جۇڭگوداعى ەڭ ۇزاق جاساعان قارت 135 جاسىندا قاشقاردا قايتىس بولدى
كەزىندە «كورىكتى شينجياڭدى سۇيەمىن، شينجياڭعا جارشى بولامىن» دەپ لەبىز قالدىرعان
2021.12.20 13:13 كەلۋ قاينارى : حالىق تورابى
 |
المىحان سەيتتىڭ بۇرىنعى سۋرەتى
|
تيانشان تورابى – شينجياڭ گازەتىنىڭ ءتىلشىسى ۋەي يۇڭگۇي حابارلايدى. جۇڭگوداعى ەڭ ۇزاق جاساعان قارت المىحان سەيت 12 – ايدىڭ 16 – كۇنى ساعات 8 دەن 18 مينۋت وتكەندە شيجياڭ قاشقاردا 135 جاسىندا قايتىس بولدى. قارت كوزى تىرىسىندە «كورىكتى شينجياڭدى سۇيەمىن، شينجياڭعا جارشى بولامىن» دەگەن بولاتىن.
المىحان سەيت قارت قاشقار ايماعى جاڭا ءشار اۋدانى قۇمشىلىق اۋىلى پايكۇنحويلا قىستاعىنىڭ ادامى، كۇندەلىكتى تۇرمىستا ونى نەمەرەسى قۇربان نۇردىڭ وتباسى كۇتىمگە العان. قۇربان نۇردىڭ ايتۋىنشا، اجەسى وتباسىندا الاڭسىز كۇيدە اتتانىپ كەتكەن.
المىحان سەيت قارتتىڭ ازاماتتىق كۋالىگىندە ونىڭ تۋعان ۋاقىتى 1886 – جىلى 6 – ايدىڭ 25 – كۇنى دەپ جازىلعان، ول كەز چيڭ پاتشالىعىنىڭ گۋاڭشۇي جىلناماسىنا تۋرا كەلەدى. 2013 – جىلى جۇڭگو قارتتار عىلىمى قوعامى جاريالاعان 6 – كەزەكتى «جۇڭگوداعى ەڭ ۇزاق ءومىر سۇرگەن ون قارت» تىزىمدىگىندە، سول كەزدە 127 جاستاعى المىحان تىزىمدىكتە 1 – ورىننان كورىنگەن بولاتىن. المىحان سەيت قارت كوپ پەرزەنتتى بولىپ، 43 نەمەرە – شوبەرەلى بولعان.
«اجەم كۇندە راديو تىڭدايدى، كەشتە جاتار الدىندا راديودان ءان ەستىگەندە، اياعىن ءان ىرعاعى بويىنشا قوزعاپ جاتقانىن كورەمىز. وتباسىنا كىسى كەلسە، قارتتىڭ كوڭىل – كۇيى جادىرايدى، ءان ايتىپ، ءبي بيلەيدى. جۋىرداعى بىرنەشە جىلدان بەرى، اجەم كوجە، ءتۇشپارا، سورپالى ەت جەپ ءجۇردى»، — دەيدى قۇربان نۇر.
«جاس كەزىندە انام سامسا، زاعىر نان جەپ، ايران ىشكەندى ۇناتاتىن. ۇنەمى كوڭىل – كۇيىن جاقسى ۇستايتىن، ۇيگە قوناق كەلسە، كۇلدىرگى ايتىپ، ‹بۇگىن مەن سۇلۋ كورىنەمىن بە؟ ماعان تارتۋ اكەلدىڭ بە؟› دەپ سۇرايتىن»، — دەيدى قارتتىڭ قىزى تاجىگۇل تۇردى، — «انام وتە ەڭبەكقور، مىنەزى اشىق – جارقىن بولدى، ول ۇنەمى ءان ايتىپ، بويرا توقىپ وتىراتىن، بويرا توقىپ بولعان سوڭ، ونى بازارعا اپارىپ ساتاتىن. كەيىن بويرا توقۋعا ءالى كەلمەي قالدى، سوندا دا ءار كۇنى تۇسكى استان كەيىن بىرنەشە ءان ايتاتىن».
المىحان سەيتتىڭ ءىشىپ – جەم، جاتىن ورنىن جايعاستىراتىن نەمەرە كەلىنى تۇرسىنگۇلدىڭ ايتۋىنشا، قارتتىڭ تۇرمىسى وتە ءتارتىپتى بولعان، كۇنىنە ساعات 10 نان بۇرىن توسەكتەن تۇرىپ، ساعات 23 تەن بۇرىن توسەگىنە شىعىپ دەمالاتىن.
