13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 32 - ءماجىلىسى بەيجيڭدە وتكىزىلدى
جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جوباسى، شۋىلدىڭ لاستاۋىنان ساقتانۋ - جونگە سالۋ زاڭى جوباسى، حۋاڭحى وزەنىن قورعاۋ زاڭى جوباسى قاتارلىلاردى قارادى
لي جانشۋ ءماجىلىستى باسقاردى
2021.12.21 16:35 كەلۋ قاينارى : حالىق تورابى
«حالىق گازەتى»، 12 - ايدىڭ 20 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 32 - ءماجىلىسى 12 - ايدىڭ 20 - كۇنى تۇستەن كەيىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى لي جانشۋ ءماجىلىستى باسقاردى.
تۇراقتى كوميتەتتىڭ قۇرامىنداعىلاردان 154 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شىن چۇنياۋ جاساعان جەرگىلىكتى ءار دارەجەلى حالىق قۇرىلتايلارى مەن جەرگىلىكتى ءار دارەجەلى حالىق ۇكىمەتتەرىنىڭ ۇيىمدىق زاڭىنا وزگەرىس ەنگىزۋ جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا حالىق قۇرىلتايىنىڭ مەجە ەسەپتى، سوڭعى ەسەپتى تەكسەرۋ، باقىلاۋدى كۇشەيتۋىنە قاتىستى بەلگىلەمەلەر ەگجەي - تەگجەيلى تولىقتىرىلىپ، جەرگىلىكتى حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ وڭىرلىك سەلبەسىپ زاڭ شىعارۋ، ۋاكىلدەردىڭ ۇسىنىستارىن ءبىر جاقتى ەتۋ احۋالى جونىندە دارەجەلەس حالىق قۇرىلتايى تۇراقتى كوميتەتىنە نەمەسە اۋىل - قالاشىق حالىق قۇرىلتايىنا مالىمدەۋى ءارى ونى جاريا ۇستاۋى سياقتىلار ايقىندالىپ، جەرگىلىكتى حالىق قۇرىلتايلارىنىڭ ءماجىلىستى لايىقتى مولشەردە كۇنى بۇرىن اشۋىنا نەمەسە كەشەۋىلدەتىپ اشۋىنا بولادى دەگەن سياقتى مازمۇندار قوسىلدى. نەگىزگى زاڭ جانە زاڭدار كوميتەتى تۇراقتى كوميتەت ءماجىلىسىنىڭ ءۇرتىس قاراۋىنا ۇسىنۋدى ءارى تۇراقتى كوميتەتتىڭ شەشىمىمەن تۇزەتۋ جوباسىن 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ قاراۋىنا جولداۋدى ۇسىنىس ەتتى.
ءماجىلىس جەكە - جەكە نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى جوۋ گۋاڭچۋان جاساعان ۇيىمدىق قىلمىسقا قارسى تۇرۋ زاڭى جوباسىن قاراۋ ناتيجەسى جونىندەگى باياندامانى، مەڭگەرۋشى مۇشەسىنىڭ ورىنباسارى حۋ كىميڭ جاساعان سازدىقتى قورعاۋ زاڭى جوباسىن قاراۋ ناتيجەسى جونىندەگى باياندامانى، مەڭگەرۋشى مۇشەسىنىڭ ورىنباسارى سۇڭ بين جاساعان عىلىم - تەحنيكا العاباسارلىعى زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى، تۇقىم زاڭىنا وزگەرىس ەنگىزۋ جوباسىن قاراۋ ناتيجەسى جونىندەگى باياندامانى، مەڭگەرۋشى مۇشەسىنىڭ ورىنباسارى جياڭ بيشين جاساعان شۋىلدىڭ لاستاۋىنان ساقتانۋ - جونگە سالۋ زاڭى جوباسىن قاراۋ ناتيجەسى جونىندەگى باياندامانى، ازاماتتىق ىستەر ارىز - شاعىم زاڭىنىڭ وزگەرىس ەنگىزۋ جوباسىن قاراۋ ناتيجەسى جونىندەگى باياندامانى تىڭدادى. نەگىزگى زاڭ جانە زاڭدار كوميتەتى جوعارىداعى 6 جوبا ءبىرشاما پىسىپ - جەتىلدى دەپ قاراپ، وسى رەتكى تۇراقتى كوميتەت ءماجىلىسىنىڭ قاراپ ماقۇلداۋىنا جولداۋدى ۇسىنىس ەتتى.
