تىنىش تا جاراسىمدى بولىپ، كورىنىسى كوز تارتتى
− تىنىش جۇڭگو قۇرىلىسىنداعى وزات كوللەكتيۆ كۇنەس اۋدانى نارات قالاشىعى جونىندە
2021.12.22 14:11 كەلۋ قاينارى : شينجياڭ گازەتى
12 - ايدىڭ 16 - كۇنى، قىسقى كۇنگى كۇنەس اۋدانىنىڭ نارات قالاشىعىندا اسپان شايداي اشىق، كۇن شۋاعىن توگىپ، جەلەمىك ەسىپ تۇر، بار الاپ تىنىشتىققا شومعان، تۇرمىس بەرەكەلى ءوتىپ جاتتى. رەتتى دە تازا مالىدە كەلە جاتقان نارات قالاشىعى نارات الەۋمەتتىك اۋماعىنىڭ ءبىرىنشى شۋجيى شى شۇنجۇڭنىڭ كوڭىلى قۋانىشقا تولى. ”قالاشىعىمىز جاڭا عانا داڭقپەن ’تىنىش جۇڭگو قۇرىلىسىنداعى وزات كوللەكتيۆ‘ بولدى“، - دەدى ول.
جاقىنعى جىلداردان بەرى نارات قالاشىعى پارتكومى مەن قالاشىق ۇكىمەت تىنىشتىق قۇرىلىسىن دانەكەر ەتىپ، جاڭا داۋىردەگى ”فىڭچياۋ تاجىريبەسىن“ بەلسەندىلىكپەن امالياتتا ايگىلەپ، قىستاقتا قونىستانۋدىڭ ەگجەي - تەگجەيلى قىزمەت وتەۋ باسقارۋى جاڭا ۇلگىسىن قالىپتاستىرعاندىقتان، قاراستى اۋماقتا ورنىقتى، جاراسىمدى، گۇلدەنگەن، دامىعان جاعداي جارىققا شىقتى، بۇل قالاشىق تا ”مەملەكەتتىك اۋىل - قىستاق ساياحاتىنداعى ءتۇيىندى قالاشىق“، ”2019 - جىلعى جۇڭگوداعى ەڭ كورىكتى قىستاق - قالاشىق“، ”جۇڭگوشا ەرەكشەلىكتەگى جاسامپازدار قالاشىعى“ سياقتى اتاقتارعا يە بولدى.
مەملەكەتتىك 5A دارەجەلى كورىنىس اۋماعى − نارات كورىنىس اۋماعى نارات قالاشىعىنا قاراستى اۋماققا ورنالاسقان، كورىنىس اۋماعىنا يىق تىرەستىرىپ جاتقان نارات الەۋمەتتىك اۋماعىنا ساياحات كاسىبىن تياناق ەتە دامۋ ورايى دا كەلدى. بۇل الەۋمەتتىك اۋماقتا 133 قوناق ءۇي، 157 حالىقتىق تۇسەلحانا بار، دۇكەندەر ءيىن تىرەسىپ، اس - سۋ كاسىبى سالاسى دامىعان. ”بيىل جىل باسىنان بەرى الەۋمەتتىك اۋماعىمىزدا قونا - تۇنەگەن، تاماقتانعان، زات ساتىپ العان ساياحاتشىلار كوپ بولعاندا كۇنىنە 50 مىڭ ادام - رەتكە تايايدى“، - دەدى شى شۇنجۇڭ.
ساياحاتشىلار تۇس - تۇستان كەلگەندە، ”تىنىشتىق تا“ كەم بولسا بولمايدى. نارات قالاشىعىنىڭ ءار قىستاعى (الەۋمەتتىك اۋماق) تىنىش ورىن قۇرۋ قيمىلىن كۇش سالا ىلگەرىلەتىپ، ءتۇرلى دانەكەر ارقىلى ۇگىتتى كۇشەيتىپ، ءار ۇلت بۇقاراسىنىڭ ءبىلۋ دارەجەسىن ارتتىرىپ، ”تىنىشتىق كلەتكاسىن“ قۇرۋمەن وتباسى، دۇكەن، مەكتەپ اۋلاسى، مالىلەردى، ت. ب جاپپاي قامتىدى. جاقىنعى جىلداردان بەرى بۇل قالاشىقتا قىلمىستىق ىستەر دەلولارى مەن اماندىق دەلولارى زور مولشەردە تومەندەپ، ساياحات ورتاسى تىنىش تا جايلى بولدى.
”ءبىز تاعى ادالدىقپەن تيجارات جۇرگىزۋ، باعادا ءادىل بولۋ سياقتىلاردى تىنىش ورىن قۇرۋدىڭ كاتەگورياسىنا ەنگىزىپ، قىزمەت وتەۋ ساپاسىن ۇزدىكسىز جوعارىلاتتىق، سوڭعى جىلدارى ساياحاتشىلاردىڭ شاعىم بەرۋى دە بارعان سايىن ازايدى، وقتا - تەكتە تۋىلاتىن داۋ - شار دا جاراستىرۋ ارقىلى جاقسى شەشىلدى“، - دەدى شى شۇنجۇڭ.