«اجەمنىڭ ءومىرىنىڭ سوڭى باقىتتى ءوتتى، ۇكىمەتتىڭ قاتىستى تاراۋلارىنىڭ مول قامقورلىعىنا يە بولدى»، — دەيدى قۇربان نۇر، اجەي ءار اي سايىن جەرگىلىكتى ۇكىمەت قارتتارعا تاراتاتىن 500 يۋان قوسىمشا قاراجاتقا، 370 يۋاندىق ەڭ تومەنگى تۇرمىس دەڭگەيىن قامتاماسىزداندىرۋ قاراجاتىنا جانە 200 يۋاندىق كۇتىمدەۋ قوسىمشا قاراجاتىنا يە بولىپ وتىرعان. اجەي كوزى تىرىسىندە وتباسىنداعىلارعا: «كورىكتى شينجياڭدى سۇيەمىن، شينجياڭعا جارشى بولامىن»، — دەگەن العىس ءسوزىن جازدىرعان.
2020 – جىلى المىحان سەيتتىڭ 134 جاسقا تولعان تۋعان كۇنى قياق كۇرىش مەرەكەسىمەن تۇسپا – تۇس كەلگەن. سول كۇنى جاڭا ءشار اۋداندىق حالىق ۇكىمەتى «‹سۇيىسپەنشىلىك اۋەنى ۇزىلمەيدى، قارتايماس اڭىز› عاسىردان ۇزاق جاساعان قارتتىڭ 134 جاسقا تولعان تۋعان كۇنىن قۇتتىقتاۋ جانە ساياحاتتى تانىستىرۋ جيىنىن» اشقان، ينتەرنەتتەگى تىكە تاراتۋ تەكشەسىندە ميلليوننان استام كورەرمەن قارتتىڭ تۋعان كۇنىن تىكە تاراتىلىمنان تاماشالاعان. سول كۇنى اۋىلدىق ۇكىمەت وعان ءۇش قاباتتى بالكۇلشە مەن ءبىر قۇر جاڭا كيىم ۇسىنعان. اۋىلداستارىنان 100 نەشە ادام ءبىر ارادا باس قوسىپ، دۋمانداتقان. قارت كوپشىلىككە «انارحان» اتتى ءاندى شىرقاپ بەرىپ، اسەرلەنگەنىنەن كوزىنە جاس العان. بيىل 6 – ايدىڭ 25 – كۇنى قارتتىڭ تۋعان كۇنىندە جاڭا ءشار اۋداندىق حالىق ۇكىمەتى تاعى دا اۋداندىق ءان – ءبي ۇيىرمەسىن ارنايى ورنالاستىرىپ، قارتتىڭ ۇيىنە كەلىپ، قارتتىڭ تۋعان كۇنىنە ءان – كۇيمەن تىلەكتەرىن جەتكىزگەن، سول كەزدە دە مۋزيكانىڭ ۇنىنە ەلىتكەن قارت قولدارىن ءبيدىڭ ارەكەتىنە كەلتىرگەن.
جاڭا ءشار اۋدانى قۇمشىلىق اۋىلى — «جۇڭگوداعى ۇزاق جاساۋشىلار اۋىلى» دەگەن اتاعى بار، قازىر بۇل جەردە ۇزاق جاساعان قارتتار كوپ. جۇڭگو قارتتار عىلىمى قوعامىنىڭ ارالاپ تەكسەرۋ ناتيجەسىنە قاراعاندا، شينجياڭدا ءجۇز جاستان اسقان قارتتار باستىسى قاشقار، اقسۋ، حوتان قاتارلى جەرلەردە كوپ بولعان.
جۋىرداعى جىلداردان بەرى، شينجياڭنىڭ دەنساۋلىق ساقتاۋ – سالاماتتىق ىستەرى ويداعىداي دامىدى، ءار ۇلت بۇقاراسىنىڭ دەنساۋلىق ورەسى ۇزدىكسىز جوعارىلادى، تابىس سەزىمى مەن باقىت سەزىمى زور مولشەردە جوعارىلادى، 2020 – جىلدىڭ سوڭىنا بارعاندا، بۇكىل رايون بويىنشا ادامداردىڭ ورتاشا مەجەلى عۇمىرى شينجياڭ بەيبىت جولمەن ازات بولۋدان بۇرىنعى 30 جاسقا جەتپەيتىن ورەدەن جوعارىلاپ 74.42 جاسقا جەتكەن.
كەلۋ قاينارى: حالىق تورابى
 |
المىحان سەيتتىڭ (ورتادا) بۇرىنعى سۋرەتى
|
 |
المىحان سەيتتىڭ بۇرىنعى سۋرەتى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