ءماجىلىس نەگىزگى زاڭ جانە زاڭدار كوميتەتى مەڭگەرۋشى مۇشەسىنىڭ ورىنباسارى شۇي حۇي جاساعان كاسىپتىك وقۋ - اعارتۋ زاڭىنا وزگەرىس ەنگىزۋ جوباسىنا وزگەرىس ەنگىزۋ احۋالى جونىندەگى مالىمەتتى تىڭدادى. جوبانىڭ 2 - رەت قارالعان نۇسقاسىندا كاسىپتىك وقۋ - اعارتۋدىڭ مازمۇنى كەمەلدەندىرىلىپ، اۋىل - قىستاق كاسىپتىك وقۋ - اعارتۋىن قولداۋ تەبىنىن ارتتىرۋ، كاسىپورىنداردىڭ كاسىپتىك وقۋ - اعارتۋدى ورىستەتۋىنە قولداۋ كورسەتۋ جانە جەتەكشىلىك ەتۋ، كاسىپتىك وقۋ - اعارتۋ ساتىسىنداعى وقۋشىلاردىڭ وقۋ - اعارتۋ، جۇمىستانۋ قوعامدىق ورتاسىن ساپالىلاندىرۋ سياقتى قاتىستى بەلگىلەمەلەر قوسىلدى.
پارتيانىڭ جۇمىسشى ۇيىمى قىزمەتىنە باسشىلىعىن شىن مانىندە كۇشەيتىپ، جۇمىسشى ۇيىمىنىڭ جۇمىسشى - قىزمەتكەرلەردىڭ زاڭدى ۇقىق - مۇددەسىن قورعاۋ، جۇمىسشى - قىزمەتكەرلەرگە قىزمەت وتەۋ جاعىنداعى فۋنكتسيالىق رولىن اناعۇرلىم ويداعىداي ساۋلەلەندىرۋ ءۇشىن، كوميتەت باستىقتارى ءماجىلىسى جۇمىسشى ۇيىمى زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. كوميتەت باستىقتارى ءماجىلىسىنىڭ تاپسىرۋىمەن تۇراقتى كوميتەت زاڭ - ءتۇزىم قىزمەتى كوميتەتى مەڭگەرۋشىسىنىڭ ورىنباسارى جاڭ يۇڭ تۇسىنىك جاسادى.
ج ك پ ورتالىق كوميتەتىنىڭ مەملەكەت مەنشىگىندەگى كاسىپورىندار رەفورماسىن تەرەڭدەتۋ، ساۋدا ورتاسىن ساپالىلاندىرۋ، مال - مۇلىك ۇقىعىن قورعاۋدى كۇشەيتۋ سياقتى شەشىمدەرى مەن ورنالاستىرۋلارىن دايەكتى تياناقتاندىرىپ، جۇڭگوشا وسى زامانعى كاسىپورىن ءتۇزىمىن كەمەلدەندىرۋ ءۇشىن، كوميتەت باستىقتارى ءماجىلىسى سەرىكتەستىك زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. كوميتەت باستىقتارى ءماجىلىسىنىڭ تاپسىرۋىمەن تۇراقتى كوميتەت زاڭ - ءتۇزىم قىزمەتى كوميتەتى مەڭگەرۋشىسىنىڭ ورىنباسارى ۋاڭ رۇيحى تۇسىنىك جاسادى.
ج ك پ ورتالىق كوميتەتىنىڭ حالىق قۇرىلتايى قىزمەت ءماجىلىسىنىڭ رۋحىن دايەكتىلەندىرىپ، حالىق قۇرىلتايى تۇزىمىندە تاباندى بولىپ جانە ونى كەمەلدەندىرىپ، حالىقتىڭ ءوز ىسىنە ءوزى قوجا بولۋىن اناعۇرلىم ويداعىداي قامتاماسىزداندىرۋ ءۇشىن، كوميتەت باستىقتارى ءماجىلىسى مەملەكەتتىك حالىق قۇرىلتايى تۇراقتى كوميتەتىنىڭ ءىس قاراۋ ەرەجەسىنە وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. كوميتەت باستىقتارى ءماجىلىسىنىڭ تاپسىرۋىمەن تۇراقتى كوميتەت زاڭ - ءتۇزىم قىزمەتى كوميتەتى مەڭگەرۋشىسىنىڭ ورىنباسارى ۋ زىڭ تۇسىنىك جاسادى.
