ءبىر نيەتپەن ىنتىماقتاسىپ، بىرگە كۇرەس جۇرگىزەتىن كۇش - قۋاتتى ۇيىستىرايىق (باسماقالا)
− ساياسي كەڭەس مەملەكەتتىك 13 - كەزەكتى كوميتەتى 5 - ءماجىلىسىنىڭ اشىلعانىن قىزۋ قۇتتىقتايمىز
2022.03.04 14:59 كەلۋ قاينارى : حالىق تورابى
كوكتەمگى كۇن شۋاعىن شاشىپ، بارشا تىرشىلىك تۇلەدى. بۇگىن ساياسي كەڭەس مەملەكەتتىك 13 - كەزەكتى كوميتەتىنىڭ 5 - ءماجىلىسى بەيجيڭدە اشىلدى، مەملەكەتتىك ساياسي كەڭەستىڭ 34 سالادان كەلگەن 2000 نان استام مۇشەسى ماڭىزدى تاپسىرمانى ارقالاپ، اسقاق سەزىممەن استانادا باس قوسىپ، مەملەكەت ءىسىن بىرگە اقىلداستى. ءماجىلىستىڭ اشىلعانىن قىزۋ قۇتتىقتايمىز!
وتكەن ءبىر جىل پارتيا مەن مەملەكەت تاريحىنداعى بەلەستىك مانگە يە ءبىر جىل بولدى. شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ءبىرسىپىرا ءىرى، ماڭىزدى ىستەردى ىستەپ، ءبىرسىپىرا حاۋىپ - قاتەر مەن سىن - سايىستى جەڭىپ، پارتيا مەن مەملەكەت ىستەرىندە تىڭ دا كەلەلى تابىستارعا قول جەتكىزۋدى ىلگەرىلەتتى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتاپ، پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسىن اشىپ، ءۇشىنشى تاريحي قاراردى شىعارىپ، پارتيا تاريحىن ۇيرەنۋ تاربيەسىن ورىستەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە قول جەتكىزىپ، جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋدىڭ، ەكىنشى 100 جىلدىق كۇرەس نىساناسىنا قاراي تىڭ جورىق جاساۋدىڭ ساپارىن باستادى. 100 جىلدىق وزگەرىس جاعدايى مەن عاسىرلىق ىندەتكە بايىپتىلىقپەن توتەپ بەرىپ، حالىقتى بارىنەن جوعارى قويۋدا، ءومىردى بارىنەن جوعارى قويۋدا تاباندى بولىپ، دامۋ مەن حاۋىپسىزدىكتى ءبىر تۇتاس جوسپارلاپ، ەكونوميكالىق دامۋ مەن ىندەتتەن ساقتانۋ - تىزگىندەۋدە دۇنيە ءجۇزى بويىنشا الدىڭعى ورىندى ساقتاپ، جاڭا دامۋ جاعدايىن قالىپتاستىرۋدا تىڭ قادام تاستاپ، ساپالى دامۋدا تىڭ تابىستارعا قول جەتكىزىپ، «14 – بەسجىلدىق» جوبادا تاماشا باستاما جاراتتى. بەيجيڭ قىسقى وليمپيادا سپورت جارىسىن تابىستى ۇيىمداستىرىپ، دۇنيە جۇزىنە تارتىمدى، وزگەشە، عالامات سالتاناتتى وليمپيادا سپورت جارىسىن وتكىزىپ بەرىپ، دۇنيە جۇزىنە شۋاقتى، باي دا قۇدىرەتتى، اشىق، ۇمىتكە تولى مەملەكەت وبرازىن ايگىلەدى. ءبىرقىدىرۋ ناتيجەگە قول جەتكىزىلۋى − پارتيا ورتالىق كوميتەتىنىڭ پارمەندى باسشىلىعىنىڭ ناتيجەسى، سونداي - اق دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل ەلدەگى ءار ۇلت حالقىنىڭ ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەس جۇرگىزۋىنىڭ ناتيجەسى!
