مەملەكەتتىك ساياسي كەڭەس 13 - كەزەكتى كوميتەتىنىڭ 5 - ءماجىلىسى بەيجيڭدە اشىلدى
2022.03.05 17:42 كەلۋ قاينارى : حالىق تورابى
 |
3 - ايدىڭ 4 - كۇنى جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى بەيجيڭدەگى حالىق سارايىندا اشىلدى. سۋرەتتە: شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ءتوراعالار مىنبەسىنەن ورىن الدى، ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان ماجىلىسكە قاتىناسىپ قۇتتىقتادى
ۋاڭ ياڭ ساياسي كەڭەس تۇراقتى كوميتەتىنىڭ قىزمەتىنەن بايانداما جاسادى، جاڭ چيڭلي باسقاردى، ليۋ شينچىڭ ۇسىنىس جوبا قىزمەتى جاعدايىنان بايانداما جاسادى
شينحۋا اگەنتتىگى، 3 - ايدىڭ 4 - كۇنى، بەيجيڭ. زەيىن - زەردەنى، كۇش - قۋاتتى شوعىرلاندىرىپ، ۇلى ارماندى بىرگە جۇزەگە اسىرىپ، قايراتتانا العا ۇمتىلىپ، ءداۋىردىڭ شۇعىلالى داستانىن جازدى. جۇڭگو حالىق ساياسي ءماسليحات كەڭەسى 13 - كەزەكتى مەملەكەتتىك كوميتەتىنىڭ 5 - ءماجىلىسى 3 - ايدىڭ 4 - كۇنى تۇستەن كەيىن حالىق سارايىندا اشىلدى. مەملەكەتتىك ساياسي كەڭەستىڭ 2 مىڭعا تاياۋ مۇشەسى پارتيا مەن مەملەكەت قىزمەتىنىڭ جالپى جاعدايىن تىعىز ارقاۋ ەتىپ، ۇكىمەت ءىسىن ىشكەرىلەي كەڭەسىپ، مىندەتىن مۇقيات اتقارىپ، جاۋاپكەرلىگىن ادا ەتىپ، ورتاق تانىمدى كەڭىنەن ۇيىستىرىپ، جاپپاي سوتسياليستىك وسىزاماندانعان مەملەكەت قۇرۋعا اقىل - پاراسات پەن كۇش - قۋات توپتايدى.
مەملەكەتتىك ساياسي كەڭەستىڭ ءتوراعاسى ۋاڭ ياڭ، مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.
پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الىپ، ءماجىلىستىڭ اشىلعانىن قۇتتىقتادى.
مەملەكەتتىك ساياسي كەڭەس 13 - كەزەكتى كوميتەتىنىڭ 5 - ماجىلىسىنە قاتىناسۋعا ءتيىستى مۇشە 2 مىڭ 157 ادام، ناقتى قاتىناسقانى ءبىر مىڭ 988 ادام، بۇل بەلگىلەمەدەگى ادام سانىنا ۇيلەسەدى.
تۇستەن كەيىن ساعات 3 تە جاڭ چيڭلي ءماجىلىستىڭ اشىلعانىن جاريالادى، الاڭداعىلار تۇگەلدەي ورىندارىنان تۇرىپ، مەملەكەت ءانىن شىرقادى.
ءماجىلىس الدىمەن ساياسي كەڭەس 13 - كەزەكتى مەملەكەتتىك كوميتەتى 5 - ءماجىلىسىنىڭ كەڭەستىك ءتارتىبىن قاراپ ماقۇلدادى.
ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.