نارات الەۋمەتتىك اۋماعىندا ءبىر تۇرعىندار قىزمەت وتەۋ باسقارۋ ورتالىعى بار، وسىنى دانەكەر ەتۋ ارقىلى ءتۇرلى قىزمەتتەر ناقتى جۇرىلەدى. شى شۇنجۇڭ تىلشىگە بىلاي دەدى: ەڭ ماڭىزدىسى، بۇقارانىڭ قيىنشىلىعى مەن ارمان - تىلەگىن دەر كەزىندە ۇعىسىپ شەشەمىز، ونان كەيىنگىسى ۇگىت، ورنىقتىلىقتى قورعاۋدىڭ، ۇلتتار ىنتىماعىن جاقسارتۋدىڭ ماڭىزدىلىعىن ۇگىتتەيمىز، حالىققا ءتيىمدى ساياساتتاردى، زاڭداردى، زاڭ ەرەجەلەردى، ءداستۇرلى تاماشا ءمورال مەن ىندەتتەن ساقتانۋ بىلىمدەرىن ۇگىتتەيمىز. تۇرعىنداردىڭ بەلسەندىلىگى وتە جوعارى، اسىرەسە، قورشاعان ورتانى رەتتەۋ - وڭاۋ جاعىندا كوپشىلىك وزدىكتەرىنەن تازالىق جۇرگىزىپ، تاماشا قورشاعان ورتادا تۇس - تۇستان كەلگەن ساياحاتشىلاردى كۇتىپ الۋدا.
نارات قالاشىعى پارتكومىنىڭ ورىنباسار شۋجيى، ساياسي - زاڭ كوميتەتىنىڭ مۇشەسى نيۋ جۇن بىلاي دەدى: نارات قالاشىعى جەرگىلىكتى ەرەكشەلىككە ۇيلەسەتىن ”فىڭچياۋ تاجىريبەسى“ جونىندە ىزدەنىس جاساپ، الەۋمەتتىك زاڭدىق قىزمەت وتەۋ (ساياحات داۋ - شارىن جاراستىرۋ، ءبىر جاقتى ەتۋ) قىزمەت پۋنكتىن قۇرىپ، مالشىلاردىڭ، سونداي - اق ساياحاتشىلاردىڭ قايشىلىق داۋ - شارلارىن ءبىرىنشى شەپتە شەشۋدى جۇزەگە اسىردى.
”بيىل 5 - ايدا كۇنەس اۋداندىق حالىق سوتى مەكەمەسى نارات سوتحاناسى ساياحات شارلاۋ سوتىن قۇرىپ، بۇقارا مەن ساياحاتشىلارعا ارالاپ قىزمەت وتەدى“. نارات سوتحاناسىنىڭ باستىعى رۋان جين - يان بىلاي دەدى: شارلاۋ سوتى قۇرىلعاننان كەيىن، دەلو تۇرعىزىلىپ سوت اشىلعاندار جەرگىلىكتى بۇقارانىڭ توقتامعا قاتىستى بىرنەشە داۋ - شارى، ال ساياحاتشىلاردىڭ قايشىلىق داۋ - شارلارى سۋديا، ءادىليا اكىمشىلىك كادرلارى، ادۆوكات، حالىق ساقشىسى جانە حالىقتىق جاراستىرۋشى قاتارلى ءار جاق قىزمەتكەرلەرىنىڭ جاراستىرۋىندا ۇستىندە شەشىلدى.
رۋان جين - يان جاراستىرۋعا قاتىناسقان داۋ - شاردىڭ ەكەۋى مالشى مىنگەن ات تۇياعىنان ۇشقان تاس، تيجاراتشىنىڭ بوراندا ۇشىپ كەتكەن شاتىرى ساياحاتشى كولىگىنىڭ تەرەزەسىن شاعىپ كەتۋىنەن تۋعان، دوستىق پەيىلمەن كەڭەسۋ ارقىلى ەكى جاق ءساتتى تۇردە تولەم كەلىسىمىنە كەلدى.
”قارالعان ءار دەلو، جاراستىرىلعان ءار داۋ - شار، ءبارى دە تاماشا زاڭ جالپىلاستىرۋ وقۋلىعى سانالادى“. رۋان جين - يان دەلو ارقىلى زاڭدى ءتۇسىندىرۋ ءار ۇلت بۇقاراسىنىڭ زاڭدىق تانىمىن بارىنشا جوعارىلاتقاندىعىن ايتتى.
نارات قالاشىق ءادىليا بولىمشەسىنىڭ باستىعى وۋياڭ دىزى بىلاي دەپ تانىستىردى: نارات قالاشىعىندا جانە وعان قاراستى 10 قىستاقتا، ءبىر الەۋمەتتىك اۋماقتا تۇگەلدەي زاڭ جالپىلاستىرۋ ۇگىت قوسىنى بار. زاڭمەن باسقارۋ ۇگىتى ينتەرنەت جەلىسىندە جانە ينتەرنەت جەلىسىنەن سىرت بىردەي جۇرىلەدى، قوعام حاۋىپسىزدىگى حالىق ساقشىلارى قوعام اماندىعىن باسقارۋ جازا زاڭىن جانە الدامشىلىققا قارسى تۇرۋ بىلىمدەرىن باسا ۇگىتتەيدى، قىستاق (الەۋمەتتىك اۋماق) زاڭ اقىلشىلارى ازاماتتىق زاڭنامادان لەكسيا سويلەۋگە دەن قويادى، ءادىليا اكىمشىلىك قوسىنى حالىقتىق جاراستىرۋ جانە زاڭدىق كومەك بەرۋ جاعىندا زاڭدىق بەلگىلەمەلەردى كۇش سالا ۇگىتتەيدى.
”قالاشىقتا زاڭعا سانالى بويسۇنۋ، ءىستى زاڭ بويىنشا ءبىتىرۋ، ىسكە جولىقسا زاڭعا جۇگىنۋ، ماسەلەنى شەشۋدە زاڭدى قولدانۋ، قايشىلىقتى شەشۋدە زاڭعا سۇيەنۋ رايى قويۋ، بۇل تىنىشتىق قۇرىلىسىنىڭ زاڭمەن باسقارۋ قورعانىس شەبىن بەكەمدەي ءتۇستى“، - دەدى نيۋ جۇن.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