كوميتەت باستىقتارى ءماجىلىسىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتى باس حاتشىسىنىڭ ورىنباسارى شين چۇنيىڭ 13 - كەزەكتى مەملەكەتتىك حالىق قۇرىلتايى 5 - ءماجىلىسىنىڭ مەملەكەتتىك 14 - كەزەكتى حالىق قۇرىلتايى ۋاكىلدەرىنىڭ سانى جانە سايلاۋ ماسەلەسى جونىندەگى قاۋلى جوباسى جونىندە تۇسىنىك جاسادى؛ تۇراقتى كوميتەت زاڭ - ءتۇزىم قىزمەتى كوميتەتىنىڭ مەڭگەرۋشىسى شىن چۇنياۋ شياڭگاڭ ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىسى جوباسى مەن اۋمىن ەرەكشە اكىمشىلىك رايونىنىڭ 14 - كەزەكتى مەملەكەتتىك حالىق قۇرىلتايىنىڭ ۋاكىلدەرىن سايلاۋ ءادىسى جوباسى جونىندە تۇسىنىك جاسادى.
باس شۋجي شي جينپيڭنىڭ قارا توپىراقتى قورعاۋ جونىندەگى ماڭىزدى نۇسقاۋىن تياناقتاندىرىپ، قاتىستى ۋاكىلدەردىڭ كەڭەس جوبالارى مەن ۇسىنىستارىن ويداعىداي ءبىر جاقتى ەتۋ ءۇشىن، مەملەكەتتىك حالىق قۇرىلتايىنىڭ اۋىل شارۋاشىلىعى جانە اۋىل - قىستاق كوميتەتى قارا توپىراقتى قورعاۋ زاڭى جوباسىن قاراۋعا ۇسىنۋ جونىندەگى كەڭەستىك جوبانى العا قويدى. اۋىل شارۋاشىلىعى جانە اۋىل - قىستاق كوميتەتى مەڭگەرۋشى مۇشەسىنىڭ ورىنباسارى ۋاڭ شيانكۇي تۇسىنىك جاسادى.
حالىقتى وزەك ەتكەن دامۋ يدەياسىن دايەكتىلەندىرىپ، ايەلدەر قىزمەتىن كۇشەيتىپ، ايەلدەردىڭ ۇقىق - مۇددەسىن قورعاپ، ەر - ايەل تەڭدىگى مەن ايەلدەردىڭ جان - جاقتى دامۋىن جەبەۋ ءۇشىن، مەملەكەتتىك حالىق قۇرىلتايىنىڭ قوعامدىق قۇرىلىس كوميتەتى ايەلدەردىڭ ۇقىق - مۇددەسىن قامتاماسىزداندىرۋ زاڭىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. قوعامدىق قۇرىلىس كوميتەتىنىڭ مەڭگەرۋشى مۇشەسى حى ي - تيڭ تۇسىنىك جاسادى.
حۋاڭحى وزەنى الابىنىڭ ەكولوگياسىن قورعاۋدى كۇشەيتىپ، حۋاڭحى وزەنىنىڭ ساباسىنا ءتۇسۋىن قامتاماسىزداندىرىپ، سۋ بايلىعىنان ۇنەمدى، شوعىرلى پايدالانۋدى ىلگەرىلەتىپ، ساپالى دامۋدى ىلگەرىلەتىپ، حۋاڭحى مادەنيەتىن قورعاۋ، مۇراگەرلىك ەتۋ، ساۋلەلەندىرۋ ءۇشىن، مەملەكەتتىك كەڭەس حۋاڭحى وزەنىن قورعاۋ زاڭى جوباسىن قاراۋعا ۇسىنۋ جونىندەگى كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن سۋ يگىلىگى مينيسترلىگىنىڭ مينيسترى لي گويىڭ تۇسىنىك جاسادى.
