دۇرىس ناتيجە كوزقاراسىن ورناتايىق جانە امالياتتا ايگىلەيىك
− باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
«حالىق گازەتىنىڭ» شولۋشىسى
2022.03.04 14:55 كەلۋ قاينارى : حالىق تورابى
«كوممۋنيستەر حالىقتى باقىتقا كەنەلتۋ ەڭ ۇلكەن ناتيجە ەكەنىن، ءسوز جوق، ەستە بەرىك ساقتاۋى كەرەك». 2022 - جىلعى كوكتەمگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ جاس كادرلارعا دۇرىس ناتيجە كوزقاراسىن ورناتۋ جانە امالياتتا ايگىلەۋ جونىندە ايقىن تالاپ قويدى، بۇل قالىڭ پارتيالى كادرلاردىڭ كىم ءۇشىن ناتيجە جاراتۋ، قانداي ناتيجە جاراتۋ، قالاي ناتيجە جاراتۋ ماسەلەسىن ويداعىداي شەشىپ، جاڭا دامۋ كەزەڭىندە امالياتتىڭ ناقتى ونىمدىلىگىن اناعۇرلىم كورنەكتىلەندىرىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋى جونىنەن كەلەلى جەتەكشىلىك مانگە يە.
دۇرىس ناتيجە كوزقاراسىن ورناتۋدا جانە امالياتتا ايگىلەۋدە پارتيالىلىق شەشۋشى رول اتقارادى. باس شۋجي شي جينپيڭ بىلاي دەپ دارىپتەدى: «پارتيالىلىق بەرىك بولىپ، جات نيەت، بوتەن ويدان اۋلاق بولعاندا عانا، ناتيجە كوزقاراسىندا اۋىتقۋشىلىق بولماۋىنا كەپىلدىك ەتۋگە بولادى». پارتيالىلىق − پارتيالى كادرلاردىڭ ەڭسە كوتەرىپ، يگىلىك جاراتىپ، ءسوز سويلەپ، ونەگە كورسەتۋىنىڭ ىرگە تاسى، بۇل سايىپ كەلگەندە، مايدان ماسەلەسى سانالادى. كوممۋنيستەر، اسىرەسە، باسشى كادرلار كەڭ پەيىل بولىپ، اسقاق مۇرات ورناتىپ، قاشان دا پارتيامەن، حالىقپەن، مەملەكەتپەن تىلەكتەس بولىپ، پارتيالىلىق پرينسيبىندە سانالى تۇردە تاباندى بولۋى كەرەك. پارتيامىزدىڭ حالىقتىڭ مۇددەسىنەن باسقا وزىندىك ەرەكشە مۇددەسى جوق، پارتيانىڭ بارلىق قىزمەتى قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرۋ، قورعاۋ، دامىتۋ ءۇشىن، پارتيالىلىقتا تاباندى بولۋدىڭ ءوزى − حالىقشىلدىقتا تاباندى بولعاندىق. پارتيامىز حالىقتىڭ باقىتىن كوزدەپ، حالىققا ءىس ىستەپ بەرەدى، حالىققا باقىت جاراتۋدى ەڭ ۇلكەن ساياسي ناتيجە ەتەدى، پارتيانىڭ 100 جىلدىق كۇرەس تاريحى حالىققا ۇزدىكسىز باقىت جاراتۋ تاريحى بولدى. ءبىز قىزمەتتى جوسپارلاپ ىلگەرىلەتۋدە، ءسوز جوق، بۇكىل ىنتا - پەيىلمەن حالىق ءۇشىن قىزمەت ىستەۋ ءتۇبىرلى باس ماقساتىندا تاباندى بولىپ، حالىقتى وزەك ەتكەن دامۋ يدەياسىندا تاباندى بولىپ، دامۋ حالىق ءۇشىن بولۋدا، دامۋدا حالىققا سۇيەنۋدە، دامۋ جەتىستىگىنەن حالىقتى يگىلىكتەندىرۋدە تاباندى بولىپ، يگى ىستەردى، ناقتى ىستەردى بۇقارا رازى بولاتىنداي ەتىپ ىستەۋىمىز كەرەك.
