اۋىل – قىستاقتى گۇلدەندىرۋدى جاپپاي ىلگەرىلەتۋدىڭ جاڭا جاعدايىن قۇلشىنا جاراتايىق (باسماقالا)
2022.02.23 16:15 كەلۋ قاينارى : حالىق تورابى
جاڭا جىل باستالدى، ج ك پ ورتالىق كوميتەتى، مەملەكەتتىك كەڭەس «2022 - جىلعى اۋىل - قىستاقتى گۇلدەندىرۋدەگى ءتۇيىندى قىزمەتتەردى جاپپاي ىلگەرىلەتۋ جونىندەگى پىكىردى» اشىق جاريالادى. بۇل ــ جاڭا عاسىردان بەرى پارتيا ورتالىق كوميتەتى ءۇرتىس تاراتىپ كەلە جاتقان «1 – ءنومىرلى قۇجاتتاردىڭ» ىشىندەگى 19 - قۇجات. بيىلعى ورتالىقتىڭ 1 - ءنومىرلى قۇجاتى جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، ساپالى دامۋدى ىلگەرىلەتىپ، نازاردى مەملەكەتتىڭ استىق حاۋىپسىزدىگىن قامتاماسىز ەتۋ مەن كولەمدى قايتا كەدەيلەنۋدىڭ تۋىلماۋى سىندى ەكى تومەنگى شەكتى مىقتاپ ساقتاۋعا شوعىرلاندىرىپ، اۋىل - قىستاقتىڭ دامۋى، اۋىل - قىستاق قۇرىلىسى، اۋىل - قىستاقتى جونگە سالۋ جاقتارىنداعى ءتۇيىندى قىزمەتتەردى تىڭعىلىقتى، ءتارتىپتى تۇردە ويداعىداي ىستەپ، 2022 - جىلى اۋىل - قىستاقتى گۇلدەندىرۋدى جاپپاي ىلگەرىلەتۋ جونىندە كەلەلى ورنالاستىرۋ جاسادى، بۇل اۋىل شارۋاشىلىعىندا ءونىمدى ورنىقتى ارتتىرۋعا، شارۋالاردىڭ كىرىسىن ورنىقتى ارتتىرۋعا، اۋىل - قىستاقتىڭ ورنىقتى، تىنىش بولۋىنا كەپىلدىك ەتۋدە كەلەلى جەتەكشىلىك مانگە يە.
اۋىل شارۋاشىلىعى، اۋىل - قىستاق، شارۋالار ىستەرى جاقسارسا، جالپى جاعدايدا ىرىقتى بولامىز. 2021 - جىلى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءبىز جاڭا تيپتى ايدارشا ۆيرۋس وكپە قابىنۋ ىندەتى، تاسقىن، سەل، جاراتىلىستىق اپات سياقتى قات - قابات قيىنشىلىقتاردى جەڭدىك، اۋىل شارۋاشىلىق ءوندىرىسى ورنىقتىلىق بارىسىندا ىلگەرىلەپ، استىق ءونىمى ءبىر تريلليون 300 ميلليارد جىڭنان اسىپ، كەدەيلىكتەن ارىلتۋدان قامال الۋدىڭ جەتىستىكتەرى بەكەمدەلىپ جانە كەڭەيىپ، اۋىل - قىستاقتى كوركەيتۋدە نىق قادام تاستالدى. اۋىل شارۋاشىلىعى، اۋىل - قىستاق رەفورماسىندا، دامۋىندا قول جەتكەن كورنەكتى تابىستار جاڭا جاعداي اشۋدا، وزگەرىسكە توتەپ بەرۋدە، جالپى جاعدايدى ورنىقتىرۋدا ماڭىزدى رول اتقاردى.
