شينجياڭ سيىر، قوي شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ تەحنيكا جۇيەسىن قۇرادى
2022.03.28 15:10 كەلۋ قاينارى : حالىق تورابى
شينجياڭ گازەتىنىڭ 3 - ايدىڭ 26 - كۇنى ۇرىمجىدەن بەرگەن حابارى. شينجياڭ مال شارۋاشىلىعى عىلىم اكادەمياسىنان ۇعىسۋعا قاراعاندا، شينجياڭ ۇيعۇر اۆتونوميالى رايوننىڭ «14 - بەسجىلدىق» كەزىندەگى كەلەلى عىلىم - تەحنيكا ارناۋلى نىسانى «شينجياڭ سويىس سيىر، سويىس قوي جوعارى ءونىمدى ءوندىرىسى مەن ونىمدەردى وڭدەۋ تەحنيكاسىن جيناقتاۋ، جاڭالىق اشۋ جانە ودان ۇلگى كورسەتۋى» تاياۋدا باستالعان. «14 - بەسجىلدىق» مەزگىلىندە شينجياڭداعى عىلىمي زەرتتەۋ قىزمەتكەرلەرى سويىس سيىر، سويىس قويدىڭ جوعارى ءونىمدى وندىرىسىنە قاراتا وندىرىستەن، تاربيەلەۋدەن، زەرتتەۋدەن بىرلەسىپ قامال الىپ، شينجياڭعا ۇيلەسەتىن سيىر، قوي شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ تەحنيكا جۇيەسىن قۇرىپ، جەرگىلىكتى ورىن ەرەكشەلىگىنە يە سيىر، قوي ەتى جەلىلەس ماركالارىن تۇلعالاپ، باعىمشىلىق، وڭدەۋ كاسىپ سالاسىنىڭ ءۇرتىس اقاۋسىز دامۋىن جەبەيدى.
«شينجياڭ سويىس سيىر، سويىس قوي جوعارى ءونىمدى ءوندىرىسى مەن ونىمدەردى وڭدەۋ تەحنيكاسىن جيناقتاۋ، جاڭالىق اشۋ جانە ودان ۇلگى كورسەتۋ» نىسانىن شينجياڭ مال شارۋاشىلىعى عىلىم اكادەمياسىنىڭ مال شارۋاشىلىعىن زەرتتەۋ ورنى باستاماشى بولىپ، جۇڭگو اۋىل شارۋاشىلىعى عىلىم اكادەمياسى بەيجيڭ مال شارۋاشىلىعى مال شيپاگەرلىگىن زەرتتەۋ ورنى سياقتى 14 ورىنمەن بىرلەسىپ ءوتىنىش ەتكەن، نىساندى اتقارۋ ۋاقىتى 5 جىل، نىسان قۇرۋ قارجىسى 22 ميلليون يۋان.
وسى نىسان سويىس سيىرىن جوعارى ونىمدە اقاۋسىز جەمدەۋ تەحنيكاسىن جيناقتاۋ، زەرتتەۋ جانە ودان ۇلگى كورسەتۋ، سويىس قويدى جوعارى ونىمدە جەمدەۋ كەشەندى، سايكەستى تەحنيكاسىن جيناقتاۋ جانە ودان ۇلگى كورسەتۋ، سيىر، قويدى سويۋ، وڭدەۋ شەشۋشى تەحنيكاسىن جيناقتاۋ جانە ودان كاسىپ سالالاندىرىپ ۇلگى كورسەتۋ مەن سويىس قويدى دالمە - ءدال جەمدەۋ جانە جاس كۇيىندە ساقتاۋ - تاسۋ جانە كەشەندى پايدالانۋ شەشۋشى تەحنيكاسىن جيناقتاۋ جانە ودان ۇلگى كورسەتۋ سىندى 4 تاقىرىپ توڭىرەگىندە زەرتتەۋ جۇرگىزەدى.
نىساندى اتقارۋ مەزگىلىندە عىلىمي زەرتتەۋشىلەر سويىس سيىر جەم - شوبىنەن جوعارى ونىمدە پايدالانۋ تەحنيكاسى، جەم بايلىعىن وڭدەۋ - ساقتاۋ تەحنيكاسى، جوعارى سورتتى سيىر ەتىن حاۋىپسىز ءوندىرۋ تەحنيكاسى، كوپ ءتولدى سويىس قويدىڭ ساپاسىن جوعارىلاتىپ، ونىمدىلىگىن ارتتىرۋدىڭ جيناقتالعان شەشۋشى تەحنيكا جۇيەسى سياقتىلاردى زەرتتەپ اشادى؛ سونىمەن بىرگە، شينجياڭعا ۇيلەسەتىن كاسىپ سالاسىىنىڭ كىرىسىن ارتتىرۋدا بىرلەسىپ ارەكەتتەنەتىن، جوعارى سورتتى ەت ونىمدەرىنىڭ ساپاسى مەن ونىمدىلىگىن ەسەلەپ ارتتىراتىن، ەگۋ، باعۋ، جايۋ اينالىمى ءبىر تۇلعالاندىرىلعان 3 ءتۇرلى ءوندىرىس ۇلگىسىن قۇرادى؛ 3 سويىس سيىر ۇلگى بازاسىن، 2 سويىس قوي ۇلگى بازاسىن، 3 سيىر ىندەتىنەن ساقتانۋ - تىزگىندەۋ تەحنيكاسىنان ۇلگى كورسەتۋ بازاسىن قۇرىپ، 50 مىڭ سيىردى ىندەتتەن ساقتانۋ - تىزگىندەۋ تەحنيكاسىن جيناقتاۋ، ۇلگى كورسەتۋ، ىقپال جاساۋ كولەمىنە ەنگىزىپ، وزەكتى رايونداعى سيىر اۋرۋىنان تۋاتىن زياندى %10 تومەندەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