وتكەن ءبىر جىلدا پارتيا ورتالىق كوميتەتىنىڭ پارمەندى باسشىلىعىندا، حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن مۇقيات دايەكتى تياناقتاندىرىپ، ىنتىماق جانە دەموكراتيا سىندى ەكى ۇلكەن تاقىرىپتا تاباندى بولىپ، حالىق ساياسي كەڭەسىنىڭ سيپاتى مەن ورنىندا تاباندى بولىپ، ارناۋلى كەڭەس قۇرىلىمىنىڭ ءتۇرلى قۇرىلىستارىن ىلگەرىلەتىپ، يدەيالىق - ساياسي جەتەكشىلىكتى كۇشەيتىپ، ج ك پ تاريحىن ءتۇيىن ەتكەن «ءتورت تاريح» تاربيەسىن مۇقيات ورىستەتىپ، «14 - بەسجىلدىق» جوبانىڭ تاماشا باستاماسىن جۇزەگە اسىرۋدى ارقاۋ ەتىپ، ۇكىمەت ءىسىن ىشكەرىلەي كەڭەسىپ جانە دەموكراتيالىق باقىلاۋ جۇرگىزىپ، قوعام جاعدايى مەن حالىق رايىن بەلسەنە اڭىس ەتىپ، مىندەت وتەۋ فورماسىندا جاڭالىق جاراتىپ، شينحاي توڭكەرىسىنىڭ 110 جىلدىعىن ەسكە ءتۇسىرۋ قيمىلىن وتكىزىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
ىنتىماق − تەمىر، ىنتىماق − قۇرىش، ىنتىماق − كۇش. ىنتىماق − جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق حاۋىپ - قاتەر مەن سىن - سايىستى جەڭىپ، جەڭىستەن جەڭىسكە ۇزدىكسىز جەتۋىنىڭ ماڭىزدى كەپىلى. 100 جىلدىق كۇرەس بارىسىنا قايىرىلا قاراساق، جۇڭگو كوممۋنيستىك پارتياسى بىرلىكساپتى باستان - اياق ماڭىزدى ورىنعا قويىپ، ەڭ كەڭ كولەمدى بىرلىكساپتى ۇزدىكسىز بەكەمدەپ جانە دامىتىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ورتاق كۇرەس جۇرگىزۋدىڭ كۇش - قۋاتىن مۇمكىندىكتىڭ بارىنشا ۇيىستىردى. 70 جىلدان استام ۋاقىتتان بەرى، اسىرەسە، پارتيانىڭ 18 - قۇرىلتايىنان بەرى جۇڭگو كوممۋنيستىك پارتياسىنىڭ باسشىلىعىندا، حالىق ساياسي كەڭەسى بىرلىكساپتىڭ ۇيىمدىق فۋنكتسياسىن تولىق ساۋلەلەندىرىپ، ۇلى ىنتىماق پەن ۇلى بىرلەستىكتە، بىردەيلىك پەن الۋان تۇرلىلىكتىڭ بىرلىگىندە تاباندى بولىپ، ورتاق يدەيالىق - ساياسي نەگىزدى ۇزدىكسىز بەكەمدەپ، ورتاق تانىمدى كەڭىنەن ۇيىستىرىپ، ەڭ ۇلكەن ورتاق بولگىشتى قۇلشىنا قاراستىرىپ، ەڭ ۇلكەن سەنترلەس شەڭبەردى سىزىپ، ۇلتتىڭ گۇلدەنۋىن جۇزەگە اسىرۋدىڭ قۇدىرەتتى كۇش - قۋاتىن توپتادى. اماليات بىرلىكساپ پارتيانىڭ جاۋدى جەڭىپ، جەڭىسكە جەتۋىندەگى ماڭىزدى اسىلى ءارى پارتيانىڭ بيلىك جۇرگىزىپ، مەملەكەتتى گۇلدەندىرۋدەگى ماڭىزدى اسىلى ەكەنىن تولىق دالەلدەدى. حالىق ساياسي كەڭەسى بىرلىكساپ قىزمەتىن ورىستەتۋدەگى جاۋاپكەرلىكتى كۇشەيتىپ، اناعۇرلىم كوپ ادامدى پارتيانىڭ توڭىرەگىنە ىنتىماقتاستىرۋى كەرەك.