قازىر دۇنيە ءجۇزى بويىنشا جاڭا تيپتى ايدارشا ۆيرۋس وكپە قابىنۋ ىندەتى ءالى دە ءورشىپ كەلەدى، دۇنيە ءجۇزى ەكونوميكاسىنىڭ قالپىنا كەلۋى ءالسىز، كليمات وزگەرىسىنىڭ سىنى كورنەكتى، ەلىمىزدىڭ ەكونوميكالىق، قوعامدىق دامۋىنىڭ ءتۇرلى مىندەتتەرى توتەنشە اۋىر، جاپالى. 100 جىلدىق وزگەرىس جاعدايى مەن عاسىرلىق ىندەتكە بايىپتىلىقپەن توتەپ بەرىپ، ەكونوميكانىڭ، قوعامنىڭ ورنىقتى، اقاۋسىز دامۋىن ىلگەرىلەتۋدە، ءسوز جوق، مەملەكەتتىڭ كەلەلى ستراتەگيالىق قاجەتىن كوزدە ۇستاپ، اۋىل شارۋاشىلىعىنىڭ نەگىزگى جاعدايىن ورنىقتىرىپ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەپ، اۋىل - قىستاقتى گۇلدەندىرۋدى ۇزدىكسىز، جاپپاي ىلگەرىلەتۋ كەرەك. مىنالاردى تەرەڭ تانۋىمىز كەرەك: بيىل − جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىنىڭ جاڭا جورىعىنا قادام تاستاۋداعى ماڭىزدى جىل، پارتيامىز 20 - قۇرىلتايىن اشادى، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتۋدە تاباندى بولىپ، اۋىل شارۋاشىلىعىن، اۋىل - قىستاقتى الدىمەن دامىتۋدا تاباندى بولىپ، «ورنىقتىرعىش» رولىن اناعۇرلىم ويداعىداي ساۋلەلەندىرۋ ەكونوميكانىڭ، قوعامنىڭ ورنىقتى، اقاۋسىز دامۋىن ىلگەرىلەتۋدە ماڭىزدى مانگە يە. اۋىل شارۋاشىلىعى، اۋىل - قىستاق، شارۋالار نەگىزىن ويداعىداي ساقتاپ، شارالاردى قاتايتىپ، اتقارۋ قۋاتىن كۇشەيتىپ، ءوندىرىستى ورنىقتىرىپ، قامداۋدى قامتاماسىز ەتۋگە، اۋىل شارۋاشىلىعىنىڭ، اۋىل - قىستاقتىڭ ورنىقتى دامۋىنا كەپىلدىك ەتۋ كەرەك.
باس شۋجي شي جينپيڭ بىلاي دەپ دارىپتەگەن بولاتىن: «باستاپقى ونىمدەرمەن قامداۋدى ويداعىداي قامتاماسىز ەتۋ − كەلەلى ستراتەگيالىق ماسەلە. جۇڭگولىقتار ىرىزدىعىن قاي - قاشان دا ءوز قولىندا مىقتى ۇستاۋى، داستارقانىندا، باستىسى، جۇڭگو استىعى بولۋى كەرەك». استىق حاۋىپسىزدىگىنە پارتكوم مەن ۇكىمەت بىردەي جاۋاپتى بولۋدى جاپپاي تياناقتاندىرىپ، استىق حاۋىپسىزدىگى جاۋاپكەرلىك ءتۇزىمىن باعالاۋدى قاتايتىپ، نەگىزگى استىق ءوندىرىس رايوندارى، نەگىزگى ساتۋ رايوندارى، ءوندىرۋ - ساتۋى تەپە - تەڭ رايوندار تۇگەلدەي ەگىس اتىزدارىنىڭ اۋماعىن، ءونىم مولشەرىن قامتاماسىزداندىرىپ، استىق ەگىلەتىن جەر كولەمىنىڭ ورنىقتى بولۋىنا، ءونىم مولشەرىنىڭ ءبىر تريلليون 300 ميلليارد جىڭنان جوعارى بولۋىنا كەپىلدىك ەتۋى كەرەك. ءتۇرلى ءادىس - امالدارمەن سويا بۇرشاق پەن مايلى داقىلداردى كەڭەيتىپ ەگىپ، اۋىل شارۋاشىلىق