ۋاڭ ياڭ مىنالاردى اتاپ كورسەتتى: 2021 - جىل پارتيا مەن مەملەكەت تاريحىنداعى بەلەستىك مانگە يە ءبىر جىل بولدى. ج ك پ ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى مەن ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىنتىماق جانە دەموكراتيا سىندى ەكى ۇلكەن تاقىرىپتا، ساياسي كەڭەستىڭ سيپاتى مەن ورنىندا تاباندى بولىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋدى نەگىزگى جەلى ەتىپ، يدەيالىق - ساياسي جەتەكشىلىكتى كۇشەيتىپ، «14 – بەسجىلدىقتىڭ» تاماشا باستاماسىن جەبەۋدى ءتۇيىن ەتىپ، مىندەتىن مۇقيات اتقارىپ، جاۋاپكەرلىگىن ادا ەتىپ، ساياسي كەڭەستىڭ ءتۇزىم ونىمدىلىگىن جوعارىلاتۋدى نىسانا ەتىپ، ارناۋلى كەڭەس قۇرىلىمى قۇرىلىسىن ىلگەرىلەتىپ، پارتيا مەن مەملەكەت ىستەرىنىڭ دامۋىنا تىڭ ۇلەس قوستى.
ۋاڭ ياڭ مەملەكەتتىك ساياسي كەڭەستىڭ وتكەن ءبىر جىلداعى قىزمەتىن 5 جاقتان قورىتىندىلادى. ءبىرىنشى، نازاردى جۇڭگو كوممۋنيستىك پارتياسىنىڭ ءجۇز جىلدىق مەرەي تويىن قۇتتىقتاۋعا شوعىرلاندىرىپ، جۇڭگو كوممۋنيستىك پارتياسىنىڭ پارتيا تاريحىن ءتۇيىن ەتكەن «4 تاريح» تاربيەسىن ىشكەرىلەي ورىستەتىپ، قالىڭ ساياسي كەڭەس مۇشەلەرىن «ەكىنى تۇراقتاندىرۋدىڭ» شەشۋشى ءمانىن تەرەڭ تۇسىنۋگە، «ەكىنى قورعاۋدىڭ» ساياسي سانالىلىعىن، يدەيالىق سانالىلىعىن، ارەكەت سانالىلىعىن كۇشەيتۋگە جەتەكتەپ، ورتاق يدەيالىق - ساياسي نەگىزدى بەكەمدەدى. ەكىنشى، ساپالى دامۋدى ىلگەرىلەتۋ، حالىق تۇرمىسىن قامتاماسىزداندىرۋ جانە جاقسارتۋ، ەكولوگيالىق وركەنيەت قۇرىلىسىن ىلگەرىلەتۋ، جوعارى دەڭگەيلى سىرتقا ەسىك اشۋدى كەڭەيتۋ سياقتىلاردى ارقاۋ ەتە وتىرىپ، ۇكىمەت ءىسىن كەڭەسىپ، اقىل - كەڭەس بەرىپ، «14 - بەسجىلدىقتىڭ» تاماشا باستاماسىنا دەم بەردى. ءۇشىنشى، ساياسي كەڭەستىڭ كەڭەس مازمۇنىن بايىتىپ، ارناۋلى كوميتەتتەردىڭ نەگىزدىك رولىن كۇشەيتىپ، ماماندار كەڭەس قوعامىن قۇرىپ، كەڭەسۋ ۇلگىسىندەگى باقىلاۋ ەرەكشەلىگىن كورنەكتىلەندىرىپ، مۇشەلەردىڭ دەربەس تەكسەرۋ - زەرتتەۋ جۇرگىزۋ ابزالدىعىن ساۋلەلەندىرىپ، قوعام جاعدايى مەن حالىق رايى ينفورماتسياسىن اڭىس ەتۋ ارناسىن كەڭەيتىپ، ارناۋلى كەڭەس قۇرىلىمىنىڭ ونىمدىلىگىن اناعۇرلىم ويداعىداي ساۋلەلەندىردى. ءتورتىنشى، ىنتىماق، دوستىق دانەكەرىن كەمەلدەندىرىپ، سىرلاسۋ، اڭگىمەلەسۋ، مۇشەلەردىڭ ۇگىت - لەكسياسى سياقتى قىزمەتتەردى بەلسەنە ورىستەتىپ، ىندەتتەن ساقتانۋ - تىزگىندەۋدى ۇدايىلاندىرۋ شارت - جاعدايىندا سىرتپەن بارىس - كەلىس جاساۋ قىزمەتىن ويداعىداي ىستەپ، شينحاي توڭكەرىسىنىڭ 110 جىلدىعىن ەسكە ءتۇسىرۋ جينالىسىن ءساتتى وتكىزىپ، اقىل - پاراسات پەن كۇش - قۋاتتى كەڭىنەن توپتادى. بەسىنشى، ساياسي كەڭەستىڭ وزىندىك قۇرىلىسىن كۇشەيتىپ، مىندەت اتقارۋ ونىمدىلىگىن شىنايى جوعارىلاتتى.
