«قارلى قالادا» 20 مىڭنان استام وقۋشى قار – مۇز سپورتىنا قاتىستى ساباقتاردى وقي باستادى
2021.12.21 15:50 كەلۋ قاينارى : حالىق تورابى
شينجياڭ گازەتىنىڭ 12 – ايدىڭ 20 – كۇنى التايدان بەرگەن حابارى. انار بۇلت \ شينجياڭ گازەتىنىڭ ءىلشىسى رىن جياڭ، ەرىكتى ءتىلشىسى ۋ حاييان حابارلايدى: مەملەكەتتىك 3 – كەزەكتى مەكتەپتەر ارا قار – مۇز سپورتى باسەكەسىنە كوماندا باستاپ قاتىناسۋعا دايىندالىپ جاتقان التاي ايماقتىق ورتا، باستاۋىش مەكتەپتەردىڭ جىلدام سىرعاناۋ سپورت كومانداسىنىڭ باستىعى قۇماش گۇلىستان 12 – ايدىڭ 19 – كۇنى تىلشىگە: «جىلدام سىرعاناۋ سپورتىنا جاتتىعىپ جاتقان وقۋشىلارىم بىرىنەن ءبىرى مىقتى»، — دەدى.
قۇماش جاتتىقتىرىپ جاتقان 34 وقۋشىنىڭ ەڭ كىشكەنەسى رۋسىلان ايبىن 8 جاستا عانا، ول 6 جاسىنان باستاپ التاي ايماقتىق جىلدام سىرعاناۋ سپورتى كومانداسىنا كەلىپ جاتتىعا باستاعان. بۇل رەتكى جارىسقا دايىندالۋ ءۇشىن، بارلىق وقۋشىلار ءار اپتانىڭ سوڭىندا جاتتىعۋ جاسايدى. «بالالاردىڭ بارلىعى قاتتى قۋانىپ، بارىنشا جاپالى جاتتىعۋ جاساپ ءجۇر»، — دەدى.
التاي ايماقتىق مادەنيەت، دەنە تاربيە، راديو، تەلەۆيزيا جانە ساياحات مەكەمەسى دەنە تاربيە ءبولىمىنىڭ باستىعى ياڭ تيڭ بىلاي دەپ تانىستىردى: مەملەكەتتىك 3 – رەتكى مەكتەپتەر ارا قار – مۇز سپورتى باسەكەسى الدا چاڭچۇندە وتكىزىلەدى، شينجياڭنان ءۇرىمجى مەن التاي ايماعى بىرگە ۇيىمداستىرعان كوماندا جارىسقا قاتىناسادى. بۇل رەت شينجياڭنان باراتىن ۋاكىلدەر كومانداسى باستاۋىش جانە ورتا مەكتەپ گرۋپپاسى بويىنشا جىلدام سىرعاناۋ، دالالىق دوڭگەلەكتى كونكي چەمپيوناتى، ورتا مەكتەپ وقۋشىلارىنىڭ تاۋ شاڭعى، جالقى تاقتامەن اينالمالى سىرعاناۋ قاتارلى 7 ءتۇر بويىنشا جارىسقا قاتىناسادى. الدىڭعى جىلى التاي ايماقتىق ۋاكىلدەر ۇيىرمەسى شينجياڭ اتىنان وسى جارىسقا قاتىناسىپ، توپتىق تۇردەن 3 – ورىنعا يە بولعان.
«جاستار مەن وسپىرىمدەردىڭ قار – مۇز سپورتىنا قاتىناسۋىن جاپپاي ىلگەرىلەتۋ ءۇشىن، ءبىز ‹قارلى قالاداعى ساڭلاقتاردى جەتىلدىرۋ ينجەنەرياسىن› اتقارىپ، قار – مۇز سپورتىنداعى ءبىر توپ زاپاس دارىندىلاردى تاڭدادىق، تاربيەلەدىك، اتتاندىردىق، التاي ايماعىنىڭ ‹دۇنيە جۇزىلىك قار – مۇز سپورتى، قار – مۇز ساياحاتى مەكەنىنە› اينالۋىن جەدەل ىسكە اسىرۋعا ۇلەس قوستىق»، — دەدى التاي ايماقتىق مادەنيەت جانە ساياحات مەكەمەسىنىڭ باستىعى ليۋ كىچۋان، جەرگىلىكتى ورىن قار – مۇز سپورتىن مەكتەپ اۋلاسىنا ەنگىزۋ قىزمەتىن جاپپاي ىلگەرىلەتىپ، الدا قار – مۇز سپورتىن دەنە تاربيە ساباعىنىڭ مازمۇنىنا قوسپاقشى. قازىرگە دەيىن، التاي ايماعىندا قار – مۇز سپورتى ساباعىن اشقان مەكتەپتەردىڭ سانى 47 مەكتەپكە جەتىپ، 25 مىڭ 200 وقۋشى قاتىناسقان ءارى دەنە تاربيە ساباعىن شاڭعى الاڭىنا اپارىپ ءوتۋ سىندى جاڭالىقتى دۇنيەگە اكەلگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
