستىك سالالارىن بەلسەنە اشىپ، قىزمەت وتەۋ ساۋداسىنىڭ ارتۋ كومەسكى كۇشىن اشۋى كەرەك. گەرمانيا كاسىپورىندارىنىڭ ابزالدىقتى ساۋلەلەندىرىپ، جۇڭگونىڭ ەسىك اشۋى الا كەلگەن جاڭا ورايدى مىقتى يگەرۋىن قارسى الامىز، سونداي - اق گەرمانيانىڭ جۇڭگو كاسىپورىندارىنىڭ گەرمانياعا بارىپ قارجى قوسىپ، شارۋاشىلىقتى گۇلدەندىرۋىنە ءادىل ساۋدا ورتاسىن ازىرلەۋىن ءۇمىت ەتەمىز. گەرمانيا − جۇڭگو - ەۆروپا كەزەكشى پويەزىنىڭ ماڭىزدى ءتۇيىنى، جۇڭگو مەن گەرمانيانىڭ «ءبىر بەلدەۋ، ءبىر جولدى» بىرگە قۇرۋ جۇلگەسىندە سەلبەستىكتى كۇشەيتۋى جەلى بويىنداعى ەلدەرگە باقىت جاراتىپ، ازيا - ەۆروپا ۇلى قۇرلىعىنىڭ ۇلاسۋىن جەبەيتىنىنە سەنەمىن.
ءۇشىنشى، سايىسقا قول ۇستاسا توتەپ بەرۋدە تاباندى بولىپ، دۇنيە ءجۇزىن جونگە سالۋعا تىڭ ۇلەس قوسۋ كەرەك. جۇڭگو مەن گەرمانيا − كوپ جاقتىلىقتىڭ قورعاۋشىلارى، دۇنيە ءجۇزى دامۋىنىڭ ۇلەس قوسۋشىلارى، حالىقارالىق ىستەردە سايكەسۋدى، سەلبەسۋدى كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ، ۆاكسينا ءبولىسىن جەبەۋ، دۇنيە ءجۇزىنىڭ، اسىرەسە، وركەندەپ كەلە جاتقان ەلدەردىڭ ىندەتىنەن كەيىنگى قالپىنا كەلۋىن ىلگەرىلەتۋ، كليمات وزگەرىسىنە توتەپ بەرۋ، كەدەيلىكتى ازايتۋ جانە باياندى دامۋدى جۇزەگە اسىرۋ سياقتى بۇكىل ادامزاتتىڭ ورتاق تاعدىرىنا ساياتىن ماسەلەلەردە شىنايى اتقارۋعا بولاتىن جوبا تاۋىپ شىعۋى كەرەك. وڭىرلىك قولامتالى ماسەلەلەردى پىكىرلەسۋ ارقىلى شەشۋدە تاباندى بولىپ، حالىقارالىق قاتىناستاعى دەموكراتيالىق پرينسيپكە بويسۇنىپ جانە ونى كۇشەيتىپ، ءتۇرلى فورماداعى زورەكەرلىك ارەكەتتەر مەن قىرعي قاباقتىق وي جەلىسىنە باتىل قارسى تۇرۋ كەرەك. ءار ەلدىڭ بىرگە دامۋى عانا − ناعىز دامۋ. جۇڭگو گەرمانيامەن بىرگە بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدى قول ۇستاسا ىلگەرىلەتۋگە پەيىل.