قۇرىلىمىن شىنايى رەتتەپ، ونىمدىلىكتىڭ سىننان وتۋىنە كەپىلدىك ەتۋ كەرەك. كوجە - قاتىق ونىمدەرىمەن قامداۋدى قامتاماسىز ەتىپ، ماڭىزدى اۋىل شارۋاشىلىق ونىمدەرىن رەتتەۋ - مەڭگەرۋدى ءبىر تۇتاس ويداعىداي ىستەپ، استىق ءوندىرىسىن جانە ماڭىزدى اۋىل شارۋاشىلىق ونىمدەرىمەن قامداۋدى بار كۇشپەن ويداعىداي يگەرۋ كەرەك. ەگىنشىلەردىڭ استىق ەگۋدەن تاپقان پايداسىن ۇيلەسىمدى قامتاماسىزداندىرىپ، ەگىنشىلەردىڭ استىق ەگىپ پايدا تابۋىنا مۇمكىندىك جاراتىپ، ەگىنشىلەردىڭ استىق ەگۋ بەلسەندىلىگىن جۇمىلدىرۋ كەرەك. ەگىستىك جەر مەن تۇقىمدى ارقاۋ ەتىپ، وسى زامانعى اۋىل شارۋاشىلىعىنىڭ نەگىزدىك تىرەگىن كۇشەيتۋ كەرەك. «ەگىس اتىزدارى اتىز بولىپ تۇرا بەرۋى، ونىڭ ۇستىنە، ءسوز جوق، قۇنارلى اتىز بولۋى كەرەك»، «تۇلەپ وتىراتىن» ەگىستىك جەردى قورعاۋدىڭ قاتاڭ شارالارىن تياناقتاندىرىپ، ەگىستىك جەردى قورعاۋدا پارتكوم مەن ۇكىمەت بىردەي جاۋاپكەرلىك ارقالاپ، ءبىر ميلليارد 800 ميلليون مۋ ەگىستىك جەردىڭ قىزىل سىزىعىن قاتاڭ ساقتاپ، جوعارى ولشەمدى ەگىنجاي قۇرىلىسىنىڭ كەزەڭدىك مىندەتىن جاپپاي ورىنداۋ كەرەك. تۇقىم قاينارى سياقتى اۋىل شارۋاشىلىعىنداعى وزەكتى تەحنيكالاردان قامال الۋدى بار كۇشپەن ىلگەرىلەتىپ، اۋىل شارۋاشىلىق جابدىقتارىن زەرتتەپ اشۋ، قولدانۋ ورەسىن جوعارىلاتۋ كەرەك.باس شۋجي شي جينپيڭ بىلاي دەپ اتاپ كورسەتكەن بولاتىن: «ءبىز كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزىپ، جاپپاي دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىردىق، قازىر جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستادىق. وسىزاماندانعان مەملەكەت قۇرۋ اۋىل شارۋاشىلىعىن، اۋىل - قىستاقتى وسىزامانداندىرۋدان ايرىلا المايدى، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، بۇقارانىڭ تۇرمىسىن تىڭ ساتىعا كوتەرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى ىلگەرىلەتۋ بارىسىندا بارعان سايىن العا باسۋىمىز كەرەك». اۋىل - قىستاقتى گۇلدەندىرۋدىڭ العى شارتى − كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ، باقىلاۋ - ولشەۋ، كومەكتەسۋ - سۇيەمەلدەۋ مەحانيزمىن كەمەلدەندىرىپ، كەدەيلىكتەن ارىلعانداردىڭ كىرىسىن ءۇرتىس ارتتىرۋدى جەبەپ، اۋىل - قىستاقتى گۇلدەندىرۋدەگى ءتۇيىندى سۇيەمەلدەنەتىن اۋدانداردى جانە باسقا جەرگە كوشىرىلىپ، شوعىرلى ورنالاستىرۋ جاسالعان رايونداردى قولداۋ سەرپىنىن ارتتىرىپ، كەدەيلىكتەن