ۋاڭ ياڭ مىنالاردى دارىپتەدى: 2022 - جىلى حالىق ساياسي كەڭەسى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، ورتالىقتىڭ ساياسي كەڭەس قىزمەتى جونىندەگى ءماجىلىسىنىڭ رۋحىن مۇقيات تياناقتاندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى ارناسىنان جازباي، ىنتىماق جانە دەموكراتيا سىندى ەكى ۇلكەن تاقىرىپتا تاباندى بولىپ، اقىل - كەڭەس بەرۋگە جانە ورتاق تانىم ۇيىستىرۋعا بىردەي كۇش سالۋدا تاباندى بولىپ، ج ك پ 20 - قۇرىلتايىن قارسى الۋدى، ج ك پ 20 - قۇرىلتايىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى تۇتاس جىلداعى كەلەلى ساياسي مىندەت ەتىپ، يدەيالىق جاقتان جەتەكشىلىك ەتۋ، كۇش - قۋاتتى توپتاۋ، ۇكىمەت ءىسىن كەڭەسۋ، ۇسىنىس بەرۋ، جالپى جاعدايعا قىزمەت وتەۋ قاتارلىلاردى مۇقيات جاقسى ىستەپ، ورنىقتى، اقاۋسىز ەكونوميكالىق ورتانى، ەل امان، جۇرت تىنىش قوعامدىق ورتانى، ستيلى پاك، سالتى دۇرىس ساياسي ورتانى ساقتاۋعا ۇلەس قوسۋ كەرەك.
ۋاڭ ياڭ مىنالاردى دارىپتەدى: حالىق ساياسي كەڭەسى ىنتىماقتان تۋىنداعان، ىنتىماق ارقىلى ءومىر سۇرەدى، ىنتىماق ارقىلى گۇلدەنەدى، بۇل − ۇلى ىنتىماق پەن ۇلى بىرلىكتىڭ سيمۆولى. جۇڭحۋا ۇلاندارىنىڭ ۇلى ىنتىماعىن كۇشەيتۋ − جاڭا داۋىردەگى حالىق ساياسي كەڭەسىنىڭ تاريحي جاۋاپكەرلىگى ەكەنىن جەتە تانىپ، بىردەيلىك پەن الۋان تۇرلىلىكتىڭ بىرلىگىنەن اۋىتقىماي، ءتۇزىم ابزالدىعىنان ۇتىمدى پايدالانىپ، ەڭ ۇلكەن ورتاقتىقتى قاراستىرىپ، ەڭ ۇلكەن سەنترلەس شەڭبەر سىزىپ، اناعۇرلىم كوپ ادامدى جۇڭگو كوممۋنيستىك پارتياسىنىڭ توڭىرەگىنە ىنتىماقتاستىرىپ، اناعۇرلىم كوپ كۇش - قۋاتتى گۇلدەنۋ ۇلى ىسىنە بىرگە تالپىنۋدىڭ تاريحي بارىسىنا توپتاۋ كەرەك. حالىق ساياسي كەڭەسىنىڭ كەڭەسۋ ابزالدىعىن اناعۇرلىم ويداعىداي ساۋلەلەندىرىپ، ءبىر نيەت، ءبىر تىلەكپەن شىنايى كەڭەسۋ ارقىلى مۇشەلەردى ەكونوميكالىق، قوعامدىق دامۋ جاعدايىنا دۇرىس مامىلە جاساۋعا جەتەكتەپ، پارتيانىڭ باعىت - ساياساتتارىن اناعۇرلىم ويداعىداي ءتۇسىنىپ جانە تياناقتاندىرىپ، كوڭىل كۇيدى دۇرىستاۋ، مەجەگە جەتەكشىلىك ەتۋ، سەنىمدى بەكەمدەۋ قىزمەتىن دالمە - ءدال، ءونىمدى، ويداعىداي ىستەپ، كەڭەسۋ ارقىلى ورتاق تانىم قالىپتاستىرىپ، ورتاق تانىم ارقىلى ىنتىماقتى بەكەمدەۋ كەرەك. ىنتىماقتاسۋ ءۇشىن ۇيىتقى بولۋ كەرەك، بەرەكە - بىرلىك بولعاندا عانا، جۇدىرىقتاي جۇمىلۋعا بولادى. جۇڭگو