كەڭەس دەموكراتياسى − پارتيانىڭ حالىققا باسشىلىق ەتىپ، مەملەكەتتى ءونىمدى جونگە سالىپ، حالىقتىڭ ءوز ىسىنە ءوزى قوجا بولۋىنا كەپىلدىك ەتۋىندەگى ماڭىزدى تۇزىمدىك جوبا، پارتيانىڭ باسشىلىعىن جۇزەگە اسىرۋدىڭ ماڭىزدى ءتاسىلى، ەلىمىزدىڭ سوتسياليستىك دەموكراتيالىق ساياسيىنىڭ ەرەكشە فورماسى جانە وزگەشە ابزالدىعى. سوتسياليستىك كەڭەس دەموكراتياسىنىڭ ماڭىزدى ارناسى جانە ارناۋلى كەڭەس قۇرىلىمى بولعان حالىق ساياسي كەڭەسى − مەملەكەتتى جونگە سالۋ جۇيەسىنىڭ ماڭىزدى قۇرامداس بولەگى جانە جۇڭگوشا ەرەكشەلىككە يە تۇزىمدىك ورنالاستىرۋ. حالىق ساياسي كەڭەسى كەڭەسۋ بارىسىندا كەڭ كولەمدى ىنتىماقتى جەبەپ، كوپ پارتيا سەلبەستىگىن ىلگەرىلەتىپ، حالىق دەموكراتياسىن امالياتتا ايگىلەپ، ورتاق تانىمدى ءونىمدى ۇيىستىرىپ، ءارى تاريحي داستۇرگە مۇراگەرلىك ەتىپ، ءارى ءداۋىر ەرەكشەلىگىن بەينەلەپ، ەلىمىزدىڭ سوتسياليستىك دەموكراتياسىندا جۇمىس بولسا كوبىرەك اقىلداسۋ، ىسكە جولىققاندا كوبىرەك اقىلداسۋ، جۇمىس ىستەگەندە كوبىرەك اقىلداسۋ ەرەكشەلىگى مەن ابزالدىعىن بەينەلەپ، جالپى بارىستىق حالىق دەموكراتياسىنىڭ قۇن كوزقاراسىن ايگىلەدى. اماليات جۇڭگوشا دەموكراتيانىڭ جۇڭگودا جۇزەگە اساتىنىن، وتە جارامدى ەكەنىن تولىق دالەلدەدى. جاڭا جاعدايدا، ءبىز، ءسوز جوق، حالىق ساياسي كەڭەسى تۇزىمىندە ويداعىداي تاباندى بولىپ، حالىق ساياسي كەڭەسى ىستەرىن ويداعىداي دامىتىپ، ارناۋلى كەڭەس قۇرىلىمى قۇرىلىسىن ىشكەرىلەي ىلگەرىلەتىپ، ساياسي كەڭەس ءتۇزىمىنىڭ ابزالدىعىن مەملەكەتتى جونگە سالۋ ونىمدىلىگىنە شىنايى اينالدىرۋىمىز كەرەك.
2022 - جىل − جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىنىڭ جاڭا ساپارىنا قادام تاستاۋداعى ماڭىزدى جىل، سوڭعى جارتى جىلدا پارتيانىڭ 20 - قۇرىلتايى اشىلادى، بۇل − پارتيا مەن مەملەكەتتىڭ ساياسي ومىرىندەگى ءىرى ءىس. ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، «ەكىنى تۇراقتاندىرۋدىڭ» شەشۋشى ءمانىن تەرەڭ ءتۇسىنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ءتۇرلى قىزمەتتەردى تىڭعىلىقتى ىستەپ، پارتيانىڭ 20 - قۇرىلتايىنىڭ تابىسپەن اشىلۋىن ءىس جۇزىندىك ارەكەتپەن قارسى الۋىمىز كەرەك. جاڭا جورىقتا ەكپىندەي ىلگەرىلەپ، جاڭا داۋىرگە ەڭبەك سىڭىرگەن حالىق ساياسي كەڭەسىنىڭ مىندەتى جاپالى، جاۋاپكەرلىگى اۋىر. ساياسي كەڭەس مۇشەلەرىنىڭ تاريحي ىرىقتىلىق رۋحىن ساۋلەلەندىرىپ، جاۋاپكەرلىك ارقالاۋدى كۇشەيتىپ، مىندەتتى مۇقيات اتقارىپ، جاۋاپكەرلىكتى ادا ەتىپ، حالىقتىڭ تاماشا تۇرمىسقا دەگەن تالپىنىسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋىن ءۇمىت ەتەمىز!
ءماجىلىستىڭ تولىق تابىستى بولۋىن تىلەيمىز!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