پارتيامىز بۇقارا ءۇشىن قانشالىق جاقسى ءىس، ناقتى ءىس ىستەۋدى ساياسي ناتيجەنى تەكسەرۋدىڭ ماڭىزدى ولشەمى ەتتى. باس شۋجي شي جينپيڭ بىلاي دەپ اتاپ كورسەتتى: «نەنىڭ يگى ءىس، ناقتى ءىس ەكەنىن بۇقارانىڭ ءتول قاجەتىمەن باعامداۋ كەرەك، سۋبيەكتيۆتىك دولبار جاساۋعا بولمايدى، قاراپايىمداندىرۋعا، سىڭار جاقتىلاندىرۋعا بولمايدى». حالىقتىڭ قاجەتى قاي جەردە بولسا، سول جەردە يگى ءىس، ناقتى ءىس تىندىرۋعا، سول جەردە ناتيجە جاراتۋعا بولادى. ناتيجەنىڭ جاقسى بولۋ - بولماۋىندا بۇقارانىڭ ءىس جۇزىندىك سەزىنۋىنە قاراۋ كەرەك، ونى بۇقارا باعالاۋ كەرەك. كەيبىر ءىستىڭ يگى ءىس، ناقتى ءىس بولعان - بولماعانىن تۇجىرىمداۋدا تەك بۇقارانىڭ كوز الداعى قاجەتىنە قاراۋعا بولمايدى، قايتا زاردابى بار - جوقتىعىنا، «ءبىر ماسەلەنىڭ شەشىلۋى 10 وكىنىش قالدىردى ما، جوق پا» دەگەنگە قاراۋ كەرەك. پارتيالى كادرلار جونىنەن العاندا، بۇقارانىڭ كوزبەن كورىپ، قولمەن ۇستاپ، ناقتى يگىلىككە كەنەلۋىنە مۇمكىندىك جاسايتىن ناقتى ىستەردى ىستەۋمەن بىرگە، كەيىنگىلەرگە جول سالىپ، نەگىز قالاپ، ۇزاق بولاشاققا پايدا جەتكىزەتىن جاقسى ىستەردى ىستەۋ، كورنەكتى ەڭبەك كورسەتۋمەن بىرگە، كومەسكى ەڭبەك كورسەتىپ، جەكە اتاق - ابىرويمەن ەسەپتەسپەي، حالىق بۇقاراسىنىڭ جاقسى باعاسىنا، تاريحتىڭ شىڭداۋىنان وتەتىن شىنايى باعاعا ۇمتىلۋ كەرەك. اتاققۇمارلىققا سالىنباۋ، جالعاندىق ىستەمەۋ، قۇر اتاققا بوي ۇرماۋ كەرەك، «حالىق جاقسى دەسە، جاقسى بولعانى، حالىق جەك كورسە، ناشار بولعانى»، وسىلاي بولعاندا عانا ءمانساپقا لايىق مىندەت تىندىرىپ، بۇقاراعا باقىت جاراتۋعا بولادى.