ارىلعان وڭىرلەردە كومەكتەسۋ - سۇيەمەلدەۋ ساياساتىنىڭ تياناقتانىپ، ناتيجە بەرۋىن ىلگەرىلەتىپ، قايتا كەدەيلەنۋدىڭ كولەمدىك تۋىلماۋى سىندى تومەنگى شەكتى باتىل ساقتاپ، كەدەيلىكتەن ارىلتۋدان قامال الۋ شايقاسىنىڭ ۇلى جەتىستىكتەرىن شىن مانىندە قورعاۋ جانە بەكەمدەۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتۋدە اۋىل - قىستاقتاعى ءبىرىنشى، ەكىنشى، ءۇشىنشى كاسىپتەردىڭ توعىسپالى دامۋىن ۇزدىكسىز ىلگەرىلەتىپ، اۋدان كولەمىندەگى حالىقتى اۋقاتتاندىرۋ كاسىبىن كۇش سالا دامىتىپ، نازاردى كاسىپ سالاسىنا شوعىرلاندىرىپ، اۋىل - قىستاقتىڭ دامۋىن جەبەۋ؛ اۋىل - قىستاقتى گۇلدەندىرۋ شارۋالار ءۇشىن بولۋ، اۋىل - قىستاق قۇرىلىسىن شارۋالار ءۇشىن قۇرۋ تالابىن تياناقتاندىرىپ، اۋىل - قىستاق قۇرىلىسىن تىڭعىلىقتى، ورنىقتى ىلگەرىلەتۋ؛ اۋىل - قىستاق نەگىزگى ساتى ۇيىمدىق قۇرىلىسىن كۇشەيتىپ، اۋىل - قىستاق رۋحاني وركەنيەت قۇرىلىسىنىڭ ءونىمدى تۇعىر دانەكەرىن جاڭالاپ، ناقتى ونىمدىلىكتى كورنەكتىلەندىرۋ ارقىلى اۋىل - قىستاقتى جونگە سالۋدى جاقسارتۋ كەرەك. ساياساتتىق قامتاماسىزداندىرۋ مەن ءتۇزىلىس، مەحانيزمدە جاڭالىق اشۋ تەبىنىن ارتتىرىپ، پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىق ەتۋىندە تاباندى بولىپ جانە ونى كۇشەيتىپ، بۇكىل پارتيانىڭ، بۇكىل قوعامنىڭ كۇشىن جۇمىلدىرىپ، اۋىل - قىستاقتى گۇلدەندىرۋ فاكتورلارىن قامتاماسىز ەتۋدى كۇشەيتىپ، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋ كەرەك.
222 - جىلعى جاڭا جىلدى قۇتتىقتاۋ سوزىندە باس شۋجي شي جينپيڭ: «جاپپاي دوڭگەلەك داۋلەتتىلىككە جەتۋ، كەدەيلىكتەن ارىلتۋ پارتيامىزدىڭ حالىققا بەرگەن جاۋابى، سونداي - اق دۇنيە جۇزىنە قوسقان ۇلەسى بولىپ تابىلادى. كوپشىلىكتى اناعۇرلىم تاماشا تۇرمىسقا كەنەلتۋدە ءبىزدىڭ كوز الداعى ناتيجەلەرگە قاناعاتتانىپ قالۋىمىزعا بولمايدى، ءالى دە ۇزاق جول باسۋىمىزعا تۋرا كەلەدى» دەپ دارىپتەگەن بولاتىن. بيىلعى اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋدىڭ ماڭىزى زور، مىندەتى جاپالى. شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، شىنايى يگەرىپ، ناقتى ىستەپ، قاجىرلىلىقپەن ىستەپ، اۋىل - قىستاقتى گۇلدەندىرۋدى جاپپاي ىلگەرىلەتۋدىڭ جاڭا جاعدايىن قۇلشىنا اشىپ، پارتيا 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتىمىزبەن قارسى الايىق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