توسىن وقيعالارعا توتەپ بەرۋدى باسقارۋ قيمىلىن ارناعا ءتۇسىرىپ، حالىقتىڭ ءومىرى مەن مال - مۇلكىنىڭ اماندىعىن قورعاپ، مەملەكەتتىڭ حاۋىپسىزدىگىن، الەۋمەتتىك حاۋىپسىزدىكتى، ەكولوگيالىق ورتانىڭ حاۋىپسىزدىگىن جانە قوعامدىق ءتارتىپتى قورعاۋ ءۇشىن، مەملەكەتتىك كەڭەس توسىن وقيعالارعا توتەپ بەرۋ زاڭىنا وزگەرىس ەنگىزۋدى قاراۋعا ۇسىنۋ جونىندە كەڭەس جوباسىن العا قويدى. مەملەكەتتىك كەڭەستىڭ تاپسىرۋىمەن ءادىليا مينيسترلىگىنىڭ مينيسترى تاڭ ي - جۇن تۇسىنىك جاسادى.
جاڭا داۋىردەگى حالىق قۇرىلتايىنىڭ ەكونوميكالىق قىزمەتتى باقىلاۋىنداعى جاڭا جاعدايدى، جاڭا مىندەتتى دۇرىس يگەرىپ، باقىلاۋ ءتارتىبىن ارناعا ءتۇسىرىپ، باقىلاۋ ءتۇيىنىن ايقىنداپ، قىزمەتتىڭ ناقتى ونىمدىلىگىن ارتتىرۋ ءۇشىن، مەملەكەتتىك حالىق قۇرىلتايىنىڭ قازىنا - ەكونوميكا كوميتەتى مەملەكەتتىك حالىق قۇرىلتايى تۇراقتى كوميتەتىنىڭ ەكونوميكالىق قىزمەتتى باقىلاۋدى كۇشەيتۋ جونىندەگى قاۋلىسىنا وزگەرىس ەنگىزۋ جوباسىن قاراۋعا ۇسىنۋ جونىندەگى كەڭەس جوباسىن العا قويدى. قازىنا - ەكونوميكا كوميتەتىنىڭ مەڭگەرۋشى مۇشەسى شۇي شاۋشى تۇسىنىك جاسادى.
ءماجىلىس كوميتەت باستىقتارى ءماجىلىسى قاراۋعا ۇسىنعان مەملەكەتتىك حالىق قۇرىلتايى تۇراقتى كوميتەتىنىڭ 13 - كەزەكتى مەملەكەتتىك حالىق قۇرىلتايىنىڭ 5 - ءماجىلىسىن اشۋ جونىندەگى قارار جوباسى جونىندەگى كەڭەس جوباسىن قارادى.
ءماجىلىس نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى لي فەي، وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ مەڭگەرۋشى مۇشەسى لي شۋەيۇڭ، اۋىل شارۋاشىلىعى جانە اۋىل - قىستاق كوميتەتى مەڭگەرۋشى مۇشەسىنىڭ ورىنباسارى جياڭ چاۋلياڭ جەكە - جەكە جاساعان 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ءتوراعالار القاسى وسى كوميتەتتىڭ قاراۋىنا تاپسىرعان، ۋاكىلدەر ورتاعا قويعان كەڭەستىك جوبالاردى قاراۋ ناتيجەسى جونىندەگى باياندامالاردى تىڭدادى.
ءماجىلىس تۇراقتى كوميتەتتىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ۋ يۇيلياڭ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن تىڭدادى.
ءماجىلىس تاعى مىندەتكە تاعايىنداۋ، مىندەتىنەن قالدىرۋعا قاتىستى ىستەر قاتارلىلاردى قارادى.
مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، باس حاتشى ياڭ جىن - ۋ ماجىلىسكە قاتىناستى.
مەملەكەتتىك كەڭەستىڭ مۇشەسى، ورتالىق اسكەري ىستەر كوميتەتىنىڭ مۇشەسى ۋەي فىڭحى، ەڭ جوعارى حالىق سوتى مەكەمەسىنىڭ باستىعى جوۋ چياڭ، ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداس، مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ مۇشەلەرى، ولكەلىك (اۆتونوميالى رايوندىق، توتە قاراستى قالالىق) حالىق قۇرىلتايى تۇراقتى كوميتەتتەرىندەگى جاۋاپتى جولداستار، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