كۇرەس تاريحتى جاراتادى، ناقتى ىستەۋ بولاشاقتى سومدايدى. وتكەن 100 جىلدا پارتيا حالىققا، تاريحقا ۇزدىك جاۋاپ قايتاردى. قازىر پارتيا بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا ءتۇستى. ەكىنشى 100 جىلدىق كۇرەس نىساناسىن جۇزەگە اسىرۋدا ءبىز پارتيانىڭ نەگىزگى لۋشيانىندا تاباندى بولۋىمىز، ەكونوميكالىق قۇرىلىستى وزەك ەتۋدە تاباندى بولۋىمىز كەرەك، الايدا جاڭا جاعدايداعى دامۋدا جاڭا اياق كيىم كيىپ، كونە سۇردەكپەن جۇرۋگە بولمايدى، ءسوز جوق، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ساپالى دامۋدى ىلگەرىلەتۋ كەرەك. ناتيجە اتاۋلى ىستەۋدەن كەلەتىنىن، شىنايى ىستەگەندە عانا شىنايى ناتيجە شىعارۋعا، ناقتى ناتيجە شىعارۋعا بولاتىنىن ايقىن تانۋ كەرەك. جاڭا جاعداي، جاڭا مىندەت الدىندا پارتيالى كادرلار، ءسوز جوق، شىنايى يگەرىپ، ناقتى ىستەپ، ەسەلى ەڭبەك قوسىپ، ناقتى شارا شىعارىپ، ناقتى ونىمدىلىككە تالپىنىپ، ءىستى باسىنان - اياعىنا دەيىن ناتيجەلى ىستەۋى، ۇران ۇلگىسىندە، ەمەۋرىن ءبىلدىرۋ ۇلگىسىندە، جىلتىراتىپ كورسەتۋ ۇلگىسىندە تياناقتاندىرۋ ءادىسىن باتىل تيۋى كەرەك. كەزەك كۇتتىرمەيتىن ءىس جونىندە ايتقانىن تاباندا ورىنداپ، ۋاقىتتى مىقتى ۇستاپ جەدەل ءبىتىرۋ كەرەك، سىلبىر، سالاق بولۋعا بولمايدى. ۇزاق ۋاقىتتىق مىندەت جونىندە ستراتەگيالىق تاباندىلىق پەن ۇستامدىلىقتى ساقتاپ، جوبانى سوڭىنا دەيىن ورىنداۋدا تاباندى بولىپ، قاجىماس تاباندىلىق كورسەتۋ، ۇزبەي قۇلشىنۋ كەرەك. دالمە - ءدال ويلاۋدى كۇشەيتىپ، جوسپار جاساعاندا كەلەلى جاعدايدى ءبىر تۇتاس مەڭگەرۋ، ىستەۋ بارىسىندا شوگەل، جۇيەلى بولۋ، قىزمەتتى شەبەرلىكپەن تىڭعىلىقتى، تياناقتى ىستەۋ كەرەك. ەڭبەك ماعان جازىلماسا دا بولادى دەيتىن رۋحاني ورە قالىپتاستىرىپ، ەڭبەك سىڭىرۋدە مەن بولماسام بولمايدى دەيتىن تاريحي جاۋاپكەرلىك ورناتىپ، شىنايى يگەرەتىن كۇش - قۋاتپەن، باتىلدىقپەن يگەرەتىن جىگەرمەن، شەبەرلىكپەن يگەرەتىن رۋحپەن، ۇنەمى يگەرەتىن قايسارلىقپەن ءىستى بىرىنەن سوڭ ءبىرى ىستەپ، جىلدان - جىلعا جالعاستىرىپ ىستەگەندە عانا، تاماشا جوبانى رەالدىققا اينالدىرۋعا بولادى.
جۇڭگو كوممۋنيستەرى جونىنەن العاندا، دۇنيە جۇزىندەگى ەڭ ۇلكەن باقىت حالىقتىڭ باقىتى ءۇشىن كۇرەسۋدەن ارتىق بولمايدى. بۇقارانى كوكەيدەن شىعارماساق، اقيقاتتى يگەرسەك، دۇرىس جولمەن جۇرسەك، سەنىمىمىز كامىل، كۇشىمىز مىعىم بولادى. جاڭا جورىقتا حالىقتى وزەك ەتكەن دامۋ يدەياسىن جەتە ءتۇسىنىپ، دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، بۇقارانىڭ مۇڭ - مۇقتاجىن باستان - اياق كوكەيدە ساقتاپ، حالىقتى باقىتقا كەنەلتۋدى ەڭ ءتۇبىرلى مىندەت ەتىپ، بۇقارانىڭ ويلاعانىن ويلاپ، بۇقارانىڭ اسىققانىنا اسىعىپ، قاجىرلىلىقپەن ىستەپ، ەرلىكپەن العا باسساق، ءبىز، ءسوز جوق، حالىق بۇقاراسىنىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرىپ، حالىق بۇقاراسىنىڭ تابىس، باقىت، حاۋىپسىزدىك سەزىمىن اناعۇرلىم تولىقتىرىپ، اناعۇرلىم قامتاماسىز، اناعۇرلىم باياندى ەتىپ، تىڭ دا اناعۇرلىم زور كەرەمەتتەر جاراتا الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