شي جينپيڭ مىنالاردى دارىپتەدى: جۇڭگو مەن ەۆروپا − دۇنيە جۇزىندەگى ەكى ۇلكەن دەربەس، ءوز - وزىنە قوجا بولاتىن كۇش، كەڭ كولەمدى ستراتەگيالىق ورتاق تانىمعا جانە ورتاق مۇددەگە يە. ەكى جاق جان - جاقتى ستراتەگيالىق سەرىكتەستىك قاتىناس سىندى وسى ورىندا، ءوزارا قۇرمەت ەتۋ، ءوزارا پايدا جەتكىزىپ، تەڭ يگىلىككە كەنەلۋ پرينسيبىندە تاباندى بولىپ، جۇڭگو - ەۆروپا قارىم - قاتىناسىنىڭ باستان - اياق اقاۋسىز، ورنىقتى دامۋىنا كەپىلدىك ەتۋى كەرەك. گەرمانيانىڭ جۇڭگو - ەۆروپا قارىم - قاتىناسىن ورنىقتىرۋعا ۇزدىكسىز بەلسەندى ىقپال كورسەتىپ، جۇڭگو - ەۆروپا قارىم - قاتىناسىنا ۇزدىكسىز ورنىقتىلىق جانە وڭ ەنەرگيا ۇستەۋىن ءۇمىت ەتەمىن.
شولتس مىنانى ءبىلدىردى: ءتوراعا مىرزانىڭ گەرمانيانىڭ زۇڭليى بولعاننان كەيىن ماعان قۇتتىقتاۋ حاتىن جولداعانىنا العىس ايتامىن. ءبىزدىڭ بۇدان بۇرىنعى قاتىناسىمىز كوكەيىمدە سايراپ تۇر، گەرمانيا مەن جۇڭگونىڭ دوستىعى مەن سەلبەستىگىنە مۇراگەرلىك ەتۋدى جانە ونى ىلگەرىلەتۋدى قالايمىن. قازىر گەرمانيا مەن جۇڭگونىڭ ساۋدا، قارجى قوسۋ قاتىناسى جاقسى دامۋدا، ەكى ەل كليمات وزگەرىسىنە توتەپ بەرۋ جانە جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ سياقتى دۇنيە جۇزىلىك سىن - سايىس جاعىندا تىعىز سەلبەسۋدە، اۋعانستان ماسەلەسى، يران يادرو ماسەلەسى سياقتى وڭىرلىك ماسەلەلەر جونىندە تىعىز پىكىرلەسۋدە. بۇلار گەرمانيا - جۇڭگو قاتىناسىنىڭ باياندى دامۋىنىڭ ءۇش تىرەگىن قالىپتاستىردى. گەرمانيا ءوزارا قۇرمەت ەتۋ، ءوزارا سەنىم ارتۋ رۋحى بويىنشا جۇڭگومەن بىرگە قۇلشىنىپ، گەرمانيا مەن جۇڭگونىڭ جان - جاقتى ستراتەگيالىق سەرىكتەستىك قاتىناسىنىڭ ونان ارى دامۋىن ىلگەرىلەتۋگە پەيىل. گەرمانيا كەلەر جىلى گەرمانيا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋدى وراي ەتىپ، گەرمانيا مەن جۇڭگو ۇكىمەتتەرىنىڭ جاڭا كەزەكتى كەڭەسىن ويداعىداي وتكىزىپ، تازا ەنەرگيا، سيفرلى ەكونوميكا، قىزمەت وتەۋ كاسىبى سياقتى سالالارداعى ناقتى سەلبەستىكتى كۇشەيتىپ، ەۆروپا - جۇڭگو قاتىناسىنىڭ دامۋىن سىندارلى پوزيتسيامەن جەبەۋدى قالايدى. ەۆروپا مەن جۇڭگونىڭ قارجى قوسۋ كەلىسىمىنىڭ ەرتەرەك كۇشكە يە بولۋىن ءۇمىت ەتەمىن. گەرمانيا جۇڭگومەن حالىقارالىق ىستەردە كوپ جاقتىلىقتى بىرگە قورعاۋعا پەيىل.
ەكى جاقتىڭ باسشىلارى ءبىر - بىرىنە جاڭا جىل قۇتتى بولسىن ايتتى ءارى ۇنەمىلىك قارىم - قاتىناستى جالعاستىرىپ، جۇڭگو - گەرمانيا، جۇڭگو - ەۆروپا قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋگە بىرگە قۇلشىناتىندارىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