كوممۋنيستىك پارتياسىنىڭ جۇڭحۋا ۇلاندارىنىڭ ۇلى ىنتىماعىنىڭ ۇيىتقىسى بولۋى − تاريحتىڭ تالعامى، حالىقتىڭ تالعامى. حالىق ساياسي كەڭەسى جۇڭگو كوممۋنيستىك پارتياسىنىڭ باسشىلىعىندا، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولىپ، پارتيا تۋى استىندا وتانشىلدىق بىرلىكساپتى بەكەمدەپ جانە كەڭەيتىپ، جۇڭگو حالقى مەن ەل ءىشى - سىرتىنداعى جۇڭحۋا ۇلاندارىنىڭ اقىل - پاراساتىن، كۇش - قۋاتىن ءونىمدى شوعىرلاندىرىپ، شىنايى، كەڭ كولەمدى، تىعىز ۇلى ىنتىماق قالىپتاستىرۋى كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى ليۋ شينچىڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە ساياسي كەڭەس 13 - كەزەكتى كوميتەتىنىڭ 4 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ساياسي كەڭەس مۇشەلەرى، ساياسي كەڭەسكە قاتىناسۋشى ورىندار ءبىرىنشى 100 جىلدىق كۇرەس نىساناسىن، «14 – بەسجىلدىقتىڭ» باستاماسىن جانە حالىق بۇقاراسى جاپپاي كوڭىل ءبولىپ وتىرعان قولامتالى، قيىن ماسەلەلەردى تىعىز ارقاۋ ەتىپ، 6 مىڭ 117 ۇسىنىس جوبا ۇسىندى، 5 مىڭ 39 ۇسىنىس جوبا ەستەلىككە الىندى، ءبىر جاقتى ەتىلىپ، جاۋاپ قايتارىلۋ شاماسى %99.8 بولدى. ۇسىنىستاردى ءبىر جاقتى ەتۋگە تاپسىرۋ مەحانيزمىن اقاۋسىزداندىرۋ ءۇشىن، ۇسىنىستاردى ورىنداۋشى ورىندار ساياسي كەڭەستىڭ ۇسىنىس جوبالارىن ءبىر جاقتى ەتۋگە ايرىقشا ءمان بەرىپ، ۇيىمدىق باسشىلىقتى كۇشەيتىپ، ۇسىنىس جوبالاردى ءبىر جاقتى ەتۋ كەڭەسىن ىشكەرىلەي جۇرگىزىپ، ءبىر جاقتى ەتۋ ساپاسىن اناعۇرلىم جوعارىلاتتى. ۇسىنىس جوبادا العا قويىلعان ۇسىنىس - پىكىرلەر پارتيا مەن مەملەكەتتىڭ شەشىم جاساۋىنا قىزمەت وتەۋگە، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋعا، ءتۇرلى ىستەردىڭ العا باسۋىن جەبەۋگە ۇلەس قوستى.
ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا ءتوراعالار مىنبەسىنەن ورىن الدى.
ج ك پ ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار ۇسىنىس بويىنشا اشىلۋ ماجىلىسىنە سىرتتاي قاتىناستى. شەت ەلدەردىڭ جۇڭگوداعى ەلشىلەرى قاتارلىلار ۇسىنىس بويىنشا اشىلۋ ماجىلىسىنە قاتىناستى.
كەلۋ قاينارى: حالىق تورابى
 |
مەملەكەتتىك ساياسي كەڭەستىڭ ءتوراعاسى ۋاڭ ياڭ ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى. سۋرەتتى «حالىق گازەتىنىڭ» ءتىلشىسى لي شىڭ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
